Этова таблетки 400 мг

Бір таблетканың құрамында белсенді зат – этодолак, 400 мг, қосымша заттар - лактоза моногидраты, кросповидон, натрий лаурилсульфаты, повидон, тальк, коллоидты кремнийдің қостотығы, магний стеараты, қабығының құрамы: опадрай қоңыр 03B86607 (гипромеллоза, титанның қостотығы (Е171), макрогол, темірдің қызыл тотығы (Е172), темірдің сары тотығы (Е172)). Сыртқы түрінің иісінің, дәмінің сипаттамасы Сопақша пішінді, екі беті дөңес, қызғылттау-қоңыр түсті, екі жағы тегіс, үлбірлі қабықпен қапталған таблеткалар.

Ересектерде остеоартроз, ревматоидтық артрит кезінде ауыру синдромын басу үшін көрсетілген.

АТX коды М01АВ08 Әсер ету механизмі Этодолак – қабынуға қарсы, ауыруды басатын және ыстықты түсіретін әсері бар қабынуға қарсы стероидты емес препарат (ҚҚСП). Әсер ету механизміне простагландин синтезіне қатысатын циклооксигеназа ферментін тежеуі түрткі болады деп шамаланады. Фармакодинамикалық әсерлері Этодолак, қабынуға қарсы барлық стероидты емес препараттар (ҚҚСП) сияқты, простагландиндердің түзілуін тежейді. Дәл осы әсері олардың емдік әсерлеріне де, олардың кейбір жағымсыз әсерлеріне де жауап береді. Клиникалық тиімділігі және қауіпсіздігі Этодолакты емдік дозасында қолданғанда, асқазанның шырышты қабығындағы цитопротекторлық PGE концентрациясы басқа ҚҚСП қарағанда азғантай дәрежеде және қысқарақ мерзім ішінде төмендейтіндігі көрсетілді. Бұл этодолактың ЦОГ-1-мен (цитопротектор) салыстырғанда, индукцияланған циклооксигеназа 2-ге (ЦОГ-2, қабынумен байланысты) қатысты іріктегіштігі анықталған келесі in vitro зерттеулермен сәйкес келеді. Бұдан өзге, адамның жасушалары модельдеріне жүргізілген зерттеулер, этодолактың ЦОГ-2 тежеуде селективті болып табылатындығын растады. ЦОГ-мен салыстырғанда, ЦОГ-2 тежеуінің клиникалық артықшылығы әлі дәлелденбеген. Клиникалық зерттеулер, этодолактың ҚҚСП көпшілігіне қарағанда күштірек болғандықтан, қабынуға қарсы айқын белсенділікке ие екендігін көрсетті. Балалар Балалар мен 18 жасқа дейінгі жасөспірімдерде қолданылуы жөнінде клиникалық деректер жоқ.

Дозалау режимі Жағымсыз әсерлердің туындау қаупін азайту үшін, препаратты барынша қысқа курспен және симптомдарын басу үшін қажетті ең аз тиімді дозасында қабылдау ұсынылады. Этова препаратының ұсынылатын тәуліктік дозасы 1 немесе 2 қабылданатын 1-2 таблетканы (400-800 мг) құрайды. Ең жоғарғы тәуліктік дозасы 800 мг құрайды. Этова препаратының бастапқы емінің әсерін бақылаудан кейін, дозасы мен қабылдау жиілігі емнің әсерін ескере отырып түзетілуі тиіс. Пациенттердің ерекше топтары Балалар Балалар мен 18 жасқа дейінгі жасөспірімдерде қолдануға болмайды. Егде жастағы пациенттер Егде жастағы пациенттерге дозасын түзету қажет емес. Бүйрек жеткіліксіздігі бар пациенттер Бүйректің әлсіз және орташа жеткіліксіздігі бар пациенттерде Этова таблеткаларын дозалау, әдетте, түзетуді қажет етпейді. Ондай пациенттерде Этова препаратын сақ болып пайдалану керек, өйткені, басқа ҚҚСП қолдану, несеп шығару жүйесінің бұзылулары бар пациенттерде бүйрек функциясын қосымша төмендетуі мүмкін. Енгізу әдісі және жолы Ішке қолдануға арналған. Тамақпен немесе тамақтан кейін қабылдау ұсынылады. Таблетканы шайнамау және толық бір стақан сумен ішіп жіберу керек. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну туралы нұсқаулар Сізде осы дәрілік препаратты қолдану жөнінде қандай-да бір қосымша сұрақтарыңыз туындаған жағдайда, өз дәрігеріңізге жүгініңіз.

- этодолакқа, қабынуға қарсы стероидты емес басқа препараттарға немесе қосымша заттарының кез келгеніне аса жоғары сезімталдық - асқазан мен он екі елі ішектің ойық жара ауруы (соның ішінде, анамнездегісі) - асқазан-ішектен қан кетулер (соның ішінде, анамнездегісі) - анамнезде аспиринді немесе қабынуға қарсы стероидты емес препараттарды қолданғаннан кейін симптомдар триадасы (демікпе, ринит, аллергиялық бөртпе немесе Квинке ісінуі) дамығаны көрсетілсе - бүйрек, бауыр және жүрек жеткіліксіздігінің ауыр түрі - аортокоронарлық шунттау (АКШ) кезінде операциядан кейінгі ауыруды емдеу үшін - тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар пациенттерге. - жүктілік және бала емізу кезеңі - балалар мен 18 жасқа дейінгі жасөспірімдерге.

Асқазан-ішек жүйесі бұзылуының анағұрлым жиі байқалатын жағымсыз әсерлері. Қан және лимфа жүйесінің бұзылыстары - тромбоцитопения, нейтропения, агранулоцитоз, аплазиялық анемия және гемолиздік анемия. Иммундық жүйенің бұзылыстары ҚҚСП қолданғаннан кейін болуы мүмкін аса жоғары сезімталдық реакциялары: - спецификалық емес аллергиялық реакциялар, анафилаксиялық және анафилактоидтық реакциялар - тыныс жолдарының реактивтілігі (демікпе, демікпенің өршуі, бронх түйілуі, ентігу) - бөртпенің түрлі типтерін, қышынуды, есекжемді, пурпураны, ангионевроздық ісінуді қоса, терінің түрлі аурулары және, сирегірек эксфолиативтік және буллездік дерматоздар (эпидермалық некролиз бен мультиформалы эритеманы қоса) Жүйке жүйесінің бұзылыстары - депрессия, бас ауыруы, бас айналуы, ұйқысыздық, сананың шатасуы, елестеулер, бағдарсыздық, парестезия, тремор, әлсіздік, күйгелектік және ұйқышылдық, асептикалық менингит (әсіресе, жүйелі қызыл жегі, дәнекер тіннің аралас ауруы сияқты аутоиммундық бұзылулары бар пациенттерде), мойынның сіресуі, бас ауыруы, жүрек айнуы, құсу сияқты симптомдармен Көру мүшелері - көру бұзылулары, көру жүйкесінің невриті Есту мүшелерінің бұзылыстары - тиннитус («құлақтағы шуыл немесе құлақтың шыңылдауы»), бас айналуы Жүрек тарапынан бұзылыстар - ісіну, гипертония, жүрек қағуы, жүрек жеткіліксіздігі - кейбір ҚҚСП (әсіресе жоғары дозаларында және ұзақ уақыт емдегенде) пайдалану артериялық тромбоз оқиғаларының даму (мысалы, миокард инфарктісі немесе инсульт) қаупімен байланыстырылуы мүмкін Қантамырлардың бұзылулары - васкулит Асқазан-ішек бұзылыстары - ойық жаралар, асқазанның перфорациясы немесе әсіресе, егде жастағы адамдарда кейде өлімге соқтыратын асқазан-ішектен қан кету - жүрек айнуы, құсу, диарея, диспепсия, эпигастрий аймағының ауыруы, ойық жаралы стоматит, іш ауыруы, іш қатулар, метеоризм, гематемез (қан немесе қан аралас құсу), мелена, асқазан-ішектің ойық жаралары, асқазан бұзылысы, қыжыл, ректальді қан кету. - колит пен Крон ауруының өршуі - гастрит, панкреатит Бауыр функциясының бұзылуы - билирубинурия, гепатит, сарғаю Тері және теріасты шелмайының аурулары - Стивенс-Джонсон синдромы мен уытты эпидермалық некролизді қоса буллездік реакциялар (өте сирек), фотодерматоз (терінің күн сәулесіне жоғары сезімталдығы) Бүйрек және несеп бұзылыстары - дизурия, нефроуыттылық (интерстициальді нефритті, нефриттік синдромды және бүйрек жеткіліксіздігін қоса) Жалпы бұзылыстар - дімкәстану, шаршау, астения, қалтыру, қызба Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз «Қазақстан Республикасы Денсаулық сақтау министрлігі Медициналық және фармацевтикалық бақылау комитеті Дәрілік заттарды және медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: бас ауыруы, жүрек айнуы, құсу, эпигастрийдің ауыруы, асқазан-ішектен қан кету, сирек жағдайда диарея, бағдарсыздық, кома, ұйқышылдық, бас айналуы, құлақтағы шуыл, естен тану, кейде құрысулар. Елеулі артық дозалану жағдайында, бүйректің жедел жеткіліксіздігі және бауыр зақымдануы болуы мүмкін. Емі: қажет болған жағдайда, пациенттерге симптомдық ем жүргізу керек. Препаратты уытты болуы ықтимал мөлшерін қабылдағаннан кейінгі бір сағат ішінде, белсендірілген көмірді қолдану мүмкіндігін қарастыру керек. Баламасы ретінде, өмірге қауіп төндіруі ықтималдығына байланысты, ересектерде артық дозаланғаннан кейінгі бір сағат ішінде асқазанды шаю мүмкіндігін қарастыру керек. Жақсы диурез қамтамасыз етілуі тиіс. Бүйрек пен бауыр функциясын мұқият бақылау керек. Пациенттер уытты болуы ықтимал препаратты қабылдағаннан кейін кемінде төрт сағат бойы мұқият қадағалауда болуы тиіс. Жиілеген немесе ұзаққа созылған құрысуларды вена ішіне диазепамды енгізудің көмегімен емдеу керек. Басқа шараларды пациенттің клиникалық жағдайына байланысты қолдануға болады. Асқазанды шаю, белсендірілген көмірді қабылдау және жалпы демеуші емнің стандартты тәжірибесін ұстану керек.

Этодолакты қолдану әйелдерде ұрпақ өрбіту функциясының бұзылуына алып келуі мүмкін және жүктілікті жоспарлап жүрген әйелдерде пайдалануға болмайды. Бала көтеруде қиындықтары бар және бедеулік мәселесі бойынша тексеруден өтіп жүрген әйелдерде этодолакты қолдануды тоқтату туралы мәселе қарастырылуы тиіс. Этова препаратын қабылдаған кезде алкоголь пайдаланбаңыз. Егер сіз бұл дәрімен емдеу кезінде алкогольдік сусындарды тұтынсаңыз, асқазанға қатысты қиындықтардың туындау ықтималдығы зор болады. Арнайы ескертулер Жағымсыз әсерлерді симптомдарын бақылауда ұстау үшін қажетті қысқа уақыт кезеңі ішінде ең төменгі тиімді дозасын пайдалану жолымен азайтуға болады. Этова препаратын қабынуға қарсы стероидты емес басқа дәрілермен (ҚҚСД) қолданбау керек. Егде жастағы адамдар Егде жастағы адамдарда ҚҚСП-ға жағымсыз реакциялардың, әсіресе, өлімге соқтыруы мүмкін асқазан-ішектен қан кетулер мен перфорациялардың жиілігі жоғары болады. Жүрек-қантамырлық және цереброваскулярлық әсерлері Анамнезінде гипертония болған және/немесе жүректің жеңілден орташа дәрежеге дейінгі іркілісті жеткіліксіздігі бар пациенттер үшін сәйкесінше мониторинг жүргізу және нұсқау беру қажет, өйткені, сұйықтықтың іркілуі мен ісіну ҚҚСП еміне байланысты тіркелген. Клиникалық деректер, кейбір ҚҚСП (әсіресе, жоғары дозаларында және ұзақ уақыт емдеуде) пайдалану артериялық тромбоз құбылыстарының (мысалы, миокард инфарктісі немесе инсульт) даму қаупінің аздап жоғарылауымен байланысты болуы мүмкін деген болжам жасауға мүмкіндік беріп отыр. Бақыланбайтын артериялық гипертензиясы, жүректің іркілісті жеткіліксіздігі, жүректің анықталған ишемиялық ауруы, шеткері артериялардың ауруы және/немесе цереброваскулярлық аурулары бар пациенттер сақтықпен ем қабылдауы тиіс. Жүрек-қантамыр аурулары (мысалы, гипертония, гиперлипидемия, қант диабеті, шылым шегу) және олардың даму мүмкіндігі бар пациенттерді ұзақ уақыт емдеудің алдында қауіптерін ескеру керек. Респираторлық бұзылыстар Егер этодолак бронх демікпесінен зардап шегіп жүрген немесе бұрын анамнезінде болған пациенттерге тағайындалса, сақтық таныту қажет, өйткені, хабарланғанындай, ҚҚСП ондай пациенттерде бронх түйілуініңң дамуын жеделдетеді. Жүрек-қантамырлық, бүйрек және бауыр бұзылулары Бүйрек, жүрек және немесе бауыр жеткіліксіздігі бар пациенттерде, әсіресе, диуретиктерді қабылдап жүргендер мен егде жастағы адамдарда, бүйрек функциясын бақылау керек. Сақтық таныту қажет, өйткені ҚҚСП пайдалану простагландин түзілуінің дозаға тәуелді төмендеуіне және бүйрек жеткіліксіздігінің күшеюіне әкелуі мүмкін. Қолданылатын дозасы аса төмен болуы тиіс. Алайда, басқа себептерге байланысты бүйрек немесе бауыр функциясының бұзылуы басқа дәрілік заттардың метаболизмін өзгертуі мүмкін, ұзаққа созылатын қатарлас емді қабылдап жүрген пациенттер, әсіресе, егде жастағы адамдар, жағымсыз әсерлерінің ықтималдығына қатысты қадағалауда болуы тиіс, ал оларда препараттың дозалары қажеттілігіне қарай түзетілуі немесе тоқтатылуы тиіс. Асқазан-ішектен қан кетулер, ойық жаралар және тесілу Асқазан-ішек жолы тарапынан, қан кету, ойық жара және перфорация сияқты ауыр жағымсыз әсерлер туралы хабарланған, олар өлімге соқтыруы мүмкін және ҚҚСП қабылдаған немесе анамнезінде асқазан-ішек жолының ауыр құбылыстары болған пациенттерде ескертпе симптомдарымен немесе оларсыз кез келген уақытта орын алады. Асқазан-ішектен қан кетудің қандай-да бір белгілері пайда болған жағдайда, этодолакты қабылдауды дереу тоқтату керек. Тромбоциттер Қабынуға қарсы стероидты емес препараттар тромбоциттерге аспирин сияқты тікелей әсер бермегенімен, простагландиндер биосинтезін тежейтін препараттардың барлығы, тромбоциттер функциясын біршама дәрежеде бұзуы мүмкін. Этодолакты қабылдап жүрген пациенттерде тұрақты мониторинг жүргізу және қадағалау қажет. Этодолакпен ұзақ уақыт емделіп жүрген пациенттер бүйрек функциясының, гематологиялық параметрлердің және бауыр функциясының өзгерістеріне қатысты жүйелі түрде тексеріліп отыруы тиіс. Анамнезінде ойық жара болған пациенттерде ҚҚСП дозасын арттырған кезде, әсіресе, егер олар егде жастағы адамдарда қан кетумен немесе перфорациямен асқынған болса, асқазан-ішек жолынан қан кету, ойық жара немесе перфорациясы қаупі жоғарылайды. Аталған пациенттер емделуді ең аз қолжетімді дозасынан бастауы тиіс. Басқа дәрілік заттармен (мысалы, мизопростолмен немесе протондық помпа тежегіштерімен) біріктіріп емдеу асқазан-ішектен қан кету, ойық жара немесе перфорациясы қаупін арттырады. Анамнезінде асқазан-ішек жолының аурулары болған, әсіресе, егде жастағы пациенттер, әдеттен тыс кез келген, әсіресе, емдеудің бастапқы сатыларындағы абдоминальді симптомдар (әсіресе, асқазан-ішек жолынан қан кету) туралы хабарлап отыруы тиіс. Ойық жара немесе қан кету қаупін арттыруы мүмкін оральді кортикостероидтар, антикоагулянттар (варфарин, серотонинді кері қармаудың селективті тежегіштері сияқты) немесе аспирин сияқты қатарлас препараттарды қабылдап жүрген пациенттерде сақтық таныту керек. Этодолакты қабылдап жүрген пациенттерде асқазан-ішек жолынан қан кету немесе ойық жарасы пайда болған жағдайда, емдеу тоқтатылуы тиіс. Этодолакты анамнезінде асқазан-ішек аурулары (ойық жаралы колит, Крон ауруы) болған пациенттерге сақтықпен тағайындау керек, өйткені олар өршіп кетуі мүмкін. Жүйелі қызыл жегі (ЖҚЖ) және дәнекер тіннің аурулары Жүйелі қызыл жегісі (SLE) және дәнекер тіннің аурулары бар пациенттерде асептикалық менингит қаупі жоғары болуы мүмкін. Дерматологиялық Терінің ауыр реакциялары, олардың ішінен эксфолиативтік дерматитті, Стивенс-Джонсон синдромын және уытты эпидермалық некролизді қоса кейбіреулері өліммен аяқталған, өте сирек жағдайда ҚҚСП қолданумен байланысты хабарланған. Пациенттер аталған реакциялардың көбірек қаупіне емдеу курсының басында ұшырауы ықтимал: көпшілік жағдайларда реакцияның басталуы, емнің алғашқы айы ішінде туындайды. Тері бөртпесі, шырышты қабықтың зақымданулары немесе аса жоғары сезімталдықтың кез келген басқа белгілері алғаш пайда болған жағдайда, Этова препаратын тоқтату керек. Лактоза Этова дәрілік препаратының қосымша заты құрамында 58,45 мг мөлшердегі лактоза моногидраты бар және осының салдарынан, тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар пациенттерге қолдануға болмайды. Натрий Этова дәрілік препаратының бір реттік дозасы құрамында 1 ммольден кем (23мг) натрий бар және натрийсіз препарат болып есептеледі. Педиатрияда қолданылуы Балалар мен 18 жасқа дейінгі жасөспірімдерде қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Этодолакты қолдану бас айналуын, ұйқышылдықты, шаршауды немесе көрудің бұзылуын туғызуы мүмкін. Препараттың жағымсыз әсерлерін ескере отырып, көлік құралын басқарғанда және қауіптілігі зор механизмдермен жұмыс істегенде сақтық таныту керек.

Простагландин синтезін тежейтін дәрілік заттар, дистоцияны (шарананың басы шыққаннан кейін алдыңғы иығының қасаға артында қалып қоюы, анасының жамбасына иық белдеуінің клиникалық тұрғыдан сәйкес келмеуі, шарананың басы шыққаннан кейін арнайы манипуляцияларды қолданусыз 60 секунд ішінде екі иығының шыға алмауы) және босанудың кідіруін туғызуы мүмкін. ҚҚСП шарананың жүрек-қантамыр жүйесіне белгілі әсерлеріне байланысты, простагландина биосинтезінің кейбір тежегіштері артериялық түтіктің бітеліп қалу қаупіне кедергі келтіретіні дәлелденген, жүктіліктің соңғы триместрінде қолдануға болмайды. Босанудың басталуы кідіруі мүмкін, ал босану ұзақтығы, анасында да, шаранада да қан кетулердің пайда болу мүмкіндігімен артуы мүмкін. Этодолакты жүктілік немесе босану кезінде қолдануға болмайды. Этодолак емшек сүтіне өте төмен концентрацияларда бөлінуі мүмкін. Әйелдерде лактация кезеңінде қолдануға болмайды.

Этодолак ақуыздармен елеулі дәрежеде байланысатындықтан, құрамындағы ақуыз мөлшері жоғары басқа препараттардың дозасын өзгерту қажет болуы мүмкін. Циклооксигеназа-2селективті тежегіштерін қоса басқа анальгетиктер Екі немесе одан көп ҚҚСП (аспиринді қоса) бір мезгілде қолдануға тыйым салынады, өйткені ол жағымсыз әсерлердің қаупін арттыруы мүмкін. Гипотензиялық дәрілер Этодолакпен бір мезгілде қолдану гипотензиялық әсерін төмендетеді. Диуретиктер Несеп айдайтын әсері төмендейді. Диуретиктер этодолактың нефроуыттылығы қаупін арттыруы мүмкін. Жүрек гликозидтері Этодолак жүрек жеткіліксіздігін ушықтыруы, шумақтық сүзіліс жылдамдығын (ШСЖ) төмендетуі және гликозидтердің плазмадағы деңгейін арттыруы мүмкін. Литий Литийдің шығарылуы төмендейді. Метотрексат Метотрексаттың шығарылуы төмендейді. Циклоспорин Нефроуыттылық қаупі жоғарылайды. Антикоагулянттар Этодолак варфарин сияқты антикоагулянтовтардың әсерін күшейтуі мүмкін. Тромбоциттер агрегациясына қарсы дәрілер және серотонинді кері қармаудың селективті тежегіштері этодолакпен пайдаланылғанда асқазан-ішектен қан кетулер қаупін арттырады. Такролимус Этодолакты такролимуспен тағайындағанда нефроуытттылық қаупі жоғарылауы мүмкін. Зидовудин Этодолакты зидовудинмен бірге тағайындағанда гематологиялық уыттылық қаупі жоғарылайды. АИТВ инфекциясымен, гемофилиясы бар, зидовудинмен және ибупрофенмен бір мезгілде ем қабылдап жүрген пациенттердегі гемартроздар мен гемтома қаупінің жоғарылығы жөнінде деректер бар. Зертханалық деректер Несепте этодолактың фенолдық метаболиттерінің болуына байланысты, билирубинді анықтауға арналған тестілер жалған нәтиже беруі мүмкін. Мифепристон Мифепристонды енгізгеннен кейін 8-12 күн бойы ҚҚСП қолданбаған дұрыс, өйткені ҚҚСП мифепристонның әсерін төмендетуі мүмкін. Кортикостероидтар Асқазан-ішектің ойық жараларының немесе қан кетулердің қаупі жоғарылайды. Бактерияға қарсы хинолонды дәрілер Этодолак хинолондық антибиотиктермен байланысты құрысулар қаупін арттыруы мүмкін. Этодолак пен хинолондарды қабылдап жүрген пациенттерде құрысулардың даму қаупі жоғары болуы мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде 25 ºС-ден аспайтын температурада сақтау керек. Балалардың қолы жетпейтін жерде сақтау керек!