Эритромицин таблетки 250 мг

Бір таблетканың құрамында белсенді зат – эритромицин (100 % затқа шаққанда), 250,00 мг; қосымша заттар: желатин, кальций стеараты, полисорбат-80 (твин-80), лактоза моногидраты (сүтті қант), натрий карбоксиметилкрахмалы (примогель), А типі, картоп крахмалы; қабықтың құрамы: метакрил қышқылы және этилакрилат сополимері (1:1) (колликут МАЕ 100Р), тальк, полисорбат-80 (твин-80), повидон К-30, титанның қостотығы Е171. Сыртқы түрінің, иісінің, дәмінің сипаттамасы Дөңгелек пішінді, екі беті дөңес, ақ немесе сұрғылт реңкті ақ түсті қабықпен қапталған таблеткалар.

Препарат ересектер мен 8 жастан асқан балаларда қолдануға көрсетілген. Эритромицинге сезімтал микроорганизмдер туындататын инфекциялық-қабыну ауруларының профилактикасы және емдеу: - жоғарғы тыныс алу жолдарының инфекциялары: тонзиллит, паратонзиллярлық абсцесс, фарингит, ларингит, синусит, тұмау мен суық тию кезінде салдарлы инфекциялар - төменгі тыныс алу жолдарының инфекциялары: трахеит, жедел және созылмалы бронхит, пневмония (үлестік пневмония, бронхопневмония, бастапқы атипті пневмония), бронхоэктаз, легионеллез (легионерлер ауруы) - көру мүшелерінің инфекциясы: блефарит - ЛОР-мүшелерінің инфекциясы: сыртқы отит, ортаңғы отит, мастоидит - ауыз қуысының инфекциясы: гингивит, Венсан ангинасы - тері мен жұмсақ тіндердің инфекциясы: фурункулдар мен карбункулдар, паронихия, абсцесс, пустулезды безеулер, импетиго, целлюлит, тілме -асқазан-ішек жолдарының инфекциясы: холецистит, стафилококкты энтероколит - инфекциялардың профилактикасы: операцияға дейінгі және кейінгі кезеңдерде, күйіктерде, ревматизмдік қызбада - басқа инфекциялар: остеомиелит, уретрит, соз, мерез, венерологиялық лимфогранулема, дифтерия, простатит, скарлатина

ATХ коды: J01FA01 Әсер ету механизмі Эритромицин өзінің микробқа қарсы әсерін сезімтал микроорганизмдердің 50S рибосомалық суббірлігімен байланыстыру арқылы көрсетеді және ақуыз синтезін бәсеңдетеді. Эритромицин әдетте келесі организмдердің көптеген штаммдарына қатысты in vitro және клиникалық инфекцияларда белсенді: грам оң бактериялар Listeria monocytogenes, Corynebacterium diphtheria (антитоксинге қосымша), Staphylococcus spp., Streptococcus spp. (оның ішінде энтерококктар). грам теріс бактериялар Hаemophilus influenza, Neisseria meningitidis, Neisseria gonorrhoeae, Legionella pneumophila, Moraxella (Branhamella) catarrhalis, Bordetella pertussis, Campylobacter spp. Микоплазма - Mycoplasma pneumoniae, Ureaplasma urealyticum. Басқа микроорганизмдер - Treponema pallidum, Chlamydia spp., Clostridium spp., трахома мен венерологиялық лимфогранулема қоздырғыштарының L-формалары. Haemophilus influenzae штаммдарының көпшілігінің эрадикациясы эритромициннің жоғары концентрациясында ғана байқалады. Сезімталдықты анықтауға арналған шекті мәндер: Эритромицинге арналған микробқа қарсы препараттарға сезімталдықты анықтау жөніндегі Еуропалық комитеттің (EUCAST) шекті клиникалық ЕТБК (ең төмен бәсеңдететін концентрациясы) (2024 жылғы 01 қаңтардағы 14.0 нұсқасы): Микроорганизм — Сезімтал (мг/л) — Резистентті (мг/л) Staphylococcus spp. — ≤ 1 — > 2 A, B, C, G тобының Streptococcus — ≤ 0,25 — > 0,5 Streptococcus pneumoniae — ≤ 0,25 — > 0,5 Viridans тобының стрептококктары — НД* — НД* Haemophilus influenzae — Ескертпе1) — Ескертпе1) Moraxella catarrhalis — ≤ 0,25 — > 0,25 Listeria monocytogenes — ≤ 1 — > 1 Campylobacter jejuni — ≤ 4 — > 4 Campylobacter coli — ≤ 8 — > 8 Corynebacterium diphtheria and C. ulcerans — ≤ 0,06 — > 0,06 Kingella kingae — ≤ 0,5 — > 0,5 B. anthracis басқа Bacillus spp. — ≤ 0,5 — > 0,5 1) H. Influenza туындатқан респираторлық инфекциялардағы макролидтердің тиімділігін растайтын клиникалық деректер өздігінен сауығудың жоғары жиілігіне байланысты қарама-қайшы болып тұр. Осы түрге қатысты қандай да бір макролидті сынау қажеттілігі пайда болған жағдайда жүре пайда болған резистенттілігі бар штаммдарды анықтау үшін эпидемиологиялық шекті мәндерді (ECOFF) пайдалану керек. Эритромицинге арналған ECOFF 16 мг/л құрайды. * «ДЖ» - қарастырылып отырған түрдің осы дәрілік препаратпен емдеуге жақсы бейім екенін растайтын деректер жеткіліксіз. ЕТБК түсініктемемен көрсетілуі мүмкін, бірақ сезімтал, орташа резистентті және резистентті микроорганизмдерге қатарлас жіктемесіз. Эритромицин зеңдер, вирустар, ашытқылар тудыратын инфекцияларды емдеу кезінде тиімсіз. Тұрақтылық механизмдері Эритромицинге резистенттілік әртүрлі механизмдерге байланысты. 23S рРНҚ мутациясы немесе метилденуі немесе L4 және L22 рибосомалық ақуыздардың мутациясы арқылы рибосомалық байланыс аймағының модификациясы маңызды рөл атқарады. Эритромицинді микроорганизмдердің эффлюкс сорғыларымен белсенді шығарылуы резистенттіліктің дамуына әкеледі. Этераза ферменттері катализдейтін эритромициннің лактон сақинасының гидролизі де резистенттіліктің дамуына әкелуі мүмкін. Эритромицинге резистенттілік тез дамиды және көбінесе клиндамицин сияқты басқа макролидтерге айқаспалы резистенттілікпен байланысты. Микроорганизмдердің оқшауланған түрлерінің резистенттілігінің таралуы аймаққа және уақытқа байланысты өзгеруі мүмкін, сондықтан резистенттілік туралы жергілікті ақпарат қажет, әсіресе ауыр инфекцияларды емдеуде. Қажет болса, егер резистенттіліктің жергілікті таралуы туралы белгілі болса және инфекциялардың кем дегенде кейбір түрлерінде препараттың тиімділігі күмән тудырса, маманнан кеңес алу керек.

Дозалау режимі Ересектер мен 8 жастан асқан балалар Ауырлығы жеңіл және орташа инфекциялық-қабыну ауруларын емдеу - тең дозаларға бөлінген күн сайын 1-2 г; ауыр инфекциялық – қабыну ауруларын емдеу - күн сайын 4 г дейін. Балалар Кіші жастағы балаларға, сәбилерге және нәрестелерге әдетте эритромицин этилсукцинатының суспензиясын ұсынады. Ауырлығы жеңіл және орташа инфекциялық-қабыну аурулары кезінде 2-ден 8 жасқа дейінгі балаларға ұсынылатын доза тең дозаларға бөлінген күніне 1 г құрайды. Ауырлығы жеңіл және орташа инфекциялық-қабыну аурулары кезінде нәрестелер мен еметін балалар үшін ұсынылатын доза тең дозаларға бөлінген күніне 500 мг құрайды. Егде жастағы пациенттер Дозалау бойынша арнайы ұсыныстар жоқ. Енгізу әдісі және жолы Ішке. Сарысудағы эритромициннің оңтайлы концентрациясына таблеткаларды тамақтанудан бір сағат бұрын қабылдау арқылы қол жеткізіледі. Емдеу ұзақтығы Емдеу курсының ұзақтығын ауру сипатына және емдеу тиімділігіне байланысты, оны дәрігер белгілейді. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Препаратты дәрігердің тағайындауы бойынша қолданады.

- әсер етуші затқа немесе қосымша заттардың кез келгеніне аса жоғары сезімталдық - симвастатин, толтеродин, мизоластин, амисульприд, астемизол, терфенадин, домперидон, цизаприд және пимозидті бір мезгілде қабылдау - тамырды тарылтатын алкалоид қастауыштарын, әсіресе эрготамин мен дигидроэрготаминді бір мезгілде қабылдау - тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактозаның мальабсорбциясы - эритромицинді анамнезінде QT аралығының ұзаруы (QT аралығының туа біткен немесе белгіленген жүре пайда болған ұзаруы) немесе «пируэт» типті қарыншалық тахикардияны (torsades de pointes) қоса, жүректің қарыншалық аритмиясы бар пациенттерге тағайындамаған жөн - эритромицинді QT аралығының ұзару қаупіне байланысты электролиттік теңгерімі (гипокалиемия, гипомагниемия) бар пациенттерге тағайындамаған жөн - ломитапидті бір мезгілде қабылдау - 8 жасқа дейінгі балалар

Сирек: • жалған жарғақшалы колит (эритромицинді қолданумен байланысты жағдайлар туралы сирек) Белгісіз (қолда бар деректер негізінде бағалау мүмкін емес): • эозинофилия • аллергиялық реакциялар, есекжем мен жеңіл тері бөртпелерінен анафилаксиялық реакцияларға дейін • елестеулер • құрысулар, сананың шатасуы және бас айналуы (орталық жүйке жүйесі тарапынан уақытша жағымсыз реакциялар туралы жекелеген хабарламалар келіп түсті, алайда препаратты қолданумен себеп-салдарлық байланыс анықталмаған) • митохондриальді оптикалық нейропатия • кереңдік, құлақтағы шуыл, есту қабілетінің қайтымды төмендеуі (негізінен бүйрек жеткіліксіздігі бар пациенттерде немесе үлкен дозаларды қабылдау аясында пайда болған жеке хабарламалар келді) • QT аралығының ұзаруы, пируэттік тахикардия, қатты жүрек соғу сезімі және жүрек ырғағының бұзылуы, соның ішінде қарыншалық тахиаритмия; жүректің тоқтауы, қарыншалық фибрилляция • гипотония • инфантильді гипертрофиялық қақпалық стеноз • панкреатит, диарея, анорексия, асқазан аймағындағы жайсыздық, жүрек айну, құсу (эритромицин препараттарын ішке қолданған кезде едәуір жиі жағымсыз реакциялар асқазан-ішек жолы тарапынан байқалады және дозаға тәуелді болып табылады) • бауыр жеткіліксіздігі, гепатоцеллюлярлық гепатит, гепатомегалия, бауыр функциясының бұзылуы, холестаздық гепатит, сарғаю • жедел жайылған экзантематозды пустулез (ЖЖЭП); Стивенс-Джонсон синдромы, уытты эпидермальды некролиз, мультиформалы эритема, ангиоісіну, тері бөртпелері, қышыну, есекжем, экзантема • интерстициялық нефрит • кеуденің ауыруы, қызба, дімкәстік • бауыр ферменттері көрсеткіштерінің жоғарылауы Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: есту қабілетінің жоғалуы, қатты жүрек айнуы, құсу және диарея. Емдеу: асқазанды шаю, жалпы демеуші шаралар.

Макролидті антибиотиктер мен линкомицин тобының антибиотиктері арасында айқаспалы резистенттілік пайда болуы мүмкін. Эритромицин мен басқа макролидтер арасында айқаспалы аллергия пайда болуы мүмкін. Эритромицин негізінен бауыр арқылы шығарылады, сондықтан бауыр функциясы бұзылған немесе бір мезгілде гепатоуытты дәрілік заттарды қабылдайтын пациенттерге антибиотиктерді сақтықпен тағайындау керек. Бауыр ферменттерінің белсенділігінің жоғарылауын және/немесе сарғаюмен немесе онсыз холестаздық гепатитті қоса, эритромицинді қабылдау кезінде бауыр функциясының бұзылуының пайда болуы туралы мәліметтер бар. Макролидтерді қоса, барлық дерлік бактерияға қарсы дәрілерді қолданғанда, жалған жарғақшалы колиттің дамуы байқалды, ол ауырлығы бойынша жеңілден өмірге қауіп төндіретінге дейін ауытқуы мүмкін. Эритромицинді қоса, барлық дерлік бактерияға қарсы дәрілерді қолданғанда, Clostridium difficile туындаған диарея (СДТД) байқалды, ол ауырлығы бойынша орташа диареядан өлімге әкелетін колитке дейін ауытқуы мүмкін. Бактерияға қарсы препараттармен емдеу жуан ішектің қалыпты флорасын бұзады, бұл C. difficile шамадан тыс өсуіне әкелуі мүмкін. Антибиотиктерді қолданғаннан кейін диареясы бар барлық пациенттерде СДТД ықтималдығын қарастыру керек. Ауру тарихын мұқият анықтау қажет, өйткені СДТД пайда болуы бактерияға қарсы препараттарды тағайындағаннан кейін екі айдан астам уақыт өткен соң мүмкін болады. Басқа макролидтерді қабылдағандай, жедел жайылған экзантематозды пустулезді (ЖЖЭП) қоса, сирек күрделі аллергиялық реакциялар байқалады. Аллергиялық реакция пайда болған кезде, препаратты қабылдауды тоқтатып, тиісті емді тағайындау керек. Аллергиялық реакциялардың симптомдары симптоматикалық емді тоқтатқан кезде қайта пайда болуы мүмкін. Эритромицинді қоса, макролидтермен емдеу кезінде жүрек аритмиясы мен «пируэт» типті қарыншалық тахикардияның (torsades de pointes) даму қаупімен байланысты миокард реполяризациясының және QT аралығының ұзаруы байқалды. Өліммен аяқталу жағдайлары туралы хабарламалар бар. Жақында Lane және т.б. (2020) әдеби басылымнан хлорохин/гидроксихлорохин мен азитромицинді (макролидтер тобының антибиотигі) бір мезгілде қолданғаннан кейін жүрек аритмиясы мен күрделі жүрек-қантамыр жағымсыз құбылыстары қаупінің жоғарылауы туралы қолда бар деректерді, сондай-ақ ықтимал әсер ету механизмін ескере отырып, PRAC эритромицинді қолдану мен гидроксихлорохинді немесе оның бастапқы қосылысын, хлорохинді бір мезгілде қолдану кезінде жүрек аритмиясы мен күрделі жүрек-қантамыр жағымсыз құбылыстарының жоғарылау қаупінің арасындағы себеп-салдарлық байланысты мүмкін болатыннан төмен емес деп санайды. Эритромицинді сақтықпен пайдалану керек: жүректің ишемиялық ауруы, ауыр жүрек жеткіліксіздігі, өткізгіштік бұзылулары немесе клиникалық елеулі брадикардиясы бар пациенттерде; QT жоғарылауын тудыруы мүмкін басқа дәрілік препараттарды бір уақытта қабылдайтын пациенттерде; егде жастағы пациенттерде, өйткені олар препараттың QT аралығына әсеріне едәуір бейім болуы мүмкін. Макролидтерді қолдану кезінде қолайсыз жүрек-қантамыр нәтижелерінің қаупін зерттеу бойынша эпидемиологиялық зерттеулер өзгермелі нәтижелер көрсетті. Кейбір обсервациялық зерттеулерде эритромицинді қоса, макролидтерді қолдану салдарынан аритмия, миокард инфарктісі және жүрек-қантамыр ауруларынан болатын өлім-жітімнің сирек қысқа мерзімді қаупі анықталды. Бұл нәтижелерді қарастыру эритромицинді тағайындау кезінде емдеудің артықшылықтарымен теңестірілуі тиіс. Эритромицинді гидроксихлорохин немесе хлорохин қабылдайтын кез келген пациенттерге тағайындамас бұрын, жүрек-қантамыр оқиғалары мен жүрек-қантамыр өлімінің потенциалды жоғары қаупіне байланысты пайда мен қауіптің арақатынасын мұқият өлшеу керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралдарын басқару қабілетіне және зейін қою мен психомоторлық реакциялардың жылдамдығын талап ететін басқа да ықтимал қауіпті қызмет түрлерімен айналысуға әсер етпейді.

Егер Сіз жүкті болсаңыз немесе бала емізетін болсаңыз, жүкті бола аламын деп ойласаңыз немесе бала тууды жоспарласаңыз, бұл дәріні қабылдамас бұрын дәрігеріңізбен немесе фармацевтпен кеңесіңіз. Эритромициннің белсенді ингредиенті жүкті әйелдерде плацента арқылы өтуі мүмкін және емшек сүтімен шығарылады. Туа біткен ақаулардың қаупіне қатысты зерттеулерден алынған ақпарат қарама-қайшы, бірақ кейбір зерттеулерде жүктіліктің ертең кезеңінде эритромицинді қолданғаннан кейін жүрек ақаулары туралы хабарланды. Эритромицинді әйелдерге жүктілік кезінде немесе емшек сүтімен емізу кезінде өте қажет болған жағдайда ғана қолдану керек.

Дәрігерге немесе фармацевтке Сіз рецептісіз алынған кез келген дәрілерді қоса, басқа қандай да бір басқа дәрілерді қабылдап жүргеніңізді, жақында қабылдағаныңызды немесе қабылдауыңыз мүмкін екенін хабарлаңыз. Эритромицинмен бір мезгілде қолданғанда Р450 цитохромы ферменттерінің жүйесімен метаболизденетін препараттардың қан сарысуындағы концентрациясының жоғарылауы байқалуы мүмкін: аценокумарол, альфентанил, астемизол, бромокриптин, карбамазепин, цилостазол, циклоспорин, дигоксин, дигидроэрготамин, дизопирамид, эрготамин, гексобарбитал, метилпреднизолон, мидазолам, омепразол, фенитоин, хинидин, рифабутин, силденафил, такролимус, терфенадин, домперидон, теофиллин, толтеродин, триазолам, вальпроат, винбластин және зеңге қарсы препараттар (мысалы, флуконазол, кетоконазол және итраконазол). Эритромицинді бір мезгілде қабылдайтын пациенттерде Р 450 цитохромының қатысуымен метаболизденетін препараттардың қан сарысуындағы концентрациясын мұқият бақылау керек. Тиісті мониторинг жүргізіп, қажет болған жағдайда дозаны түзету қажет. ЭКГ-да QT аралығын ұзартатын дәрілік заттарға ерекше назар аудару керек. CYP3A4 индукторлары болып табылатын препараттар (мысалы, рифампицин, фенитоин, карбамазепин, фенобарбитал, шілтер жапырақты шайқурай) эритромициннің метаболизмін индукциялауы мүмкін, бұл эритромициннің субтерапиялық деңгейіне және оның әсерінің төмендеуіне әкелуі мүмкін. Эритромицинді CYP3A4 индукторларымен емдеу кезінде және одан кейін екі апта ішінде қолдануға болмайды, өйткені осы кезеңде индукцияның біртіндеп төмендеуі жүреді. HMG-CoA-редуктаза тежегіштері (ГМК-КоА редуктаза тежегіштері) Эритромицин HMG-CoA-редуктаза тежегіштерінің (мысалы, ловастатин мен симвастатин) концентрациясын жоғарылататыны хабарланды. Эритромицинді рабдомиолизді қоса, миопатия қаупінің жоғарылауына байланысты HMG-CoA-редуктаза тежегіштерімен (статиндермен) бір мезгілде қолданбаған жөн. Осы препараттарды бір мезгілде қабылдаған пациенттерде рабдомиолиздің сирек жағдайлары байқалды. Егер Сіз қазіргі уақытта ломитапид (холестерин мен триглицеридтер сияқты қандағы май құрамының жоғарылауын азайту үшін қолданылады) деп аталатын дәріні қабылдап жүрсеңіз, эритромицинді қабылдамаңыз. Бұл препаратты эритромицинмен бір мезгілде қабылдау бауыр (трансаминазалар) жасушалары өндіретін ферменттер деңгейінің жоғарылауына әкелуі мүмкін, бұл бауырдың жүктеме жай-күйінде және бауырмен проблемаларға әкелуі мүмкін екенін көрсетеді. Контрацептивтер Кейбір антибиотиктер сирек жағдайларда ішектегі стероидты конъюгаттардың бактериялық гидролизіне және осылайша байланыспаған стероидтардың реабсорбциясына кедергі жасай отырып, ұрықтануға қарсы препараттардың тиімділігін төмендетуі мүмкін. Нәтижесінде қан плазмасындағы белсенді стероидтың деңгейі төмендеуі мүмкін. Гистаминді H1-рецепторлардың блокаторлары Эритромицин метаболизмінің өзгеруіне байланысты терфенадин, астемизол, домперидон және мизоластин сияқты эритромицин мен Н1-антагонистерін бір мезгілде қабылдауды сақтықпен тағайындау керек. Эритромицин бір мезгілде қабылдағанда терфенадин, астемизол және пимозидтің метаболизмін елеулі өзгертеді. Сирек жағдайларда жүректің тоқтап қалуы, «пируэт» типті қарыншалық тахикардия (torsades de pointes) және басқа да вентрикулярлық аритмиялар сияқты күрделі, потенциалды өліммен аяқталатын жүрек-қантамыр бұзылулары туралы хабарланды. Бактерияға қарсы дәрілер In vitro жағдайында эритромицин мен бактерицидті бета-лактамды антибиотиктер (мысалы, пенициллин, цефалоспорин) арасында антагонизм бар. Эритромицин клиндамицин, линкомицин және хлорамфениколдың әсеріне кедергі келтіреді. Стрептомицинге, тетрациклиндерге және колистинге де қатысты. Протеаза тежегіштері Эритромицин мен протеаза тежегіштерін бір мезгілде тағайындағанда эритромициннің ыдырауының тежелуі байқалды. Пероральді антикоагулянттар Эритромицин мен пероральді антикоагулянттарды (мысалы, варфарин, ривароксабан) қатарлас қабылдаған кезде коагуляцияға қарсы әсердің күшеюі туралы хабарламалар бар. Триазолбензодиазепиндер (мысалы, триазолам және апразолам) және онымен байланысты бензодиазепиндер Эритромицин триазоламның, мидазоламның және онымен байланысты бензодиазепиндердің клиренсін төмендетеді және осылайша осы бензодиазепиндердің фармакологиялық әсерін арттыруы мүмкін. Эрготамин Маркетингтен кейінгі бақылаулар эритромицинді эрготаминмен немесе дигидроэрготаминмен бірге қолдану орталық жүйке жүйесінде, аяқ-қолдарда және басқа тіндерде тамырлар түйілуімен және ишемиямен сипатталатын қастауыштың жедел уыттылығымен байланысты екенін көрсетеді. Цизаприд Эритромицинмен бір мезгілде қолдану аясында пациенттерде цизаприд деңгейінің жоғарылауы туралы хабарланды. Бұл QT аралығының ұзаруына және аритмияның пайда болуына әкелуі мүмкін, соның ішінде қарыншалық тахикардия, қарыншалық фибрилляция және «пируэт» типті қарыншалық тахикардия (torsades de pointes). Ұқсас әсерлер пимозид пен кларитромицинді, басқа макролидті антибиотикті бір мезгілде қабылдаған пациенттерде байқалды. Теофиллин Эритромицинді жоғары дозада теофиллин қабылдаған пациенттерде қолдану қан сарысуындағы теофиллин концентрациясының жоғарылауына және теофиллиннің потенциалды уыттылығына әкелуі мүмкін. Теофиллиннің уыттылығы және/немесе сарысудағы теофиллин концентрациясының жоғарылауы белгілері пайда болған жағдайда, эритромицинмен емдеу кезінде теофиллин дозасын азайту керек. Эритромицин мен теофиллинді бір мезгілде пероральді қолданғанда қан сарысуындағы эритромицин концентрациясы айтарлықтай төмендейтінін көрсететін хабарламалар жарияланды. Бұл эритромициннің субтерапиялық концентрациясына әкелуі мүмкін. Колхицин Препарат нарыққа шыққаннан кейін колхициннің эритромицинмен бірге қолданылғандағы уыттылығы туралы хабарламалар келіп түсті. Кальций өзекшелерінің блокаторлары Кальций өзекшелерінің блокаторы верапамилді бір мезгілде қолданғанда артериялық гипотензия, брадиаритмия және лактоацидоз байқалды. Циметидин Циметидинді бір мезгілде қолдану эритромицин метаболизмін тежеуі мүмкін, бұл плазмадағы концентрацияның жоғарылауына әкелуі мүмкін. Зопиклон Эритромицин зопиклон клиренсін төмендетіп, сол арқылы осы препараттың фармакодинамикалық әсерін күшейте алады. Обсервациялық деректер ревматоидты артриті бар пациенттерде азитромицин мен гидроксихлорохинді бірлесіп қолдану жүрек-қантамыр оқиғалары қаупінің жоғарылауымен және жүрек-қантамыр бұзылуларынан болатын өліммен байланысты екенін көрсетті. Гидроксихлорохинмен және хлорохинмен бірге қолданғанда басқа макролидтер үшін ұқсас қауіп ықтималдығы болғандықтан, гидроксихлорохин немесе хлорохин қабылдаған кез келген пациенттерге эритромицин тағайындамас бұрын пайда мен қауіптің арақатынасын мұқият талдау қажет. Кортикостероидтар Эритромицинді жүйелік және ингаляциялық кортикостероидтармен бір мезгілде қолданғанда, негізінен CYP3A метаболизденетін, кортикостероидтардың жүйелік әсерін күшейту мүмкіндігіне байланысты сақ болу керек. Препараттарды бір мезгілде қолданғанда пациенттер жүйелі кортикостероидтардың жағымсыз әсерлерін мұқият бақылауда ұстауы тиіс. Гидроксихлорохин және хлорохинин Эритромицинді жүрек аритмиясын және күрделі қолайсыз жүрек-қантамыр құбылыстарын туындатуы потенциалды мүмкін болғандықтан QT аралығын ұзартатын осы препараттарды қабылдаған пациенттерде сақтықпен қолдану керек. Арнаулы ескертулер Эритромицин туа біткен мерездің алдын алу үшін жеткілікті концентрацияда шаранаға дейін жетпейді деп хабарланды. Жүктілік кезінде мерезді ерте сатыда емдеу үшін эритромицинді пероральді қабылдаған әйелдерден туған нәрестелерге пенициллинмен тиісті емдеуді тағайындау керек. Эритромицин миастениясы бар пациенттерде әлсіздік симптомдарын күшейтуі мүмкін деген хабарламалар бар. Эритромицин несептегі катехоламиндердің флюорометриялық анықтамасына кедергі келтіреді. Статиндермен бір мезгілде эритромицин қабылдаған ауыр пациенттерде бүйрек функциясы бұзылған немесе онсыз рабдомиолиз (қаңқа бұлшықетінің жедел некрозы) туралы хабарланды. Нәрестелерде эритромицинмен емдеуден кейін пайда болатын нәрестелік гипертрофиялық қақпалық стеноздың (IHPS) дамуы туралы хабарланды. Мета-талдау деректерін қоса, эпидемиологиялық зерттеу деректері нәрестелердегі эритромициннің әсерінен кейін IHPS қаупінің 2-3 есе артуын болжауға мүмкіндік береді. Бұл қауіп өмірдің алғашқы 14 күнінде эритромицин әсерінен кейін едәуір жоғары болады. Қолда бар деректер осы уақыт аралығында эритромицин әсерінен кейін қауіп 2,6 % (95% СА: 1,5–4,2 %) екенін көрсетеді. Жалпы қауымдағы IHPS қаупі 0,1-0,2% құрайды. Эритромицинді нәрестелердегі осындай ауруларды емдеуде пайдалануға болатындықтан, олар елеулі аурушаңдық пен өлім-жітіммен байланысты (мысалы, көкжөтел, хламидиоз), ІНРS дамуының потенциалды қаупіне қатысты эритромицинмен емдеуден пайданы бағалау қажет. Баланы тамақтандыру кезінде құсу немесе мазасыздық пайда болған жағдайда ата-аналарға дәрігерге қаралу қажеттілігі туралы ескерту керек. Педиатрияда қолданылуы Препаратты 8 жасқа дейінгі балаларға қолдануға болмайды (осы дәрілік түрі үшін).

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!