ЭСЗОЛ® таблетки 100 мг

Бір таблетканың құрамында белсенді зат - 100 мг итраконазол, қосымша заттар: сфералық қант, микрокристалды целлюлоза, гидроксипропилметилцеллюлоза, лактоза моногидраты, натрий крахмалгликоляты (А типі), натрий кроскармеллозасы, төмен орынбасқан гидроксипропилцеллюлоза, повидон К 30, магний стеараты, сусыз коллоидты кремнийдің қостотығы, тазартылған су, метиленхлорид, 2 – пропанол қабықтың құрамы: Opadry II қызғылт 85G54039*. * - титанның қостотығы (Е 171), темірдің (III) қызыл тотығы (Е172) Сыртқы түрінің, иісінің, дәмінің сипаттамасы Пішіні капсула тәрізді, үлбірлі қабықпен қапталған, қызғылт түсті, бір жағында «ITR 100» логотипі бар таблеткалар.

ЭСЗОЛ® мынадай зеңдік ауруларда қолданылады: Беткейлік микоздар: вульвоқынаптық кандидоз, кебек тәрізді теміреткі, дерматофитоз, ауыз қуысының шырышты қабығының кандидозы және зеңдік кератит. Дерматофиттерден және/немесе ашытқы тәрізді саңырауқұлақтардан туындаған онихомикоздар. Жүйелі микоздар: аспергиллез және кандидоз, криптококкоз (криптококктық менингитті қоса алғанда): иммун тапшылығы бар пациенттерде және орталық жүйке жүйесінің криптококкозы бар барлық пациенттерде ЭСЗОЛ®, егер емдеудің бірінші желі препараттары осы жағдайда қолданылмайтын немесе тиімді емес жағдайларда ғана тағайындалуы тиіс; гистоплазмоз, споротрихоз, паракокцидиоидомикоз, бластомикоз және басқа да сирек жүйелі микоздар.

Әсер ету механизмі Итраконазол зеңге қарсы синтетикалық дәрі болып табылады және триазолдар класына жатады. Итраконазолдың зеңге қарсы әсері зең жасушалары жарғақшаларында эргостерол биосинтезінің селективті тежелуіне байланысты табылады, ол жарғақша өткізгіштігінің өзгеруіне әкеледі де соның салдары ретінде зең жасушалары қырылады. Итраконазол дерматофиттердің, ашытқы зеңдерінің, Aspergillus зеңдерінің және зеңдердің әртүрлі басқа да патогендік түрлерінің өсуін тежейді. Итраконазолмен тежелмейтін зеңдердің негізгі түрлеріне Zygomycetes (мысалы, Rhizopus spp., Rhizomucor spp., Mucor spp. және Absidia spp.), Fusarium spp., Scedosporium proliferans және Scopulariopsis spp. жатқызуға болады. Итраконазолдың зеңге қарсы in vitro белсенділігі: Ең төмен тежегіш концентрацияны (ЕТТК) анықтау сұйылту әдісінің көмегімен жүргізілді. Pityrosporum ovale ортасы ретінде Диксон агары, қалған барлық зеңдер үшін – жүрек-ми сығындысы бар сорпа пайдаланылды. Өсірінділер 2 апта бойы 25°C (зеңдер) немесе 37°C температурада (ашытқылар) инкубацияланды. ЕТТК90 - талданатын штаммдардың өсуі едәуір (≥ 90%) тежелетін концентрация. Іn vitro белсенділіктің емдеу нәтижесіне қатынасы өте шектеулі. Сезімталдығы Өте сезімтал: ЕТТК90 ≤ 1 мкг/мл (++); орташа сезімтал: ЕТТК90 > 1 мкг/мл және < 10 мкг/мл (+); сезімтал емес: ЕТТК90 >10 мкг/мл (0). Тегі — Түрлері — Штаммдар саны — ЕТТК90 ≤мл — Сезімталдығы Дерматофиттер Epidermophyton Microsporum Trichophyton Trichophyton — floccosum spp mentagrophytes rubrum — 10 50 48 127 — 0,01 0,1 1 0,1 — ++ ++ ++ ++ Другие Trichophyton, басқа түрлері — spp — 36 — 0,1 — ++ Ашытқылар Candida Candida Candida Candida Candida Candida, басқа түрлері Candida, басқа түрлері Cryptococcus Pityrosporum Pityrosporum — albicans glabrata krusei tropicalis parapsilosis spp spp17 түрі neoformans pachydermatis ovale — 1076 159 43 68 65 62 1592 27 18 22 — 1 0,1 1 0,1 1 1 1 0,1 0,01 0,1 — ++ ++ ++ ++ ++ ++ ++ ++ ++ ++ Диморфты зеңдер Blastomyces Histoplasma Paracoccidioides Sporothrix Chromoblastomykosen (1) — dermatitidis capsulatum brasiliensis schenckii — 3 1 5 12 16 — 0,1 0,01 0,01 0,1 0,1 — ++ ++ ++ ++ ++ Зең саңырауқұлақтары/ эумицеттер Aspergillus Aspergillus — fumigatus niger — 66 5 — 1 100 — ++ 0 Басқалар Aspergillus Dematiaceae (2) Fusarium Hendersonula Absidia Mucor Pseudoallescheria Rhizopus Scopulariopsis Trichosporon — spp spp toruloidea corymbifera spp boydii spp brevicaulis beigelii — 16 14 8 3 3 3 4 3 14 7 — 1 0.1 > 100 100 1 100 1 100 > 100 1 — ++ ++ 0 0 ++ 0 ++ 0 0 ++ Актиномицеттер Actinomadura Actinomyces Nocardia Басқалар — spp israelii spp spp — 2 2 3 10 — 100 > 100 > 100 > 100 — 0 0 0 0 (1) Cladosporium carrionii, Fonsecaea түрлері, Phialophora verrucosa (2) Exophiala jeanselmei, Cladosporium түрлері, Phaeoannellomyces werneckii, Aureobasidium pullulans, Alternaria alternata, Helminthosporium solani, Curvularia species, Piedraia hortae, Bipolaris hawaiiensis. Резистенттіліктің дамуы Итраконазолға резистентті Aspergillus fumigatus штаммдары жөнінде хабарланды. Азолдарға төзімділіктің даму механизмдері, сондай-ақ резистентті штаммдардың таралуы ақырына дейін анықталмады. Зеңге қарсы азолды қатардың препараттарына резистенттілік баяу дамиды, көбінесе бірнеше генетикалық мутациялардың салдары болып табылады. Анықталған даму механизмдері мақсатты фермент 14α­деметилазаны кодтайтын ERG11 генінің шамадан тыс синтезін, препараттың нысаналарға және/немесе тасымалдаушының шамадан тыс синтезіне ұқсастығының төмендеуіне әкелетін ERG11 нүктелік мутацияларды қамтиды, бұл эффлюкстің жоғарылауына әкеліп соғады. Candida spp. үшін азол қатары препараттарының жекелеген өкілдерінің арасында айқаспалы резистенттілік анықталды, дегенмен, кластың бір өкіліне резистенттілік басқа препараттарға міндетті түрде резистенттілік болатынын көрсетпейді.

Дозалау режимі ЭСЗОЛ® таблеткалары оңтайлы сіңуі үшін оны тойып тамақ ішкеннен кейін бірден қабылдау керек. Таблеткаларды тұтастай жұту керек. Беткейлік зеңдік инфекцияларды емдеу Көрсетілімі — Дозасы — Емдеу ұзақтығы Кебек тәрізді теміреткі — 200 мг тәулігіне 1 рет — 7 күн Дерматомикоз — 200 мг тәулігіне 1 рет — 7 күн Тері жабынының қолдар мен аяқтар сияқты аса кератинделген аймақтарының зақымдануын емдеу — 200 мг тәулігіне 2 рет — 7 күн Қол онихомикозы (тырнақ инфекциясы) — 1 курс= 200 мг тәулігіне 2 рет бір апта бойы — Қолдың тырнақ пластиналарының зеңдік зақымдануын емдеу үшін екі курс ұсынылады. Аяқтың тырнақ пластиналарының зеңдік зақымдануын емдеу үшін үш курс ұсынылады. Препаратты қабылдаудың қажеті болмайтын курстар арасындағы аралық 3 аптаны құрайды. Вульвоқынаптық кандидоз (әйелдердің жыныстық ағзаларының инфекциясы) — 200 мг тәулігіне 1 рет немесе 200 мг тәулігіне 2 рет — 3 күн немесе 1 күн Ауыз қуысының шырышты қабығының кандидозы — 100 мг тәулігіне 1 рет — 15 күн Ішке қабылдағандағы препараттың биожетімділігі иммунитеті әлсіреген пациенттерде төмендеуі мүмкін. Сондықтан, дозаны екі есе арттыру қажет болуы мүмкін. Зеңдік кератит — 200 мг тәулігіне 1 рет — 21 күн Препараттың теріден және тырнақ тінінен шығарылуы плазмадан шығарылуға қарағанда баяуырақ жүреді. Осылайша, оңтайлы клиникалық және микологиялық әсерлеріне емдеу циклы аяқталғаннан кейін 2-4 аптадан кейін қол жеткізіледі. Онихомикоз кезінде клиникалық жауап тырнақ пластинасы өскенде көрінеді, яғни, емдеу аяқталғаннан кейін 6–9 айдан кейін. Жүйелі зеңдік инфекцияларды емдеу Жүйелі зеңдік инфекцияларда емдеудің ұсынылатын сызбалары емге микологиялық және клиникалық реакциямен айқындалады: Көрсетілімі — Дозасы — Емдеудің орташа ұзақтығы — Ескертпелер Аспергиллез — 200 мг тәулігіне 1 рет — 2-5 ай — Инвазиялық немесе диссеминацияланған ауру жағдайында дозасын тәулігіне екі рет 200 мг дейін арттырады. Кандидоз — 100-200 мг тәулігіне 1 рет — 3 аптадан 7 айға дейін — Инвазиялық немесе диссеминацияланған ауру жағдайында дозасын тәулігіне екі рет 200 мг дейін арттырады. Менингеальдық емес криптококкоз — 200 мг тәулігіне 1 рет — 2 айдан 1 жылға дейін Менингеальдық криптококкоз — 200 мг тәулігіне 2 рет — 2 айдан 1 жылға дейін Гистоплазмоз — тәулігіне 1 рет 200 мг-ден тәулігіне 2 рет 200 мг-ге дейін — 8 ай Споротрикоз (терілік және тері-лимфалық түрі) — 100 мг тәулігіне 1 рет — 3 ай Паракоксидиоидомикоз — 100 мг тәулігіне 1 рет — 6 ай Хромомикоз — 100-200 мг тәулігіне 1 рет — 6 ай Бластомикоз — тәулігіне 1 рет 100 мг-ден тәулігіне 2 рет 200 мг-ге дейін — 6 ай Тұрғындардың ерекше топтары Балаларда қолдану ЭСЗОЛ® препаратын балаларда қолдану жөнінде клиникалық деректер жеткіліксіз болғандықтан, емдеудің күтілетін пайдасы ықтимал қаупінен асып түсетін жағдайлардан басқа кезде оны балаларға тағайындау ұсынылмайды. Егде жастағы пациенттерде қолдану ЭСЗОЛ® препаратын егде жастағы пациенттерде қолдану жөніндегі клиникалық деректер жеткіліксіз болғандықтан, оны егде жастағы пациенттерге емдеудің күтілетін пайдасы мүмкін болатын қаупінен асып түсетін жағдайлардан басқа кезде тағайындау ұсынылмайды. Егде жастағы пациенттер үшін препараттың дозасы бүйрек, бауыр немесе жүрек функциясының бұзылуын, сондай-ақ қатарлас аурулардың болуын немесе басқа да дәрімен емделіп жүргенін назарға ала отырып белгіленуі тиіс. Бүйрек жеткіліксіздігі бар пациенттерде қолдану Итраконазолдың пероральді дәрілік түрлерін бүйрек жеткіліксіздігі бар пациенттерде қолдану жөніндегі деректер шектеулі. Бүйрек жеткіліксіздігі бар кейбір пациенттерде итраконазолдың әсер ету дәрежесі төмен болуы мүмкін. Бұл препаратты бүйрек жеткіліксіздігі бар пациенттерге тағайындаған кезде ерекше сақ болу керек. Дозаны түзету нақты жағдайға байланысты жүзеге асырылуы тиіс. Бауыр жеткіліксіздігі бар пациенттерде қолдану Итраконазолдың пероральді дәрілік түрлерін бауыр жеткіліксіздігі бар пациенттерде қолдану жөніндегі деректер шектеулі. Пациенттердің қарастырылып отырған тобын емдеу сақтықпен жүргізілуі тиіс. Енгізу әдісі және жолы Ішке қабылдауға арналған.

- итраконазолға немесе аталған қосымша заттардың кез келгеніне аса жоғары сезімталдық - CYP3A4 субстраттарын бір мезгілде қабылдау. Жоғарыда аталған препараттардың итраконазолмен бірге қолданылуына байланысты, олардың қан плазмасындағы концентрациясының жоғарылауы жағымсыз әсерлерді күшейтіп жіберуі және өмірге қауіп төндіруі ықтимал жағдайларды туындатуы мүмкін. Мысалы, жоғарыда аталған препараттардың қан плазмасындағы концентрациясының жоғарылығы QT аралығының ұзаруына, сондай-ақ, "пируэт" типті қарыншалық тахикардия немесе өлімге соқтыруы ықтимал аритмия жағдайларын қоса, қарыншалық тахиаритмияға алып келуі мүмкін. - ЭСЗОЛ® таблеткалары өмірге қауіп төндіретін немесе басқа күрделі инфекцияларды емдеу жағдайларын қоспағанда, қарыншалық дисфункция белгілері бар, мысалы, жүректің іркілісті жеткіліксіздігі бар (ЖІЖ) немесе анамнезінде ЖІЖ болған пациенттерге тағайындалмауы тиіс. - өмірге қауіп төндіретін жағдайларды қоспағанда, жүктілік кезеңі. - ЭСЗОЛ® таблеткаларын қабылдап жүрген, бала тууға қабілетті жастағы әйелдер контрацепцияның тиісті әдістерін пайдалануы тиіс. Тиімді контрацепция ЭСЗОЛ® таблеткаларымен емдеу аяқталғаннан кейінгі алғашқы етеккір кезеңінде де жалғастырылуы тиіс. - балалар мен 18 жасқа дейінгі жасөспірімдер.

Қауіпсіздік бейінінің қысқаша сипаттамасы. Клиникалық сынақтардың және/немесе өздігінен келіп түскен хабарламалардың нәтижелерінде анықталған, итраконазолды қолданудан анағұрлым жиі туындайтын жағымсыз әсерлер (ЖЖР) бас ауыру, іш ауыру және жүрек айну болды. Анағұрлым ауыр ЖЖР күрделі аллергиялық реакциялар, жүрек жеткіліксіздігі/ жүректің іркілісті жеткіліксіздігі /өкпенің ісінуі, панкреатит, күрделі гепатоуыттылық (соның ішінде, бауырдың жедел жеткіліксіздігі өлімге соқтырған жекелеген жағдайлар), және терінің күрделі реакциялары болды. Байқалған ЖЖР кестеде келтірілген тізімінен жиілігі мен басқа параметрлері бойынша қосалқы бөлімді қараңыз. Басқа күрделі әсерлері туралы қосымша ақпарат алу үшін «Арнайы сақтандырулар» бөлімін қараңыз. Жағымсыз реакцияларының кесте түріндегі тізімі: Төмендегі кестеде келтірілген ЖЖР тізімі дерматомикоздарды немесе онихомикоздарды емдеу кезіндегі ашық клиникалық зерттеулерден және салыстырмалы жасырын клиникалық сынақтардан, және өздгінен келіп түскен хабарламалардан алынды. Төмендегі кестеде ЖЖР жүйе-ағзалық класына байланысты берілген. Әрбір жүйе-ағзалық класындағы жағымсыз реакциялар туындау жиіліктеріне қарай, мынадай белгілерді пайдаланып келтірілген: өте жиі (≥ 1/10), жиі (≥ 1/100 - < 1/10 дейін), жиі емес (≥ 1/1 000 - < 1/100 дейін), сирек (≥ 1/10 000 - < 1/1 000 дейін), өте сирек (< 1/10 000) және жиілігі белгісіз (қолда бар деректермен баға беру мүмкін емес). Дәрілік препаратқа жағымсыз реакциялар Инфекциялар және инвазиялар Жиі емес — Синусит, жоғарғы тыныс алу жолдарының инфекциялары, ринит Қан және лимфа жүйесі тарапынан бұзылулар Сирек — Лейкопения Иммундық жүйе тарапынан бұзылулар Жиі емес — Аса жоғары сезімталдық* Сирек — Сарысу құю ауруы, ангионевроздық ісіну, анафилаксиялық реакция Метаболизм және тамақтану бұзылулары Сирек — Гипертриглицеридемия Жүйке жүйесі тарапынан бұзылулар Жиі — Бас ауыруы Жиі емес — Дисгевзия, парестезия, сананың шатасуы Сирек — Тремор, гипестезия Көру мүшесі тарапынан бұзылулар Сирек — Визуальді бұзылулар (диплопия мен анық көрмеуді қоса) Есту мүшесі тарапынан бұзылулар Сирек — Өтпелі немесе тұрақты түрде естімей қалу*, құлақтағы шуыл Жүрек-қантамыр жүйесі тарапынан бұзылулар Сирек — Жүректің іркілісті жеткіліксіздігі * Тыныс алу жүйесі тарапынан бұзылулар Сирек — Ентігу Асқазан-ішек жолы тарапынан бұзылулар Жиі — Іштің ауыруы, жүрек айну Жиі емес — Диарея, құсу, іш қату, диспепсия, метеоризм, дәмнің өзгеруі Сирек — Панкреатит Бауыр және өт қалтасы тарапынан бұзылулар Жиі емес — Бауыр функциясының бұзылуы, гипербилирубинемия Сирек — ауыр гепатоуыттылық (бауырдың өлімге соқтырған жедел жеткіліксіздігінің кейбір жағдайларын қоса)* Тері тарапынан бұзылулар Жиі емес — Есекжем, бөртпе, қышыну, алопеция Сирек — Уытты эпидермалық некролиз, Стивенс-Джонсон синдромы, жедел жайылған экзантематозды пустулез, көп формалы эритема, эксфолиативтік дерматит, лейкоцитокластық васкулит, фотосезімталдық Бүйрек және несеп шығару жолдары тарапынан бұзылулар Сирек — Поллакиурия Жыныстық ағзалар және сүт безі тарапынан бұзылулар Жиі емес — Етеккір оралымының бұзылуы Сирек — Эректильді дисфункция Жалпы бұзылулар және енгізу орнындағы өзгерістер Жиі емес — Ісіну Сирек — Қызба Зертханалық көрсетілімдер Сирек — Қандағы креатинфосфокиназаның артуы * «Қолдану кезіндегі қажетті сақтандыру шаралары» бөлімін қараңыз Күмән тудырған жағымсыз реакциялар туралы хабарлау ДП «пайда-қауіп» арақатынасын үздіксіз мониторингтеуді қамтамасыз ету мақсатында ДП тіркеуден кейін күмән тудыратын жағымсыз реакциялар туралы хабарлау маңызды. Медицина қызметкерлеріне ҚР жағымсыз реакциялар туралы ұлттық хабарландыру жүйесі арқылы ДП кез келген күмәнді жағымсыз реакциялары туралы мәлімдеуге кеңес беріледі. Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК www.ndda.kz

Симптомдары: Артық дозаланғанда байқалатын симптомдары препараттың әдеттегі дозаларын қолдану кезіндегі дозаға тәуелді жағымсыз реакцияларымен салыстырмалы болды. Емі: Артық дозаланған жағдайда демеуші ем жүргізу керек. Ішке қабылдағаннан кейінгі алғашқы сағат ішінде асқазанды шаю керек. Сорбент ретінде, егер мақсатқа сай болса, белсендірілген көмірді беруге болады. ЭСЗОЛ® препараты организмнен гемодиализ жолымен шығарылмайды. Спецификалық антидоты жоқ. Дәрілік препаратты қабылдаудан бұрын дәрігерге немесе фармацевтке кеңес алу үшін жүгініңіз.

Айқаспалы аса жоғары сезімталдық реакциялары Итраконазол мен зеңге қарсы азол құрылымдас (азолдар тобынан) басқа дәрілер арасында айқаспалы аса жоғары сезімталдықтың бар екендігіне қатысты деректер шектеулі. Басқа азолдарға аса жоғары сезімталдық болған жағдайда, ЭСЗОЛ® препаратын сақтықпен тағайындау керек. Жүрек қызметіне ықпалы Вена ішіне енгізуге арналған ЭСЗОЛ® препаратын дені сау еріктілерде зерттегенде препараттың келесі инфузиясына дейін қалыпқа түскен сол жақ қарыншаның лықсыту фракциясының өтпелі симптомсыз азаюы білінген. Алынған деректердің пероральді дәрілік түрлер үшін клиникалық тұрғыдан маңыздылығы белгісіз. Итраконазол теріс инотропты әсерге ие. ЭСЗОЛ® препаратын қабылдаумен байланысты жүректің созылмалы жеткіліксіздігі жағдайлары туралы хабарланды. Итраконазолдың тәуліктік 400 мг дозасында жүрек жеткіліксіздігінің жиірек туындағаны байқалған; тәуліктік азырақ дозалары жағдайында ондай заңдылық анықталмаған. Жүректің созылмалы жеткіліксіздігінің туындау қаупі шамамен тәуліктік дозасына пропорционал. Жүректің созылмалы жеткіліксіздігі бар немесе анамнезінде жүректің созылмалы жеткіліксіздігі болған пациенттер, болуы мүмкін пайдасы ықтимал қаупінен асып түсетін жағдайлардан басқасында ЭСЗОЛ® препаратын қабылдамауы керек. Пайдасы мен қаупінің арақатынасын жекелей бағалаған кезде жағдайдың ауырлығы, дозалау режимі (мысалы, жалпы тәуліктік дозасы) сияқты факторларды және жүрек жеткіліксіздігі туындауының жекелеген қауіп факторларын (жүректің ишемиялық ауруы, клапандардың зақымданулары, өкпенің созылмалы обструкциялық ауруын, бүйрек жеткіліксіздігін және ісінулермен қатар жүретін басқа ауруларды қоса, тыныс алу мүшелерінің ауыр аурулары) ескеру керек. Ондай пациенттерді жүректің созылмалы жеткіліксіздігінің белгілері мен симптомдары туралы хабардар ету қажет және жүректің іркілісті жеткіліксіздігін емдегенде ерекше көңіл бөлуді және оны жүргізу барысында симптомдарын бақылауды қажет етеді. Ондай белгілер пайда болған жағдайда ЭСЗОЛ® препаратын қабылдауды тоқтату қажет. Кальций өзекшелерінің блокаторлары теріс инотропты әсерге ие болуы мүмкін, ол итраконазолдың әсеріне қатысты аддитивті болуы мүмкін. Бұдан өзге, итраконазол кальций өзекшелері блокаторларының метаболизмін тежеуі мүмкін. Демек, итраконазол мен кальций өзекшелері блокаторларын бір мезгілде қолданғанда, жүректің іркілісті жеткіліксіздігі қаупінің жоғарылайтынына байланысты сақтық таныту керек. Бауыр функциясына ықпалы Өте сирек жағдайларда, ЭСЗОЛ® препаратын қолданғанда, бауырдың өлімге әкеліп соққан жедел жеткіліксіздігінің бірнеше жағдайын қоса, бауырдың ауыр уытты зақымдануы дамыған. Көпшілік жағдайларда бұл бауыр аурулары бұрыннан бар пациенттерде, басқа ауыр аурулары бар, препарат жүйелі ауруларды емдеу үшін тағайындалған пациенттерде, сондай-ақ, гепатоуыттылық әсері бар басқа дәрілік заттарды қабылдаған пациенттерде орын алған. Алайда, кейбір пациенттерде бауыр зақымдануына қатысты айқын қауіп факторлары болмаған. Мұндай жағдайлардың бірнешеуі емдеудің алғашқы айында, ал кейбіреулері – емдеудің алғашқа аптасында туындаған. Осыған байланысты, ЭСЗОЛ® препаратымен ем қабылдап жүрген пациенттерде бауыр функциясын жүйелі түрде бақылап отыру ұсынылады. Пациенттер анорексия, жүрек айнуы, құсу, әлсіздік, іш ауыруы және несептің қараюы сияқты, гепатитті білдіретін белгілер мен симптомдар туралы тез арада дәрігерге айту қажеттілігінен хабардар болуы тиіс. Аталған жағдайларда емдеуді дереу тоқтату және бауыр функциясына зерттеу жүргізу қажет. Бауыр жеткіліксіздігі бар пациенттерде итраконазолдың пероральді дәрілік түрлерін қолдану жөніндегі деректер шектеулі. Дәрілік препаратты пациенттердің аталған тобында тағайындаған кезде сақтық таныту керек. Бауыр функциясының бұзылулары бар пациенттерге итраконазолды қабылдаған кезде өз жағдайын мұқият бақылап отыру ұсынылады. CYP3A4 арқылы метаболизденетін басқа дәрілік заттармен емдеу жөнінде шешім қабылдаған кезде, итраконазолдың циррозға шалдыққан, итраконазолдың бір реттік дозалары қолданылған пациенттер қатысқан клиникалық зерттеулерде байқалған жартылай шығарылу кезеңінің ұзаратындығын ескеру ұсынылады. Күтілетін пайдасы бауыр зақымдануы қаупінен асып түсетін жағдайлардан басқасында, бауыр ферменттерінің белсенділігі жоғары, бауырдың белсенді фазадағы ауруы бар немесе басқа препараттарды қабылдаудың салдарынан бауырдың уытты зақымдануын бастан өткерген пациенттерге ЭСЗОЛ® препаратымен ем тағайындамау керек. Бауыр функциясының бұзылуы бұрыннан бар пациенттерде немесе басқа дәрілік заттардың гепатоуыттылық көріністері байқалған пациенттерде бауыр функциясына мониторинг жүргізу ұсынылады. Асқазан сөлі қышқылдылығының төмендеуі Асқазан сөлі қышқылдылығының төмендеуі итраконазолдың сіңуінің бұзылуына алып келеді. Аурудың салдарынан (мысалы, ахлоргидриясы бар пациенттерде) немесе дәрілік препараттарды (мысалы, асқазан секрециясын бәсеңдететін дәрілік заттарды) қабылдаудың салдарынан асқазан сөлінің қышқылдылығы төмендеген пациенттерге ЭСЗОЛ® таблеткаларын қышқыл сусындармен (диеталық емес кола сияқты) бір мезгілде қабылдау ұсынылады. Препараттың зеңге қарсы белсенділігін бақылауда ұстау және қажет болған жағдайда, итраконазолдың дозасын арттыру керек. Балаларда қолданылуы ЭСЗОЛ®, таблеткалар препаратының балалар жасындағы пациенттерде қолданылуы жөніндегі клиникалық деректер шектеулі. Егер қолданылуының күтілетін пайдасы ықтимал қаупінен асып түсетіні анықталмаған болса, ЭСЗОЛ® таблеткалар препаратын балалар жасындағы пациенттердің қолдануы ұсынылмайды. Егде жастағыларда қолданылуы ЭСЗОЛ® таблеткалар препаратының егде жастағы пациенттерде қолданылуы жөніндегі деректер шектеулі. ЭСЗОЛ® препаратын ықтимал пайдасы ықтимал қауіптерінен асып түсетін жағдайларда ғана қолдану ұсынылады. Жалпы алғанда, егде жастағы пациенттер үшін дозасын таңдағанда бауыр, бүйрек, жүрек-қантамыр жүйесі функциясының төмендеуі және қатарлас аурулардың немесе басқа дәрілік емнің жиілігіне көңіл бөлу ұсынылады. Бауыр функциясының бұзылулары Бауыр функциясы бұзылған пациенттерде итраконазолдың пероральді дәрілік түрлерін қолдану жөніндегі деректер шектеулі. Препаратты пациенттердің бұл санатында сақтықпен қолдану керек. Бүйрек функциясының бұзылулары Бүйрек функциясының бұзылуы бар пациенттерде итраконазолдың пероральді дәрілік түрлерін қолдану жөніндегі деректер шектеулі. Бүйрек функциясының бұзылуы бар пациенттерде пероральді қолданғанда итраконазолдың биожетімділігі төмендеуі мүмкін. Препаратты пациенттердің бұл санатында сақтықпен қолдану керек. Итраконазолдың плазмадағы концентрацияларын бақылау және қажет болса, препараттың дозасын түзету ұсынылады. Естімей қалу Итраконазолды қабылдап жүрген пациенттерде уақытша немесе тұрақты түрде естімей қалу болғаны туралы хабарланған. Кейбір жағдайларда, естімей қалу қарсы көрсетілімдегі хинидинмен бір мезгілде қабылдаудың аясында орын алған. Есту, әдетте, емдеу аяқталғаннан кейін қалпына келеді, алайда кейбір пациенттерде естімей қалу қайтымсыз болады. Иммун тапшылығы бар пациенттер Иммунитеті бұзылған (мысалы, нейтропениясы, ЖИТС бар немесе ағзаларды трансплантациялау операциясын бастан өткерген) кейбір пациенттерде ЭСЗОЛ® пероральді қолданған кезде итраконазолдың биожетімділігі төмендеуі мүмкін. Өмірге қауіп төндіретін жүйелі зеңдік инфекциялары бар пациенттер Таблеткалар түріндегі ЭСЗОЛ® препаратының фармакокинетикалық сипаттамаларына байланысты, оны пациенттердегі өмірге қауіп төндіретін жүйелі микоздарды емдеуді бастау үшін қолдану ұсынылмайды. ЖИТС бар пациенттер ЖИТС бар, споротрихоз, бластомикоз, гистоплазмоз немесе криптококкоз (менингеальді және менингеальді емес түрлері) сияқты жүйелі микоздардың қайталану қаупі бар пациенттерге ем жүргізгеннен кейін демеуші емнің қажеттілігін емдеуші дәрігер анықтайды. Муковисцидоз Муковисцидозы бар пациенттерде ішке қабылдауға арналған ерітінді түріндегі итраконазолды тәулігіне 2 рет 2.5 мг/кг дозада қолданғанда, итраконазолдың қан плазмасындағы концентрациясының ауытқымалылығы байқалды. Соның салдары ретінде, итраконазол қан плазмасындағы тепе-тең концентрациясына жетпеуі мүмкін. Тепе тең > 250 нг/мл концентрацияларына 16 жастан асқан шамамен 50 % пациентте қол жеткізілген және 16 жасқа толмаған бірде-бір пациентте қол жеткізілмеген. ЭСЗОЛ®, таблеткалар препаратымен емге жауап болмаған жағдайда баламалы емге ауысу мүмкіндігін қарастыру керек. Нейропатия ЭСЗОЛ® препаратын қабылдаумен байланысты болуы мүмкін нейропатия дамыған жағдайда препаратты қабылдау тоқтатылуы тиіс. Көмірсу алмасуының бұзылулары Сирек тұқым қуалайтын фруктоза жақпаушылығы, глюкоза-галактоза мальабсорбциясы немесе сахараза-изомальтаза жеткіліксіздігі бар пациенттер бұл препаратты қолданбауы тиіс. Айқаспалы резистенттілік. Егер жүйелі кандидозбен ауырған кезде, ауру туғызып отырған Candida зеңдерінің түрлері флуконазолға резистентті екендігіне күдік болса, оларды итраконазолға сезімтал болады деп тұжырымдауға болмайды. Сондықтан, ЭСЗОЛ® препаратымен емдеуді бастар алдында сезімталдыққа тест түргізу қажет. Өзара алмасымдылығы Таблеткаларды ішке қабылдауға арналған ерітіндіге алмастыру ұсынылмайды, өйткені, ішке қабылдауға арналған ерітіндінің қолданылуы дәл сондай дозадағы таблеткаларды қолдануға қарағанда, әсер етудің жоғарырақ көрсеткіштерімен сипатталады. Өзара әрекеттесулер ықтималдығы Белгілі бір дәрілік препараттарды итраконазолмен бірге қолдану итраконазолдың және/немесе бірге енгізілген препараттың тиімділігінің өзгерістеріне, сондай-ақ өмірге қауіп төндіретін салдарларға және/немесе кенеттен болатын өлімге алып келуі мүмкін. Итраконазолмен бірге қолдануға болмайтын, қолдану ұсынылмайтын немесе сақтықпен қолдану ұсынылған дәрілік заттардың тізімі «Басқа дәрілік препараттармен өзара әрекеттесулері» бөлімінде келтірілген. Итраконазолды CYP3A4 ферментінің индукторларымен (рифампицин, рифабутин, фенобарбитал, фенитоин, карбамазепин, Hypericum perforatum (Шайқурай) емдеу тоқтатылғаннан кейін екі аптаның ішінде қолданбау керек. Итраконазолды осы препараттармен қолдану итраконазолдың қан плазмасындағы деңгейінің төмендеуіне, демек, емнің тиімсіздігіне әкелуі мүмкін. Лактоза ЭСЗОЛ® препаратының құрамында лактоза бар. Препаратты галактоза жақпаушылығының сирек тұқым қуалайтын қиындықтары, Лапп лактоза тапшылығы немесе глюкоза және галактоза мальабсорбциясы синдромы бар пациенттер қабылдамауы керек. Осы дәрілік препараттың құрамында 100 мг таблеткаға 1 ммольден аз (23 мг) натрий бар, яғни, іс жүзінде «натрийсіз». Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері ЭСЗОЛ® дәрілік затының көлік құралдарын басқару және техникамен жұмыс істеу қабілетіне әсерін зерттеулер жүргізілген жоқ. Бас айналу, көрудің бұзылуы және естімей қалу сияқты жағымсыз реакциялардың туындауы мүмкіндігін ескеру қажет. Сипатталған жағымсыз құбылыстар пайда болған жағдайда, көрсетілген қызмет түрлерін атқарудан бас тарту керек.

Өмірге қауіп төндіретін жағдайларды және анасы үшін күтілетін оң әсері шарана үшін ықтимал қауіптен асып түсетін жағдайды қоспағанда, ЭСЗОЛ® препараты жүктілік кезінде қолданылмауы тиіс. Итраконазол препаратының жүктілік кезінде пайдаланылуы туралы деректер жеткіліксіз. Препаратты тіркеуден кейінгі клиникалық қолдану барысында туа біткен аномалиялар жағдайлары байқалды. Ондай жағдайларға көру, қаңқа, несеп-жыныс және жүрек-қантамыр жүйелері дамуының бұзылулары, сондай-ақ хромосомалық бұзылулар мен көптеген даму ақаулары жатады. Алайда, итраконазол препаратын қолданудың аталған бұзылулардың туындауына себеп болатын-болмайтыны нақты анықталған жоқ. Негізінен, вульвоқынаптық кандидоздарға қатысты қысқа мерзімді емді қабылдаған пациент әйелдерде итраконазол препаратының жүктіліктің алғашқы триместріндегі әсеріне қатысты эпидемиологиялық деректер белгілі тератогендік факторлардың бірде-біреуінің әсеріне ұшырамаған бақылау тобымен салыстырғанда, туа біткен аномалиялардың даму қаупінің жоғарылағанын анықтаған жоқ. Бала тууға қабілетті жастағы, ЭСЗОЛ® препаратын қабылдап жүрген әйелдер барлық емделу кезеңі бойына, ол аяқталғаннан кейін алғашқы етеккір басталғанға дейін контрацепцияның талапқа сай әдістерін пайдалануы қажет. Бала емізу Итраконазол емшек сүтіне өтуі мүмкін болғандықтан, бала емізу кезеңінде қолдану қажет болса, ЭСЗОЛ® препаратын қолданып жүрген әйелдер бала емізуді тоқтатуы керек.

Итраконазол көбінесе CYP3A4 изоферменті арқылы метаболизденеді. Осы изоферменттің қатысуымен метаболизденетін немесе оның белсенділігін өзгертетін басқа дәрілік препараттар итраконазолдың фармакокинетикасына әсер етуі мүмкін. Сол сияқты, итраконазол осы изоферменттің қатысуымен метаболизденетін дәрілік заттардың фармакокинетикасына әсер етуі мүмкін. Итраконазол CYP3A4 изоферменті мен P-гликопротеиннің күшті тежегіштеріне жатады. Итраконазолды басқа дәрілік заттармен бірге пайдаланғанда, препарат метаболизмінің тәсілін анықтау және оның дозасын өзгерту қажеттілігі туралы мәселені шешіп алу үшін қолдану жөніндегі нұсқаулықпен танысып шығу ұсынылады. Қан плазмасындағы итраконазолдың концентрациясын төмендетуі мүмкін дәрілік препараттар Асқазан сөлінің қышқылдылығын төмендетуі мүмкін дәрілік препараттар (мысалы, алюминий гидроксиді сияқты антацидтік дәрілер немесе H2-гистаминдік рецепторлардың антагонистері сияқты тұз қышқылының секрециясын бәсеңдететін дәрілер, және протондық помпа тежегіштері) ЭСЗОЛ® таблеткалары препаратының сіңуін бұзады. Аталған дәрілік препараттарды ЭСЗОЛ® таблеткалары препаратымен бірге сақтықпен қолдану ұсынылады: • Асқазан сөлінің қышқылдылығын төмендететін дәрілік заттарды бірге пайдаланған кезде итраконазолды қышқыл сусындармен (диеталық емес кола сияқты) бірге қолдану ұсынылады. • Тұз қышқылын бейтараптандыратын дәрілік препараттарды (мысалы, алюминий гидроксидін), ЭСЗОЛ® таблеткасы препаратын қабылдаудан кемінде 1 сағат бұрын немесе қабылдағаннан кейін 2 сағаттан соң қабылдау ұсынылады. • Дәрілік заттарды бірге қабылдаған кезде итраконазолдың зеңге қарсы белсенділігін бақылап отыру және қажеттілігі туындаса, препараттың дозасын арттыру ұсынылады. Итраконазолды CYP3A4 изоферментінің күшті индукторларымен бірге қолдану итраконазол мен гидроксиитраконазолдың биожетімділігінің, дәрілік заттың тиімділігі елеулі дәрежеде азаятындай деңгейге дейін төмендеуіне ықпал етуі мүмкін. Мысал ретінде, келесі препараттар қамтылған: • Бактерияға қарсы дәрілер: изониазид, рифабутин, рифампицин. • Құрысуға қарсы препараттар: карбамазепин, фенобарбитал, фенитоин. • Вирусқа қарсы препараттар: эфавиренз, невирапин. Осылайша, CYP3A4 изоферментінің күшті индукторларын итраконазолмен бірге пайдалану ұсынылмайды. Күтілетін пайдасы итраконазол тиімділігінің төмендеуімен байланысты ықтимал қаупінен асып түсетін жағдайларды қоспағанда, аталған дәрілік заттарды итраконазолды қабылдау басталғанға дейін екі апта ішінде және препаратпен емдеу кезінде тағайындаудан аулақ болу ұсынылады. Дәрілік заттарды бірге қабылдаған кезде итраконазолдың зеңге қарсы белсенділігін бақылап отыру және қажеттілігі туындаса, препараттың дозасын арттыру ұсынылады. Итраконазолдың қан плазмасындағы концентрациясының артуын тудыруы мүмкін дәрілік препараттар Итраконазол мен CYP3A4 изоферментінің күшті тежегіштерін бір мезгілде қабылдау итраконазолдың биожетімділігінің артуына алып келуі мүмкін. CYP3A4 изоферментінің күшті тежегіштерінің мысалдары: • Бактерияға қарсы препараттар: ципрофлоксацин, кларитромицин, эритромицин. • Вирусқа қарсы дәрілер: ритонавирмен күшейтілген дарунавир, ритонавирмен күшейтілген фосампренавир, индинавир, ритонавир (плазмадағы концентрациясы итраконазолдың әсерінен жоғарылауы мүмкін дәрілік препараттарды да қараңыз) және телапревир. Бұл дәрілік препараттарды итраконазолмен бірге сақтықпен пайдалану ұсынылады. Итраконазолдың емдік әсерлерінің күшеюінің немесе ұзаруының симптомдары мен белгілерін дер кезінде анықтау үшін, итраконазолды CYP3A4 изоферментінің күшті тежегіштерімен бірге қабылдаған пациенттердің жағдайын мұқият бақылау ұсынылады, қажет болса, итраконазолдың дозасын төмендетуге болады. Мүмкіндігінше итраконазолдың қан плазмасындағы концентрациясын бақылап отыру ұсынылады. Итраконазолмен бірге пайдаланылғанда қан плазмасындағы концентрациясы артуы мүмкін дәрілік заттар Итраконазол мен оның негізгі метаболиті гидроксиитраконазол CYP3A4 изоферменті арқылы метаболизденетін дәрілік препараттардың метаболизмін бұзуы және P-гликопротеиннің әсерінен препараттардың тасымалдануына кедергі келтіруі мүмкін. Бұл итраконазолмен бірге қабылданғанда, аталған дәрілік препараттардың және/немесе олардың белсенді метаболиттерінің плазмалық концентрациясының артуына алып келуі мүмкін. Плазмалық концентрациясының жоғарылауы, өз кезегінде, аталған дәрілік заттардың емдік және жағымсыз әсерлерінің күшеюін немесе ұзаруын туындатуы мүмкін, соның нәтижесінде өмірге қауіп төндіруі ықтимал жағдайлар туындауы мүмкін. Сонымен, кейбір препараттардың концентрациясының жоғарылауы QT аралығының ұзаруына және өмірге төндіруі ықтимал жағдайларға жататын "пируэт" типті қарыншалық тахикардия жағдайларын қоса, қарыншалық тахиаритмияға алып келуі мүмкін. Емдеу тоқтатылғаннан кейін итраконазолдың плазмадағы концентрациясы, препараттың дозасы мен емдеудің ұзақтығына байланысты, 7 күннен 14 күнге дейінгі аралықта анықталмайтын дерлік деңгейге дейін төмендейді. Бауыр циррозы бар немесе CYP3A4 ферментінің тежегіштерін бір мезгілде қабылдайтын пациенттерде препарат концентрациясының төмендеуі тіпті баяуырақ жүруі де мүмкін. Бұл әсіресе метаболизміне итраконазол әсер ететін дәрілік препараттарды пайдала отырып ем жүргізуді бастау кезінде маңызды. Өзара әрекеттесетін дәрілік заттар келесі санаттарға бөлінеді: - «Қолдануға болмайды»: Бұл дәрілік препаратты ешбір жағдайда итраконазолмен біріктіріп және итраконазолды қабылдау тоқтатылғаннан кейін екі апта бойы қолдануға болмайды. - «Ұсынылмайды»: Күтілетін пайдасы жүргізіліп отырған еммен байланысты ықтимал қаупінен асып түсетін жағдайларда болмаса, бұл дәрілік затты емдеу кезінде және итраконазолды қабылдау тоқтатылғаннан кейін екі апта ішінде қолданудан аулақ болу ұсынылады. Егер дәрілік заттардың бұл біріктірілімін пайдаланбауға болмайтын болса, препараттардың әсерлерінің күшеюінің немесе ұзаруының симптомдары мен белгілерін немесе жағымсыз әсерлерінің дамуын дер кезінде анықтау үшін, пациенттің жағдайын қадағалау ұсынылады, қажет болса, емдеуді тоқтатуға немесе дәрілік заттардың дозасын азайтуға болады. Мүмкіндік болса, препараттардың плазмадағы концентрациясын бақылау ұсынылады. - «Сақтықпен пайдалану керек»: дәрілік препаратты итраконазолмен бірге пайдаланғанда мұқият мониторинг жүргізу керек. Дәрілік заттарды бірге пайдаланған кезде, препараттардың әсерлерінің күшеюі немесе ұзаруының симптомдары мен белгілерін немесе жағымсыз әсерлерінің дамуын дер кезінде анықтау үшін, пациенттің жағдайын қадағалау ұсынылады, қажет болған жағдайда емдеуді тоқтата тұруға немесе дәрілік заттардың дозасын азайтуға болады. Мүмкіндік болса, препараттардың плазмадағы концентрациясын бақылау ұсынылады. Төменде итраконазолдың әсерінен плазмадағы концентрациясы артуы мүмкін дәрілік заттардың мысалдары келтірілген. Препараттар кластары бойынша бөлінген, сонымен қатар итраконазолмен бірге қолданылуы жөнінде ұсынымдар беріледі: Дәрілік заттардың класы — Қолдануға болмайды — Ұсынылмайды — Сақтықпен қолдану керек Альфа-адреноблокаторлар — тамсулозин Анальгетиктер — левацетилметадол (левометадил), метадон — фентанил — алфентанил, бупренорфин (вена ішіне және сублингвальді енгізуге арналған), оксикодон, суфентанил Аритмияға қарсы дәрілер — дизопирамид, дофетилид, дронедарон, хинидин — дигоксин Бактерияға қарсы дәрілер — телитромицин, бүйрек немесе бауыр функциясының ауыр бұзылулары бар адамдарда — рифабутина — телитромицин Антикоагулянттар және антиагреганттар — тикагрелор — апиксабан, ривароксабан — кумариндер, цилостазол, дабигатран Құрысуға қарсы препараттар — карбамазепин а Диабетке қарсы препараттар — репаглинид, саксаглиптин Гельминттерге қарсы және протозойға қарсы дәрілер — галофантрин — празиквантел Антигистаминдік препараттар — астемизол, мизоластин, терфенадин — биластин, эбастин Бас сақинасына қарсы дәрілер — дигидро-эрготамин, эргометрин (эргоновин) сияқты қастауыш алкалоидтары, эрготамин метилэргометрин (метилэргоновин), элетриптан Ісікке қарсы препараттар — иринотекан — акситиниб, дабрафениб, дазатиниб, ибрутиниб, нилотиниб, сунитиниб, трабектедин — бортезомиб, бусульфан, доцетаксел, эрлотиниб, гефитиниб, иматиниб, иксабепилон, лапатиниб, понатиниб, триметрексат, қабіршөп алкалоидтары Нейролептиктер, анксиолитиктер және ұйықтататын дәрілер — лурасидон, мидазолам (ішке қабылдауға арналған), кветиапин, пимозид, сертиндол, триазолам — алпразолам, арипипразол, бротизолам, буспирон, галоперидол, мидазолам (вена ішіне енгізуге арналған), пероспирон, рамелтеон, рисперидон Вирусқа қарсы препараттар — симепревир — маравирок, индинавирb, ритонавирb, саквинавир Бета-адреноблокаторлар — надолол Кальций өзекшелерінің блокаторлары — бепридил, фелодипин, лерканидипин, нисолдипин — басқа дигидропиридиндер, верапамил Жүрек-қантамыр жүйесіне әсер ететін басқа препараттар — алискирен, ивабрадин, ранолазин — өкпе гипертензиясын емдеуге арналған силденафил — бозентан, риоцигуат Диуретиктер — эплеренон Асқазан-ішек жолы ағзаларына әсер ететін препараттар — цизаприд, домперидон — апрепитант Иммуносупрессанттар — эверолимус — будесонид, циклесонид, циклоспорин, дексаметазон, флутиказон, метилпреднизолон, рапамицин (сиролимус ретінде де белгілі), такролимус, темсиролимус Липид алмасуын реттейтін препараттар — ловастатин, симвастатин, аторвастатин Тыныс алу ағзаларының ауруларын емдеу үшін қолданылатын препараттар — сальметерол Серотонинді кері қармаудың селективті тежегіштері, трициклдық және басқа антидепрессанттар — ребоксетин Урологияда пайдаланылатын препараттар — Фезотеродин (орташадан ауыр дәрежеге дейін бүйрек немесе бауыр функциясының бұзылуы бар пациенттерде), Солифенацин (бүйрек функциясының ауыр бұзылулары бар пациенттерде немесе бауыр функциясының орташадан ауыр дәрежеге дейін бұзылуы бар пациенттерде) — дарифенацин, варденафил — фезотеродин, имидафенацин, оксибутинин, силденафил (эректильді дисфункцияны емдеу үшін) солифенацин, тадалафил, толтеродин Басқалар — бауыр немесе бүйрек функциясының бұзылулары бар пациенттердегі колхицин — колхицин, кониваптан, толваптан, шайқурай (Hypericum perforatum) — алитретиноин (ішке қабылдауға арналған дәрілік түрлері), цинакальцет, мозаваптан a Қан плазмасындағы итраконазол концентрациясын төмендетуі мүмкін дәрілік препараттарды қараңыз b Қан плазмасындағы итраконазол концентрациясының жоғарылауын тудыруы мүмкін дәрілік препараттарды қараңыз Итраконазолдың әсерінен плазмалық концентрациясы төмендеуі мүмкін препараттар Итраконазолды қабынуға қарсы стероидты емес препарат мелоксикаммен бір мезгілде қолдану мелоксикамның плазмадағы концентрациясын төмендетуі мүмкін. Мелоксикамды итраконазолмен бір мезгілде сақтықпен тағайындау, сондай-ақ пациенттің клиникалық жағдайы мен жағымсыз әсерлерінің туындауын мұқият бақылау ұсынылады. Қажет болған жағдайда, мелоксикамның дозасын түзету керек. Балалар Дәрілермен өзара әрекеттесулері тек ересектерде зерттелді.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 250С-ден аспайтын температурада сақтау керек. Балалардың қолы жетпейтін жерде сақтау керек!