Эспумизан® капсулы 40 мг

Бір капсуланың құрамында белсенді зат: полидиметилсилоксаннан (ПДМС) және кремнийдің қостотығынан тұратын симетикон, 40 мг қосымша заттар: метилпарагидроксибензоат (Е 218), желатин, глицерин 85 %, «Күн батар түстес сары» FCF 85% (E 110), хинолинді сары, 70 % (E 104) Сыртқы түрінің, иісінің, дәмінің сипаттамасы Беткейі тегіс және тігісі бар сфералық дерлік жұмсақ сары түсті, диаметрі шамамен 5 мм капсулалар. Ішіндегісі - тұтқыр түссіз сұйықтық, аздап бұлыңғыр болуы мүмкін.

-газ түзілудің жоғарылауынан туындаған асқазан-ішек жолы тарапынан бұзылыстар кезінде симптоматикалық ем үшін, мысалы, метеоризм, іштің кебуі кезінде -құрсақ қуысы мен кіші жамбас ағзаларын диагностикалық зерттеу кезінде, мысалы, рентгенологиялық немесе ультрадыбыстық зерттеу (УДЗ) кезінде қосымша дәрі ретінде Эспумизан® капсулалар препараты ересектерде қолдануға арналған.

ATX коды: A03AX13 Эспумизан капсулалар препаратының құрамында әсер етуші зат ретінде симетикон бар – тұрақты беткейлік-белсенді полидиметилсилоксан бар. Оның әсерінен ас қорыту жолының химусы мен шырышындағы газ көпіршіктерінің беткейлік таралуы өзгереді, нәтижесінде олар ыдырайды. Бұл жағдайда босап шығатын газдар ішек қабырғасына сіңуі, сондай-ақ оның перистальтикасымен сыртқа шығуы мүмкін. Симетиконның әсері тек физикалық сипатта болады, ол химиялық реакцияларға қатыспайды, сонымен қатар фармакологиялық және физиологиялық тұрғыдан инертті.

Дозалау режимі Газ түзілудің жоғарылауынан туындаған асқазан-ішек жолы бұзылыстары кезінде (мысалы, метеоризм, іштің кебуі кезінде) Жасы — Дозалау — Қабылдау жиілігі Ересектер — 2 капсула (≙ 80 мг симетикон) — Күніне 3-4 рет Рентгенографияға, УДЗ дайындық кезінде Зерттеу жүргізуге дейін бір күн бұрын — Зерттеу жүргізілетін күні таңертең 2 капсуладан × күніне 3 рет (≙ жалпы дозасы 240 мг симетикон) — 2 капсула (≙ 80 мг симетикон) Балалар мен жасөспірімдер Эспумизан® капсулалар препараты 18 жасқа дейінгі балалар мен жасөспірімдерде пайдалануға жарамайды. Басқа дәрілік түрлері бар. Енгізу әдісі мен жолы Ішке қабылдауға арналған. Эспумизан® капсулалары тамақтану кезінде немесе одан кейін, сондай-ақ қажет болған жағдайда ұйықтар алдында қабылданады. Эспумизан® капсулаларын операциядан кейін де қабылдауға болады. Егер симптомдар сақталса немесе нашарласа, дәрігермен кеңесу қажет. Емдеу ұзақтығы Терапиялық қолдану ұзақтығы шағымдардың динамикасына байланысты. Эспумизан® капсулалар препаратын қажет болса ұзақ уақыт қабылдауға болады.

• әсер етуші затқа, «күн батар түстес сары» FCF (E 110) бояғышына, метилпарагидроксибензоатқа (E 218) немесе құрамына кіретін қосымша заттардың кез келгеніне аса жоғары сезімталдық • 18 жасқа дейінгі балалар мен жасөспірімдер

Симетиконды тіркеуден кейінгі қолдану барысында хабарланған жағымсыз реакциялар: Жиілігі белгісіз (қолда бар деректер негізінде бағалау мүмкін емес): - беттің ісінуі және ентігу сияқты аса жоғары сезімталдық реакциялары - жүрек айнуы, құсу, іш қатуы, іштің ауыруы - ангионевроздық ісіну, қышыну, тері бөртпесі «Күн батар түстес сары» бояғышы (E 110) аллергиялық реакциялар тудыруы мүмкін. Метилпарагидроксибензоат (E 218) аллергиялық реакциялар тудыруы мүмкін (оның ішінде баяу дамитын типі). Жағымсыз дәрілік реакциялар туындаған кезде денсаулық сақтау жүйесінің қызметкеріне, дәріхана қызметкеріне немесе Қазақстан Республикасының аумағында тіркелген дәрілік өзара әрекеттесулер туралы хабарламаларды қоса алғанда, дәрілік препараттардың жағымсыз реакциялары (әсерлері) туралы ақпараттық дерекқорға тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz.

Қазіргі уақытта артық дозалану жағдайлары туралы хабарланған жоқ. Химиялық және физиологиялық тұрғыдан симетикон толығымен инертті болғандықтан, онымен уыттану іс жүзінде жоққа шығарылды. Эспумизан® капсулалар препараты көп мөлшерде болса да симптомдарсыз жақсы көтерімді.

Құрсақ қуысы ағзалары тарапынан симптомдар қайталанатын болған кезде және/немесе олар сақталған жағдайда клиникалық тексеру қажет. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Эспумизан® капсулалар препараты көлік құралдарын басқару және механизмдерге қызмет көрсету қабілетіне әсер етпейді немесе елеусіз әсер етеді.

Жүктілік және бала емізу кезеңінде қолданудың салдары күтілмейді, өйткені симетиконның жүйелік әсері елеусіз болып табылады. Эспумизан® капсулаларын жүктілік кезінде және лактация кезеңінде қолдануға болады. Жүкті әйелдерде Эспумизан® капсулаларын қолдану бойынша клиникалық деректер жоқ. Фертильділік Клиникаға дейінгі деректер адамның фертильділігіне қатысты қауіптің жоқ екенін куәландырады.

Осы уақытқа дейін белгісіз.

30 °С-ден аспайтын температурада сақтау керек. Балалардың қолы жетпейтін жерде сақтау керек! Босату шарттары Рецептісіз