Энап® таблетки 10 мг

Бір таблетканың құрамында белсенді зат – 5 мг, 10 мг немесе 20 мг эналаприл малеаты, қосымша заттар: 5 мг доза үшін: натрий гидрокарбонаты, лактоза моногидраты, жүгері крахмалы, гидроксипропилцеллюлоза, тальк, магний стеараты, 10 мг доза үшін: натрий гидрокарбонаты, лактоза моногидраты, жүгері крахмалы, тальк, магний стеараты, темірдің (III) қызыл тотығы (Е172), 20 мг доза үшін: натрий гидрокарбонаты, лактоза моногидраты, жүгері крахмалы, тальк, магний стеараты, темірдің (III) қызыл тотығы (Е172), темірдің (III) сары тотығы (Е172) Сыртқы түрінің, иісінің, дәмінің сипаттамасы Дөңгелек пішінді, жалпақ беткейлі, шеттері қиғашталған және бір жағында сызығы бар ақ түсті таблеткалар (5 мг доза үшін). Таблеткалар массасында және бетінде ақ түсті теңбілдері бар дөңгелек пішінді, жалпақ беткейлі, шеттері қиғашталған және бір жағында сызығы бар қызыл-қоңыр түсті таблеткалар (10 мг доза үшін). Таблеткалар массасында және бетінде ақ түсті теңбілдері бар дөңгелек пішінді, жалпақ беткейлі, шеттері қиғашталған және бір жағында сызығы бар ашық-қызғылт түсті таблеткалар (20 мг доза үшін).

• жоғары артериялық қысымды емдеу • созылмалы жүрек жеткіліксіздігін емдеу • сол жақ қарыншаның симптомсыз дисфункциясы (біріктірілген ем құрамында)

Әсер ету механизмі Энап малеин қышқылының және екі амин қышқылы L-аланин мен L-пролин туындысы – эналаприл тұзы түрінде болады. Ангиотензин өзгертуші фермент (АӨФ) ангиотензин I конверсиясын ангиотензин II тамыр тарылтатын түріне катализдейтін пептидил дипептидаза болып табылады. Сіңірілуден соң эналаприл АӨФ тежейтін эналаприлат түзілуімен гидролизденеді. АӨФ тежеліcі қан плазмасында ренин белсенділігінің артуына (ренин босап шығуының теріс кері байланысы механизмінің жойылуына орай) және альдостерон секрециясының төмендеуіне әкелетін ангиотензин II плазмалық деңгейінің төмендеуіне әкеледі. АӨФ II киназаға сәйкес. Осылайша, эналаприл вазодилатациялау әсері бар пептид - брадикининнің ыдырауын да бөгей алады. Фармакодинамикалық әсерлері Энаптың артериялық қысымды реттеуде маңызды рөл атқаратын ренин-ангиотензин-альдостерон жүйесін (РААЖ) бәсеңдету арқылы артериялық қысымды төмендететініне қарамастан, препарат тіпті ренині төмен артериялық гипертензиясы бар пациенттерде де артериялық қысымды түсіреді. Артериялық гипертензиясы бар пациенттерге Энап қолдану «тұрған» күйде де, жатқан қалыпта да жүректің жиырылу жиілігінің елеулі артуынсыз артериялық қысымның төмендеуіне әкеледі. Клиникалық тиімділігі және қауіпсіздігі Кейбір пациенттерде артериялық қысымды оңтайлы төмендетуге жету үшін бірнеше емдеу аптасы қажет болуы мүмкін. Энаппен емдеуді кенет тоқтату артериялық қысымның күрт көтерілуіне әкелмейді. АӨФ белсенділігін тиімді тежеу, әдетте, эналаприлді бір рет ішке қабылдаудан кейін 2-4 сағаттан соң дамиды. Гипотензиялық әсер ете бастауы, әдетте, 1 сағат ішінде болады, артериялық қысымды төмендетудің ең жоғары тиімділігі препаратты қабылдаудан кейін 4-6 сағаттан соң байқалады. Әсер ету ұзақтығы дозаға байланысты, бірақ ұсынылған дозаларды пайдаланғанда, гипотензиялық әсері мен гемодинамикалық тиімділіктері 24 сағат бойы сақталады. Алғашқы артериялық гипертензиясы бар пациенттерде артериялық қысымның түсіп кетуі жүрек лықсытудың ұлғаюымен әрі, іс жүзінде, жүректің жиырылу жиілігінің өзгеруінсіз шеткері артериялық кедергінің төмендеуімен қатар жүреді. Эналаприл енгізуден кейін бүйрек қан ағымы ұлғаяды, бірақ шумақтық сүзіліс жылдамдығы өзгеріссіз қалады. Натрий және су іркілісінің белгілері байқалмайды. Алайда, егер емдеуге дейін пациенттерде шумақтық сүзілудің төмен шамасы байқалса, онда ол әдетте артады. Диабеті бар, сондай-ақ диабеттен зардап шекпеген, бүйрек аурулары бар пациенттерде эналаприл қабылдаудан кейін альбуминурияның және IgG (иммуноглобулин) және жалпы несеп ақуызының несеппен экскрециялануының төмендеуі байқалады. Тиазидтік диуретиктермен біріктірілімде эналаприлдің артериялық қысымды төмендету әсері айқындау білінеді. Эналаприл диуретиктерден болатын гипокалиемия дамуын азайтуы немесе болдырмауы мүмкін. Дигиталис препараттарымен және диуретиктермен ем қабылдайтын жүрек жеткіліксіздігі бар пациенттерде эналаприлмен емдеу шеткері кедергіні және артериялық қысымды азайтады. Жүректің жиырылу жиілігі азайған уақытта (әдетте, жүрек жеткіліксіздігі бар пациенттерде жоғары) жүрек лықсытуы артады. Өкпеде капилляр қысымы төмендейді. Нью-Йорк кардиологиялық қауымдастығының нұсқаулары бойынша, эналаприлмен емдеу дене жүктемесіне төзімділікті арттырады, жүрек жеткіліксіздігінің белгілері мен ауырлық дәрежесін азайтады. Бұл әсерлер Энаппен ұзақ емдеу уақыты бойына жалғасады. Жүрек жеткіліксіздігі жеңіл немесе орташа пациенттерде Энап үдемелі жүрек дилатациясын/кеңеюі мен жеткіліксіздігін баяулатады (сол жақ қарынша лықсыту фракциясының, соңғы диастола және систола көлемдерінің азаюы және лықсыту фракциясының жақсаруы). Сол жақ қарынша дисфункциясы бар пациенттерде Энап негізгі ишемиялық оқиғалар қаупін, миокард инфарктісіне шалдығуды және тұрақсыз стенокардия салдарынан ауруханаға жату санын азайтады. Энап гипертензияға және церебральді тамырлардың созылмалы ауруына шалдыққан пациенттерде да ми қан айналымына да жайлы әсер көрсетеді. Екі ауқымды рандомизацияланған бақыланатын ONTARGET (Түпкілікті нәтиже алынғанша жалғасатын тек телмисартанмен және телмисартанды рамиприлмен біріктіріп емдеуді зерттеу) және VA NEPHRON-D (Ардагерлер істері жөніндегі АҚШ департаменті жүргізген диабет кезіндегі нефропатия зерттеуі) сынақтарында АӨФ тежегішін ангиотензин II рецепторлары блокаторымен біріктіріп қолдану зерттелді. ONTARGET зерттеуі анамнезінде жүрек-қантамырлық және цереброваскулярлық аурулары немесе нысана-мүшелердің зақымдану белгілерімен қатар жүретін 2 типті қант диабеті бар пациенттер арасында жүргізілді. VA NEPHRON-D зерттеуі 2 типті қант диабеті және диабеттік нефропатиясы бар пациенттер арасында жүргізілді. Бұл зерттеулер бүйрек функциясына және/немесе жүрек-қантамыр асқынуларына және өлімге ұшырауға елеулі оң әсерін көрсетпеді, бұдан бөлек, монотерапиямен салыстырғанда, гиперкалиемия, жедел бүйрек дисфункциясының және/немесе артериялық гипотензияның жоғары даму қаупі байқалды. Олардың ұқсас фармакодинамикалық қасиеттерін ескеріп, осы нәтижелер басқа АӨФ тежегіштеріне және ангиотензин II рецепторлары блокаторларына да қатысты болады. Сондықтан, АӨФ тежегіштері мен ангиотензин II рецепторлары блокаторларын диабеттік нефропатиясы бар пациенттерде бір мезгілде қолдануға болмайды. ALTITUDE зерттеуі (Жүрек және бүйрек тарапынан соңғы нүктелерге жетуге дейін жалғасатын 2 типті диабет кезінде алискиренмен емді зерттеу) 2 типті қант диабеті және созылмалы бүйрек ауруы, жүрек-қантамыр аурулары немесе екі ауруы да бар пациенттерде алискиренді АӨФ тежегішімен немесе ангиотензин II рецепторлары блокаторымен стандартты емге қосудың пайдасын тексеру үшін жүргізілді. Зерттеу, қолайсыз нәтижелердің жоғары даму қаупіне орай, мерзімінен бұрын тоқтатылды. Жүрек-қантамырлық өлім де, инсульт те саны жағынан алискирен қабылдау тобында плацебо тобындағыдан жиірек дамыды, ал жағымсыз әсерлер және назар аудару керек болатын күрделі жағымсыз әсерлер (гиперкалиемия, артериялық гипотензия және бүйрек функциясының бұзылуы) алискирен тобында плацебо тобындағыдан жиірек білінді.

Дозалау режимі Бұл препаратті үнемі тура өзіңіздің дәрігеріңіз айтқандай қабылдаңыз. Сіз, егер өзіңізге сенімді болмасаңыз, дәрігермен немесе фармацевтпен кеңесуге тиіссіз. Жоғары артериялық қысымды емдеу Жоғары артериялық қысымды емдеуге арналған Энап® препаратының әдеттегі бастапқы дозасы 5-тен 20 мг дейін құрайды. Препаратті тәулігіне бір рет қабылдаңыз. Артериялық қысым деңгейі қалып шегінен сәл асып кететін пациенттерде ұсынылатын бастапқы доза тәулігіне 5-10 мг құрайды. Әдеттегі демеуші доза тәулігіне бір рет 20 мг құрайды. Ең жоғары тәуліктік демеуші доза 40 мг құрайды. Егер сіз Энап® препаратымен емдеудің басталуына дейін несеп айдайтын дәрілердің (диуретиктер) жоғары дозаларын қабылдасаңыз, ұсынылатын бастапқы доза 5 мг немесе одан аз құрайды. Егер мүмкін болса, дәрігеріңіз сізден Энап® препаратымен емдеудің басталуына дейін екі-үш күн бұрын несеп айдайтын дәрі қабылдауды тоқтатуды өтінеді. Жүрек жеткіліксіздігін емдеу / жүрек жеткіліксіздігінің профилактикасы Әдеттегі бастапқы доза тәулігіне бір рет 2,5 мг құрайды. Бұл дозаны бір дозада енгізілген немесе екі қабылдауға бөлінген әдеттегі 20 мг демеуші дозаға дейін біртіндеп арттыруға болады. Ең жоғары тәуліктік дозасы екі қабылдауға бөлінген 40 мг құрайды. Бүйрек функциясының бұзылуы бар пациенттер үшін дозалануы Дәрігер бүйрек функциясының бұзылу дәрежесіне қарай дұрыс дозаны белгілейді. Бастапқы дозаны және алғашқы үлкен дозаны қабылдау кезінде ерекше сақ болыңыз. Егер сіз бас айналуын немесе вертиго сезінсеңіз, дереу өз дәрігеріңізге хабарласыңыз. Егер сізде Энап® препаратының әсері тым күшті немесе тым әлсіз сияқты әсер қалыптасса, өз дәрігеріңізбен немесе фармацевтпен сөйлесіңіз. Енгізу әдісі және жолы Ішке қабылдауға арналған. Дәрілік препараттың бір немесе бірнеше дозасын өткізіп алу кезіндегі қажетті шаралар Егер сіз Энап® препаратының дозaсын қабылдауды ұмытып кетсеңіз, келесі дозаны әдеттегі уақытта қабылдаңыз. Ұмыт қалған дозаның орнын толтыру үшін екі есе дозасын қабылдамаңыз. Тоқтату симптомдары қаупінің болуына көрсетілім Емдеуді тоқтатудан кейін уақыт өте артериялық қысым тағы көтерілуі мүмкін, ал бұл жоғары артериялық қысым салдарынан, әсіресе, жүрек, ми және бүйрек сияқты ағзаларда асқынулар қаупін арттыруы мүмкін. Жүрек жеткіліксіздігі бар пациенттердің жай-күйі стационарлық емдеу талап етілуі мүмкін болатындай дәрежеге дейін нашарлауы мүмкін.

Келесі жай-күйлерде Энап® қабылдамаңыз: • эналаприлге немесе осы препараттың басқа компоненттерінің қандай да біріне аллергия болса («Дәрілік препарат құрамы» бөлімінде атап көрсетілген) • анамнездегі басқа АӨФ тежегіштерін қабылдаудан кейінгі кенеттен ерін мен беттің, мойынның, сондай-ақ аяқ пен қолдың ісінуін немесе тұншығуды немесе сырылды туғызатын аса жоғары сезімталдық реакциясының болуы (ангионевроздық ісіну) • тұқым қуалайтын ангионевроздық ісіну немесе қандай да бір басқа, себебі белгісіз ангионевроздық ісіну • жүктілік, лактация кезеңі • қант диабеті немесе бүйрек функциясының бұзылуы және сіз артериялық қысымды төмендету үшін құрамында алискирен бар препарат қабылдап жүрсеңіз • балалар мен 18 жасқа дейінгі жасөспірімдерге • ангионевроздық ісінудің жоғары даму қаупіне байланысты бейтарап эндопептидаза тежегіштерімен (мысалы, құрамында сакубитрил бар препараттармен) бір мезгілде қолдану (көмей аумағындағы терінің және жұмсақ тіндердің жылдам дамитын ісінуі) Егер жоғарыда тізбеленгендердің қайсысы болса да сізге қатысты болса, өз дәрігеріңізге хабарласыңыз.

Барлық препараттар сияқты, аталған дәрілік препарат пациенттердің бәрінде бірдей дами бермейтін жағымсыз әсерлерді туғызуы мүмкін. Өте жиі (10 адамның 1-ден көбінде болуы мүмкін) • анық көрмеу (бұлыңғыр көру), • бас айналу, • жөтел, • жүрек айну, • әлсіздік (астения) Жиі (10 адамның 1-не дейін болуы мүмкін) • бас ауыру, депрессия, • артериялық қысымның төмендеуі, естен тану (ентігу), кеуденің ауыруы, ырғақ бұзылулары, стенокардия, жүректің жиі соғуы, • тыныстың тарылуы (ентігу), • диарея, іштің ауыруы, дәм сезудің өзгеруі, • терінің бөртуі, бет, аяқ-қол, ерін, тілдің және/немесе жұтынудың немесе дем алудың қиындауымен көмей ісінуімен болатын аллергиялық реакциялар, • шаршау, • қандағы калий деңгейінің жоғарылауы, сарысуда креатинин деңгейінің артуы Жиі емес (100 адамның 1-не дейін болуы мүмкін) • анемия, • қандағы төмен қант деңгейі, • сананың шатасуы, ұйқышылдық немесе ұйқысыздық, күйгелектік, қолдың немесе аяқтың шаншуы (парестезия), вертиго (айналуды сезіну), • тұрған немесе жатқан қалыптан тез көтерілгенде артериялық қысымның төмендеуі, жүректің жиі және қатты соғуы, жүрек ұстамасы немесе инсульт, жүрек-қантамыр асқынуларының қаупі жоғары пациенттерде өте төмен артериялық қысым салдарынан болуы мүмкін, • тұмаурату (ринорея), тамақтың ауыруы, қарлығу, демікпе, • ішек бітелісі (ішек өтімсіздігі), ұйқы безінің қабынуы (панкреатит), жүрек айну (құсу), асқазан-ішек бұзылыстары (диспепсия), іш қату, асқазанның тітіркенуі, ауыз кеберсуі, тәбет жоғалту (анорексия), асқазанның ойық жарасы, • тершеңдік, қышыну, есекжем, шаштың түсуі, • бүйрек функциясының бұзылуы, бүйрек жеткіліксіздігі, несепте ақуыз болуы (протеинурия), • ерлердегі cексуалдық дисфункциялар (импотенция), • бұлшықеттердің түйілуі, қан тебу, құлақтың шыңылдауы (тиннитус), қызба, жалпы хал-ахуал нашарлауы (дімкәстану), • сарысудағы жоғары мочевина деңгейі, қандағы төмен натрий деңгейі Сирек (1000 адамның 1-не дейін болуы мүмкін) • қан көрсеткіштерінің өзгеруі (лейкоциттер мен эритроциттер, гемоглобин, тромбоциттер санының төмендеуі), аутоиммундық аурулар, • аномальді түстер көру, ұйқының бұзылуы, • қол мен аяқ саусақтарының ара-тұра бозаруы (Рейно синдромы), • өкпе инфильтраттары, мұрын шырышты қабығының қабынуы, пневмония, • ауыз қуысының шырышты қабығының ісінуі немесе ойық жаралары, тілдің қабыну аурулары, • бауыр жеткіліксіздігі, бауырдың қабынуы, терінің сарғайып кетуіне (сары ауру) әкелуі мүмкін өт жолдарының обструкциясы, • терінің қызаруы, теріде күлбіреуіктер түзілуі және терінің, әсіресе, қол мен аяқтағы, ауыз қуысындағы немесе оның айналасындағы тері жабындарының ісінуге бейімділігі және температураның көтерілуі (Стивенс-Джонсон синдромы), терінің қабыршақтануы, • несеп мөлшерінің азаюы, • ерлерде кеуде бездерінің үлкеюі (гинекомастия), • бауыр ферменттері деңгейінің жоғарылауы, билирубин деңгейінің жоғарылауы Өте сирек (10000 адамның 1-не дейін болуы мүмкін) • ішек шырышты қабығының ісінуі Белгісіз (қолда бар деректердің негізінде бағалау мүмкін емес) • диурезге қарсы гормонның талапқа сай емес секреция синдромы (ДҚГТС) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозаланудың ең көп жиі белгісі артериялық қысымның шектен тыс төмендеуі (гипотензия) болып табылады. Ондай жағдайда жату және дәрігер шақыру керек. Егер бала дәріні кездейсоқ ішіп қойса, дәрігерге қаратыңыз.

Энап® қабылдамас бұрын өз дәрігеріңізбен немесе фармацевтпен сөйлесіңіз. Келесі жай-күйлерде Энап® бойынша ерекше мұқият болыңыз: • бүйрек ауруларында ем қабылдап немесе гемодиализ алып, тұзсыз диета ұстанып жүрсеңіз немесе таяуда тоқтаусыз құсу немесе диарея болған болса • жүрек ақаулары туғызған ауруларды немесе жүректің кез келген басқа ауруын емдеуге арналған препараттарды қабылдап жүрсеңіз • бауыр аурулары болса • лейкоциттер, тромбоциттер немесе эритроциттер мөлшерінің төмендеуі сияқты қан кінәраттары • төмен артериялық қысым (егер сіз жиі естен танып қалсаңыз немесе сіздің, әсіресе, орныңыздан тұрған кезде басыңыз айналса) • таяуда жасалған бүйрек трансплантациясы және қабылданбай ажырауды болдырмау үшін препараттар қабылдау • қандай да бір басқа иммундық аурулардың немесе аллергияның болуы • қашан болса да бет, ерін, тілдің және/немесе тамақтың ісінуімен аллергиялық реакция болса, әрі бұл жұтынудың немесе дем алудың қиындауын тудырса • қант диабетін емдеуге арналған препараттарды қабылдап жүрсеңіз • сарғаю симптомдары болса • ұзақ уақыт тұрақты құрғақ жөтел болса • литий препараттарын қабылдап жүрсеңіз • келесі дәрілердің кез келгенін қабылдағанда ангионевроздық ісінудің даму қаупі артады: • диареяны емдеу үшін пайдаланылатын рацекадотрил • mTor тежегіштерінің класына жататын, ағза трансплантатының қабылданбай ажырауын болдырмау және обырды емдеу үшін пайдаланылатын дәрілік заттар (мысалы, темсиролимус, сиролимус, эверолимус) • қант диабетін емдеуге пайдаланылатын препарат - вилдаглиптин • жоғары артериялық қысымды емдеу үшін пайдаланылатын келесі дәрілік заттардың кез келгенін қабылдап жүрсеңіз: • ангиотензин II рецепторларының блокаторы (АРБ) (сартандар ретінде де белгілі - мысалы, валсартан, телмисартан, ирбесартан), әсіресе, егер сізде диабетпен байланысты бүйрек кінәраттары болса • алискирен Сіздің дәрігеріңіз бүйрек функциясына, артериялық қысымға және қандағы электролиттер мөлшеріне (мысалы, калий) жүйелі мониторинг өткізуі мүмкін. Сонымен қатар, «Қолдануға болмайтын жағдайлар» тақырыбымен берілген ақпаратты қараңыз. Егер сіздің дәрігеріңіз (немесе стоматолог) хирургиялық араласу мен анестезияны, гемодиализбен немесе қан тазалаудың басқа түрімен (аферез) емдеуді немесе ара / сонаның шағып алуына болған аллергияны десенсибилизациялап емдеуді жоспарласа, эналаприл қабылдап жүргеніңізді өз дәрігеріңізге мәлімдеңіз. Сіз, егер өзіңізді жүкті деп жорамалдасаңыз (немесе жүкті болуыңыз мүмкін болса), өз дәрігеріңізге мәлімдеуге тиіссіз. Энап® жүктіліктің ерте мерзімдерінде ұсынылмайды және, егер сіз 3 айдан аса жүкті болып жүрсеңіз қабылданбауы тиіс, өйткені осы сатыда пайдалану кезінде ол сіздің сәбиіңізге салмақты зиян тигізуі мүмкін. Энаптың қара нәсілді пациенттерде, басқа нәсілді пациенттермен салыстырғанда, артериялық қысымды төмендету тиімділігі аз. Арнайы сақтандырулар Педиатрияда қолдану Балалар мен 18 жасқа дейінгі жасөспірімдерде қолдану қарсы көрсетілімді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлікті жүргізу немесе машиналарды пайдалану кезінде кейде бас айналу немесе шаршау туындауы мүмкін. Энап® құрамында лактоза және натрий бар Егер сіздің дәрігеріңіз сізде кейбір қанттарға жақпаушылық бар екенін айтса, осы дәрілік препаратты қабылдамас бұрын дәрігерге қаралыңыз. Бұл препарат құрамында дозасына 1 ммоль-ден аз натрий (23 мг) бар, яғни мүлде натрий жоқ деуге болады.

Препараттарді қолданар алдында дәрігерден немесе фармацевтен кеңес сұраңыз. Жүктілік кезінде АӨФ тежегіштерін қабылдауды бастауға болмайды. АӨФ тежегіштерімен емделу қажет болатын сәтке дейін жүкті болуды жоспарлайтын пациент әйелдер жүктілік кезінде қолдану үшін анықталған қауіпсіздік бейіні бар гипертензияға қарсы баламалы препараттарды қабылдауға көшуі тиіс. Жүктілік диагностикаланғанда, АӨФ тежегіштерімен емделуді дереу тоқтатып, ал егер бұл мақсатқа сай болса, баламалы емдеуді бастау қажет. Жүктіліктің екінші және үшінші триместрлерінде АӨФ тежегіштерін қабылдау, белгілі болғандай, адамда фетоуыттылықты (бүйрек функциясының төмендеуі, қағанақ суының аздығы, бассүйектегі оссификация кідірісі) және неонатальді уыттануды (бүйрек жеткіліксіздігі, артериялық гипотензия, гиперкалиемия) туындатады. Жорамалды түрде, шаранада бүйрек функциясының төмендеуі және сол себеп болатын аяқ-қол контрактуралары, бассүйек-бет деформациялары мен өкпе гипоплазиясының нәтижесінде анасында олигогидрамнион дамуы мүмкін. Егер АӨФ тежегіштері жүктіліктің екінші триместрінде қабылданса, бүйрек және бассүйек УДЗ жүргізу ұсынылады. Аналары АӨФ тежегіштерін қабылдаған сәбилер гипотензия тұрғысынан мұқият тексерілуі тиіс. Эналаприл лактация кезеңінде қолдануға ұсынылмайды.

Егер сіз қандай да бір басқа дәрілерді қабылдап жүрсеңіз, таяуда қабылдасаңыз немесе қабылдауыңыз мүмкін болса, өз дәрігеріңізге немесе фармацевтке мәлімдеңіз. Бұл, негізінен, мыналарға қатысты: • гипертензияны, жүрек жеткіліксіздігін емдеуге арналған препараттар, • несеп айдайтын препараттар (диуретиктер), • калий қоспалары (тұз алмастырғыштарын қоса), калий жинақтаушы диуретиктер және қандағы калий мөлшерін арттыруы мүмкін басқа дәрілер (мысалы, бактериялар туғызған инфекциялар үшін триметоприм және ко-тримоксазол; ағза трансплантатының қабылданбай ажырауын болдырмау үшін пайдаланылатын иммунодепрессант - циклоспорин және тромбтар түзілуін болдырмау үшін қанды сұйылтуға пайдаланылатын дәрі – гепарин), • буын ауруларын емдеуге арналған препараттар, • аспирин (ацетилсалицил қышқылы), • психикалық бұзылыстарды емдеуге арналған препараттар (литий препараттарын қоса), • қант диабетін емдеуге арналған препараттар, • артритті емдеуге пайдаланылатын алтын препараттары (натрий ауротиомалаты), • трансплантаттың ажырауының алдын алу үшін жиі қолданылатын препараттар (сиролимус, эверолимус және mTOR тежегіштерінің класына жататын басқа да препараттар), • жөтелге және суық тиюге қарсы кейбір дәрілер құрамында болатын заттар (симпатомиметиктер), • тромбтар түзілуін болдырмау үшін пайдаланылатын препараттар (тромболитиктер), • ангионевроздық ісінудің жоғары даму қаупіне байланысты диареяны емдеу үшін пайдаланылатын рацекадотрил Эналаприл мен жоғарыда көрсетілген ауруларды емдеу кезінде пайдаланылатын кейбір препараттарді бір мезгілде қабылдау осы препараттардің әсерін әлсіретуі немесе олардың жағымсыз әсерлерін күшейтуі немесе бүйрек функциясының бұзылу қаупін арттыруы мүмкін. Басқа дәрілік препараттар тағайындалған жағдайда эналаприл қабылдап жүргеніңіз жөнінде емдеуші дәрігерді хабарландыру керек. Пациент ангиотензин II рецепторларының блокаторын (АРБ) немесе алискиренді қолданған жағдайда, Сіздің дәрігеріңізге дозаны өзгерту және / немесе басқа сақтандыру шараларын қабылдау қажет болуы мүмкін. Энап® тағаммен, сусынмен және алкогольмен бірге Препаратты ас ішуге дейін, ас ішу кезінде немесе одан кейін қабылдауға болады. Эналаприлмен емделу кезінде препараттың гипотензиялық әсерінің күшею қаупіне байланысты алкоголь тұтыну ұсынылмайды.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, ылғалдан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!