Элевит Пронаталь таблетки

Бір таблетканың құрамында белсенді заттар: А дәрумені (ретинол пальмитаты) – 3600 ХБ, В1 дәрумені (тиамин гидрохлориді) – 1,6 мг, В2 дәрумені (рибофлавин) – 1,8 мг, РР дәрумені (никотинамид) – 19 мг, В5 дәрумені (кальций пантотенаты) – 10 мг, В6 дәрумені (пиридоксин гидрохлориді) – 2,6 мг, биотин – 200 мкг, В9 дәрумені (фолий қышқылы) – 0,8 мг, В12 дәрумені (цианокобаламин) – 4 мкг, С дәрумені (аскорбин қышқылы) – 100 мг, D3 дәрумені (холекальциферол) – 500 ХБ, Е дәрумені (α-токоферол ацетаты) – 15 мг, кальций (сусыз кальций гидрофосфаты, кальций пантотенаты, кальций аскорбаты дигидраты түрінде) – 125 мг, мыс (сусыз мыс сульфаты түрінде) – 1 мг, темір (темір фумараты түрінде) – 60 мг, магний (жеңіл магний тотығы, магний гидрофосфаты тригидраты, магний стеараты түрінде) – 100 мг, марганец (марганец сульфаты моногидраты түрінде) – 1 мг, фосфор (сусыз кальций гидрофосфаты, магний гидрофосфаты тригидраты түрінде) – 125 мг, мырыш (мырыш сульфаты моногидраты түрінде) – 7,5 мг; қосымша заттар: лактоза моногидраты, маннитол, макрогол 400, микрокристалды целлюлоза, натрий крахмалы гликоляты, магний стеараты, повидон К90, гипромеллоза, этилцеллюлоза сулы дисперсиясы, макрогол 6000, тальк, титанның қостотығы (Е 171), темірдің сары тотығы (Е 172). Сыртқы түрінің, иісінің, дәмінің сипаттамасы Таблетканың бір жағында сындыру сызығы бар, сұрғылттау-сары түсті, екі беті дөңес, ұзынша, үлбірлі қабықпен қапталған таблеткалар.

– жүктілікті жоспарлаған кезде, жүктілік кезеңінде және бала емізу кезеңінде гиповитаминоздың, авитаминоздың, минералды заттар жеткіліксіздігі профилактикасында және емдеуде – жүйке түтікшелері ақауының даму қаупін төмендетуде – жүктілік кезінде темір тапшылығы анемиясының және фолий қышқылының тапшылығымен байланысты анемия профилактикасы

Ас қорыту жолы және зат алмасу. Дәрумендер. Мультидәрумендер, біріктірілімдері. Минералдары бар мультидәрумендер. Мультидәрумендер және басқа минералдар, біріктірілімдерін қоса. АТХ коды A11AA03 Фармакодинамикалық әсерлері: Элевит® Пронаталь құрамында минералдар және микроэлементтермен біріктірілімдегі дәрумендер бар мультидәруменді/мультиминералды препарат болып табылады, ол микроэлементтер мен дәрумендердің шарана үшін де, жүкті әйел үшін де талапқа сай түсуін қамтамасыз ету үшін арнайы әзірленген. Жүктіліктің алдындағы кезеңде және жүктілік кезінде Элевит® Пронаталь жүктіліктің қалыпты өтуі үшін қажетті дәрумендер мен макро- және микроэлементтерге деген қажеттіліктің орнын толтырады. Темір жүкті әйелдегі анемияның дамуын болғызбайды, Элевит® Пронаталь препаратын қабылдау кезінде темірмен қосымша ем қажет емес. Құрамында фолий қышқылы бар Элевит® Пронаталь препаратын ұрықтануға дейін қабылдау, жүйке түтігі ақауларын (омыртқа доғаларының бітіспеуі, миеломенингоцеле, энцефалоцеле, анэнцефалия) қоса алғанда туа біткен ақаулардың даму қаупін төмендетеді, сондай-ақ басқа ақаулардың (мысалы, жүрек-қантамыр жүйесінің, несеп шығару жолдарының, аяқ-қолдың қысқаруы) қаупін азайтады. Элевит Пронаталь бала емізу кезеңінде екі-үш ай бойы қабылданады.

Дозалау режимі Күніне бір таблеткадан мүмкіндігінше таңғы ас кезінде стақан сумен қабылдайды. Таңертең жүрек айныған жағдайда таблетканы түсте немесе кешке қабылдау керек. Қолданар алдында дәрігермен кеңесу керек. Препараттың ұсынылған дозасы асырылмауы тиіс. Егер жүктілік ұзақ уақыт бойы болмаса, екі-үш айдан кейін дозаны екі есе азайтуға болады (жарты таблетка немесе күнара бір таблетка). Пациенттердің ерекше топтары Элевит Пронаталь жүктілікке дейін, жүктілік кезінде және одан кейін қолдануға арналған, сондықтан балаларға, жасөспірімдерге және қарт адамдарға арналған дозалау бойынша арнайы нұсқаулар қажет емес. Бауыр жеткіліксіздігі бар пациенттер үшін препаратты дәрігердің қадағалауымен сақтықпен қабылдау керек. Енгізу әдісі және жолы Пероральді. Қабылдау уақытын көрсете отырып қолдану жиілігі Күніне бір таблеткадан, дұрысы таңғы ас кезінде қабылдайды. Таңертең жүрек айныған жағдайда таблетканы күндіз немесе кешке қабылдау керек. Кешкі ас кезінде қабылдауға болады, бірақ тиімсіздеу болады. Емдеу ұзақтығы Қабылдау ұзақтығы ұрықтандыруға дейін (жүктілікті жоспарлау кезінде), жүктілік кезінде және бала емізу кезеңінде бір айды құрайды. Жүйке түтікшесі ақауларының даму қаупін төмендету үшін Элевит Пронаталь препаратын жүктілікті жоспарлауға дейін кемінде бір ай қабылдау ұсынылады, егер 2-3 айдан кейін жүктілік болмаса, дозасы жартысына дейін (таблетканың жартысы немесе бір таблеткадан күнара) азайтылуы мүмкін. Элевит® Пронаталды тек жүктілік және бала емізу кезінде ғана емес, одан кейін де 2-3 ай бойы қабылдаңыз. Бұл шара, егер сіз келесі жүктілікті болдырмау үшін оральді контрацептивтерді пайдалануды жоспарлаған болсаңыз, өте маңызды. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер «Қолдану тәсілі бойынша сұрақ туындаған жағдайда медицина қызметкеріне хабарласыңыз».

- препараттың белсенді затына немесе препараттың қосымша заттарына аса жоғары сезімталдық. – А және/немесе D гипервитаминозы – А дәруменімен емдеу курсынан немесе изотретиноин мен этретинаттың синтетикалық изомерлерімен емдеу курсынан өткен пациенттер. Бета-каротин А дәруменінің көзі ретінде қарастырылады - тұқым қуалайтын галактоза жақпаушылығы, галактоземиясы немесе глюкозогалактоза мальабсорбциясы бар адамдарға – бүйректің айқын жеткіліксіздігі – гиперкальциемия – айқын гиперкальциурия – темір мен мыс алмасуының бұзылуы.

Жиі: жүректің айнуы, іш қату, темірдің бөлінуіне байланысты нәжіс түсінің өзгеруі. Жиі емес: бас ауыру, іштің ауыруы, диспепсия, құсу, диарея, тіс түсінің қайтымды өзгеруі. Сирек: несептің сары түске боялуы препарат құрамында В2 дәруменінің болуына байланысты. Өте сирек: аллергиялық реакциялар, есекжем, қышыну, экзантема, жергілікті тері реакциялары, демікпе (тұншығу ұстамалары), аналық бездер гиперстимуляциясы (гиперстимуляция туындаған кезде Элевит® Пронаталь препаратын кешке қабылдамау ұсынылады). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ұсынылатын дозалардың шамадан тыс артуы жағдайында бас ауруы, мазасыздық, жүрек айнуы, құсу, үлкен дәреттің бұзылуы сияқты жағымсыз әсерлердің күшеюі мүмкін. Емі: симптоматикалық.

Басқа дәрумендерді/полидәрумендерді қабылдайтын немесе қандай да бір басқа ем алатын пациенттер препаратты қабылдаудың алдында дәрігермен кеңесуі тиіс. Элевит Пронатальды жоғары дозада ұзақ уақыт бойы қабылдауға болмайды, көрсетілген дозадан асырмаңыз. Арнайы сақтандырулар • Кальций, С дәрумені немесе D дәрумені тастардың түзілуіне әсер етуі мүмкін болғандықтан, бүйректе немесе қуықта тастары бар пациенттерге дәрумендік қоспаларды қабылдағанда сақ болу қажет. • Құрамында кальций, магний, темір, мыс немесе мырыш бар Элевит Пронаталь таблеткаларын келесі: асқазан сөлін бейтараптандыратын немесе қышқылдығын төмендететін дәрілермен, антибиотиктермен, Паркинсон ауруын емдеуге арналған дәрілермен (леводопа), остеопороз немесе сүйек пен кальций алмасуына байланысты ауруларды емдеуге арналған препараттармен, Вильсон ауруын немесе ауыр металдармен улануды емдеуге арналған дәрілермен, қалқанша без гормондарын қамтитын дәрілермен, жүректің соғу күшін арттыратын дәрілермен, вирусқа қарсы немесе несеп айдайтын препараттармен бірге қабылдауға болады. Аталған препараттармен бір мезгілде қабылдау қажет болған жағдайда, 2–3 сағаттық аралықты сақтау керек. • Егер Сізге зертханалық тексерулерден өту қажет болса және Сіз биотин қабылдап жүрсеңіз, бұл туралы дәрігеріңізге міндетті түрде хабарлаңыз. Биотин талдау нәтижелеріне әсер етуі мүмкін. Егер Сізде басқа аурулар, соның ішінде аллергия болса немесе басқа дәрі-дәрмектерді (соның ішінде өзіңіз сатып алған) қабылдап жатсаңыз немесе қолдансаңыз, дәрігерге немесе фармацевтке хабарлаңыз! Препараттың құрамында лактоза бар, галактоза көтере алмаушылығы, лактоза жеткіліксіздігі немесе глюкоза-галактоза сіңуі бұзылған кезінде ескеру қажет.

Препарат жүктілік пен бала емізу кезінде қолданылады; алайда ұсынылатын күнделікті дозадан асырылмауы тиіс. Элевит Пронаталь препаратының бір таблеткасы құрамында А дәруменінің тәуліктік нормаға сәйкес келетін мөлшері бар. А дәруменіне (негізінен бауырда, бауыр өнімдерінде, ірімшікте және жұмыртқада болатын) күнделікті қажеттілік теңгерімді диетамен қамтамасыз етілуі немесе одан жоғары болуы мүмкін. Жүктілік кезінде А дәруменінің жоғары дозасын (10 000 ХБ/тәул/ артық) қабылдау болашақ балада даму ақаулары қаупін арттыруы мүмкін. Сондықтан бірінші триместрдегі жүкті әйелдер және жүктілікті жоспарлайтын әйелдер А дәруменінің күнделікті 10 000 ХБ дозасын арттырмауы тиіс. D дәруменінің ұзақ уақыт бойы артық дозада қабылдануы болашақ бала үшін қауіпті болуы мүмкін. Элевит Пронаталь құрамындағы дәрумендер мен минералдар ана сүтіне өтеді. Егер нәрестеге қосымша тағамдық қоспалар берілсе, бұл жағдай ескерілуі керек. Сақтық шарасы ретінде, жүктілік пен емізу кезеңінде препараттарды қабылдаудан бас тарту немесе дәрігермен не фармацевтпен кеңесу ұсынылады. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ықпалын тигізбейді.

Препарат құрамында темір бар, сондықтан ішекте тетрациклиндер тобы антибиотиктерінің сіңуін кідіртеді, бұл антибиотик пен темірдің сарысулық концентрациясының төмендеуіне әкеледі. Егер осы препараттарды бір уақытта қолдану қажет болса, онда пациенттер тетрациклинді препаратты қабылдауға дейін екі сағат бұрын немесе кейін қабылдауы тиіс. Фолий қышқылының жоғары дозалары карбамазепин, фенитоин, примидон және барбитураттар сияқты эпилепсияға қарсы/құрысуға қарсы дәрілердің әсерін төмендетуге ықпал етуі мүмкін. Темірдің сіңуі антацидтермен: асқазан қышқылдығын басатын препараттармен, фторхинолондармен, бисфосфонаттармен, леводопамен, левотироксинмен қатар қабылдағанда азаюы мүмкін. Егер осы препараттардың бірін біреуімен бір мезгілде пайдалану қажет болса, оларды бір-бірінен бөлек, 2-3 сағаттан кейін қабылдау керек.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары 25 С-ден аспайтын температурада сақтау керек. Балалардың қолы жетпейтін жерде сақтау керек!