Эссливер Н капсулы 300 мг

1 капсула құрамында белсенді зат - 300 мг эссенциальды фосфолипидтер, қосымша заттар: динатрий эдетаты, бутилгидрокситолуол, тальк, магний алюминий силикат гидраты, капсуланың құрамы: титанның қостотығы (Е171), желатин, тазартылған су, натрий лаурилсульфаты. Сыртқы түрінің, иісінің, дәмінің сипаттамасы Өлшемі № 0, ақ түсті, қатты желатинді капсулалар. Капсуланың ішіндегісі – ашық қоңыр түсті ұнтақ.

- бауыр стеатозы (бауырдың майлы дистрофиясында) - бауырдың уытты зақымдануында - жедел гепатиттерде - созылмалы гепатиттерде - бауырдың алкогольді ауруында - бауырдың дәрілік зақымдануында - тәбеттің болмауымен және оң жақ қабырға астындағы ауырлық сезімімен бірге теңгерімсіз тамақтану

Құрамында фосфор қышқылы және эссенциальды фосфолипидтер деп аталатын биологиялық маңызды ауыстыруға болмайтын май қышқылының үлкен мөлшері бар холин бар кейбір липоидты заттар бауырдың қалыпты құрылымы мен функциясы үшін қажет. Олар жасуша қабығының құрылымында және гепатоциттердің митохондрийінде негізгі элемент болып табылады. Липидтер мен көмірсу алмасуларын реттейді, бауырдың функционалдық жағдайы мен оның уытсыздандыру функциясын жақсартып, гепатоциттер құрылымының сақталуы мен қалпына келуіне ықпал етеді; бауырда дәнекер тіндердің қалыптасуын тежейді. Бұдан басқа, бауыр метаболизмі эссенциальды май қышқылында холинфосфолипидтердің қатысуынсыз мүмкін емес болғандықтан, осы заттардың тапшылығы бауырдың дегенерациясына әкелуі мүмкін май инфильтрациясын туындатады және ауыр жағдайларда бауыр жасушасының бұзылуымен аяқталады. Эссливер Н бауырдың өмірлік маңызы бар функциясын қолдайды. Осы препараттың негізгі құрамдастары әр түрлі тазартылуы жоғары эссенциальды фосфолипидтер (фосфатидилхолин, фосфатидилэтаноламин, фосфатидилсерин, фосфатидилинозитол) тікелей бауыр жасушаларымен сіңіріледі. Бауырдың зақымданған жасушалары функционалдық белсенділігін жылдам қалпына келтіреді, некроздық жасушалар жылдам ауысады және ағзаның барлық метаболизмдік функциялары қайтадан қалпына келеді. Субъективті жақсару жылдам орын алады. ЭФЛ сондай-ақ қан мен тіндегі майдың ыдырауының күшеюіне көмектеседі.

Дозалау режимі Ішке қабылдау үшін. Ересектер мен 12 жастан асқан балаларға (дене салмағы 43 кг-нан астам): тамақтану кезінде 2 капсуладан күніне 2-3 рет, сұйықтықтың мол мөлшерімен бірге ішу керек. Псориазды емдеу кезінде ем 2 апта ішінде Эссливер Н капсулаларын қолданумен басталуы мүмкін (күніне 3 рет 2 капсуладан). Қажет болған жағдайда емдеу мерзімі ұзартылады. Емдеу ұзақтығы Емдеу курсының ұзақтығын аурудың ауырлығына байланысты дәрігер жекелей анықтайды. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Препаратты қолданар алдында қосымша парақты мұқият оқып шығыңыз. Егер сізде қосымша сұрақтар туындаса, емдеуші дәрігерге хабарласыңыз.

- әсер етуші затқа немесе қосымша заттардың кез келгеніне аса жоғары сезімталдық - 12 жасқа дейінгі балалар

Өте сирек • аллергиялық реакциялар (бөртпе, есекжем, қышыну) Жиілігі белгісіз • эпигастральді аймақта жайсыздықты сезіну, нәжістің аздаған жеңіл өтуі, диарея • қышыну Жоғарыда көрсетілген жағымсыз әсерлер пайда болған жағдайда, әсіресе, жоғары сезімталдық жағдайларында препаратты қабылдауды тоқтату керек. Пациент симптомның күрделілігін бағалау және жағымсыз әсерлерді кетіру үшін барабар шараларды қолдану үшін дәрігерге қаралу керек. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Арнайы ескертулер Педиатрияда қолдану Препаратты 12 жастан кіші балаларға қолданудың қауіпсіздігі және тиімділігіне зерттеу жүргізілмеген. Препарат 12 жастан кіші балаларға қолданылмауы тиіс. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Препараттың жүктілік және лактация кезіндегі қауіпсіздігі мен тиімділігін зерттеу жүргізілмеген. Препаратты жүктілік кезінде және лактация кезінде қолдану ұсынылмайды.

Антикоагулянттармен дәрілермен өзара әрекеттесуі ықтимал. Бір мезгілде қабылдау жағдайында антикоагулянттардың дозасын түзету үшін пациенттің дәрігермен кеңесуі қажет.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!