Этоксисклерол раствор 5 мг/мл

Бір ампуланың ішінде белсенді зат: лауромакрогол 400:10.00 мг, 20.00 мг, 60.00 мг қосымша заттар: этанол 96%, натрий гидрофосфаты, калий дигидрофосфаты, инъекцияға арналған су. Сыртқы түрінің, иісінің, дәмінің сипаттамасы Мөлдір, түссіз немесе өте солғын сарғыш-жасыл ерітінді.

Этоксисклерол варикозды веналар және геморроидальді түйіндердің склеротерапиясы үшін тағайындалады.

Лауромакрогол 400 ақуыздардың денатурациясын туындата отырып, қантамырлардың эндотелийін зақымдайды. Эндотелийдің зақымдану дәрежесі енгізілген препараттың концентрациясына және көлеміне тәуелді. Лауромакрогол 400 енгізгеннен кейін бірден салынатын қысып тұратын таңғыш веналардың жақтауын қысады және осылайша, шамадан тыс тромб түзілуін және бастапқыда қалыптасқан жақтау жанындағы тромбтың қайта өзектелуін болдырмайды. Осылайша қалыптасқан фиброздық тыртық венаның склероздалуын қамтамасыз етеді. Лауромакрогол 400 сонымен қатар жансыздандырғыш қасиеттерге ие. Ол сезімтал рецепторлардың жергілікті қозғыштығын төмендетіп қана қоймайды, сонымен қатар сезімтал жүйке талшықтары арқылы кері байланысты үзеді, бұл склеротерапия кезіндегі ауырсынудың болмауына түрткі болады.

Дозалау режимі Варикозды веналардың түрлі көлемі үшін Этоксисклерол препаратының әртүрлі концентрациясы қажет. Геморроидальді ауруды емдеу үшін 30 мг/мл Этоксисклерол препараты қолданылады. Препарат не сұйықтық түрінде немесе стандартталған біртекті, ұсақ көпіршікті қою микрокөбік түрінде де пайдаланылуы мүмкін. Венаның белгілі бір типі, венаның диаметрі және пациенттің жеке жай-күйі үшін бірнеше концентрацияны қарастыру керек (төмендегі кестені қараңыз). Күмән туындаған жағдайда, төменірек концентрацияны таңдау керек. Веналардың варикозды кеңею дәрежесіне және ұзындығына байланысты қолдану Склеротерапия — Этоксисклерол препаратының концентрациясы 5 мг/мл — 10 мг/мл — 30 мг/мл Телеангиэктазия (тамырлық жұлдызшалар) — ● — Сұйықтық Микрокөбік Телеангиэктазияның орталық веналары — ● — ● — Сұйықтық Микрокөбік Ретикулярлы варикоз — ● — Сұйықтық Микрокөбік Ұсақ варикозды веналар — ● — Сұйықтық ● — Микрокөбік Орташа варикозды веналар — ● — Сұйықтық ● — Микрокөбік Ірі варикозды веналар — ● — Сұйықтық ● — Микрокөбік Геморроидальді түйіндер (бірінші және екінші дәрежелі) — ● — Сұйықтық Микрокөбік Варикозды веналардың склеротерапиясы Әдетте, тәулігіне кг дене салмағына 2 мг лауромакрогол 400 дозасынан асырылмауы тиіс. Дене салмағы 70 кг болатын пациент үшін жалпы алғанда, 140 мг-ға дейін лауромакрогол 400 енгізілуі мүмкін. 140 мг лауромакрогол 400 келесілердің құрамында бар: Этоксисклерол 5 мг/мл — 28 мл Этоксисклерол 10 мг/мл — 14 мл Этоксисклерол 30 мг/мл — 4.6 мл Микрокөбікті қолдану кезінде пациенттің дене салмағына және лауромакрогол 400 концентрациясына қарамастан - микрокөбіктің күніне 10 мл жиынтық дозасынан асырмау ұсынылады. Веналардың айқын варикозды кеңеюін емдеу үшін әрдайым бірнеше сеанс жүргізу ұсынылады. Веналардың варикозды кеңеюіне шалдыққан және аса жоғары сезімталдық реакцияларына бейім пациентті алғаш емдеу кезінде бір инъекциядан асырмай енгізу керек. Реакциясына байланысты емдеудің келесі сеанстары кезінде ең жоғары дозасынан аспайтын жағдайда, бірнеше инъекциясын енгізуге болады. Телеангиэктазия склеротерапиясы Варикозды веналар аймағының көлеміне байланысты 5 мг/мл Этоксисклерол препаратының 0,1-0,2 мл вена ішіне енгізеді. Телеангиэктазия орталық веналарының склеротерапиясы Варикозды веналар аймағының көлеміне байланысты 5 мг/мл немесе 10 мг/мл Этоксисклерол препаратының 0,1-0,2 мл вена ішіне енгізеді. Ретикулярлы варикоз склеротерапиясы. Варикозды веналар аймағының көлеміне байланысты 10 мг/мл Этоксисклерол препаратының 0,1-0,3 мл вена ішіне енгізеді. Ұсақ варикозды веналар склеротерапиясы Варикозды венаның көлеміне байланысты сұйық 10 мг/мл Этоксисклерол препаратының 0,1-0,3 мл вена ішіне енгізеді. Коллатеральді варикозды жою үшін бір инъекцияға 10 мг/мл Этоксисклерол препаратының 4 мл (ең көбі 6 мл) микрокөбік енгізіледі. Перфорантты веналар үшін бір инъекцияға 2 мл (ең көбі 4 мл) микрокөбік пайдаланылады. Жалпы тәуліктік дозадан асыруға болмайды. Орташа варикозды веналар склеротерапиясы. Варикозды веналардың диаметріне байланысты сұйық түрінде 30 мг/мл Этоксисклерол препараты қолданылады. Бірінші кезеңде 30 мг/мл Этоксисклерол препаратының 0,5-1 мл бір ғана инъекциясын енгізеді. Емнің кейінгі сеанстары кезінде өңделетін сегменттің нәтижесі мен ұзындығына байланысты, ең жоғары дозасынан аспайтын жағдайда, әрқайсысы 2 мл дейінгі көлемдегі бірнеше инъекциясын енгізуге болады. 30 мг/мл Этоксисклерол препаратының көбігін пайдаланған кезде, мысалы, үлкен және кіші тері асты веналарын емдеу үшін бір инъекцияға 4 мл дейін (үлкен тері асты венасы үшін ең жоғары 6 мл) енгізеді. Жалпы тәуліктік дозадан асыруға болмайды. Ірі варикозды веналарды склероздау Бірінші кезеңде сұйық түрдегі 30 мг/мл Этоксисклерол препаратының 1 мл бір ғана инъекциясын енгізеді. Нәтижесіне және өңделетін сегменттің ұзындығына байланысты әрқайсысы көлемі 2 мл-ге дейінгі бірнеше (2-3) инъекциясы ең жоғары дозасынан аспайтын жағдайда, емдеудің келесі сеанстарында орындалуы мүмкін. 30 мг/мл Этоксисклерол көбігін пайдаланған кезде, мысалы, үлкен және кіші тері асты венасын емдеу үшін бір инъекцияға 4 мл дейін (теріастылық үлкен вена үшін ең жоғары 6 мл) енгізіледі. Жалпы тәуліктік дозадан асыруға болмайды. Геморроидальді түйіндердің склеротерапиясы Емнің бір сеансы үшін 30 мг/мл Этоксисклерол препаратының жалпы дозасы 3 мл ерітіндіден аспауы тиіс. Нәтижелерге байланысты әрбір геморроидальді түйінге препарат қатаң түрде түйіннің шырышты қабығының астына 1,0 мл-ден аспайтын дозада енгізіледі. Циферблат бойынша 11 сағатта орналасқан түйіні бар еркектерді емдеу кезінде енгізілетін препараттың мөлшері 0,5 мл-ден аспауы тиіс. Балалар Балалар мен 18 жасқа дейінгі жасөспірімдерде қолданылмайды. Енгізу әдісі және жолы Телеангиэктазияны, телеангиэктазияның орталық венасын, ретикулярлы варикозды, ұсақ варикозды кеңейген веналарды склероздау Инъекциялар тек көлденең немесе аяқ-қолдың көлденең қалыптан 30-45°-қа жоғары аздап көтерілген қалпында ғана жүргізіледі. Препарат қатаң түрде вена ішіне, оның ішінде телеангиэктазия кезінде енгізілуі тиіс. Препаратты өте жіңішке инелердің (инсулинге арналған сияқты) және поршені еркін қимылдайтын шприцтің көмегімен енгізеді. Вена жақтауын жанасу бағытында тесу керек, ал препаратты баяу, тек қана вена саңылауына енгізу керек. Склероздайтын көбікті пайдаланған кезде ине 25 G-ден кіші болмауы тиіс. Орташа және ірі варикозды кеңейген веналарды склероздау Инъекцияларды тек көлденең қалыпта немесе аяқ-қолдың көлденеңінен 30-45° көтеріңкі қалпында ғана жүргізеді. Препарат қатаң түрде вена ішіне енгізілуі тиіс! Көбік склеротерапиясын орындау кезінде тікелей пункция және көзге көрінбейтін діңдік веналарға, перфорантты веналарға және шап аймағындағы немесе тақым ойығындағы варикозды кеңейген веналарға инъекцияны ультрадыбыстық бақылау арқылы жасау керек. Пункция және инъекция кезінде басқа көрінбейтін варикозды кеңейген веналарды емдеу кезінде ультрадыбыстық бақылау ұсынылады. Ескертпе: Варикозды кеңейген веналардың ауырлық және таралу дәрежесіне байланысты склеротерапияны бірнеше рет қайталау қажет болуы мүмкін. Тромб түзілген жағдайда оны кесу және қысу арқылы жояды. Этоксисклерол препаратының ерітіндісін енгізгеннен кейінгі компрессиялық ем Инъекция аяқталғаннан кейін егу орнына қысып тұратын таңғышты немесе компрессиялық трикотаж салады, ал науқасқа емдеу мекемесінің шекарасынан алыстамай, 30 мин бойы жүру ұсынылады. Этоксисклерол препаратының көбігін енгізгеннен кейінгі компрессиялық ем Микрокөбікті склеротерапиядан кейін пациенттің аяғын 2-5 минутқа иммобилизациялайды. Бұл уақытта Вальсальва маневрі мен бұлшықет белсенділігінен аулақ болу керек; сонымен қатар дереу компрессиядан аулақ болу керек. Оны үлкен және кіші тері асты венасына инъекция жасағаннан кейін шамамен 10 минуттан соң және коллатеральді варикозды, қайталанатын варикозды немесе перфорантты веналарды емдеу кезінде инъекциядан кейін шамамен 5 минуттан соң қолданылады. Компрессия ұзақтығы Компрессияны телеангиоэктазия склеротерапиясынан кейін 2-3 күн ішінде, басқа жағдайда – 5-7 күн ішінде қолдану керек. Компрессияны орташа және ірі варикозды кеңейген веналардың склеротерапиясынан кейін 3-5 апта ішінде қолдану керек. Ауқымды варикозды веналар кезінде бірнеше ай бойы созылғыш бинттерді қолдану ұсынылады. Жамбаста және аяқ-қолдың конустық формасында таңғыштың жылжуын болдырмау үшін қысып тұратын таңғыштың астына адгезивті компрессиялық таңғыштарды қолдану ұсынылады. Склеротерапияның жетістігі кейіннен мұқият және дұрыс компрессиялық емдеуге байланысты. Геморроидальді түйіндердің склеротерапиясы Препарат шырышты қабықтың астына тікелей геморроидальді түйінге немесе одан жоғары (краниальді) қантамырлардың айналасындағы тіндерге енгізіледі. Ішкі анустық сфинктер аймағында ерекше сақтық таныту керек, себебі оның зақымдануы қызметінің бұзылуына әкеп соқтыруы мүмкін. Ерлерде циферблат бойынша 11 сағатта орналасқан түйінге препаратты енгізген кезде уретра мен қуықасты безінің жақын орналасуына байланысты 30 мг/мл Этоксисклерол препаратының дозасы 0,5 мл-ден аспауы тиіс. Геморройдың дәрежесіне байланысты склеротерапияның бірнеше сеансы қажет болуы мүмкін. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар Егер сізде осы дәрілік препаратты қолдану жөнінде қандай-да бір қосымша сұрақтар туындаса, өз дәрігеріңізге хабарласыңыз.

Варикозды веналардың склеротерапиясы - лауромакрогол 400-ге немесе қосымша заттардың кез келгеніне аса жоғары сезімталдық - өршу сатысындағы ауыр ағымды жүйелі аурулар - иммобилизация жағдайы - ауыр ағымдағы артериялардың облитерациялайтын аурулары (Фонтейн бойынша III-IV сатысы) - тромбоэмболиялық аурулар - тромб түзілудің жоғары қаупі (тұқым қуалайтын тромбофилиясы бар науқастарда, тромбоз қаупінің бірнеше факторлары бар науқастарда: гормональді контрацептивтерді немесе гормональді орын басу емін пайдалану, семіздік, шылым шегу немесе ұзақ иммобилизация кезінде) Бұдан өзге, микрокөбікпен склеротерапия үшін абсолютті қарсы көрсетілім болып табылатындар: - белгілі симптоматикалық ашық сопақша тесік. Геморроидальді түйіндердің склеротерапиясы - лауромакрогол 400-ге немесе қосымша заттардың кез келгеніне аса жоғары сезімталдық - өршу сатысындағы ауыр ағымды жүйелі аурулар (әсіресе емделмеген жағдайда) - артқы өтіс аумағының жедел қабынуы

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥1/10), жиі (≥1/100 - <1/10 дейін), жиі емес (≥ 1/1000 - <1/100 дейін), сирек (≥1/10000 - <1/1000 дейін), өте сирек (<1/10000), белгісіз (қолда бар деректердің негізінде бағалау мүмкін емес). Варикозды веналарды склероздау Жергілікті, атап айтқанда, терінің және айналасындағы тіндердің (және сирек жағдайларда, жүйкелердің) жағымсыз реакциялары (мысалы, некроздар), Этоксисклерол препараты венаның айналасындағы тіндерге байқаусызда енгізілген (паравеноздық инъекция) жағдайда тіркелген. Аталған асқынулардың қаупі, енгізілген Этоксисклерол препаратының концентрациясы мен көлемінің артуына қарай жоғарылай түседі Жиі - неоваскуляризация, гематома - терінің гиперпигментациясы, экхимоздар - инъекция орнының ауыруы (қысқамерзімді), инъекция орнындағы тромбоз (орныққан интраварикоздық қан ұйындысы) Жиі емес - беткейлік тромбофлебит, флебит - аллергиялық дерматит, жанаспалы есекжем, тері реакциясы, эритема - некроз, тығыздану, ісіну - жүйке зақымдануы Сирек - терең веналардың тромбозы (негізгі ауруға байланысты болуы мүмкін) - аяқ-қолдардың ауыруы Өте сирек - анафилаксиялық шок, ангионевроздық ісіну, есекжем (жайылған), демікпе (демікпе ұстамасы) - ми қан айналымының бұзылуы, бас ауыруы, бас сақинасы (көбікті склеротерапия кезінде жиілігі «сирек»), парестезиялар (жергілікті), естен тану, сананың шатасуы, бас айналуы, афазия, атаксия, гемипарез, оральді гипестезия - көрудің бұзылулары (көру қабілетінің бұзылысы), (көбікті склеротерапия кезінде жиілігі «сирек») - жүректің тоқтап қалуы, стрестен болған кардиомиопатия, жүрек соғуының жиілеуі, жүрек ырғағының жүйесіздігі - өкпе артериясының тромбоэмболиясы, синокаротидтік естен тану, қантамырлық коллапс, васкулит - ентігу, кеуде қуысындағы жайсыздық сезімі (кеуде қуысының қысылу сезімі), жөтел - дисгевзия, жүрек айнуы, құсу - гипертрихоз (склеротерапия аймағында) - температура жоғарылауы, «ысынулар», астения, дімкәстік - артериялық қысымның ауытқулары Геморроидальді түйіндерді склероздау Геморроидальді түйіндердің склероздауда инъекция кезінде және одан кейін енгізілген орында ашыту, ауыру, жайсыздық және қысылу сезімі түріндегі жағымсыз реакциялар, әсіресе, ерлерде, Этоксисклерол препаратын 11 сағатта орналасқан (қуықасты безі аумағы) түйінге енгізгенде байқалуы мүмкін. Бұл реакциялар, әдетте, өтпелі және сирек жағдайларда 2-3 күн бойы сақталады. Геморроидальді түйіндердің склеротерапиясы әдістемесі сақталған жағдайда ауырсынусыз жүреді, өйткені инъекция аумағында сезімтал жүйке талшықтары жоқ. Жиі - шырышты қабықтардың шымылдатып ашыту сезімі, инъекция орнының ауыруы, жайсыздық, қысылу сезімі Жиі емес - проктит, анальді қышыну - аллергиялық дерматит, жанаспалы есекжем, тері реакциясы - тығыздану Сирек - некроз (жергілікті, сирек жағдайда айналасындағы тіндерге таралумен), инъекция орнындағы геморрагия, инъекция орнындағы тромбоз (интрагеморроидальді) Өте сирек - анафилаксиялық шок, ангионевроздық ісіну, есекжем (жайылған), демікпе (демікпе ұстамасы) - естен тану, сананың шатасуы, бас айналуы - жүрек соғуының жиілеуі - синокаротидтік естен тану, қантамырлық коллапс - жүрек айнуы - эректильді дисфункция - температура жоғарылауы - артериялық қысымның ауытқулары Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: препараттың анағұрлым жоғары концентрациясына немесе көлемі үлкен болуына байланысты артық дозалануы енгізу орнындағы және қоршаған тіндердегі, әсіресе паравазальді инъекциялар кезінде некроздың дамуына алып келуі мүмкін. Емі: - артерияішілік инъекциялар кезінде: 1. Инені артерияда қалдырыңыз (егер ине тамырдан шығып кетсе онда оны сол бағытта енгізіңіз) 2. Эпинефринді (адреналин) қоспай кез келген жергілікті анестетиктің 5-10 мл енгізіңіз 3. Артерия ішіне 10000 ӘБ гепарин енгізіңіз 4. Ишемияланған қол-аяқты мақтамен орап, айналасына мұз салып, оны көлденең қалыпта ұстаңыз 5. Пациентті аурухананың тамыр хирургиясы бөлімшесіне шұғыл түрде жатқызыңыз - паравеноздық инъекциялар кезінде: Енгізілген Этоксисклерол препаратының мөлшеріне және концентрациясына байланысты склероздау жүргізілген аумаққа мүмкіндігінше, гиалуронидазамен біріктіріп 5-тен 10 мл дейін физиологиялық ерітіндіні енгізіңіз. Қатты ауыру туындағанда анестетик (эпинефринсіз) енгізу ұсынылады. Арнайы антидоты жоқ.

Келесі жағдайларда, склеротерапияны жүргізер алдында болжамды пайдасының дәрежесін және ықтимал асқынулардың қаупін мұқият бағалау қажет: - дене температурасының 38°С-ден жоғары болуы - бронх демікпесі немесе аллергияның басқа айқын көріністері - ауыр соматикалық жағдай Аяқтың варикозды кеңейген веналарының склеротерапиясын мына науқастарда сақтықпен жүргізу керек: - артериялардың Фонтейн бойынша II сатыдағы облитерациялайтын аурулары, егер емдеу косметикалық мақсатта жүргізілсе (телеангиэктазия) - компрессиялық емдеу әдістеріне бағынбайтын аяқ ісінуі - Этоксисклеролды енгізу жоспарланған орындағы терінің қабыну аурулары - микроангиопатия немесе нейропатия симптомдары - қозғалыстың шектелуі (ұсынымдарға сәйкес, препаратты енгізгеннен кейін 30 минут бойы жүруге қабілетсіз науқастарда) Сондай-ақ, микрокөбікпен склеротерапияға қатысты салыстырмалы қарсы көрсетілімдер: -белгілі симптомсыз ашық сопақша тесік - бұрын жүргізілген көбікті склеротерапиядан кейін көрудің бұзылуы, психикалық немесе неврологиялық симптоматика. Геморроидальді түйіндердің склеротерапиясын мына науқастарда сақтықпен жүргізу керек: - ішектің созылмалы қабыну аурулары (мысалы, Крон ауруы) - тромбоздарға белгілі бейімділік. Этоксисклерол препаратын енгізуді, венаны склероздайтын ем жүргізуде тәжірибесі бар дәрігер жүзеге асыруы тиіс. Варикозды веналар склеротерапиясы Склероздайтын дәрілік заттарды артерия ішіне енгізуге болмайды, себебі бұл ауыр некроздарға және мәжбүрлі ампутацияға әкеп соқтыруы мүмкін. Мұндай жағдайларда шұғыл түрде тамыр хирургиясы бойынша маман шақырылуы керек. Интравазальді инъекциялар артериялардағы қысымды өзгертуі мүмкіндігіне және көрудің қайтымсыз бұзылуына (соқырлыққа) әкеп соқтыруы мүмкіндігіне байланысты, барлық склероздайтын препараттарды бет аймағында қолдануға арналған көрсетілімдер мұқият талдануы тиіс. Табан және тобық сияқты дененің кейбір бөліктерінде Этоксисклерол препаратының байқаусызда артерия ішіне енгізілу қаупі жоғары, сондықтан осы анатомиялық аймақтардағы веналарды склероздау кезінде ең төмен концентрациядағы Этоксисклерол препаратының аздаған мөлшерін ғана пайдалану ұсынылады. Бір сеанста ұсынылатын склероздайтын көбіктің орташа мөлшері 2-ден 8 мл-ге дейін құрайды; бір сеанста склероздайтын көбіктің ең көп мөлшері (бір немесе бірнеше инъекцияға) 10 мл құрайды. Денедегі веналарды емдеу кезінде көбік инъекциясы сафенофеморальді қосалқы сағасынан кемінде 8-10 см қашықтықта жүргізіледі. Егер ультрадыбыстық бақылау кезінде терең веноздық жүйеде көбік болюсі анықталса, пациент бұлшықеттерін қозғауы, мысалы, тобық буынын бүгуі және жазуы тиіс. Геморроидальді түйіндердің склеротерапиясы Препараттың инъекциялары дұрыс жүргізілген жағдайда, геморроидальді түйіндердің склеротерапиясы ауырсыну сезімдерін туындатпауы тиіс, өйткені бұл аймақта сезімтал жүйке талшықтары жоқ. Қосымша заттар Этоксисклерол препаратының барлық ерітінділерінің құрамында бір реттік дозасында 84,00 мг этанол бар, яғни препараттың құрамындағы этанол деңгейі төмен. Этоксисклерол препаратының құрамында бір реттік дозасында 0.86 мг калий бар, бұл 1 ммольден (39 мг) аз және препарат калийсіз деп саналады. Этоксисклерол препаратының құрамында бір реттік дозасында 2.40 мг натрий бар, бұл 1 ммольден (23 мг) аз және препарат натрийсіз деп саналады. Арнайы сақтандырулар Педиатрияда қолдану Бұл препараттың балалар жасындағы пациенттер үшін қауіпсіздігі мен тиімділігі анықталмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Этоксисклерол препаратының көлік құралдарын және қауіптілігі зор механизмдерді басқару қабілетіне теріс әсері байқалмаған.

Лауромакрогол 400 жүкті әйелдерде қолданылуы туралы деректер жоқ. Анасы үшін пайдасы шарана үшін қауіптен асып түсетін жағдайлардан басқасында, Этоксисклерол препаратын жүктілік кезінде енгізбеген дұрыс. Лауромакрогол 400 емшек сүтіне түсетіндігі туралы деректер жоқ. Бала емізу кезеңінде склероздайтын ем жүргізу қажет болған жағдайда, Этоксисклерол препаратын енгізгеннен кейін бала емізуді 2-3 күнге тоқтату ұсынылады.

Лауромакрогол 400 басқа анестетиктермен бірігіп қолданылғанда осы анестетиктердің жүрек-қантамыр жүйесіне аддитивті әсерінің қаупі бар.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек! Мұздатып қатыруға болмайды!