Эрмуцин® порошок 175 мг/5 мл

Бір құтының ішінде белсенді зат - 3,50 г эрдостеин; қосымша заттар: сахароза, натрий бензоаты, натрий крахмал гликоляты, сусыз лимон қышқылы, сукралоза, mask CLD nat дәмдік қоспасы, сицилиялық апельсин хош иістендіргіш ұнтағы. Сыртқы түрінің, иісінің, дәмінің сипаттамасы Жағымды иісі мен өзіне тән апельсин дәмі бар ұсақ, сусымалы, ақ ұнтақ.

Тыныс алу жолдарының жедел және созылмалы аурулары кезіндегі муколитикалық, сұйылтатын дәрі.

Әсер ету механизмі/фармакодинамикалық тиімділігі Эрдостеин, Эрмуциннің® белсенді ингредиенті, бронх шырышына оның муколитикалық қасиеттеріне қосымша, қақырық түсуін жеңілдетеді, бос радикалдардың жергілікті түзілуіне қарсы әсер етуімен қатар эластаза ферментінің белсенділігін тежейді. Фармакологиялық зерттеулер көрсеткендей, эрдостеин мұндай қасиеттерге ие емес, бірақ ол метаболизмнен кейін ғана белсенді болады. Шын мәнінде, белсенділікке жатқызылған SH топтары химиялық жолмен бөгеледі және метаболизмнен кейін немесе сілтілік ортада босайды. Бұл қасиеті дәмінің жағымсыз болмауына және меркаптандық регургитациясыз дәмнің жағымдылығын, сондай-ақ асқазанның жақсы төзімділігіне кепілдік береді.

Дозалау режимі Ересектер Күніне екі рет 10 мл. Балалар Дозалау режимі дене салмағы мен жасына байланысты былай анықталады: 15 – 19 кг (2 жастан асқан): күніне екі рет 5 мл; 20 – 30 кг (2 жастан асқан): күніне үш рет 5 мл; 30 кг жоғары (2 жастан асқан): күніне екі рет 10 мл. Енгізу әдісі және жолы Құтының ішіндегісіне арнайы белгіге дейін су қосыңыз. Біртекті суспензия пайда болғанша жақсылап сілкілеңіз. Құтының ішіндегісінің деңгейін тексеріңіз және (егер қажет болса) су қосыңыз және құтыны қайта сілкілеңіз. Дайындалған суспензияны 15 күннен аспайтын уақыт бойы қолдануға болады, тоңазытқышта 2-8 оС температурада сақтау керек. Әр қолданар алдында шайқау керек! Препарат ішке қабылдауға арналған. Емдеу ұзақтығы • Бұл дәрілік препаратты дәрігердің нұсқауына сәйкес нақты қолдану керек. Сұрақтар туындаған кезде дәрігерден немесе фармацевттен кеңес алу керек. Дәрілік препараттың бір немесе бірнеше дозасын өткізіп алу кезіндегі қажетті шаралар • Препарат қабылдауын өткізіп алған кезде дозаны екі еселеп қабылдаудың қажеті жоқ. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер • Осы дәрілік препаратты пайдалану бойынша қосымша сұрақтар туындаған кезде дәрігерге немесе фармацевтке жүгіну керек.

• белсенді немесе қосымша заттардың кез келгеніне аса жоғары сезімталдық • белсенді пептидтік ойық жара • Метионин метаболизміне өнімнің ықпал етуі мүмкіндігіне байланысты, Эрмуцин® бауыр циррозынан және цистатион-синтетазасы ферментінің тапшылығынан зардап шегетін пациенттерге қолдануға болмайды • креатинин клиренсі <25 мл/мин бүйрек жеткіліксіздігі немесе бауыр жеткіліксіздігі бар пациенттер жайында деректер болмағандықтан, эрдостеинді бұл пациенттерге пайдалану ұсынылмайды • дәрілік препаратты 2 жасқа дейінгі балаларға қолдануға болмайды.

• Барлық дәрілік препараттар сияқты, бұл дәрі де жағымсыз әсерлерді тудыруы мүмкін, бірақ олар бәрінде бірдей туындамайды. • Асқазан-ішек жолы тарапынан болатын жағымсыз реакциялар 1000 пациенттің 1-ден азында туындауы мүмкін. Өте сирек: • бас ауыру • диспноэ • дисгевзия (дәм сезу сезімінің өзгеруі), жүрек айну, құсу, диарея, эпигастрий тұсындағы ауырсыну • есекжем, эритема, экзема Жиілігі белгісіз: • бронх обструкциясы. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек. Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ұсынылған (күніне 1200 мг) дозадан арттырған кезде тершеңдік, бас айналуы және қан кернеулері байқалған. Эрмуцин® препаратын кездейсоқ қажет мөлшерден артық қабылдаған болсаңыз, дереу дәрігерге хабарлауыңыз немесе жақын ауруханаға баруыңыз керек.

• Эрмуцин® препаратын қолданардың алдында дәрігерден немесе фармацевттен кеңес алу керек. Арнайы сақтандырулар Балалар Эрмуцинді® 2 жасқа дейінгі балаларға қолдануға болмайды. Муколитиктер 2 жасқа дейінгі балаларда бронхтың обструкциясына әкелуі мүмкін. Шын мәнінде, бұл жаста бронх шырышының дренаждық қабілеті тыныс алу жолдарының физиологиялық ерекшеліктеріне байланысты шектеулі. Өнім құрамында сахароза, натрий және натрий бензоаты бар. Сахароза Фруктоза жақпаушылығы, глюкоза-галактоза мальабсорбциясы немесе сахараза-изомальтаза жеткіліксіздігі сияқты тұқым қуалайтын сирек аурулары бар пациенттерге бұл дәрілік затты қабылдауға болмайды. Натрий Бұл препарат құрамында 5 мл суспензияда 1 ммольден (23 мг) аз натрий бар, сондықтан оның құрамында натрий жоқ деп айтуға болады. Натрий бензоат Бұл дәрілік препарат құрамында 5 мл дозада 10 мг натрий бензоаты бар, бұл көлемі бойынша 2 мг/мл-ге тең. Күкірт иісінің білінуі өнімнің өзгеру белгісі болып табылмайды, ол белсенді заттың сипаты болып табылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Эрмуцин® көлік құралдарын басқару және механизмдермен жұмыс істеу қабілетіне әсер етпейді.

Жүктілік немесе бала емізу, жүктілікті болжамдау немесе жоспарлау жағдайында бұл дәрілік препаратты пайдаланар алдында дәрігеріңізден немесе фармацевттен кеңес алу керек. Жүктілік және бала емізу кезеңінде эрдостеин қауіпсіздігі анықталмады, сондықтан оны қолдану ұсынылмайды. Сол сияқты, оны бала емізу кезінде де қолдану ұсынылмайды.

Қандай да бір басқа дәрілік заттарды пайдаланған жағдайда дәрігеріңізге немесе фармацевтке хабарлау керек. • Басқа дәрілік заттармен өзара әрекеттесуі туралы хабарланбаған, сондықтан препаратты антибиотиктермен және бронходилататорлармен (теофиллин немесе бета2-миметиктер, жөтелге қарсы препараттар және т.б.) бірге қабылдауға болады.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Дайын суспензияны 2 - 8 ºС температурада, тоңазытқышта 15 күннен асырмай сақтау керек. Балалардың қолы жетпейтін жерде сақтау керек!