Энтерофурил® суспензия 200 мг/5 мл

5 мл препараттың құрамында белсенді зат - 200,0 мг нифуроксазид, қосымша заттар: сахароза, 96% этанол, карбомер, банан хош иістендіргіші, метилпарагидроксибензоат, натрий гидроксиді, лимон қышқылы, су. Сыртқы түрінің, иісінің, дәмінің сипаттамасы Банан иісі бар сары түсті суспензия

- егер инфекцияның басқа ағзалар мен жүйелерге таралуына күдік болмаса, регидратацияға қосымша ретінде жедел бактериялық диареяда қолданылады. - регидратациялау үшін ішу арқылы немесе вена ішілік ерітінділердің көмегімен регидратация дәрежесі науқастың жасына және жай-күйіне (қатар жүретін аурулар және т.б.), диареяның ауырлығына сәйкес анықталады.

Әсер ету механизмі Энтерофурил антисептикалық әсерге ие нитро тобы (NO2) бар нитрофуранның туындысы болып табылады. NO2 радикалы бактериялық ДНҚ негізін өзгертетін нитрозо туындыларына дейін қалпына келуі мүмкін. Барлық осы туындылар бактериостатикалық және бактерицидтік әсерлерге ие. Энтерофурил дегидрогеназа белсенділігіне және бактериялық жасушаларда, негізінен ішек саңылауында ақуыз синтезіне тежейтін әсер көрсетеді. Энтерофурил бактериялық штаммдар резистенттілігін тудырмайды, патогенді микроорганизмдерге қарсы асқазан-ішек жолдарының алғашқы қорғаныш бөгеті болып табылатын ішектің сапрофитті флорасын тежемейді. Клиникалық зерттеулер нифуроксазид ішекте резистентті бактериялардың және антибиотиктермен салыстырғанда (мысалы, неомицинді 7 күн ішінде пайдалану) ашытқы зеңдерінің популяциясын арттырмайтынын көрсетті. Басқа клиникалық зерттеулер нифуроксазид дені сау адамдарда жоғары дозаны (1200 мг) немесе әдеттегі терапиялық дозаларды (800 мг/6 күн бойы) қабылдағаннан кейін нәжіс флорасына әсер етпейтінін көрсетті. Нифуроксазидтің кейбір штаммдарға қатысты белсенділігі: өте сезімтал топ ең төменгі бәсеңдететін концентрация (ЕТБК < 8 мг/л): Campylobacter, Vibrio cholerae, Shigella Clostridium perfrigers; орташа сезімтал топ (МБК < 8-ден 32 мг/л-ге дейін): Escherichia coli, Salmonella, Haffnia, Yersinia, Staphylococcus, Enterococcus; резистентті топ (МБК > 32 мг/л): Klebsiella, Enterobacter, Serratia, Proteus mirabillis, Providentia, Pseudomonas, Acinetobacter.

Дозалау режимі Препарат пероральді қолдануға арналған. Дозалау үшін көлемі 5,0 мл 2,5 мл белгісі бар өлшеуіш қасықты пайдаланған жөн. Қолданар алдында суспензияны қатты шайқау керек! Ересектер: 200 мг (5,0 мл) күніне 4 рет (қабылдау 6 сағат аралықпен). Емдеу ұзақтығы Препаратты емдеу курсы 7 күннен аспайды. Емдеудің 2 күні ішінде препараттың тиімділігі болмаған жағдайда, емдеуді түзету үшін дәрігердің кеңесі қажет. Препаратты тек қолдану тәсіліне сай және нұсқаулықта көрсетілген дозаны ғана қолдану керек. Қажет болған жағдайда, препаратты қолданар алдында дәрігерден кеңес алыңыз.

- нитрофуран туындыларына немесе қосымша заттардың кез келгеніне аса жоғары сезімталдықта - фруктоза жақпаушылығы, глюкоза-галактоза мальабсорбция синдромында, сахараза және изомальтаза жеткіліксіздігінде - 18 жасқа дейінгі балалар мен жасөспірімдер

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥1/100-ден <1/10 дейін), жиі емес (≥1/1000-нан <1/100 дейін), сирек (≥1/10000-нан <1/1000 дейін), өте сирек (<1/10000), белгісіз (қолда бар деректер негізінде бағалау мүмкін емес). Жиілігі белгісіз: - тері бөртпесі, есекжем, Квинке ісінуі немесе анафилаксиялық шок сияқты аллергиялық реакциялар. - эритематозды бөртпелер, экзема, жедел жайылған экзантемалық пустулез, жарыққа сезімталдық; - тромбоцитопения, гемолиздік анемия, агранулоцитоз; - трансаминазалардың жоғарылауы; - Хроматурия. Жекелей жағдайларда нифуроксазидке аса жоғары сезімталдықта іш ауыруы, жүрек айнуы және диареяның өршуі пайды болады. Осындай аздаған қарқындылықтағы симптомдар пайда болған жағдайда арнайы ем қолданудың немесе нифуроксазидті қолдануды тоқтатудың қажеті жоқ. Егер симптомдар айқын болса, оны қабылдауды тоқтату керек. Олай болса, пациенттерге нитрофуран туындыларын тағайындауға жол бермеу керек. Егер нұсқаулықта көрсетілген кез келген жағымсыз әсерлер күшейе түссе, немесе Сіз нұсқаулықта көрсетілмеген басқа да кез келген жағымсыз әсерлерді байқасаңыз, бұл жайлы дәрігерге хабарлаңыз. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратпен артық дозалану жағдайлары белгісіз. Симптомдары: жағымсыз әсерлердің күшеюі. Емі: Дозаны асыра қолданған жағдайда асқазанды шаю және симптоматикалық ем ұсынылады.

Препаратты қабылдар алдында біртекті суспензия алу үшін құтыны бірнеше рет сілку керек. Тағайындалған дозаны өлшегеннен кейін суспензияны жұтып қою керек, оны сумен ішуге болады. Сақтық шарасы ретінде Энтерофурил® препаратын жүктілік кезінде және бала емізу кезеңінде пайдалануға болмайды. Арнайы ескертулер Диареяны нифуроксазид қабылдаумен бір мезгілде емдеу кезінде пациенттің жасына, жағдайына және диареяның қарқындылығына сәйкес регидратациялық ем (ішу арқылы немесе вена ішіне) жүргізу қажет. Жүйелі зақымдану белгілері (жалпы жағдайының нашарлауы, қызба, уыттану немесе инфекциялар симптомдары) бар бактериялық диарея жағдайларында жүйелі әсер ететін бактерияға қарсы препараттарды қолдану жөніндегі мәселелерді шешу үшін пациент дәрігерге жүгіну керек. Аса жоғары сезімталдық симптомдары (ентігу, бөртпе, қышыну) пайда болған кезде препаратты қабылдауды тоқтату керек. Құрамында метилпарагидроксибензоат болуына байланысты препарат аллергиялық реакция туындатуы мүмкін (кейіннен болуы мүмкін). Энтерофурил® 200 мг /5 мл суспензия құрамында сахароза бар, қант диабетімен ауыратын пациенттерге тағайындағанда осыны ескеру керек. Суспензияның бір құтысында 1000 мг (1 г) сахароза бар, ол 2,5 мл суспензия құрамындағы 0,04165 "нан бірлігі" (НБ), ал 5 мл суспензияда 0,0833 НБ сәйкес келеді. Препаратта этанолдың болуы 1% құрайды. Өлшеуіш қасығының жартысындағы препараттың құрамында (2,5 мл суспензия немесе 100 г) 0,02 г этанол бар, толы өлшеуіш қасығында (5 мл суспензия немесе 400 мг) 0,04 г этанол бар (абсолютті спиртке шаққанда). Осылайша, препараттың ең аз тәуліктік дозасында 0,04 г этанол бар, ең жоғары тәуліктік дозада 0,12 г этанол бар. Энтерофурилді қолданған кезеңде шырынды, шикі көкөністерді және жеміс-жидектерді, ащы және қиын қорытылатын өнімдер мен тағамдарды қоспастан диета ұстану керек. Нифуроксазидпен емдеу кезінде алкогольді пайдалануға тыйым салынады, өйткені алкоголь ағзаның препаратқа сезімталдығын арттырады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралдарын, механизмдерді басқару қабілетіне әсер етпейді.

Сақтық шарасы ретінде Энтерофурил® препаратын жүктілік кезінде және бала емізу кезеңінде пайдалануға болмайды. Контрацепцияның тиімді әдістерін пайдаланбайтын бала туу жасындағы әйелдерге Энтерофурил® препаратын қабылдауға болмайды.

Дисульфирам тәрізді реакцияларға әкелетін препараттармен бірге қолдану ұсынылмайды.

Сақтау мерзімі 3 жыл. Құтыны ашқаннан кейін қолдану кезеңі 14 күннен аспау керек. Жарамдылық мерзімі өткеннен кейін қолдануға болмайды. Сақтау шарттары 30 °С-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!