Эростин таблетки 10 мг

Бір таблетканың құрамында белсенді зат - 10 мг эбастин қосымша заттар: микрокристалды целлюлоза, желатинделген крахмал, лактоза, натрий кроскармеллозасы, магний стеараты қабықтың құрамы: гипромеллоза, 2-пропанол, метиленхлорид, тальк, титанның қостотығы (Е 171), полиэтиленгликоль 6000 Сыртқы түрінің, иісінің, дәмінің сипаттамасы Дөңгелек пішінді, екі беті дөңес, ақ түсті үлбірлі қабықпен қапталған таблеткалар (10 мг).

Дәрілік препарат ересектер мен 12 жастан асқан балаларға қолдануға арналған. - аллергиялық конъюнктивитпен немесе онсыз маусымдық және/немесе жыл бойғы аллергиялық ринит - шығу тегі белгісіз есекжем (10 мг дозасы үшін)

Нұсқаулықта көрсетілмеген.

Дозалау режимі Аллергиялық ринит / риноконъюнктивит Ересектер мен 12 жастан асқан балаларға 10 мг (1 таблетка) тәулігіне бір рет, ауыр түрлері кезінде – 20 мг тағайындайды. Есекжем (тек 10 мг дозасы үшін) 18 жастан асқан ересектерге дозалау жөніндегі келесі нұсқаулар қолданылады: эбастин, күнделікті 10 мг бір рет. Пациенттердің ерекше топтары Балалар 12 жасқа дейінгі балалардағы қауіпсіздігі мен тиімділігі анықталмаған. Бауыр жеткіліксіздігі бар пациенттер Бауырдың жеңіл немесе орташа жеткіліксіздігі бар пациенттерде дозасын түзету қажет емес. Бауырдың ауыр жеткіліксіздігі бар пациенттерде 10 мг артық дозасын қабылдау тәжірибесі жоқ, сондықтан бауырдың ауыр жеткіліксіздігі бар пациенттерде дозасы 10 мг аспауы қажет. Бүйрек жеткіліксіздігі бар пациенттер Бүйректің жеңіл, орташа немесе ауыр жеткіліксіздігі бар пациенттерде дозасын түзету қажет емес. Енгізу әдісі және жолы Ішке қабылдауға арналған. Эбастинді ас ішу кезінде немесе тамақтануға байланыссыз қабылдауға болады. Емдеудің ұзақтығы Дәрігер қолдану ұзақтығы туралы шешімді жекелей қабылдайды.

- эбастинге немесе қосымша заттардың кез келгеніне аса жоғары сезімталдық - бүйректің ауыр жеткіліксіздігі - тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальсорбциясы бар адамдарға - жүктілік және лактация кезеңі - 12 жасқа дейінгі балаларға

Өте жиі - бас ауыруы Жиі - ұйқы бұзылысы - ауыздың құрғауы Жиі емес - фарингит, - ринит Сирек - анафилаксияны, ангионевроздық ісінуді қоса аса жоғары сезімталдық реакциялары - күйгелектік, ұйқысыздық - бас айналуы, гипестезия, дисгевзия - тахикардия, жүрек соғуын сезіну - іш ауыруы, құсу, жүрек айнуы, диспепсия - гепатит, холестаз, сарысудағы трансаминазалар деңгейінің (АЛТ, АСТ), гамма-GT, сілтілік фосфатаза мен билирубиннің жоғарылауы - есекжем, бөртпе, дерматит - етеккір оралымының бұзылуы - ісіну, астения Өте сирек - дизестезия (әдеттен тыс сезінулер) - экзантема, экзема - дисменорея Белгісіз - тәбеттің артуы, салмақтың артуы Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау Ұлттық Орталығы» РМК ШЖҚ http://www.ndda.kz

Симптомдары: жағымсыз әсерлердің күшеюі. Емдеу: препарат үшін арнайы антидоты жоқ. Артық дозаланған жағдайда асқазанды шаю, организмнің өмірлік маңызы бар функцияларын бақылап отыру ұсынылады. Симптоматикалық емдеу.

Келесі пациенттерде сақтықпен қолдану керек: - QT-аралығы ұзарған - гипокалиемиясы бар - бүйрек жеткіліксіздігі немесе бауырдың орташа жеткіліксіздігі бар. Арнайы ескертулер Эростинді азолдар тобының зеңге қарсы препараттарымен (кетоконазол және итраконазол сияқты), макролидтер тобының антибиотиктерімен (эритромицин сияқты) және туберкулезге қарсы препараттармен (рифампицин сияқты) бір мезгілде тағайындау ұсынылмайды. Эростиннің емдік әсері тағайындағаннан кейін 1-3 сағаттан соң байқалатындықтан, препаратты шұғыл араласуды талап ететін жедел аллергиялық жай-күйді жою үшін тағайындауға болмайды. Эростин терінің аллергиялық сынамаларының нәтижелерін бұрмалауы мүмкін. Сондықтан мұндай сынамаларды препаратты тоқтатқаннан кейін кем дегенде 5-7 күн өткен соң жүргізу ұсынылады. Қосымша заттар Дәрілік препараттың құрамында лактоза бар: тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальсорбциясы бар адамдарға қолдануға болмайды. Педиатрияда қолданылуы Эростинді 12 жасқа дейінгі балаларға қолдану туралы деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралын немесе қауіптілігі зор механизмдерді басқару кезінде емделу уақытында ұйқышылдық, бас айналуы және бас ауыруы туындауы мүмкіндігін ескеру керек.

Жүктілік Эбастиннің жүкті әйелдерге қолданылуы жөніндегі деректер шектеулі. Сақтық шарасы ретінде әйелдерге жүктілік кезінде эбастинді қолданбаған дұрыс. Бала емізу Белсенді затының организмнен ана сүтімен бөлінетін-бөлінбейтіндігі белгісіз. Эбастин мен оның негізгі метаболиті каребастиннің ақуыздармен жоғары байланысуы (> 97%) препараттың ана сүтіне бөлінуін көрсетпейді. Алайда сақтық шарасы ретінде әйелдерге лактация кезеңінде эбастинді қолданбаған дұрыс.

Фармакокинетикалық өзара әрекеттесулер эбастинді кетоконазолмен немесе итраконазолмен және эритромицинмен бірге тағайындағанда байқалады. Әрекеттесулер плазмадағы эбастиннің және азғантай дәрежеде каребастиннің концентрациясының артуына алып келеді, дегенмен, олар ешқандай клиникалық маңызды фармакодинамикалық өзгерістермен байланысты болмаған.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 30 С-ден аспайтын температурада сақтау керек Балалардың қолы жетпейтін жерде сақтау керек!