Эфзакорт таблетки 6 мг

Бір таблетканың құрамында белсенді зат – 6 мг дефлазакорт, қосымша заттар: микрокристалды целлюлоза, лактоза моногидраты, жүгері крахмалы, магний стеараты. Сыртқы түрінің, иісінің, дәмінің сипаттамасы Дөңгелек пішінді, бір жағында сызығы бар ақ түсті таблеткалар.

Жағдайлардың кең спектрі кейде глюкокортикоидтармен емдеуді қажет етуі мүмкін. Көрсетілімдерге төмендегілер кіреді: - анафилаксия, демікпе, аса жоғары сезімталдықтың ауыр реакциялары - ревматоидты артрит, ювенильді созылмалы артрит, ревматизмдік полимиалгия - жүйелі қызыл жегі, дерматомиозит, дәнекер тінінің аралас ауруы (жүйелік склероздан басқа), түйіндік полиартерит, саркоидоз - пемфигус, буллезді пемфигоид, гангренозды пиодермия - нефроздық синдромның ең аз өзгеруі, жедел интерстициальді нефрит - ревматизмдік кардит - ойық жаралы колит, Крон ауруы - увеит, көру жүйкесінің невриті - аутоиммунды гемолиздік анемия, идиопатиялық тромбоцитопениялық пурпура - жедел және лимфалық лейкоз, қатерлі лимфома, көптеген миелома - трансплантация кезінде иммундық супрессия.

ATХ коды H02AB13 Әсер ету механизмі Дефлазакорт - глюкокортикоид. Оның қабынуға қарсы және иммуносупрессиялық әсері әртүрлі ауруларды емдеуде пайдаланылады және басқа қабынуға қарсы стероидтермен салыстыруға болады. Клиникалық зерттеулер дефлазакорт пен преднизолонның орташа белсенділік арақатынасы 0.69-0.89 құқрайтынын көрсетті.

Дозалау режимі Дефлазакорт - преднизолон туындысы глюкокортикоид және 6 мг дефлазакорт 5 мг преднизолон немесе преднизол сияқты қабынуға қарсы әсерге иеленген. Дозалар әр түрлі ауруларда және әр түрлі пациенттерде ерекшеленеді. Неғұрлым күрделі және өмірге қауіп төндіретін жағдайларда дефлазакорттың жоғары дозаларын тағайындау қажет болуы мүмкін. Салыстырмалы түрде қатерсіз созылмалы ауруларда дефлазакортты ұзақ уақыт қолданғанда, демеуші доза мүмкіндігінше төмен болуы тиіс. Стресс немесе аурудың асқынуы кезеңінде дозаны арттыру қажет болуы мүмкін. Препараттың дозалау режимі диагнозға, аурудың ауырлығына, реакцияға және пациенттің көтере алмаушылығына байланысты жеке таңдалуы керек. Қолайлы нәтиже беретін ең төмен дозаны пайдалану керек. Ересектер Жедел бұзылыстар кезінде дефлазакортты тәулігіне 120 мг-ге дейін бастапқы қабылдау қажет болуы мүмкін. Демеуші дозалар көп жағдайда тәулігіне 3-тен 18 мг-ге дейінді құрайды. Төменде препаратты қолдану жөніндегі ұсынымдар ғана берілген. Ревматоидты артрит: демеуші доза әдетте тәулігіне 3-тен 18 мг-ге дейінді құрайды. Ең аз тиімді дозаны пайдалану керек және қажет болған жағдайда дозаны арттыру керек. Бронх демікпесі: жедел ұстаманы емдеу кезінде ауырлығына байланысты тәулігіне 48-ден 72 мг-ге дейін жоғары дозалар қажет болуы мүмкін және ұстама бақыланғаннан кейін біртіндеп төмендеуі мүмкін. Созылмалы демікпе кезінде демеу үшін дозаны симптомдарды бақылайтын ең төмен дозаға дейін түзету керек. Басқа шарттар: дефлазакорт дозасы клиникалық қажеттілікке байланысты және оны демеу үшін ең төменгі тиімді дозаға дейін таңдалады. Бастапқы дозаларды 5 мг преднизон немесе преднизолонның 6 мг дефлазакортқа арақатынасы негізінде бағалауға болады. Пациенттердің ерекше топтары Балалар Клиникалық зерттеулерде дефлазакорттың балаларға шектеулі әсері туралы хабарланды. Балалардағы глюкокортикоидтардың қолданылуы ересектермен бірдей, бірақ ең төменгі тиімді дозаны пайдалану маңызды. Препарат бір тәуліктен кейін қабылдануы орынды. Дефлазакорт дозалары әдетте тәулігіне 0,25-тен 1,5 мг/кг-ге дейінді құрайды. Төменде препаратты қолдану жөніндегі ұсынымдар ғана берілген. Ювенильді созылмалы артрит: әдетте демеуші доза тәулігіне 0.25-тен 1.0мг/кг-ге дейінді құрайды . Нефроздық синдром: бастапқы доза әдетте тәулігіне 1,5 мг/кг құрайды, содан кейін клиникалық қажеттілікке байланысты төмендейді. Бронх демікпесі: тиімділік арақатынасына сүйене отырып, дефлазакорттың бастапқы дозасы тәулігіне 0,25-тен 1,0 мг/кг-ге дейін болуы тиіс. Егде жастағы пациенттер Егде жастағы пациенттерде глюкокортикоидтармен ем қабылдайтын пациенттерден басқа арнайы сақтық шаралары қажет емес. Жүйелік кортикостероидтардың жалпы жағымсыз әсерлері егде жастағы едәуір күрделі зардаптарға байланысты болуы мүмкін. Бауыр жеткіліксіздігі бар пациенттер Бауыр жеткіліксіздігі бар пациенттерде қандағы дефлазакорт деңгейі жоғарылауы мүмкін. Сондықтан дефлазакорт дозасын мұқият бақылап, ең төменгі тиімді дозаға дейін түзету керек. Бүйрек жеткіліксіздігі бар пациенттер Бүйрек жеткіліксіздігі бар пациенттерде глюкокортикоидтармен ем қабылдайтын пациенттерде әдетте қолданылатындардан басқа ешқандай арнайы сақтық шараларының қажеті жоқ. Енгізу әдісі және жолы Препаратты пероральді қабылдайды.

- белсенді затқа немесе қосымша заттардың кез келгеніне аса жоғары сезімталдық - егер инфекцияға қарсы спецификалық ем қолданылмаса, жүйелік инфекция - тірі вируспен иммунизация алатын пациенттер - тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға.

ГГНЖ бәсеңдеуін қоса, болжамды жағымсыз реакциялардың даму жиілігі дозаға, қолдану уақытына және емдеу ұзақтығына байланысты. Жиі - дене салмағының артуы Жиі емес - ГГНЖ бәсеңдеуі, аменорея, Кушинг синдромының дамуы - диабетке қарсы емнің жоғары дозасына қажеттілігі бар көмірсулардың жағушылығының бұзылуы, артериялық гипертензия кезінде натрий мен судың іркілуі, бета-2-агонистермен және ксантиндермен бір мезгілде қолданғанда калийдің жоғалуы және гипокалиемиялық алкалоз - инфекцияларға сезімталдықтың жоғарылауы және клиникалық симптомдар мен белгілерді, оппортунистік инфекцияларды, латентті туберкулездің қайталануын бүркемелеу арқылы олардың асқынуы - остеопороз, омыртқалардың және ұзын сүйектердің сынуы - бас ауыруы, бас айналу - жабырқаңқы және тұрақсыз көңіл-күй, мінез-құлық бұзылыстары - диспепсия, асқазан мен он екі елі ішектің ойық жаралы ауруы, қан кету, жүрек айну - гирсутизм, стрия, безеу - ісіну - анафилаксияны қоса, аса жоғары сезімталдық реакциялары Сирек - бұлшықет атрофиясы - көгеру Белгісіз - нәресте, бала және жасөспірім жастағы өсудің іркілуі, стероидтарды тоқтату синдромы - ақуыз және кальций теңгерімінің бұзылуы, тәбеттің жоғарылауы; гематологиялық қатерлі жаңа түзілімдері бар пациенттерде дефлазакортты қолданумен байланысты ісік лизисі синдромының жағдайлары туралы хабарланды - кандидоз - аваскулярлық остеонекроз, тендинит және хинолондармен бір мезгілде қолданғанда сіңірлердің үзілуі, миопатия (жедел миопатия деполяризацияланбайтын миорелаксанттармен қозуы мүмкін), теріс азотты теңгерім - етеккір циклінің бұзылуы - шала туған нәрестелердегі жүрек жеткіліксіздігі, гипертрофиялық кардиомиопатия - мазасыздық, балалардағы көру жүйкесі дискінің ісінуімен бассүйекішілік қысымның жоғарылауы (жалған ми ісігі) әдетте емдеуді тоқтатқаннан кейін, эпилепсияның асқынуы - ашушаңдық, эйфория, суицидтік ойлар, психоздық бұзылу (мания, сандырақ, елестеулер, шизофренияның асқынуы қоса), мазасыздық, ұйқының бұзылуы және сананың шатасуы және амнезияны қоса, когнитивті бұзылулар; реакциялар жалпы болып табылады және ересектерде де, балаларда да пайда болуы мүмкін; ересектерде ауыр реакциялардың жиілігі 5-6 %деп бағаланады; кортикостероидтарды тоқтатқаннан кейінгі психологиялық салдарлар туралы хабарланды; жиілігі белгісіз. - көрудің бұзылуы, көзішілік қысымның жоғарылауы, глаукома, көру жүйкесі дискінің ісінуі, субкапсулярлы артқы катаракта, әсіресе балаларда, хориоретинопатия, мөлдір қабықтың немесе склераның жұқаруы, офтальмологиялық вирустық немесе зеңді аурулардың асқынуы - асқазан мен он екі елі ішектің ойық жаралы ауруының тесілуі, жедел панкреатит (әсіресе балаларда) -Стивенс-Джонсон синдромы (SJS) және уытты эпидермальді некролиз (TEN), тері атрофиясы, телеангиэктазия сияқты терінің ауыр жағымсыз реакциялары (SCAR) - жаралардың жазылуының бәсеңдеуі - лейкоцитоз - тромбоэмболия, әсіресе қатерсіз бассүйекішілік гипертензияның дамуының сирек жиілігімен тромбоздың түзілуінің бейімділіктің жоғарылауымен қатар жүретін қатарлас аурулары бар пациенттерде. Жағымсыз реакциялардың белгілі класына жататын басқа жүйелік кортикостероидтарды қолданғанда феохромоцитомалық криздің пайда болуы туралы хабарланды Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану симптомдарының ықтималдығы аз. Дефлазакортты пероральді қабылдаған жануарларда DL50 4000 мг / кг-ден жоғары болды. Емі: симптоматикалық емдеу. Тоқтату синдромы қаупінің болуына көрсетілім Жүйелік кортикостероидтарды физиологиялық дозадан (тәулігіне шамамен 9 мг) асатын дозада үш аптадан артық қабылдаған пациенттер препаратты қолдануды кенеттен тоқтатпауы керек. Дозаны қалай төмендету көбінесе жүйелік кортикостероидтардың дозасын төмендете отырып, аурудың симптомдарын жеңілдетуге байланысты. Препаратты тоқтату кезінде аурудың белсенділігін клиникалық бағалау қажет болуы мүмкін. Егер жүйелі кортикостероидтарды қабылдауды тоқтатумен аурудың қайталануы екіталай болса, бірақ гипоталамус-гипофиз бүйрек үсті безі жүйесіне (ГГНЖ) қатысты белгісіздік болса, жүйелік кортикостероидтың дозасын физиологиялық дозаларға дейін тез азайтуға болады. Дефлазакорт дозасы тәулігіне 9 мг-ге жеткенде, ГГНЖ қалпына келуі үшін дозаны төмендетуді бәсеңдету керек. 3 аптаға дейін созылған жүйелі кортикостероидтармен емдеуді кенеттен тоқтату, егер аурудың қайталануы екіталай деп саналса, қолайлы. Дефлазакортты тәулігіне 48 мг-ге дейінгі дозада 3 апта бойы кенеттен тоқтату пациенттердің көпшілігінде бауыр функциясының клиникалық елеулі бәсеңдеуіне әкелу ықтималдығы аз. Пациенттердің келесі топтарында 3 апта немесе одан аз курстардан кейін де жүйелі кортикостероидты емдеуді біртіндеп тоқтату туралы ойлану мәселені қарастыру керек: - жүйелі кортикостероидтардың қайталама курстарынан өткен пациенттер, әсіресе егер оларды 3 аптадан артық қабылдаған жағдайда - бұл курс глюкокортикоидтармен емдеудің ұзақ курсын (айлар немесе жылдар) тоқтатқаннан кейінгі бірінші жыл ішінде тағайындалған кезде - экзогендік кортикостероидтармен емдеуді қоспағанда, бүйрек үсті безінің жеткіліксіздігіне бейімділігі бар пациенттер - тәулігіне 48 мг асатын дозада дефлазакорт қабылдайтын пациенттер - кешкі уақытта дозаны қайта қабылдайтын пациенттер.

Глюкокортикоидтарды қолданумен байланысты асқынулар дозаға және емдеу ұзақтығына байланысты болғандықтан, ең төменгі дозаны тағайындау және мезгіл-мезгіл емдеудің қаупі мен пайдасы арақатынасы туралы шешім қабылдау қажет. Жағымсыз әсерлерді ең төменгі тиімді дозаны ең аз мерзімге қолдану және тәуліктік қажеттілікті бір таңертеңгі доза түрінде немесе мүмкіндігінше бір тәуліктен кейін бір таңертеңгі доза ретінде енгізу арқылы азайтуға болады. Аурудың белсенділігіне қарсы дозаны дұрыс таңдау үшін пациентті жиі бақылау қажет. Бүйрек үсті безінің бәсеңдеуі Глюкокортикоидтардан туындаған ГГНЖ функциясының бәсеңдеуі дозаға және емдеу ұзақтығына байланысты. Қалпына келу стероидтардың дозасын азайтумен және оларды қолдануды тоқтатумен біртіндеп жүреді. Бүйрек үсті безінің қыртысының атрофиясы ұзақ емдеу кезінде дамиды және емдеуді тоқтатқаннан кейін жылдар бойы сақталуы мүмкін. Ұзақ мерзімді емдеу кезінде кез-келген қатарлас ауру, жарақат немесе хирургиялық араласу дозаны уақытша арттыруды қажет етеді. Алайда, салыстырмалы жеткіліксіздік емдеуді тоқтатқаннан кейін бірнеше ай бойы сақталуы мүмкін, сондықтан кез-келген стресстік жағдайда кортикостероидтарды уақытша қайта қолдану қажет болуы мүмкін. Ұзақ емдеуден кейін кортикостероидтарды қолдануды тоқтату әрқашан біртіндеп болуы тиіс. Препаратты қабылдауды кенеттен тоқтатумен байланысты қауіпке негізгі аурудың асқынуы немесе қайталануы, бүйрек үсті безінің қыртысының жеткіліксіздігі (өлімге әкелуі мүмкін) немесе стероидты тоқтату синдромы жатады. Стероидтарды тоқтату синдромы белгілер мен симптомдардың кең спектрімен көрінуі мүмкін. Алайда, типтік симптомдарға қызба, анорексия, жүрек айну, солбырлық, дімкәстік, миалгия, артралгия, ринит, конъюнктивит, терінің қабыршақтануы және теріде ауыратын қышынатын түйіндер, әлсіздік, артериялық гипотензия және дене салмағының жоғалуы жатады. Бұл пациенттерде бүйрек үсті безінің жеткіліксіздігінің белгілері болмаса да байқалуы мүмкін. Пациенттерде қауіпті азайту үшін сақтық шаралары туралы нақты нұсқаулар берілген және препаратты тағайындау, доза және емдеу ұзақтығы туралы деректер көрсетілген «Стероидтармен емдеу» карталары болуы тиіс. Қабынуға қарсы / иммуносупрессиялық әсер және инфекция Қабыну жауабы мен иммундық функцияны бәсеңдету инфекцияларға сезімталдықты және олардың ауырлығын арттырады. Клиникалық көрініс жиі атипті болуы мүмкін, ал септицемия және туберкулез сияқты күрделі инфекциялар бүркемеленуі мүмкін және оларды танудан бұрын кеш сатыға жетуі мүмкін. Желшешек әсіресе алаңдаушылық тудырады, өйткені бұл әдетте елеусіз ауру иммунитеті әлсіреген пациенттерде өлімге әкелуі мүмкін. Желшешектің белгілі бір тарихы жоқ пациенттерге (немесе балалардың ата-аналарына) желшешекпен немесе белдемелі герпеспен тығыз жеке байланыстан аулақ болуды ұсыну керек, егер олар әсерге ұшыраса, шұғыл медициналық көмекке жүгінуі тиіс. Желшешекке қарсы иммуноглобулинмен (VZIG) пассивті иммундау жүйелі кортикостероидтарды қабылдайтын немесе оларды алдыңғы 3 айда пайдаланған иммунитеті әлсіреген пациенттерге қажет; оны желшешекпен байланыста болғаннан кейін 10 күн ішінде жүргізу керек. Егер желшешек диагнозы расталса, ауру арнайы көмек пен шұғыл емдеуді қажет етеді. Кортикостероидтарды қабылдауды тоқтатпаған жөн, бірақ дозаны арттыру қажет болуы мүмкін. Пациенттерге қызылшаны жұқтырмас үшін ерекше күтім жасауңа кеңес беру керек, және жұқтырған жағдайда, дереу дәрігерге қаралу керек. Бұлшықет ішіне қалыпты иммуноглобулин көмегімен профилактика қажет болуы мүмкін. Тірі вакциналарды организмнің реакциясы әлсіреген адамдарға қолданбаған жөн. Антиденелердің басқа вакциналарға реакциясын төмендетуі мүмкін. Белсенді туберкулез кезінде қолдану туберкулезге қарсы тиісті ем жүргізу үшін дефлазакорт қолданылатын тез дамитын және диссеминацияланған туберкулез жағдайларымен шектелуі тиіс. Егер туберкулездің латентті ағымы немесе туберкулинге оң реакциясы бар пациенттерге глюкокортикоидтар көрсетілсе, мұқият бақылау қажет, себебі аурудың реактивациясы орын алуы мүмкін. Глюкокортикоидтармен ұзақ уақыт емдегенде, бұл пациенттер химиопрофилактика алуы тиіс. Көрудің бұзылуы Кортикостероидтарды жүйелі және жергілікті қолдану кезінде көрудің бұзылуы пайда болуы мүмкін. Егер пациентте көрудің бұлыңғырлануы немесе көрудің басқа бұзылулары сияқты симптомдар пайда болса, пациент катаракта, глаукома немесе жүйелік және жергілікті кортикостероидтарды қолданғаннан кейін хабарланған орталық серозды хориоретинопатия (CSCR) сияқты сирек ауруларды қамтуы мүмкін себептерді бағалау үшін офтальмологқа жолдануы тиіс. Глюкокортикоидтарды ұзақ уақыт қолдану субкапсулярлы артқы катарактаның, көру жүйкелерінің ықтимал зақымдануымен глаукоманың дамуына әкелуі мүмкін және зеңдер немесе вирустар тудыратын салдарлы көз инфекцияларының дамуына ықпал етуі мүмкін. Тендонит Тендонит және сіңірдің үзілуі глюкокортикоидтардың белгілі кластық әсері болып табылады. Хинолондарды бір мезгілде тағайындау кезінде мұндай реакциялардың қаупін арттыруға болады. Феохромоцитома Жүйелік кортикостероидтарды қолданғаннан кейін өлімге әкелуі мүмкін феохромоцитома кризі хабарланды. Кортикостероидтарды күдікті немесе анықталған феохромоцитомасы бар пациенттерге тиісті қауіп / пайда бағасынан кейін тағайындау керек. Антикоагулянттар Кортикостероидтардың антикоагулянттардың әсеріне ықпалы әртүрлі. Кортикостероидтармен бір мезгілде қолданғанда антикоагулянттардың әсерінің күшеюі немесе әлсіреуі туралы хабарламалар бар. Сондықтан антикоагулянттардың қажетті әсерін демеу үшін қанның ұю көрсеткіштерін бақылау керек. Асқазан-ішек жолындағы ойық жаралар Асқазан-ішек жолында ойық жаралар түзілу қаупінің жоғарылауына байланысты қабынуға қарсы стероидты емес препараттармен біріктірілімде дефлазакортты тағайындағанда сақ болу керек. Терінің ауыр жағымсыз реакциялары Дефлазакорт уытты эпидермальді некролиз (TEN) және Стивенс-Джонсон синдромы (SJS) сияқты терінің күрделі жағымсыз реакцияларын туындатуы мүмкін. Терінің күрделі жағымсыз реакциялары пайда болған кезде, дефлазакортты қолдануды тоқтатып, тиісті емдеуді және/немесе сақтық шараларын тағайындау керек. Айрықша сақтық шаралары Келесі клиникалық жағдайлар ерекше күтімді және пациентті жиі бақылауды қажет етеді: - Жүрек аурулары немесе іркілісті жүрек жеткіліксіздігі (жедел ревмокардит жағдайларын қоспағанда), артериялық гипертензия, тромбоэмболиялық аурулар. Глюкокортикоидтар организмде натрий мен судың іркілуін тудыруы және калийдің шығарылуын арттыруы мүмкін. Рациондағы тұзды тұтынуды шектеу және калийді тағайындау қажет болуы мүмкін. - Гастрит немесе эзофагит, дивертикулит, ойық жаралы колит, тесілу қаупі, абсцесс немесе іріңді инфекциялар, жақында болған ішек анастомозы, асқазан мен он екі елі ішектің белсенді немесе жасырын ойық жаралы ауруы. - Қант диабеті немесе диабеттің отбасылық анамнезі, остеопороз, гравис миастениясы, бүйрек жеткіліксіздігі. - Эмоционалды тұрақсыздық немесе психикалық бұзылыстарға бейімділік, эпилепсия. - Анамнезде кортикостероидтарды қабылдаудан туындаған миопатия. - Бауыр жеткіліксіздігі. - Глюкокортикоидтардың әсерін күшейтуі мүмкін гипотиреоз және бауыр циррозы. - Мөлдір қабықтың ықтимал тесілуіне байланысты қарапайым көз герпесі. Глюкокортикоидтар тұрақты емес етеккір мен лейкоцитозды тудыратыны белгілі; дефлазакортты қолданған кезде сақ болу керек. Ауыр психикалық жағымсыз реакциялар Пациенттерге және/немесе пациентке күтім жасаушыларға жүйелік стероидтерді қолдану кезінде потенциалды ауыр психикалық жағымсыз реакциялар пайда болуы мүмкін екендігі туралы хабардар болуы тиіс. Симптомдар әдетте емдеуді бастағаннан кейін бірнеше күн немесе апта ішінде пайда болады. Қауіптер жоғары дозаларда/жүйелік әсерлерде жоғары болуы мүмкін, дегенмен доза деңгейлері реакциялардың басталуын, түрін, ауырлығын немесе ұзақтығын болжауға мүмкіндік бермейді. Көптеген реакциялар дозаны төмендеткеннен немесе препаратты тоқтатқаннан кейін қалпына келеді, дегенмен спецификалық емдеу қажет болуы мүмкін. Пациенттерге және/немесе пациентке күтім жасаушыларға, әсіресе депрессиялық көңіл-күйге немесе суицидтік ойларға күдік туындаған кезде, үрейлі психологиялық симптомдар пайда болған кезде медициналық көмекке жүгінуді ұсыну керек. Пациенттер және/немесе пациентке күтім жасаушылар дозаны өзгерту немесе жүйелік стероидтерді тоқтату кезінде немесе одан кейін бірден пайда болуы мүмкін психикалық бұзылыстарға дайын болуы тиіс, дегенмен мұндай реакциялар туралы жиі хабарланбаған. Жүйелік кортикостероидтарды өздерінде немесе бірінші дәрежелі туыстарында бұрыннан бар немесе алдыңғы ауыр аффективті бұзылыстары бар пациенттерде қолдану туралы мәселені қарастырған кезде ерекше сақтық қажет. Оларға депрессиялық немесе маниакальді-депрессиялық ауру және алдыңғы стероидты психоз жатады. Балалар Кортикостероидтар нәресте, бала және жасөспірім жаста дозаға тәуелді өсудің іркілуін тудырады, бұл қайтымсыз болуы мүмкін. Шала туған нәрестелерге глюкокортикостероидтарды жүйелі қолданғаннан кейін гипертрофиялық кардиомиопатия жағдайлары туралы хабарланды. Жүйелік глюкокортикостероидтарды қабылдайтын нәрестелерде миокардтың құрылымы мен функциясын бақылау үшін эхокардиография жасалуы керек. Егде жастағы пациенттер Остеопороз, гипертония, гипокалиемия, қант диабеті, инфекцияларға бейімділік және терінің жұқаруы сияқты жүйелік кортикостероидтардың жалпы жағымсыз реакциялары егде жастағы пациенттерде күрделі зардаптарға әкелуі мүмкін. Өмір үшін қауіпті жағымсыз реакцияларды болдырмау үшін мұқият клиникалық бақылау ұсынылады. Ісік лизисі синдромы Маркетингтен кейінгі зерттеулер дефлазакортты жеке немесе басқа химиотерапиялық препараттармен біріктіріп қолданғаннан кейін гематологиялық қатерлі жаңа түзілімдері бар пациенттерде ісік лизисі синдромы (ІЛС) туралы хабарлады. ІЛС даму қаупі жоғары пациенттер, атап айтқанда пролиферация жылдамдығы жоғары, ісік жүктемесі жоғары және цитоуытты препараттарға жоғары сезімталдығы бар пациенттер мұқият бақылауда болуы және тиісті сақтық шараларын сақтауы тиіс. Қосымша зат Препарат құрамында лактоза бар. Сирек тұқым қуалайтын галактоза жақпаушылығы бұзылулары, Лапп лактаза тапшылығы немесе глюкоза-галактоза мальабсорбциясы бар пациенттерге бұл препаратты қабылдамаған жөн. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың көлік құралдары мен механизмдерді басқару қабілетіне әсеріне арнайы зерттеулер жүргізілген жоқ. Бас айналу дефлазакорт препаратымен емдеуден кейін ықтимал жағымсыз әсер болып табылады. Ол пайда болған жағдайда, пациенттер көлік құралдарын басқармаған немесе қауіптілігі зор механизмдермен жұмыс істемеген жөн.

Кортикостероидтардың плацента арқылы өту қабілеті әртүрлі препараттарда ерекшеленеді, бірақ дефлазакорт плацента арқылы шынымен өтеді. Кортикостероидтарды енгізу жырық таңдай (аранды ауыз), жатырішілік дамудың кешігуі, мидың өсуі мен дамуына әсерін қоса, шарананың дамуындағы ауытқуларды туындатуы мүмкін. Кортикостероидтар ерлерде таңдай/ерін жырығы сияқты туа біткен ауытқулардың жиілігін арттыруы туралы ешқандай дәлел жоқ. Дегенмен, жүктілік кезінде ұзақ немесе көп рет енгізілгенде, кортикостероидтар жатырішілік дамудың кешігу қаупін арттыруы мүмкін. Теориялық тұрғыдан, жаңа туған нәрестелердегі кортикостероидтардың жатырішілік әсерінен кейін гипоадренализмнің дамуы мүмкін, бірақ ол әдетте босанғаннан кейін өздігінен өтеді және сирек клиникалық маңызы бар. Барлық кортикостероидтар сияқты, препарат ана үшін күтілетін пайдасы шарана үшін ықтимал қауіптен жоғары болған кезде ғана тағайындалуы керек. Алайда, кортикостероидтарды қолдану қажет болған кезде, жүктіліктің қалыпты ағымы бар пациенттерді емдеу олар жүкті болмағандай жүргізілуі мүмкін. Кортикостероидтар емшек сүтімен бөлінеді, дегенмен дефлазакорт туралы деректер жоқ. Дефлазакорттың тәулігіне 50 мг-ге дейінгі дозалары балада жүйелік әсер туындату ықтималдығы аз. Аналары ұзақ уақыт бойы жүйелі әсер ететін кортикостероидтардың жоғары дозаларын қабылдаған жаңа туған нәрестелерде бүйрек үсті безінің функциясының белгілі бір дәрежеде бәсеңдетуі мүмкін, бірақ бала емізудің пайдасы кез келген теориялық қауіптен асып түсуі мүмкін.

Қолдануға болмайтын біріктірілімдер: - вакцинациядан туындаған потенциалды өлімге әкелетін жайылған аурулардың қаупінің жоғарылауына байланысты тірі әлсіретілген вакциналар. Глюкокортикоидтар тірі әлсіретілген вакциналарда болатын микроорганизмдердің көбеюін күшейтуі мүмкін. Басқа глюкокортикоидтар сияқты сақтық шараларын сақтау керек. Дефлазакорт бауырда метаболизденеді. Егер бауыр ферменттерінің индукторлары болып табылатын препараттар, мысалы, рифампицин, рифабутин, карбамазепин, фенобарбитал, фенитоин, примидон және аминоглютетимид бір мезгілде қолданылса, дефлазакорттың демеуші дозасын арттыру ұсынылады. Бауыр ферменттерін тежейтін препараттарды, мысалы, кетоконазолды қолданғанда дефлазакорттың демеуші дозасын азайтуға болады. Эстроген қабылдайтын пациенттерде кортикостероидтарға деген қажеттілік төмендеуі мүмкін. Кортикостероидтар гипогликемиялық препараттардың (инсулинді қоса), гипертензияға қарсы препараттардың және диуретиктердің қажетті әсерін антагонизациялайды, сондай-ақ ацетазоламидтің, ілмекті диуретиктердің, тиазидті диуретиктердің, бета-2 агонистерінің, ксантиндердің және карбеноксолонның гипокалиемиялық әсерін күшейтеді. Кортикостероидтар антикоагулянттардың әсерін күшейтуі немесе әлсіретуі мүмкін. Кортикостероидтармен бір мезгілде қолданғанда кумариндік антикоагулянттардың тиімділігін арттыруға болады және өздігінен қан кетудің алдын алу үшін ХҚҚ немесе протромбин уақытын мұқият бақылау қажет. Қабынуға қарсы стероидты емес препараттармен бір мезгілде қолдану асқазан-ішек жолында ойық жараның түзілу қаупін арттыруы мүмкін. Жүйелік кортикостероидтарды қабылдайтын пациенттерде деполяризацияламайтын миорелаксанттарды қолдану ұзақ мерзімді босаңсуға және жедел миопатияға әкелуі мүмкін. Бұл үшін қауіп факторлары жоғары дозада кортикостероидтармен ұзақ мерзімді емдеу және бұлшықет салдануының ұзақ ұзақтығы болып табылады. Бұл өзара әрекеттесу ұзақ желдетуден кейін (мысалы, қарқынды ем бөлімі жағдайында) мүмкін болады. Салицилаттардың бүйрек клиренсі кортикостероидтардың әсерінен жоғарылайды және стероидтерді тоқтату салицилаттармен уыттануға әкелуі мүмкін. Глюкокортикоидтар организмнің микроорганизмдердің әсеріне қалыпты реакциясын бәсеңдетуі мүмкін болғандықтан, кез келген инфекцияға қарсы емнің тиімділігін қамтамасыз ету маңызды, сондықтан пациенттерді мұқият бақылау ұсынылады. Глюкокортикоидтар мен оральді контрацептивтерді бір мезгілде қолдануды мұқият бақылау керек, өйткені қан плазмасындағы глюкокортикоидтар деңгейінің жоғарылауы мүмкін. Бұл әсер метаболизмнің өзгеруіне немесе қан сарысуындағы ақуыздармен байланысуына байланысты болуы мүмкін. Антацидтер биожетімділігін төмендетуі мүмкін; дефлазакорт пен антацидтерді қабылдау арасында кемінде 2 сағат өтуі тиіс. Құрамында кобицистат бар препараттарды қоса, CYP3A тежегіштерімен бір мезгілде қолдану жүйелік жағымсыз реакциялар қаупін арттырады деп күтілуде. Бұл біріктірілімнен аулақ болу керек, егер пайдасы жүйелік кортикостероидтардың жағымсыз реакцияларының жоғарылау қаупінен жоғары болмаса және бұл жағдайда пациенттер жүйелік кортикостероидтардың жағымсыз реакцияларының болуын бақылауы тиіс.

Сақтау мерзімі 4 жыл Жарамдылық мерзімі өткеннен кейін қолдануға болмайды. Сақтау шарттары 25 оС-ден аспайтын температурада сақтау керек. Балалардың қолы жетпейтін жерде сақтау керек!