Элика-М крем

1 грамм кремнің құрамында белсенді заттар: мометазон фуроаты 1.0 мг, миконазол нитраты 20.0 мг қосымша заттар: цетомакрогал-1000, цетостеарил спирті, хлоркрезол, ақ вазелин, сұйық парафин (вазелин майы), пропиленгликоль, натрий дигидрофосфат дигидраты, сусыз лимон қышқылы, тазартылған су. Сыртқы түрінің, иісінің, дәмінің сипаттамасы Бөгде қоспаларсыз, жұмсақ консистенциялы, ақ немесе ақ дерлік біртекті крем.

- қабынулы және аллергиялық дерматоздар - псориаз, атопиялық дерматит - себореялық дерматит - Trichophyton (оның ішінде Т. rubrum, T. mentagrophytes, T. verrucosum, T. violaceum), Epidermophyton floccosum, Microsporum canis сияқты дерматофиттерден туындаған терінің зең инфекциялары - тері кандидозы - Pityrosporum orbiculare (Malassezia furfur) туындаған кебек тәрізді (түрлі-түсті) теміреткі (Pityriasis versicolor), - онихомикоз - тері мен тырнақтың аралас зеңді-бактериялық зақымдануы.

Препараттың фармакодинамикалық әсері оның белсенді компоненті - мометазон фуроатымен тікелей байланысты. Мометазон фуроаты сыртқа қолдануға арналған басқа кортикостероидтар сияқты қабынуға қарсы, қышынуға қарсы, тамыр тарылтатын әсерге ие. Әсер ету механизмі Жергілікті стероидтардың қабынуға қарсы механизмі жалпы анықталмаған. Алайда, кортикостероидтар липокортиндер деп аталатын А2 фосфолипаза протеиндерін тежеуді белсендіру арқылы әсер етеді деп болжанады. Арахидон қышқылының босап шығуын басу арқылы простагландиндер мен лейкотриендер сияқты қабынудың белсенді медиаторларының биосинтезін осы протеиндер бақылайды деп болжанады. Арахидон қышқылы А2 фосфолипазасы арқылы фосфолипид жарғақшасынан босап шығады. Мометазон фуроаты in vitro жағдайында қабыну жағдайын көтермелеуге және демеуге қатысатын үш қабыну цитокиндерін: интерлейкин 1 (IL-1), интерлейкин 6 (IL - 6) және ісік некрозының факторы – – α (TNF-α) өндірудің кошті әсер ететін тежегіші болып табылады. Миконазол жасуша қабырғасы мен зеңдердің плазмалық жарғақшаларының құрамына кіретін эргостеролдың биосинтезін тежейді және зең жасушасының қырылуына әкеле отырып, жарғақшаның липидтік құрамын және жасуша қабырғасының өткізгіштігін өзгертеді. Миконазол дерматофиттердің, Trichophyton, Epidermophyton көптеген түрлерінің, Candida, Microsporum, Aspergillus, Cryptococcus, Malassezia furfur тектес зеңдерінің өсуін тежейді. Миконазол сондай-ақ, кейбір грам-оң бактерияларға (стафилококктар мен стрептококктар) қатысты тиімді.

Дозалау режимі Препарат тәулігіне 2 рет, таңертең және кешке қолданылады. Курс симптомдар толық басылғанға дейін және қайталанудың алдын алу үшін әрі қарай бірнеше күн бойы жалғасады. Емнің ұзақтығы зақымданудың көлемі мен орналасуына, сондай-ақ пациенттің реакциясына байланысты. Енгізу әдісі және жолы Сыртқа қолданылады. Кремді сабынмен жуылған және мұқият кептірілген зақымданған аймақтағы теріге жұқа қабатпен жағады және аздап ысқылайды. Қабылдау уақытын көрсете отырып қолдану жиілігі Препарат тәулігіне 2 рет, таңертең және кешке қолданылады.

• препараттың белсенді заттарына немесе препараттың қосымша заттарына немесе басқа кортикостероидтарға жоғары сезімталдық • тері туберкулезі, мерездің терілік көріністері, желшешек, қарапайым герпес • вакцинация кезеңі, вакцинациядан кейінгі тері реакциялары • жүктілік, лактация кезеңі • 2 жасқа дейінгі балалар. Элика-М жараларда немесе ойық жаралармен жабылған теріде қолдануға болмайды.

Өте сирек • фолликулит • ашытып күйдіру және қышыну түріндегі жергілікті реакциялар Өте сирек/Жекелеген жағдайларда • бактериялық инфекциялар, фурункулез • парестезия • жанаспалы дерматит, терінің гипопигментациясы, гипертрихоз, тері стриясы, безеу тәрізді бөртулер, тері атрофиясы • ауырсыну және препаратты қолдану аумағындағы жергілікті реакциялар Жергілікті дерматологиялық кортикостероидтарды қолданудан болатын мынадай жергілікті жағымсыз реакциялардың пайда болуы туралы деректер бар: • терінің құрғауы және тітіркенуі • дерматит, периоральді дерматит • тері мацерациясы • баздану және телеангиоэктазиялар Белгісіз - бұлыңғыр көру Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жергілікті глюкокортикостероидтарды шамадан тыс немесе ұзақ қолдану гипофиз-бүйрек үсті безі жүйесі функциясының бәсеңдеуін туындатуы мүмкін, бұл бүйрек үсті безі қыртысының салдарлы жеткіліксіздігінің дамуына себеп болуы мүмкін. Шұғыл шаралар: симптоматикалық. Гиперкортицизмнің жедел симптомдары әдетте қайтымды. Қажет болған жағдайда, электролиттік теңгерімсіздікті түзету керек. Созылмалы уытты әсер ету жағдайында глюкокортикостероидтарды біртіндеп тоқтату ұсынылады.

• ГКС жүйелік әсерінің ықтимал дамуын ескере отырып, Элика-М препаратын окклюзиялық таңғыштың астында қолдануға, зақымданған терінің ауқымды аумағында, бет терісі және тері қатпарларында ұзақ уақыт қолдануға тыйым салынады • бет терісі зақымданған науқастарда емдеу курсы 5 күннен аспауы керек • жасына қарамастан барлық пациенттерді ұзақ уақыт үздіксіз емдеуден аулақ болу керек • емді кенеттен тоқтатпаған жөн • жүйелі және жергілікті әсер ететін кортикостероидтарды қолданған кезде (интраназальді, ингаляциялық және көзішілік енгізуді қоса алғанда) көру қабілетінің бұзылуы пайда болуы мүмкін Арнайы сақтандырулар Жүйелік глюкокортикостероидтарды қолдану кезінде кездесетін кез келген жағымсыз әсерлер, бүйрек үсті безі қыртысы функциясының бәсеңдеуін қоса алғанда, глюкокортикостероидтарды, әсіресе балаларда жергілікті қолданған кезде байқалуы мүмкін. Егер емдеу дененің үлкен беткейлерінде немесе окклюзиялық таңғыштарды пайдалану кезінде жүргізілсе, жергілікті қолданған кезде глюкокортикостероидтардың жүйелі сіңірілуі жоғары болады. Элика-М кремін ашық жараларға немесе зақымданған теріге жақпау керек. Мұндай жағдайларда, әсіресе балаларды емдеу кезінде тиісті сақтық шараларын сақтау керек. Препаратты ұзақ уақыт қолданған кезде оны біртіндеп тоқтату ұсынылады. Педиатрияда қолдану Балаларға препарат екі жастан бастап қатаң көрсетілімдер және дәрігердің бақылауымен тағайындалады, себебі мометазонмен байланысты жүйелі жағымсыз әсерлер дамуы мүмкін. Глюкокортикостероидтардың негізінде жергілікті қолдануға арналған көптеген басқа препараттар сияқты Элика-М қолданған кезде ауқымды беткейлерде және/немесе окклюзиялық таңғышпен гипоталамус-гипофиз-бүйрек үсті безі жүйесі функциясының бәсеңдеуі болуы мүмкін, өсу гормоны экскрециясының төмендеуі, сондай-ақ бассүйекішілік қысымның жоғарылауы байқалуы мүмкін.

Элика-М препаратын жүктілік және лактация кезінде қолдану қауіпсіздігі зерттелмеген. ГКС плаценталық бөгет арқылы өтіп, емшек сүтіне экскрецияланады. Егер әйел үшін потенциалды пайдасы ана, шарана және бала үшін потенциалды қауіптен асқан жағдайда ғана, жүктілік және лактация кезінде глюкокортикостероидтарды тағайындауға болады. Шарананың дамуына теріс әсер ету қаупіне байланысты жүктілік кезінде ұзақ уақыт емделуден және үлкен дозаларды қолданудан аулақ болу керек. Дәрілік заттың көлік құралдарын және басқа қауіптілігі зор механизмдерді басқару қабілетіне әсер ету ерекшеліктері Элика-М препараты автокөлікті басқару немесе басқа механизмдермен жұмыс істеу кезінде реакция жылдамдығына әсерін тигізбейді.

Анықталмаған.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде 15 °С-ден 25 °С-ге дейінгі температурада сақтау керек. Балалардың қолы жетпейтін жерде сақтау керек!