Эмерон гель 2 %

100 г гельдің құрамында белсенді зат - микрондалған нимесулид 2,00 г, қосымша заттар: диэтиленгликоль моноэтил эфирі, пропиленгликоль, метилпарагидроксибензоат, пропилпарагидроксибензоат, эдет қышқылы, ПЭГ-8 каприлді және капронды глицеридтер, карбомер, глицерол, сұйық парафин, ПЭГ/ППГ-18/6 диметикон, триэтаноламин, тазартылған су. Сыртқы түрінің, иісінің, дәмінің сипаттамасы Сүт түстес ақ-сарғыш гомогенді гель

- байламдардың созылуымен және жедел жарақаттық тендинитпен байланысты ауырсыну синдромы

Әсер ету механизмі Эмерон гелі сыртқа қолдануға арналған қабынуға қарсы стероидты емес препарат (ҚҚСП) болып табылады. Нимесулид - циклооксигеназа простагландиндерінің синтезі ферментінің тежегіші. Циклооксигеназа простагландиндер өндіреді, олардың кейбіреулері қабынуды дамытуға және қолдауға қатысады.

Дозалау режимі Гельді ауыратын жерге жұқа қабатпен жағып, толық сіңгенге дейін аздап уқалау керек, қолдану жиілігі күніне 2-3 рет. Қысатын киім кию ұсынылмайды. Процедураға дейін және кейін қолыңызды жуыңыз. Енгізу әдісі мен жолы Препарат тек сыртқа қолдануға арналған

- нимесулидке немесе препараттың кез келген басқа компонентіне аса жоғары сезімталдық - ацетилсалицил қышқылына немесе басқа да қабынуға қарсы стероидты емес препараттарға (анамнезінде) аллергиялық реакциялар (бронх түйілуі, ринит, есекжем) - гельді ашық жараларға немесе жергілікті инфекция болған жағдайда қолдану - сыртқа қолдануға арналған басқа дәрілік препараттармен бір мезгілде қолдану - 18 жасқа дейінгі балалар мен жасөспірімдер - жүктілік және лактация кезеңі.

Тері мен тері асты қабаттарының зақымдануы: Жиі - қышыну, эритема. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препарат сыртқы қолдануға арналған болғандықтан, оны дұрыс қолданған кезде жүйелік сіңу ықтималдығы және салдарынан артық дозалану өте аз.

Гельді қарқынды ысқылауға немесе оны окклюзиялық таңғыштардың астына жағуға болмайды. Арнайы ескертулер Эмерон гелін ашық жараларға немесе тұтастығы бұзылған теріге қолдануға болмайды. Препараттың көзге, ауыз қуысының, мұрынның шырышты қабаттарына, гениталий және анустық аумаққа (егер кездейсоқ жанасу болса, дереу сумен жуу керек) түсуінен аулақ болу керек. Препаратты ішке қолдануға болмайды. Гельді жаққаннан кейін қолыңызды жуу керек. Гельді жаққаннан кейін окклюзиялық таңғыш салуға болмайды. Жағымсыз реакциялардың қаупі қысқа мерзім ішінде ең аз дозаны қолдану арқылы төмендетілуі мүмкін. Препаратты асқазан-ішектен қан кету, белсенді немесе күдікті ойық жара ауыруы, бауыр және бүйрек жеткіліксіздігінің ауыр түрі, қан ұюының ауыр бұзылуы немесе ауыр/бақыланбайтын жүрек жеткіліксіздігі кезінде сақтықпен қолдану керек. Құрамында ҚҚСП бар сыртқа қолдануға арналған препараттарды қолданған кезде ашыту және ерекше жағдайларда фотодерматит пайда болуы мүмкін, сондықтан Эмерон гелін қолданған кезде сақ болу қажет. Фотосезімталдық реакцияларын болдырмау үшін препаратты қолдану кезеңінде тікелей күн сәулесінен және солярийге барудан аулақ болу керек. Оң динамика болмаған жағдайда немесе жағдайы нашарлаған кезде емдеуді тоқтатып, дәрігерге қаралу қажет. Басқа ҚҚСП-ға сезімталдығы жоғары пациенттерге Эмерон гелін қолдануға болмайды. Гель құрамында аллергиялық реакциялар тудыруы мүмкін (баяу типті болуы мүмкін) метилпарагидроксибензоат, пропилпарагидроксибензоат және терінің тітіркенуін тудыруы мүмкін пропиленгликоль бар. Педиатрияда қолдану 18 жасқа дейінгі балаларда препараттың қауіпсіздігі мен тиімділігі анықталмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Эмерон гелінің көлік жүргізу және қозғалмалы механизмдермен жұмыс істеу қабілетіне әсері туралы зерттеулер жүргізілген жоқ.

Жүкті әйелдерде немесе емшек сүтімен емізу кезінде Эмерон гелін жергілікті қолдану туралы деректер жоқ, сондықтан қажет болған жағдайларды қоспағанда, Эмерон гелін жүктілік кезінде немесе бала емізу кезінде қолдануға болмайды.

Жергілікті қолдануға арналған 3% нимесулид гелінің басқа дәрілік заттармен дәрілік өзара әрекеттесуі белгісіз және гельді сыртқа қолданғанда олар күтілмейді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!