Эраксис® лиофилизат 100 мг

Препараттың бір құтысының құрамында: белсенді зат – 122,0 мг анидулафунгин (сусыз анидулафунгинге шаққанда, 100,0 мг фруктоза негізінен бос), қосымша заттар – фруктоза, маннитол, полисорбат-80, шарап қышқылы. Сыртқы түрінің, иісінің, дәмінің сипаттамасы Ақ немесе ақ дерлік түсті лиофилизацияланған масса.

- ересек пациенттерде және 1 айдан < 18 жасқа дейінгі балалар жасындағы пациенттерде инвазивтік кандидозды емдеу.

Жүйелі қолдануға арналған зеңге қарсы препараттар. Жүйелі қолдануға арналған зеңге қарсы басқа препараттар. Анидулафунгин. АТХ коды J02AX06 Әсер ету механизмі Анидулафунгин эхинокандиндер класына жататын жартылай синтетикалық зат; Aspergillus nidulans ферментация өнімінен синтезделген липопептид. Анидулафунгин 1,3-β-D глюкансинтетазасын - зең жасушаларында болатын және сүтқоректілер жасушаларында болмайтын ферментті іріктеп тежейді. Бұл зеңдердің жасуша қабырғасының маңызды құрамдас бөлігі болып табылатын 1,3-β-D-гликан түзілуінің тежелуіне әкеледі. Анидулафунгин Candida тектес зеңдерге қатысты фунгицидтік белсенділікті және Aspergillus fumigatusзеңі гифтері жасушаларының белсенді өсу учаскелеріндегі белсенділікті көрсетті. in vitro белсенділігі Анидулафунгин C. albicans, C. glabrata, C. parapsilosis, C. krusei және C. tropicalis қатысты in vitro белсенді. Бұл деректердің клиникалық мәні «Клиникалық тиімділігі және қауіпсіздігі» бөлімінде сипатталған. Ген-нысананың ыстық нүктелеріндегі мутациясы бар изоляттар емдеудің клиникалық тиімсіздігіне немесе серпінді инфекциялардың дамуына себеп болды. Көп жағдайда каспофунгинмен емдеу жүргізілді. Алайда, жануарлар модельдеріне жүргізілген тәжірибелерде бұл мутациялар барлық үш эхинокандинге айқаспалы төзімділікті қамтамасыз етеді, сондықтан анидулафунгинге қатысты одан әрі клиникалық тәжірибе алғанға дейін мұндай изоляттар эхинокандинге төзімді деп жіктеледі. Candida зеңдерінің әртүрлі түрлеріне қатысты in vitro анидулафунгиннің белсенділігі бірдей емес. Атап айтқанда, C. parapsilosis үшін анидулафунгиннің ең аз тежеуші концентрациясы (ЕТК) Candida тұқымының басқа зеңдеріне қарағанда жоғары. Микроорганизмдердің бактерияға қарсы заттарға сезімталдығын анықтау жөніндегі Еуропалық комитет (EUCAST) Candida түрлерінің анидулафунгинге сезімталдығын анықтаудың стандартталған техникасын және оны түсіндіру үшін сезімталдықтың тиісті шекараларын белгіледі (1-кесте). 1-кесте. EUCAST сәйкес сезімталдық шекаралары Candida түрлері — ЕТК шектік мәндері (мг/л) ≤ С (сезімтал) — > Т (тұрақты) Candida albicans — 0,03 — 0,03 Candida glabrata — 0,06 — 0,06 Candida tropicalis — 0,06 — 0,06 Candida krusei — 0,06 — 0,06 Candida parapsilosis — 4 — 4 Candida1 басқа түрлері — Деректер жеткіліксіз 1 Микроорганизмдердің нақты бір түрімен байланысты емес шекті мәндер негізінен ФК/ФД деректері негізінде анықталды және Candida нақты түрлерінің АТК таралуына байланысты емес. In vivo белсенділігі Анидулафунгин парентеральді енгізу кезінде иммунитеті қалыпты және әлсіреген тышқандар мен қояндардың жануарлар үлгілеріндегі Candida түрлеріне қатысты тиімділігін көрсетті. Анидулафунгинді енгізу Candida түрлерінің өмір сүру деңгейінің жоғарылауына және ағзаларға жүктеменің төмендеуіне әкелді. Бұл көрсеткіштер препаратты соңғы енгізгеннен кейін 24-тен 96 сағатқа дейінгі аралықта анықталды. Экспериментте үй қояндарында C. albicans тудырған нейтропения аясында пайда болған таралған инфекцияны, үй қояндарындағы C. albicans тудырған флуконазолға төзімді өңеш/ауыз қуысы кандидозын, сондай-ақ тышқандарда C. glabrata тудырған флуконазолға төзімді таралған инфекцияны модельдеді. Клиникалық тиімділігі және қауіпсіздігі Кандидемия және инвазивті кандидоздың басқа түрлері Анидулафунгиннің қауіпсіздігі мен тиімділігі негізінен нейтропениясыз кандидемиясы бар пациенттерде, сондай-ақ Candida зеңінен туындаған терең тіндердің инфекциясы бар немесе абсцесс тудыратын ауруы бар пациенттердің шектеулі санында 3-рандомизацияланған, салыстырмалы жасырын, көп орталықты, халықаралық зерттеуде бағаланды. Эндокардит, остеомиелит немесе Candida тудырған менингит немесе C. krusei тудырған инфекциясы бар пациенттер зерттеуден шығарылды. Пациенттер анидулафунгинді (жүктеме доза вена ішіне 200 мг, содан кейін вена ішіне күніне 100 мг) немесе флуконазолды (жүктеме доза вена ішіне 800 мг, содан кейін вена ішіне күніне 400 мг) алу үшін рандомизацияланған және APACHE II шкаласы бойынша (≤ 20 және > 20) балл және нейтропенияның болуы немесе болмауы негізінде стратификацияланған. Емдеу кем дегенде 14 күнге және 42 күннен аспайтын уақытқа созылды. Екі топтың пациенттері үшін пероральді дәрілік препараттарға төзімділік, дене температурасының кемінде 24 сағат бойы жоғарылауы және Candida қоздырғыштарына қан егіндісінің теріс нәтижесі болмаған жағдайда, флуконазолды вена ішіне кемінде 10 күн емнен кейін пероральді қабылдауға көшуге рұқсат етілді. Зерттелетін дәрілік препараттардың кем дегенде бір дозасын алған және әдетте стерильді учаскелерден алынған үлгілерді егу зерттеу басталғанға дейін Candida түрлерінің қоздырғыштарына оң болған пациенттер ем тағайындалған пациенттердің модификацияланған популяциясына (MITT) енгізілді. Тиімділікті бастапқы талдау кезінде (вена ішілік терапия аяқталғаннан кейін MITT популяцияларындағы жаһандық жауапты талдау) анидулафунгин флуконазолмен алдын ала анықталған екі сатылы статистикалық салыстыруда салыстырылды (тиімділігі аз еместігін көрсету, содан кейін артықшылықты дәлелдеу). Табысты жаһандық жауап клиникалық жақсарту және микробиологиялық эрадикация ретінде анықталды. Пациенттердің жағдайы терапияның барлық түрлері аяқталғаннан кейін алты апта бойы бақыланды. Емдеу үшін 16 жастан 91 жасқа дейінгі 256 пациент рандомизацияланды және олар зерттелетін препараттың кемінде бір дозасын алды. Бастапқы деңгейде ең көп бөлінетін түрлер C. albicans (анидулафунгин тобында 63,8%, флуконазол тобында 59,3%), содан кейін C. glabrata (15,7 %, 25,4 %), C. parapsilosis (10,2 %, 13,6 %) және C. tropicalis (11,8 %, 9,3 %), сәйкесінше соңғы 3 түрдің 20, 13 және 15 изоляттары анидулафунгин тобында бөлінді. Apache II шкаласы бойынша балл пациенттердің көпшілігінде ≤ 20 болды, ал нейтропения бірнеше пациентте ғана байқалды. Тиімділік бойынша жалпы, қосалқы топтар бойынша да деректер төменде 2-кестеде берілген. 2-кесте. MITT популяциясындағы емдеудің ғаламдық жетістігі тиімділіктің бастапқы және қайталама көрсеткіштері Анидулафунгин — Флуконазол — Топтар арасындағы айырмашылықа (95 % СА) В/і терапияның аяқталуы (тиімділіктің негізгі көрсеткіші) — 96/127 (75,6 %) — 71/118 (60,2 %) — 15,42 (3,9, 27,0) Тек кандидемия — 88/116 (75,9 %) — 63/103 (61,2 %) — 14,7 (2,5, 26,9) Басқа да стерильді учаскелерб — 8/11 (72,7 %) — 8/15 (53,3 %) — – Перитонеальді сұйықтық / ІҚ абсцесів — 6/8 — 5/8 Басқа — 2/3 — 3/7 C. albicansг — 60/74 (81,1 %) — 38/61 (62,3 %) — – Albicansг басқа түрлері — 32/45 (71,1 %) — 27/45 (60,0 %) — – Apache II ≤ 20 межесі бойынша балл — 82/101 (81,2 %) — 60/98 (61,2 %) — – Apache II 20 межесі бойынша балл — 14/26 (53,8 %) — 11/20 (55,0 %) — – Нейтропениясыз (АКН, кл./мм3 500) — 94/124 (75,8 %) — 69/114 (60,5 %) — – Нейтропениямен (АКН, кл./мм3 ≤ 500) — 2/3 — 2/4 — – Тиімділіктің басқа көрсеткіштерін бағалау кезінде Терапияның барлық түрлерінің аяқталуы — 94/127 (74,0 %) — 67/118 (56,8 %) — 17,24 (2,9, 31,6)д 2 аптадан кейін бақылау — 82/127 (64,6 %) — 58/118 (49,2 %) — 15,41 (0,4, 30,4)д 6 аптадан кейін бақылау — 71/127 (55,9 %) — 52/118 (44,1 %) — 11,84 (–3,4, 27,0)д а Анидулафунгин минус флуконазол ретінде есептелген. б Қатарлас кандидемиямен немесе онсыз. в Іш қуысы. г Бастапқы деңгейде бір патоген бар пациенттердің мәліметтері ұсынылған. д 98,3% сенімділік аралықтары екінші реттік уақыт нүктелеріне сәйкес келетін көптеген деректерді салыстыру үшін нәтижелер алынғаннан кейін түзетіледі. Анидулафунгин және флуконазол топтарындағы өлім көрсеткіштері төменде 3-кестеде берілген. 3-кесте. Өлім Анидулафунгин — Флуконазол Зерттеудегі өлімнің жалпы көрсеткіші — 29/127 (22,8 %) — 37/118 (31,4 %) Зерттелетін ем жүргізу кезіндегі өлім — 10/127 (7,9 %) — 17/118 (14,4 %) Candida түрлерінен туындаған инфекциялармен байланысты өлім — 2/127 (1,6 %) — 5/118 (4,2 %) Нейтропениясы бар пациенттердің қосымша деректері Микробиологиялық расталған инвазивті кандидозды емдеу кезінде нейтропениясы бар ересек пациенттерде (нейтрофилдердің абсолютті саны ≤ 500 жасуша/мм3, лейкоциттер саны ≤ 500 жасуша/мм3 немесе зерттеуші дәрігердің диагнозы бойынша анықталған) анидулафунгиннің тиімділігі (жүктеме доза вена ішіне 200 мг, содан кейін тәулігіне 100 мг) 5 проспективті зерттеуден алынған (каспофунгинмен 1 салыстырмалы және 4 ашық салыстырылмайтын) біріктірілген деректерді талдауда бағаланды. Пациенттерге препаратты кемінде 14 күн бойы енгізген. Клиникалық тұрақты жағдайы бар пациенттер үшін азолдарды пероральді қабылдауға ауысуға анидулафунгинмен кемінде 5-10 күн емдеуден кейін рұқсат етілді. Талдауға 46 пациенттің деректері енгізілді. Пациенттердің көпшілігінде тек кандидемия болды (84,8 %; 39/46). Бастапқы деңгейде жиі бөлінетін патогендер C. tropicalis (34,8%; 16/46), C. krusei (19,6%; 9/46), C. parapsilosis (17,4%; 8/46), C. albicans (15,2%; 7/46) және C. glabrata (15,2%; 7/46) болды. Венаішілік терапияны аяқтау сәтіндегі сәтті жаһандық жауаптың көрсеткіші (тиімділіктің негізгі көрсеткіші) 26/46 (56,5 %), ал терапияның барлық түрлері аяқталған сәтте — 24/46 (52,2%) құрады. Барлық себептер бойынша өлім көрсеткіші зерттеу аяқталған сәтте (6 аптадан кейін бақылау сапары) 21/46 (45,7%) құрады. Инвазивті кандидозды емдеу кезінде нейтропениясы бар ересек пациенттерде анидулафунгиннің тиімділігі (бастапқы жағдайды бағалау кезінде ≤ 500 жасуша/мм3 нейтрофилдердің абсолютті саны бойынша анықталған) проспективті, салыстырмалы жасырын, рандомизацияланған бақыланатын зерттеуде бағаланды. Зерттеуге енгізілген пациенттер не анидулафунгин (жүктеме доза вена ішіне 200 мг, содан кейін вена ішіне тәулігіне 100 мг), не каспофунгин (жүктеме доза вена ішіне 70 мг, содан кейін вена ішіне тәулігіне 50 мг) (рандомизация 2 : 1 қатынасында) алды. Пациенттерге препаратты кемінде 14 күн бойы енгізген. Клиникалық тұрақты жағдайы бар пациенттер үшін азолдарды пероральді қабылдауға ауысуға сыналатын препаратпен кемінде 10 күн емделгеннен кейін рұқсат етілді. Зерттеуге енгізілген микробиологиялық расталған инвазивті кандидозы бар пациенттердің жалпы саны (MITT популяциясы) 14 адамды құрады (11 анидулафунгин және 3-каспофунгин алды). Пациенттердің көпшілігінде тек кандидемия болды. Бастапқы деңгейде жиі бөлінетін патогендер C. tropicalis (анидулафунгин үшін 4, каспофунгин үшін 0), C. parapsilosis (анидулафунгин үшін 2, каспофунгин үшін 1), C. krusei (анидулафунгин үшін 2, каспофунгин үшін 1) және C. ciferrii (анидулафунгин үшін 2, каспофунгин үшін 0). Венаішілік терапияны аяқтау сәтіндегі табысты жаһандық жауап көрсеткіші (тиімділіктің негізгі көрсеткіші) анидулафунгин үшін 8/11 (72,7 %) және каспофунгин үшін 3/3 (100,0%) (айырмашылық -27,3, 95% СА -80,9, 40,3); терапияның барлық түрлері аяқталған сәтте табысты жаһандық жауап көрсеткіші анидулафунгин үшін 8/11 (72,7 %) және каспофунгин үшін 3/3 (100,0%) (айырмашылық -27,3, 95% СА -80,9, 40,3 -27,3, 95% ди -80,9, 40,3). 6 аптадан кейін бақылау сапарының барлық себептері бойынша өлім көрсеткіші анидулафунгин (MITT популяциясы) үшін 4/11 (36,4%) және каспофунгин үшін 2/3 (66,7 %) құрады. Ұқсас дизайнмен біріктірілген 4 проспективті, ашық, салыстырылмайтын зерттеулердің деректерін талдау кезінде микробиологиялық расталған инвазивті кандидозы (MITT популяциясы) және нейтропениясы бар пациенттер идентификацияланды. Анидулафунгиннің тиімділігі (жүктеме доза вена ішіне 200 мг, содан кейін тәулігіне 100 мг) нейтропениясы бар 35 ересек пациентте бағаланды, ол нейтрофилдердің абсолютті саны ≤ 500 жасуша/мм3 немесе лейкоциттер саны ≤ 500 жасуша/мм3 (22 пациентте табылған) немесе бастапқы жағдайды бағалау кезінде зерттеуші дәрігер белгілеген нейтропения диагнозы бойынша (13 пациентте) анықталды. Барлық пациенттерге препаратты кем дегенде 14 күн бойы енгізді. Клиникалық тұрақты жағдайы бар пациенттер үшін азолдарды пероральді қабылдауға ауысуға анидулафунгинмен кемінде 5-10 күн емдеуден кейін рұқсат етілді. Пациенттердің көпшілігінде тек кандидемия болды (85,7 %). Бастапқы деңгейде жиі бөлінетін патогендер C. tropicalis (12 пациент), C. albicans (7 пациент), C. glabrata (7 пациент), C. krusei (7 пациент) және C. parapsilosis (6 пациент) болды. Венаішілік терапияны аяқтау сәтіндегі сәтті жаһандық жауаптың көрсеткіші (тиімділіктің негізгі көрсеткіші) 18/35 (51,4 %), ал терапияның барлық түрлері аяқталған сәтте — 16/35 (45,7%) құрады. Барлық себептер бойынша өлім көрсеткіші 28-күні 10/35 (28,6%) құрады. Бастапқы деңгейде нейтропения диагнозы қойылған 13 пациентте венаішілік терапияны аяқтау сәтінде және терапияның барлық түрлерін аяқтау сәтінде сәтті жаһандық жауаптың көрсеткіштері 7/13 (53,8 %) тең болды. Терең тіндердің инфекциясы бар пациенттердің қосымша мәліметтері Анидулафунгиннің тиімділігі (жүктеме доза вена ішіне 200 мг, содан кейін вена ішіне тәулігіне 100 мг) терең тіндердің микробиологиялық расталған кандидозы бар ересек пациенттерде 5 проспективті зерттеулердің (1 салыстырмалы және 4 ашық) біріктірілген деректерін талдау барысында бағаланды. Пациенттерге препаратты кемінде 14 күн бойы енгізген. 4 ашық зерттеуде азолдарды пероральді қабылдауға анидулафунгинмен кемінде 5-10 күн емдеуден кейін рұқсат етілді. Талдауға 129 пациенттің деректері енгізілді. Жиырма бір пациентте (16,3 %) қатарлас кандидемия анықталған. APACHE II шкаласы бойынша орташа балл 14,9 (2-44 диапазон) болды. Инфекцияның жиі орналасқан жері іш қуысы (54,3 %; 129-дан 70), өт шығару жолдары (7,0 %; 129-дан 9), плевра қуысы (5,4 %; 129-дан 7) және бүйрек (3,1 %; 129-дан 4) болды. Бастапқы деңгейде терең тіндерден жиі бөлінетін патлогендер C. albicans (64,3 %; 129-дан 83), C. glabrata (31,0 %; 129-дан 40), C. tropicalis (11,6 %; 129-дан 15) және C. krusei(5,4 %; 129-дан 7) болды. 4-кестеде венаішілік емді аяқтау сәтіне (тиімділіктің негізгі көрсеткіші), терапияның барлық түрлерін аяқтау сәтіне сәтті жаһандық жауаптың көрсеткіштері және 6 аптадан кейін бақылау сапары сәтіндегі барлық себептер бойынша өлім көрсеткіші берілген. 4-кесте. Терең тіндердің кандидозы бар пациенттерде барлық себептер бойынша сәтті жаһандық жауапа пен өлім көрсеткіштері — жиынтық талдау MITT популяциясы n/N (%) ВТА кезіндегі сәтті жаһандық жауаптың көрсеткішіб Кез келген орналасу — 102/129 (79,1) Іш қуысы — 51/70 (72,9) Өт шығару жолдары — 7/9 (77,8) Плевра қуысы — 6/7 (85,7) Бүйректер — 3/4 (75,0) ТА сәтіндегі сәтті жаһандық жауаптың көрсеткішіб — 94/129 (72,9) Барлық себептер бойынша өлім — 40/129 (31,0) a Сәтті жаһандық жауап клиникалық белгілер мен микробиологиялық көрсеткіштер бойынша емдеудің сәттілігі ретінде анықталды. б ВТА — венаішілік терапияны аяқтау, ТА — терапияның барлық түрлерін аяқтау. Бала жасындағы пациенттер • Кандидемияны (ИКК) қоса алғанда, инвазиялық кандидозы бар 1 айдан < 18 жасқа дейінгі балалар жасындағы 68 пациентте анидулафунгиннің қауіпсіздігі мен тиімділігін бағалау бойынша проспективті ашық салыстырылмайтын халықаралық зерттеу. Пациенттер жасы бойынша (1 айдан < 2 жасқа дейін, 2 жастан < 5 жасқа дейін және 5 жастан < 18 жасқа дейін) стратификацияланды және кейіннен флуконазолмен пероральді емге міндетті емес ауысумен (тәулігіне 612 мг/кг, ең жоғары доза 800 мг/тәулік) ұзақтығы 35 күнге дейінгі кезең ішінде вена ішіне тәулігіне бір рет анидулафунгин алды. Пациенттер ем аяқталғаннан кейін 2-ден 6 аптаға дейінгі кезең ішінде бақыланды. Анидулафунгин қабылдаған 68 пациенттің ішінде 64 пациентте Candida тектес зеңдерден туындаған инфекция микробиологиялық зерттеулермен расталған және осы пациенттерде «ем тағайындалған пациенттер» (modified intent-to-treat — MITT) модификацияланған іріктеме шегінде препараттың тиімділігі бағаланды. Жалпы алғанда, Candida тектес зеңдер тек 61 пациенттің (92,2%) қанынан егілді. Көбінесе Candida albicans (пациенттердің 25 [39,1%]), Candida parapsilosis (пациенттердің 17 [26,6%]) және Candida tropicalis (пациенттердің 9 [14,1%]) сияқты патогендер егілді. Табысты жалпы жауап клиникалық жауаптың (емделу немесе жақсарту) және микробиологиялық жауаптың (эрадикация немесе болжамды эрадикация) болуы ретінде анықталды. MITT үлгісінде сәтті жалпы жауаптың жиілігі туралы мәліметтер 5-кестеде берілген. 5-кесте. Жас бойынша MITT үлгісінде сәтті жалпы жауап бойынша жиынтық деректер Сәтті жалпы жауап, n (%) Уақытша нүкте — Жалпы жауап — 1 айдан < 2 жасқа дейін (N = 16) n (n/N, %) — 2 жастан < 5 жасқа дейін (N = 18) n (n/N, %) — 5 жастан < 18 жасқа дейін(N = 30) n (n/N, %) — Барлығы (N = 64)n (n/N, %) ВТА — Жетістік — 11 (68,8) — 14 (77,8) — 20 (66,7) — 45 (70,3) 95% СА — (41,3, 89,0) — (52,4, 93,6) — (47,2, 82,7) — (57,6, 81,1) ТА — Жетістік — 11 (68,8) — 14 (77,8) — 21 (70,0) — 46 (71,9) 95% СА — (41,3, 89,0) — (52,4, 93,6) — (50,6, 85,3) — (59,2, 82,4) КБ 2 апта ішінде — Жетістік — 11 (68,8) — 13 (72,2) — 22 (73,3) — 46 (71,9) 95% СА — (41,3, 89,0) — (46,5, 90,3) — (54,1, 87,7) — (59,2, 82,4) КБ 6 апта ішінде — Жетістік — 11 (68,8) — 12 (66,7) — 20 (66,7) — 43 (67,2) 95% СА — (41,3, 89,0) — (41,0, 86,7) — (47,2, 82,7) — (54,3, 78,4) • 95% СА — Клоппер — Пирсон әдісін пайдалана отырып, биноминальдық пропорциялар үшін дәл 95% сенімді аралық; ВТА - вена ішілік терапияның аяқталуы, ТА — терапияның аяқталуы.; КБ — кейінгі бақылау; MITT — «ем тағайындалған пациенттердің» модификацияланған іріктемесі (modified intent-to-treat); N — іріктемедегі пациенттердің саны; n — жауабы бар пациенттердің саны.

Дозалау режимі Эраксис® препаратын әрдайым дәрігер немесе білікті медицина қызметкері енгізуге дайындайды және енгізеді (осы қосымша парақтың соңында тек медицина қызметкерлеріне арналған препаратты дайындау тәсілі туралы толық ақпарат бар). Ересек пациенттерде емді бірінші күні 200 мг дозадан (жүктеме доза) бастайды. Содан кейін күн сайын 100 мг (демеуші доза) енгізеді. Балалар мен жасөспірімдерде (1 айдан 18 жасқа дейін) емді бірінші күні 3,0 мг/кг (200 мг артық емес) дозадан (жүктеме доза) бастайды. Содан кейін препаратты күн сайын 1,5 мг/кг (100 мг артық емес) (демеуші доза) енгізеді. Енгізілетін доза пациенттің дене салмағына байланысты. Енгізу әдісі мен жолы Тек вена ішіне енгізу үшін. Қабылдау уақыты көрсетілген қолдану жиілігі Эраксис® препаратын венаға баяу инфузия (тамшылатып енгізу) әдісімен тәулігіне бір рет енгізу керек. Ересектер үшін енгізу уақыты демеуші доза үшін кемінде 1,5 сағатты және жүктемелік доза үшін 3 сағатты құрайды. Балалар мен жасөспірімдерде дене салмағына байланысты инфузия ұзақтығы аз болуы мүмкін. Емдеу ұзақтығы Емдеу ұзақтығын және Эраксис® препаратының тәуліктік дозасын Сіздің жағдайыңызды және емге жауапты бақылайтын емдеуші дәрігер анықтайды. Негізінен емдеу қанда Candida соңғы рет анықталған күннен кейін кем дегенде 14 күн бойы жалғасуы керек. Дәрілік препараттың бір немесе бірнеше дозасын өткізіп алған кезде қажетті шаралар Сіз препаратты мұқият медициналық бақылауда алатындықтан, дозаны өткізіп алу ықтималдығы төмен. Дегенмен, егер Сіз препараттың кезекті дозасын енгізуді өткізіп алдым деп ойласаңыз, бұл туралы дәрігерге немесе фармацевтке хабарлау керек. Дәрігер сізге препараттың қос дозасын енгізбеуі керек. Тоқтату симптомдары қаупінің болуын көрсету Дәрігер сізді Эраксис ® препаратымен емдеуді тоқтатқан кезде, сізге ешқандай әсер етпеу керек. Дәрігер зеңдік инфекцияны емдеуді жалғастыру немесе оның қайталануының алдын алу үшін Эраксис ® препаратымен емдегеннен кейін басқа препаратты тағайындай алады. Егер бастапқы симптомдар қайтадан пайда болса, дереу емдеуші дәрігерге немесе басқа білікті медицина қызметкеріне хабарлаңыз. Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар Егер сізде осы препаратты қолдану туралы қосымша сұрақтар туындаса, дәрігермен немесе медбикемен кеңесіңіз.

-анидулафунгинге, басқа эхинокандиндерге немесе «Қосымша мәліметтер» бөлімінде берілген осы дәрілік препараттың кез келген басқа компоненттеріне аллергияның болуы; - фруктозаның тұқым қуалайтын жақпаушылығы; - жүктілік және лактация кезеңі; - 1 айға дейінгі нәрестелер.

Кез келген дәрілік заттар сияқты, Эраксис® препараты барлық пациентте болмаса да, жағымсыз әсерлерді туындатуы мүмкін. Осы жағымсыз әсерлердің кейбірін емдеуші дәрігер Сіздің емге жауаптарыңыз бен жағдайыңызды бақылау кезінде белгілейді. Сирек жағдайларда Эраксис® препаратымен емдеу кезінде өмірге қауіп төндіретін аллергиялық реакциялардың туындағаны туралы хабарланды, олар қиналыспен ысқырып тыныс алуды немесе орын алған бөртпенің ауырлауын қамтуы мүмкін. Ауыр жағымсыз әсерлер — аталған жағдайлардың кез-келгені туындаған кезде дереу дәрігерге немесе басқа білікті медицина қызметкеріне хабарлаңыз: • құрысулар (құрысу ұстамалары) • тері гиперемиясы • бөртпе, қышу • ысынулар • есекжем • ысқырып тыныс алуға немесе жөтелге әкелетін тыныс алу жолдарының айналасындағы бұлшықеттердің кенеттен жиырылуы • тыныс алудың қиындауы Өте жиі • Қандағы калий деңгейінің төмендеуі (гипокалиемия) • Диарея • Жүрек айнуы Жиі - Құрысулар (құрысу ұстамалары) - Бас ауыру - Құсу - Бауыр функциясының биохимиялық көрсеткіштерінің өзгеруі - Бөртпе, қышу - Бүйрек функциясының биохимиялық көрсеткіштерінің өзгеруі - Өт қабынан ішекке өттің бөлінуінің бұзылуы - Қандағы қант деңгейінің жоғарылауы - Жоғары артериялық қысым - Төмен артериялық қысым - Ысқырып тыныс алуға немесе жөтелге әкелетін тыныс алу жолдарының айналасындағы бұлшықеттердің кенеттен жиырылуы - Тыныс алудың қиындауы Жиі емес - Қан ұюының бұзылуы - Тері гиперемиясы - Ысынулар - Іштің ауыруы - Есекжем - Инъекция орнындағы ауырсыну Белгісіз (қолда бар деректер негізінде бағалау мүмкін емес) - Өмірге қауіп төндіретін аллергиялық реакциялар Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер сізге Эраксис ® препаратын қажет болғаннан көбірек енгізді деп алаңдасаңыз, оны дереу емдеуші дәрігермен немесе басқа білікті медицина қызметкерімен талқылаңыз.

Эраксис® препаратын қолданар алдында емдеуші дәрігерге, фармацевтке немесе медбикеге жүгініңіз. Сіздің емдеуші дәрігеріңіз мұқият бақылаудың қажеттілігі туралы шешім қабылдауы мүмкін: • егер емдеу кезінде бауыр тарапынан проблемалар туындаса, бауыр функциясы; • Эраксис® препаратымен емдеу кезінде қышыну, ысқырып тыныс алу, терідегі дақтар сияқты аллергиялық реакция белгілерін анықтау үшін анестетиктерді қолданған кезде; • бөртпе, есекжем, қышу, қызаруды қамтуы мүмкін инфузияға реакция белгілерін анықтау үшін; • ентігу/тыныс алудың қиындауы, бас айналу немесе талма алдындағы жағдайды анықтау үшін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Қатысты емес. Төменде берілген ақпарат тек медицина қызметкерлеріне арналған Құтының ішіндегісін инъекцияға арналған суда қалпына келтіріп және содан кейін ТЕК инфузияға арналған натрий хлоридінің 9 мг/мл (0,9 %) ерітіндісімен немесе инфузияға арналған глюкозаның 50 мг/мл (5 %) ерітіндісімен сұйылту керек. Қалпына келтірілген Эраксис® препаратының инфузияға арналған 9 мг/мл (0,9 %) натрий хлориді ерітіндісінен немесе инфузияға арналған 50 мг/мл (5 %) глюкоза ерітіндісінен басқа, вена ішіне енгізуге арналған заттармен, қоспалармен және препараттармен үйлесімділігі анықталмаған. Инфузияға арналған ерітіндіні мұздатып қатыруға болмайды. Қалпына келтіру Асептика тәртібін сақтай отырып, әр құтының ішіндегісін инъекцияға арналған 30 мл суда қалпына келтіреді, алынған ерітіндінің концентрациясы 3,33 мг/мл құрайды. Қалпына келтіру уақыты 5 минутқа созылуы мүмкін. Кейінгі сұйылтудан соң, егер механикалық қосындылар немесе түсінің өзгеруі анықталса, ерітіндіні утилизациялау керек. Қалпына келтірілген ерітіндіні одан әрі сұйылтпас бұрын 25 °C-ге дейінгі температурада 24 сағаттан асырмай сақтауға болады. Инфузияны сұйылту және орындау Парентеральді енгізуге арналған дәрілік препараттарды енгізу алдында ерітінді мен қаптама мүмкіндік беретін барлық жағдайларда механикалық қосындылардың бар-жоғын және түсінің өзгеруін көзбен тексеру керек. Егер механикалық қоспалар немесе түсінің өзгеруі анықталса, ерітіндіні тастау керек. Ересек пациенттер Қалпына келтірілген құтының (-лардың) ішіндегісін анидулафунгин препаратының қажетті концентрациясын алу үшін инфузияға арналған натрий хлоридінің 0,9% (9 мг/мл) ерітіндісі немесе инфузияға арналған глюкозаның 5% (50 мг/мл) ерітіндісі бар инфузиялық қапқа (немесе құтыға) асептикалық жағдайда тасымалдайды. Төмендегі кестеде инфузия үшін дайын ерітінді алу үшін препаратты 0,77 мг/мл концентрациясына дейін сұйылту туралы мәліметтер және әрбір дозаны енгізу жөніндегі нұсқаулық берілген. Эраксис® препаратын сұйылтуға қойылатын талаптар Доза — Ұнтағы бар құтылардың саны — Қалпына келтірілген препараттың жалпы көлемі — Инфузия көлеміА — Инфузияның жалпы көлеміБ — Инфузия жылдамдығы — Инфузияның ең аз ұзақтығы 100 мг — 1 — 30 мл — 100 мл — 130 мл — 1,4 мл/мин немесе 84 мл/сағ — 90 мин 200 мг — 2 — 60 мл — 200 мл — 260 мл — 1,4 мл/мин немесе 84 мл/сағ — 180 мин А Не инфузияға арналған натрий хлориді 0,9% (9 мг/мл) ерітіндісі, не инфузияға арналған глюкоза 5% (50 мг/мл) ерітіндісі. Б Инфузияға арналған ерітінді концентрациясы 0,77 мг/мл құрайды. Инфузия жылдамдығы 1,1 мг/мин аспауы тиіс (нұсқаулық бойынша қалпына келтірген және сұйылтқан жағдайда 1,4 мл/мин немесе 84 мл/сағ сәйкес келеді). Балалар 1 айдан < 18 жасқа дейінгі балалар жасындағы пациенттер үшін препарат дозасын енгізу үшін талап етілетін инфузияға арналған ерітіндінің көлемі пациенттің дене салмағына байланысты ерекшеленеді. Қалпына келтірілген ерітіндіні инфузияға арналған дайын ерітінді алу үшін 0,77 мг/мл концентрациясына дейін қосымша сұйылту керек. Бағдарламаланатын шприцті немесе инфузиялық сорғыны пайдалану ұсынылады. Инфузия жылдамдығы минутына 1,1 мг (нұсқаулыққа сәйкес қалпына келтіру және сұйылту кезінде 1,4 мл/мин немесе 84 мл/сағ баламалы) аспауы тиіс. 1.Пациент үшін дозаны есептейді және 3,33 мг/мл концентрациясын алу үшін қалпына келтіру жөніндегі нұсқаулықтарға сәйкес құтының(лардың) ішіндегісін қалпына келтіреді. 2.Қалпына келтірілген анидулафунгиннің қажетті көлемін (мл) есептейді: Анидулафунгиннің көлемі (мл) = Анидулафунгиннің дозасы (мг) 3,33 мг/мл. 3.Енгізу үшін 0,77 мг/мл соңғы концентрациясын алу үшін талап етілетін ерітіндінің жалпы көлемі (мл) есептеледі: Енгізуге арналған ерітіндінің жалпы көлемі (мл) = Анидулафунгин дозасы (мг) ÷ 0,77 мг/мл. 4.Енгізуге арналған ерітіндіні дайындау үшін талап етілетін еріткіштің көлемін есептейді [Фарм. АҚШ талаптарына сәйкес келетін 5% декстроза ерітіндісі немесе Фарм. АҚШ талаптарына сәйкес келетін инъекцияға арналған 0,9% натрий хлориді ерітіндісі (физиологиялық ерітінді)]: Сұйылтқыштың көлемі (мл) = Енгізуге арналған ерітіндінің жалпы көлемі (мл) – анидулафунгиннің көлемі (мл). 5.Асептикалық жағдайларда Фарм. АҚШ талаптарына сәйкес келетін инъекцияға арналған анидулафунгин мен 5% декстроза ерітіндісінің қажетті көлемін (мл) немесе Фарм. АҚШ талаптарына сәйкес келетін инъекцияға арналған 0,9% натрий хлориді ерітіндісін (физиологиялық ерітінді) препаратты енгізу үшін қажетті инфузияға арналған шприцке немесе вена ішіне инфузияға арналған пакетке тасымалдайды. Тек бір рет қолдануға арналған. Материалдардың қалдықтарын жергілікті талаптарға сәйкес утилизациялау керек.

Эраксис® препаратының жүкті әйелдерге әсері белгісіз. Осыған байланысты жүктілік кезінде Эраксис® препаратын қолдану ұсынылмайды. Бала тууға қабілетті әйелдер контрацепцияның тиімді әдістерін қолдануы тиіс. Егер сіз Эраксис ® препаратын қолдану кезінде жүкті болып қалсаңыз, дереу дәрігерге қаралыңыз. Эраксис® препаратының бала емізетін әйелдерге әсері белгісіз. Бала емізу кезеңінде Эраксис ® препаратын қолданар алдында емдеуші дәрігермен немесе фармацевтпен кеңесіңіз. Кез-келген дәрі-дәрмектерді қабылдамас бұрын дәрігермен немесе фармацевтпен кеңесіңіз. Эраксис® препаратының құрамында фруктоза бар Жеткізілген дозадағы фруктозаның жалпы мөлшері 119 мг құрайды. Егер сіздің емдеуші дәрігеріңіз кейбір қанттарға төзбеушілік бар екенін хабарлаған болса, осы препаратты қолданар алдында дәрігерге қаралыңыз. Егер Сізде (немесе Сіздің балаңызда) тұқым қуалайтын фруктоза жақпаушылығы (ТФЖ), сирек кездесетін генетикалық ауру болса, Сізге (немесе Сіздің балаңызға) бұл дәріні қабылдауға болмайды. ТФЖ бар пациенттер бұл препаратта фруктозаны ыдырата алмайды, бұл елеулі жағымсыз әсерлерді тудыруы мүмкін. Бұл дәрі-дәрмекті қабылдамас бұрын, егер сізде (немесе сіздің балаңызда) ТФЖ болса немесе Сіздің балаңыз жүрек айну, құсу немесе іштің кебуі, асқазан спазмы немесе диарея сияқты жағымсыз әсерлерге байланысты тәтті тамақ немесе сусын іше алмаса, емдеуші дәрігеріңізге хабарлауыңыз керек. Эраксис® препаратының құрамында натрий бар Бұл препараттың бір құтысында 1 ммольден аз натрий (23 мг) бар, яғни іс жүзінде «құрамында натрий жоқ».

Егер Сіз немесе Сіздің балаңыз басқа дәрілік препараттарды қабылдап жүрсеңіз, жақында қабылдаған болсаңыз немесе қабылдайтын болсаңыз дәрігерге хабарлаңыз. Анидулафунгин P450 (1A2, 2B6, 2C8, 2C9, 2C19, 2D6, 3A) цитохромы изоферменттерінің клиникалық маңызды субстраты, индукторы немесе тежегіші болып табылмайды. Айта кету керек, in vitro зерттеулері in vivo өзара әрекеттесу ықтималдығын толығымен жоққа шығармайды. Анидулафунгин мен анидулафунгинмен бір мезгілде қолданылуы мүмкін басқа препараттар арасындағы дәрілік өзара әрекеттесулерге зерттеулер жүргізілді. Анидулафунгинмен бір мезгілде қолданған кезде келесі препараттардың дозасын түзету қажет емес: циклоспорин, вориконазол және такролимус; сондай-ақ амфотерицин B және рифампицинмен бір мезгілде қолданған кезде анидулафунгиннің дозасын түзету қажет емес. Бала жасындағы пациенттер Дәрілік өзара әрекеттесуді зерттеу тек ересектердің қатысуымен жүргізілді.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 2-ден 8 °C-ге дейінгі температурада сақтау керек. Қалпына келтірілген ерітінді Қалпына келтірілген ерітіндіні 25 ºС-ден аспайтын температурада 24 сағаттан асырмай сақтайды. Инфузияға арналған ерітінді Инфузияға арналған ерітіндіні 25 ºС-ден аспайтын температурада 48 сағаттан асырмай сақтайды. Мұздатып қатыруға болмайды. Осы кезең аяқталғаннан кейін препаратты дереу пайдалану немесе утилизациялау керек. Балалардың қолы жетпейтін жерде сақтау керек! Ешқандай дәрі-дәрмекті кәрізге және тұрмыстық қоқысқа тастамаңыз.