Этодекс спрей 1.92 мг/мл

30 мл препараттың құрамында белсенді зат – гексэтидин 0.0577 г, қосымша заттар: натрий сахарині, эвкалипт майы, апельсин гүлдері майы, бұрышты жалбыз майы, левоментол, метилсалицилат, глицерин 85%, этанол 96%. Сыртқы түрінің, иісінің, дәмінің сипаттамасы Этанол мен эфир майларының ерекше иісі бар мөлдір түссіз немесе сәл сарғыш сұйықтық.

Этодекс, спрей препаратын ересектер мен 8 жастан асқан балаларға қолдануға болады: - баспа, фарингит, гингивит, стоматит, глоссит, афтозды жаралар сияқты қабыну және инфекциялық аурулар кезінде ауыз қуысы мен жұтқыншақты дезинфекциялау үшін - тонзилэктомияға дейін және одан кейін, тістерді жұлу және ауыз қуысында басқа хирургиялық манипуляциялардан кейін ауыз қуысы мен жұтқыншақты дезинфекциялау - ауыз бен жұтқыншақтың жағымсыз иісін жою үшін - стрептококкты тонзиллит кезінде (антибиотиктермен бір мезгілде емдеуде қосымша дәрі ретінде).

Әсер ету механизмі Этодекс - жеңіл анестетикалық әсері бар антисептикалық дәрі. Фармакодинамикалық әсерлері Этодекс- дезинфекциялаушы дәрі. Негізгі әсер етуші зат бактерицидтік және фунгицидтік зат гексэтидин болып табылады, оның әсері оның тиаминге құрылымдық ұқсастығына негізделген. Бәсекелес тежелу арқылы ол микроорганизмдердің тіршілік процестеріне қажетті кофермент – тиаминпирофосфатының түзілуін тежейді. Гликолиздік процестерге араласу арқылы ол ауыз қуысында тамақ қалдықтарын қышқылды ашытуды шектейді. Гексэтидин және ішінара эфир майлары дәрінің әсерін жеңіл жергілікті анестетикалық әсермен толықтырады.

Дозалау режимі Егер дәрігер басқа дозалау режимін тағайындамаса, Этодекс әдетте күніне 2-3 рет, таңертең және кешке қолданылғаны дұрыс. Препарат жиі қолданған кезде де қауіпсіз. Этодекс, спрейді тамақтан кейін қолдану керек, өйткені гексэтидин мұрын-жұтқыншақ шырышты қабығына таралады және соның арқасында тұрақты әсер береді. Препаратты ауыз қуысына немесе жұтқыншаққа шашыратады. Аэрозольдің көмегімен шырышты қабықтың қабынған жерлерін оңай және тез емдеуге болады, ол үшін келесі әрекеттерді орындау қажет: - құтыға бүріккіш қондырманы орнатыңыз; - бүріккіш қондырманың ұшын ауыз қуысының немесе жұтқыншақтың зақымдалған аймағына бағыттаңыз; - препаратты енгізген кезде құтыны тік күйде ұстау керек; - бүріккіш қондырманың басын 1-2 секунд басып тұрып, бүріккіштің ұшын алдымен солға, содан кейін оңға бағыттаңыз. Препаратты деммен ішке тартуға немесе жұтуға болмайды, сондықтан аэрозольді бүрку кезінде дем алмай тұра тұру керек. - Пайдаланғаннан кейін бүріккішті жылы сумен жуып-шаю керек. Препаратты қолдану ұзақтығын емдеуші дәрігер анықтайды. Қолдану тәсілі Тамақтанғаннан кейін немесе тамақтану арасында жергілікті қолдану үшін. Қолдану ұзақтығы 5 күннен аспайды.

- әсер етуші затқа, басқа хинолондарға немесе қосымша заттардың кез келгеніне жоғары сезімталдық - ларингит түйілуінің даму ықтималдығы бар ларингит, атрофиялық типті құрғақ фарингит - жүктіліктің I триместрі - 8 жасқа дейінгі балалар

Туындау жиілігінің төмендеу ретімен басқа ықтимал жағымсыз реакциялар мыналарды қамтуы мүмкін. Белгісіз (қолда бар деректерге сүйене отырып, туындау жиілігін анықтау мүмкін емес): - тілде немесе ауыз қуысы шырышты қабығында уақытша күйдіруді сезіну (препаратты қолданғаннан кейін бірден пайда болады және қысқа уақыт сақталуы мүмкін), - дәм мен иістің өзгеруі, - ерекше жағдайларда, сезімталдығы жоғары пациенттерде мұрын бітелуімен, ісінумен, күлдіреуіктермен, бөртпемен, ойық жарамен немесе қан кетумен (жергілікті), ларингит түйілуімен, көмейдің ісінуімен немесе тыныс алудың бұзылуына әкелетін бронх түйілуімен аллергиялық реакция болуы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препараттың артық дозалану жағдайлары белгісіз.

Арнайы ескертулер Дәрігердің кеңесінсіз препаратты қолдануға болмайды. Препаратты көзге тигізбеу керек. 8 жастан асқан балаларға препаратты егер бала оны қолдану кезінде тыныс ала алатын болса ғана қолдануға болады. Ауызжұтқыншақтың табиғи микрофлорасының бұзылу қаупіне байланысты препаратты ұзақ уақыт қолдануға болмайды. Егер симптомдар қолдануды бастағаннан кейін 3 күннен кейін де сақталса және / немесе температураның жоғарылауы байқалса, емдеуші дәрігерге қаралу керек. Бұл дәрілік препараттың құрамында жоғары дозада балаларда құрысулардың дамуына түрткі болатын қосымша заттар бар. Бұл қосымша заттардың болуын және бұрын эпилепсия ұстамалары байқалған адамдарды естен шығармау керек. Препарат құрамында көлемі 80% дейін 96% спирт бар. Әр дозада 0,1 г дейін этанол бар. Бұл дәрілік препараттың құрамында аз мөлшерде алкоголь бар, бір дозаға 100 мг аздау. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралын басқару қабілетіне және жоғары зейін қоюды қажет ететін қызметті жүзеге асыруға әсер етпейді, бірақ препараттың құрамына спирт (этанол) кіретіндіктен, препаратты қолдану алкогольге тест нәтижелерін бұрмалауы мүмкін.

Жүкті және бала емізетін әйелдерде препаратты қолдану туралы туралы жеткілікті деректер жоқ, сондықтан оны сақтықпен және оны қолданудың болжамды пайдасы ана мен бала үшін ықтимал қауіптен асып кеткен жағдайда ғана қолдану керек.

Өзара әрекеттесу бойынша зерттеулер жүргізілген жоқ.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек!