Элкоцин таблетки 100 мг

Бір таблетканың құрамында белсенді зат: 100 мг ребамипид, қосымша заттар: микрокристалды целлюлоза, төмен алмастырылған гидроксипропилцеллюлоза, гидроксипропилцеллюлоза, магний стеараты, Қаптауға арналған қоспа: гипромеллоза, титанның қостотығы (Е 171), полиэтиленгликоль (макрогол). Сыртқы түрінің сипаттамасы Ақ, дөңгелек, екі беті де тегіс, екі жағы дөңес, үлбірлі қабықпен қапталған таблеткалар.

Асқазанның ойық жарасы, жедел гастрит, созылмалы гастриттің өршу кезеңі, асқазан шырышты қабығындағы патологиялық өзгерістер (эрозия, қан кету, гиперемия, ісіну).

Әсер ету механизмі Ребамипид асқазан сөлінде болатын E 2 және I 2 (PGE 2 және PGI 2) простагландиндерінің эндогендік құрамын арттырады, сондай-ақ асқазанның шырышты қабығындағы Е 2 (PGE 2) простагландин деңгейін жоғарылатады, бұл оны зақымдайтын факторлардан қорғауға ықпал етеді. Фармакодинамикалық әсерлері Ребамипид in vitro зерттеулерінде дәлелденген цитопротекторлық әсер береді, асқазанның шырышты қабығындағы қан айналымын жақсартады және жасушалардың пролиферациясын көтермелейді. Жоғары молекулалық гликопротеиндердің биосинтезін көтермелейтін ферменттер белсенділігінің артуына байланысты ребамипид асқазанның беткі шырышының мөлшерін арттырады. Ребамипид базальді және көтермеленген асқазан секрециясына әсер етпейді.

Дозалау режимі Асқазан ойық жарасы Ересектер – тәулігіне 3 рет 100 мг (1 таблетка) таңертең, күндіз және кешке. Жедел гастрит кезінде, созылмалы гастриттің өршу кезеңінде, асқазан шырышты қабығының патологиялық өзгерістерімен (эрозия, қан кету, гиперемия, ісіну) жай-күйді жақсарту үшін Ересектер – күніне 3 рет 100 мг (1 таблетка). Енгізу әдісі мен жолы Пероральді қолдану үшін. Емдеу ұзақтығы Емдеу курсы 2 - 4 апта, қажет болған жағдайда 8 аптаға дейін ұзартуға болады. Дәрілік препараттың бір немесе бірнеше дозасын өткізіп алған кездегі қажетті шаралар Бір дозаны қабылдауды өткізіп алған кезде белгіленген уақытта препараттың келесі дозасын қабылдау қажет, екі еселенген дозаны қабылдауға болмайды. Препаратты қолданар алдында дәрілік препаратты қолдану тәсілін түсіндіру үшін медициналық қызметкерден кеңес алуды ұсынамыз.

- ребамипидке немесе «Дәрілік препараттың құрамы» бөлімінде аталған препараттың кез келген басқа компоненттеріне жоғары сезімталдық, - асқазанның қатерлі аурулары.

Жиі емес • АсАТ, АлАТ, гаммаглутамилтрансфераза, СФ бауыр ферменттері деңгейінің жоғарылауы және бауыр функциясының басқа да бұзылуы • лейкопения • гранулоцитопения • терідегі бөртпе • қышыну • дәрілік типтегі экзема, басқа аллергиялық симптомдар • іш қату • іштің керуі мен толып кетуін сезіну • диарея • жүрек айнуы • құсу • қыжыл • іштің ауыруы • кекіру • дәм сезудің бұзылуы • әйелдерде етеккір оралымының бұзылуы • аса жоғары сезімталдық реакциялары • ісіну • мұрын-жұтқыншақта бөгде затты сезіну Белгісіз (қолда бар деректер негізінде бағалау мүмкін емес) • тромбоцитопения • сарғаю • есекжем • жансыздану • бас айналу • ұйқышылдық • шөлдеу • жөтел • тыныс алудың қиындауы • сүт бездерінің ісінуі және ауыруы • ерлердегі «әйел кеудесінің» дамуы (гинекомастия) • сүт бөліну индукциясы • мочевина деңгейінің жоғарылауы • қызба • үрейлену • ысынулар (кенеттен беттің қызаруы) • тілдің ұюы • жүрек қағуын сезіну Аллергия симптомдары пайда болған жағдайда препарат қабылдауды тоқтату қажет. Трансаминазалар деңгейінің елеулі жоғарылауы жағдайында немесе температураның бір мезгілде көтерілуі, бөртпе және басқа симптомдар пайда болған жағдайда препарат қабылдауды тоқтатып, жай-күйін жақсарту үшін шаралар қабылдау қажет. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары сипатталмаған. Жүрек айну, құсу, іш ауыру, диарея немесе іш қату, бас ауыруы, жағымсыз реакциялар көріністерінің күшеюі мүмкін. Артық дозаланған жағдайда асқазанды шаю және симптоматикалық ем тағайындалады. Арнайы антидоты жоқ.

Арнайы ескертулер Кейде лейкоциттер мен тромбоциттер санының төмендеуі байқалуы мүмкін. Нормадан ауытқу анықталған жағдайда препаратты қабылдауды тоқтату және пациенттің жағдайын жақсарту үшін тиісті шаралар жасау қажет. Кейде АсАТ, АлАТ, y-ГГТП, СФ (сілтілі фосфатаза) деңгейінің жоғарылауы және бауыр функциясының басқа бұзылуы, сарғаю байқалуы мүмкін. Мұндай реакциялар туындаған жағдайда тиісті тексеру жүргізу, нормадан ауытқулар анықталған жағдайда препаратты қабылдауды тоқтату және пациенттің жағдайын жақсарту үшін тиісті шаралар қабылдау қажет. Педиатрияда қолдану Препаратты балаларға тағайындауға болмайды, өйткені осы жас санатына қолдану бойынша зерттеулер жүргізілмеген. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ребамипидті қабылдаған кезде бас айналу, ұйқышылдық пайда болуы мүмкін. Мұндай жағдайларда автокөлік жүргізуден, механизмдермен жұмыс істеуден, сондай-ақ жоғары зейін қоюды және реакция жылдамдығын қажет ететін басқа да қызмет түрлерімен айналысудан бас тарту керек.

Жүктілік Жүктілік немесе лактация кезеңінде ребамипидті қолдану қауіпсіздігі дәлелденбегендіктен, препаратты қолдануға болмайды. Бала емізу Ребамипид емшек сүтіне өтетіндіктен, препаратты қолданғанда бала емізуді тоқтату керек.

Ребамипидті дәстүрлі антихеликобактериялық сызбалардың құрамында қолданған кезде дәстүрлі емнің тиімділігі артуы мүмкін. Басқа препараттармен өзара әрекеттесуі зерттелмеген.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °C -ден аспайтын температурада сақтау керек. Балалардың қолы жетпейтін жерде сақтау керек!