Эфлейра® раствор 60 мг/мл

1 мл ерітіндінің құрамында: белсенді зат - нетакимаб - 60 мг; қосымша заттар: натрий ацетаты тригидраты, трегалоза дигидраты, полоксамер 188, мұзды сірке қышқылы, инъекцияға арналған су. Сыртқы түрінің, иісінің, дәмінің сипаттамасы Мөлдір немесе сәл бозаңданатын түссізден ашық-сары немесе қоңыр реңкі бар ашық-сары түске дейінгі ерітінді

• Жүйелі ем немесе фототерапия көрсетілген кезде, ересек пациенттерде орташа ауыр және ауыр дәрежедегі түйіндақты псориазды емдеуде. • Стандартты емге жауап жеткіліксіз болғанда ересек пациенттерде белсенді шорбуынданатын спондилитті емдеуде. • Стандартты емге жауап жеткіліксіз болғанда монотерапия режимінде немесе метотрексатпен біріктірілімде белсенді псориазды артритті емдеуде.

препараттар. Иммуносупрессанттар. Интерлейкин тежегіштері. Нетакимаб. АТХ коды L04AC20 Әсер ету механизмі Нетакимаб тікелей тіндерде немесе қанда және басқа да биологиялық сұйықтықтарда болатын, интерлейкин-17А (ИЛ-17А) емдік концентрацияларда спецификалық байланыстыратын рекомбинантты гуманизацияланған моноклональді антидене болып табылады. ИЛ-17А - қабынуға қарсы цитокин, оның гиперпродукциясы негізінен Th17-лимфоциттердің белсенділенуіне байланысты. Туа біткен иммунитет аясында ИЛ-17А қорғаныс рөлін атқарады. Созылмалы иммундық қабыну ауруларында Th17-лимфоциттердің патологиялық белсенділенуі және ИЛ-17 гиперпродукциясы Т-жасушалық реакцияны және қабынудың басқа медиаторларының: ИЛ-1, ИЛ-6, альфа ісік некрозының факторы (ІНФ-α), өсу факторлары (Г-КСФ, ГМ-КСФ) мен түрлі хемокиндердің күшейтілген өндірілуін стимуляциялайды. Фармакодинамикалық әсерлері Нетакимаб адамның ИЛ-17А-мен спецификалық байланыстырудың жоғары термодинамикалық константасына ие. Клиникаға дейінгі зерттеулерге сәйкес, адамның қалыпты тіндеріндегі нетакимабтың спецификалық байланысы өкпе, тимус, лимфа түйіні, бадамшабездердің тіндерімен шектеледі, бұл осы тіндердің ИЛ-17 жасушаларының көрінісі туралы мәліметтерге сәйкес келеді. Нетакимабты қолдану Т-лимфоциттер деңгейінің статистикалық маңызды өзгеруімен қатар жүрмейді және А, G және М класты иммуноглобулиндердің деңгейі мен қатынасына әсер етпейді. Нетакимабтың қабынуға қарсы спецификалық белсенділігі in vitro және in vivo тестілерінде көрсетілген. Нетакимаб ИЛ-17 және ІНФα-тәуелді интерлейкин-6 өндірілуін IC50 40 pM кезінде жасушалар өсіріндісінде дозаға тәуелді тежейді. Явалық макакалардағы (Macaca fascicularis) коллаген-индукцияланған артрит моделінде бірнеше рет (аптасына бір рет 4 апта ішінде) нетакимабты тері астына енгізу буындардағы қабыну реакциясы ауырлығының төмендеуімен қатар жүреді, бұл гистологиялық зерттеу кезінде расталады (буын шеміршегі интактілі болып қалады, синовиальді қабықшалар-зақымдану және қабыну реакциясы белгілерінсіз, синовиоциттердің пролиферациясы байқалмады). Псориазбен ауыратын науқастарда нетакимабты қолдану терідегі қабыну және гиперкератоз құбылыстарының жойылуымен, С-реактивті ақуыз мен ЭШЖ деңгейінің сенімді төмендеуімен қатар жүреді. Белсенді шорбуынданатын спондилитке және псориазды артритке шалдыққан пациенттерде нетакимаб қолдану аясында омыртқада, энтезисте және буындарда қабыну симптомдарының азаюы, сондай-ақ қабыну маркері болып табылатын С-реактивті ақуыз концентрациясының тез төмендеуі байқалады. Клиникалық тиімділігі және қауіпсіздігі Түйіндақты псориаз Псориазбен ауыратын пациенттерді емдеудегі Эфлейра дәрілік затының (ДЗ) тиімділігі мен қауіпсіздігі II-III фазаның рандомизацияланған клиникалық зерттеулерінде бағаланды. BCD-085-2, BCD-085-2-ext, BCD-085-7/PLANETA зерттеулері шеңберінде нетакимаб алған пациенттердің жалпы саны 327 адам болды. Псориазбен ауыратын пациенттердегі нетакимабтың негізгі зерттеуі BCD III-085-7/PLANETA фазасының рандомизацияланған салыстырмалы жасырын, плацебо бақыланатын зерттеуі болып табылады, оған орташа және ауыр түйіндақты псориазы бар ересек пациенттер кірді. Зерттеуге аурудың ұзақтығы кемінде 6 ай болатын орташа ауыр немесе ауыр тұрпайы псориаз диагнозы қойылған 213 ересек пациент енгізілді. Пациенттер 2:2:1 қатынасында 3 топта рандомизацияланды: бірінші топта пациенттер алғашқы үш апта ішінде (индукция) аптасына бір рет 120 мг дозада тері астына және содан кейін 10-шы аптаға дейін қоса алғанда 2 аптада 1 рет нетакимаб қабылдады, екінші топта - алғашқы үш апта ішінде аптасына бір рет 120 мг дозада тері астына (индукция) және содан кейін 10-шы аптаға дейін қоса алғанда 4 аптада 1 рет, үшінші топта пациенттерге 0, 1, 2, 4, 6, 8, 10 апталарда 1-ші күні плацебо тері астына енгізілді. 12 аптада оқшаулау жүргізілді, барлық топтардағы пациенттер әр 4 апта сайын 120 мг режимінде нетакимабқа ауысты. Ашық фазадағы зерттеу ұзақтығы 3 жылға дейін нетакимабты қолдануды құрайды. 59,6% алдыңғы фототерапияны, 33,8% - жүйелік иммуносупрессорларды, 4,7% - псориаз бойынша биологиялық ем (3,3% анти-ІНФ препараттарын алды, 0,9% - ИЛ-12/23 тежегіштерін және 0,5% - ИЛ-23 тежегішін), 1.4% - синтетикалық нысаналы препараттар (0,9% - янус-киназа тежегіштері, 0,5% - фосфодиэстераза-4 тежегіштері) алды. Пациенттердің 8% - ында псориазды артрит диагнозы қойылған. PLANETA зерттеуіндегі бастапқы нүкте-емнің 12 аптасында PASI 75 жауабына жеткен пациенттердің үлесі. Негізгі қайталама соңғы нүктелер-12, 24 және 52 апталарда sPGA 0-1, PASI 90, PASI 100 жауаптарына жеткен пациенттердің үлесі. 2-кесте. Емнің 12-аптасындағы Эфлейра ДЗ тиімділігінің көрсеткіштері Көрсеткіші — Пациенттер саны (%) Нетакимаб 120 мг 2 аптада 1 рет (n=85) — Нетакимаб 120 мг 4 аптада 1 рет (n=84) — Плацебо (n=44) PASI 75 — 66 (77.7) a — 70 (83.3) a, b — 0 PASI 90 — 47 (55.3) a — 47 (55.95) a b — 0 PASI 100 — 25 (29.4) a — 28(33.3) a b — 0 sPGA 0-1 — 69 (81.2) — 67 (79.8) — 1 (2.3) n - ITT-популяциядағы пациенттер саны (ITT - intent-to-treat); a p<0.0001 плацебомен салыстырғанда; b p≥0.5 нетакимаб тобымен салыстырғанда 2 аптада 1 рет 120 мг. Нетакимабты қолдану 8 - аптаға қарай пациенттерде PASI орташа көрсеткішінің 80% - дан астам төмендеуімен сипатталатын емдік жауаптың тез білінетін дамуымен астасқан (1-сурет). 1-сурет. Бастапқы мәнмен салыстырғанда PASI индексі бойынша бөртпелердің таралуы мен ауырлығының салыстырмалы төмендеуі (медиана, ITT, n=213). 12-ші аптада Эфлейра ДЗ-мен емдеу пациенттердің өмір сүру сапасының статистикалық маңызды жақсаруымен байланысты болды. Нетакимаб тобындағы өмір сапасының дерматологиялық индексінің (Dermatology Life Quality Index, DLQI) орташа мәндері бастапқы сандармен салыстырғанда айтарлықтай төмендеді (нетакимаб 120 мг 2 аптада 1 рет -10.7, нетакимаб 120 мг 4 аптада 1 рет -10.7 және плацебо -2.7), яғни псориаздың пациенттің өмір сапасына әсерінің елеулі төмендегені байқалды. Эфлейра ДЗ қолдану емнің 1 аптасынан бастап қышыну айқындылығының статистикалық маңызды төмендеуімен астасқан. 2-сурет. 1 және 12 апталардағы бастапқы мәнмен (ВАШ бойынша) салыстырғанда қышынудың орташа өзгерісі. (ITT, n=213). Емнің 52-ші аптасында 2 аптада 1 рет 120 мг, содан кейін 4 аптада 1 рет және 4 аптада 1 рет 120 мг нетакимаб қабылдаған топтарда пациенттердің 94.1% және 92.9% PASI 75, 78.8% және 77.3% пациенттер PASI 90, 61.2% және 56.0% сәйкесінше PASI 100 жауабына жетті. Нетакимабтың екі тобы арасында тиімділік көрсеткіштері бойынша статистикалық маңызды айырмашылықтар (p >0.05) анықталған жоқ. 52-ші аптада пациенттердің 84.7% және 85.7% - ы «таза немесе дерлік таза тері» (sPGA 0-1), 61.2% және 58.3% - ы 2 аптада 1 рет 120 мг нетакимаб алған топтарда «абсолютті таза тері» (sPGA 0) деңгейіне жетті, содан кейін 4 аптада 1 рет және нетакимаб 120 мг 4 аптада 1 рет (P >0.05); нетакимаб тобындағы пациенттердің 69.4% - ы 120 мг 2 аптада 1 рет, содан кейін 4 аптада 1 рет және 4 аптада 1 рет 120 мг нетакимаб алған пациенттер тобында 69.1% бастапқы 4 аптада 1 рет DLQI 0-1 көрсеткішіне жетті. 3-кесте. BCD-085-7/PLANETA зерттеуінің 0-52 аптасы кезеңіндегі тиімділігі жөніндегі деректер Көрсеткіші — Апта — Тобы — P Нетакимаб 2 аптада 1 рет/ 4 аптада 1 рет (n = 85) — Нетакимаб 4 аптада 1 рет (n = 84) n — % — n — % PASI 75 — 12 — 66 — 77.7 — 70 — 83.3 — 0.46031 24 — 81 — 95.3 — 75 — 89.3 — 0.16122 52 — 80 — 94.1 — 78 — 92.9 — 0.7662 PASI 90 — 12 — 47 — 55.3 — 47 — 56.0 — 1.00001 24 — 67 — 78.8 — 67 — 79.8 — 1.00001 52 — 67 — 78.8 — 65 — 77.4 — 0.96751 PASI 100 — 12 — 25 — 29.4 — 28 — 33.3 — 0.70131 24 — 47 — 55.3 — 47 — 56.0 — 1.00001 52 — 52 — 61.2 — 47 — 56.0 — 0.59391 sPGA 0-1 — 12 — 69 — 81.2 — 67 — 79.8 — 0.96981 24 — 78 — 91.8 — 75 — 89.3 — 0.77361 52 — 72 — 84.7 — 72 — 85.7 — 1.00001 DLQI 0-1 — 24 — 58 — 68.2 — 57 — 67.9 — 1.00001 52 — 59 — 69.4 — 58 — 69.1 — 1.00001 Қышынудың салыстырмалы төмендеуі (ВАШ, мм) * — 1 — -9 [-29; 0] — -8.5 [-29; -1] — 0.58083 12 — -34 [-66; -17] — -37 [-68; -21] — 0.62653 24 — -36 [-63; -18] — -40.5 [-64; -22] — 0.70283 52 — - 35 [-60; -11] — -36.5 [-65; -16] — 0.65523 P 4 — <0.0001 — <0.0001 Бастапқы индекспен салыстырғанда NAPSI индексінің салыстырмалы өзгерісі *† — 12 — -11 [-24; -3] — -7 [-19; -2] — 0.23813 24 — -15 [-30; -6] — -15 [-25; -6] — 0.57033 52 — -16 [-28; -7] — -18 [-31; -9] — 0.83323 P 4 — <0.0001 — <0.0001 Түпнұсқамен салыстырғанда DLQI салыстырмалы өзгерісі* — 12 — -10 [-17; -6] — -10 [-17; -6] — 0.94933 24 — -11 [-18; -5] — -11 [-16; -7] — 0.76513 52 — -11 [-18; -6] — -12 [-17; -7] — 0.99733 P 4 — <0.0001 — <0.0001 1Йетс түзетуімен Пирсонның ꭓ2 критерийі; 2Фишердің нақты тесті; 3Манна-Уитни критерийі; 4 Фридман критерийі; * Медиана [төменгі квартиль-жоғарғы квартиль]; DLQI – Dermatology Life Quality Index; NAPSI – Nail Psoriasis Severity Index; PASI – Psoriasis Area and Severity Index; sPGA – static Physician Global Assessment; ВАШ – визуалды аналогтық шкала; † NAPSI индексі бойынша салыстырмалы өзгерістер скринингте псориазды ониходистрофияның көріністері бар пациенттерде бағаланды. Псориазды артрит Псориазды артрит еміндегі Эфлейра ДЗ тиімділігі мен қауіпсіздігі BCD-085-8/PATERA III фазасының рандомизацияланған салыстырмалы жасырын, плацебо-бақыланатын клиникалық зерттеуінде анықталды. Зерттеуге қабынуға қарсы стероидты емес дәрілермен (ҚҚСД), базисті қабынуға қарсы препараттармен (БҚҚП) немесе генді-инженерлік биологиялық препараттармен (ГИБП) жүргізілген алдыңғы емге жауабы талапқа сай болмаған белсенді псориазды артритке (ПсА) шалдыққан 194 пациент қосылды. Пациенттер 1:1 қатынасында 120 мг нетакимаб тобына немесе плацебо тобына рандомизацияланды. Емнің негізгі кезеңіне салыстырмалы жасырын кезең (0-24 апта), содан кейін ашық кезең кірді. Алғашқы 3 апта ішінде барлық пациенттер аптасына бір рет (индукция фазасы) 120 мг дозада нетакимабтың тері астына инъекциясын немесе плацебо (бөлу тобына байланысты) алды. Бұдан әрі нетакимаб тобының пациенттері зерттелетін препаратты 4, 6, 8 және 10 апталарда, содан кейін әр 4 апта сайын 24 аптаға дейін бір рет алды. Екінші топтағы пациенттерге плацебо 4, 6, 8, 10 және 14 апталарда енгізілді. 16-шы аптада ACR20 жауабына қол жеткізбеген плацебо тобының пациенттері белсенді емге ауыстырылып, 18 және 22 апталарда НТК қабылдады. Бастапқы қорытынды 24-ші аптадағы Американдық ревматологтар алқасының (ACR20) критерийлеріне сәйкес 20% жақсаруға қол жеткізген пациенттердің үлесі болды. Зерттеуге CASPAR критерийлеріне сәйкес кемінде 6 ай ПсА диагнозының ұзақтығы белгіленген, 68-ден ≥ 3 ауырсынатын буын саны (АБС) және 66-дан ≥ 3 ісінген буын саны (ІБС), диаметрі ≥ 2 см кем дегенде бір түйіндақты псориаз және/немесе тырнақ псориазы бар және/немесе анамнезінде құжатталған түйіндақты псориаз бар 18 жастағы және одан асқан пациенттер енгізілді. Зерттеуге алдыңғы ҚҚСП, БҚҚП, ГИБП еміне талапқа сай емес жауабы бар пациенттер енгізілді. Талданған кезең ішінде тұрақты дозада ҚҚСП, пероральді кортикостероидтар мен метотрексатты қолдануды жалғастыруға жол берілді. Нетакимаб тобына рандомизацияланған пациенттерде псориазды артриттің орташа ұзақтығы 5,3 жасты құрады, DAPSA индексінің орташа мәні 32,2 құрады, пациенттердің 78,4% - ында скринингте BSA зақымдану ауданы ≥3 болған псориазды түйіндақтар тіркелген. Пациенттердің 47,2% және 30,9%-ында скринингте энтезиттер мен тиісінше дактилиттер болған. 55,7% - да қабыну сипатындағы арқаның ауыруы тіркелді. Нетакимаб пен плацебо топтары бастапқы сипаттамаларында сенімді айырмашылықтарға ие болмады. Зерттеуге енгізілген пациенттердің 85,6% - ы зерттеуге енгізілген сәтте метотрексат алды, жалпы популяцияның қатысушыларының 20,1% - ы ісік некрозы факторының тежегіштерімен алдыңғы емдеу туралы хабарлады. Нетакимаб тобы пациенттерінің 82,5% - ы және плацебо тобы пациенттерінің 9,3% - ы 20-шы аптада ACR24 жауабына жетті. 95% СА [0,63; 0,84] (P < 0,0001). Емдеудің алғашқы аптасында нетакимаб пен плацебо топтары арасында барлық екінші нүктелерде айтарлықтай айырмашылық байқалды. ACR20-ға жеткен пациенттердің үлесі 1-ші аптада (P = 0,0013) нетакимаб тобында айтарлықтай жоғары болды. ACR50 және ACR70 жауаптарына қол жеткізу жиілігі плацебо тобымен салыстырғанда, тиісінше 2 және 4 аптадан бастап 24 аптаға дейін басымдылықты сақтай отырып, нетакимаб алған пациенттерде де айтарлықтай жоғары болды (р < 0,05). Нетакимаб тобындағы пациенттердің 86,6% - ы және плацебо тобындағы пациенттердің 28,9% - ы 24-аптада PsARC критерийлері бойынша жауап алды (P ˂ 0,0001). 3-сурет. 20 апта ішінде ACR24 жауабына қол жеткізу динамикасы (ITT). Нетакимаб тобы DAS28-CRP(4) және DAPSA индекстеріне сәйкес ауру белсенділігінің айтарлықтай төмендеуімен, сондай-ақ 1-аптадан бастап HAQ-DI индексі бойынша функционалдық жағдайдың жақсаруымен сипатталды. DAS28-CRP(4), DAPSA және HAQ-DI индекстерінің бастапқы деңгейіне қатысты орташа өзгерістер 24-ші аптада нетакимаб және плацебо топтары арасында айтарлықтай ерекшеленді және сәйкесінше нетакимаб және плацебо топтарындағы көрсетілген индекстер үшін -2,1 vs -0,3, -22,7 vs -3,8 және -0,6 vs -0,1 құрады (P ˂ 0,0001). 24-ші аптадағы аурудың ең төмен белсенділігі критерийлеріне нетакимаб тобындағы пациенттердің 42,3% және плацебо (P< 0,0001) тобындағы 1,0%-ға сәйкес келді. 24-ші аптадағы ASDAS-CRP орташа өзгерісі сәйкесінше нетакимаб және плацебо үшін -1,6 және -0,1 болды (P < 0,0001). Ұқсас нәтижелер BASDAI индексі үшін аптасына орташа өзгеріс 24 -2,8 және -0,2 нетакимаб пен сәйкесінше плацебо топтарында (P < 0,0001) алынды. Бастапқы BSA ≥ 3 пациенттерде нетакимаб қолданудың 24 аптасы ішінде тері қабаттарының псориазды зақымдану ауданының және ауырлық дәрежесінің төмендеуі байқалды. Емдеу топтары арасындағы айтарлықтай айырмашылықтар 4-ші аптада байқалды. PASI75-тің 24-ші аптадағы жауабы нетакимаб тобындағы пациенттердің 82,9% - ында және плацебо (P < 0,0001) тобындағы пациенттердің 11,1% - ында тіркелді PASI90/100 жауаптары бар пациенттердің үлесі плацебо тобына қарағанда нетакимаб қолдану кезінде айтарлықтай жоғары болды. Бастапқыда тырнақтың псориазды зақымдануы болған пациенттер арасында нетакимаб тобында 31,5% және плацебо тобында 5,3% NAPSI = 24 аптада 0 баллға жетті (P< 0,0001). 24-аптаға қарай энтезиттің жазылуы (LEI = 0) плацебо қабылдаған пациенттерге қарағанда, нетакимаб алған пациенттердің едәуір көп санында тіркелді (63,0% vs 4,2%, P < 0,0001) (бағалау алғаш энтезиті болған пациенттер арасында жүргізілді). Сол сияқты, бастапқы LDI > 0 бағалауы бар пациенттердің едәуір үлкен пайызы LDI = 0-ге сол уақыт нүктесіне жетті (76,7% vs 9,7% сәйкесінше нетакимаб және плацебо топтарында, P >< 0,0001). Шорбуынданатын спондилит Шорбуынданатын спондилиті бар пациенттерде Эфлейра ДЗ қолданудың тиімділігі мен қауіпсіздігі BCD-085-3, BCD-085-3-ext, BCD-085-5/ASTERA II және III фазаларының рандомизацияланған клиникалық зерттеулерінде бағаланды. Клиникалық зерттеулер шеңберінде нетакимаб алған шорбуынданатын спондилиті (ШС) бар пациенттердің жалпы саны 305 адамды құрады. Псориазбен ауыратын науқастардағы нетакимабтың негізгі зерттеуі BCD-085-5/ASTERA III фазасының рандомизацияланған салыстырмалы жасырын, плацебо бақыланатын зерттеуі болып табылады, оған модификацияланған Нью-Йорк критерийлеріне ШС анықталған диагнозы және үдерісі белсенді (BASDAI (the Bath AS Disease Activity Index)) ≥4,0, ҚҚСП, ҚҚБП немесе ІНФ тежегіштеріне қарамастан сандық рангілі шкала (0-10) ≥4,0) бойынша омыртқадағы ауырсыну қарқындылығына сәйкес келетін ересек пациенттер кірген. Барлығы 228 пациент енгізілді, олар 1:1 қатынасында 120 мг (n=114) дозада тағайындалған нетакимаб тобына немесе плацебо тобына (n=114) тағайындалды. Нетакимаб немесе плацебо 0, 1, 2 апталарда (индукция кезеңі) және одан әрі 2 аптада 1 рет енгізілді. 16-аптадан бастап ASAS20 жауабына жетпеген плацебо тобының барлық пациенттері 120 мг дозада нетакимабпен емдеуге ауыстырылды. 16-аптада ASAS20-ге жеткен плацебо тобының пациенттері зерттеуден шығарылды. Нетакимабпен жүргізілетін ем зерттеудің ашық кезеңі шеңберінде 3 жылға дейін жалғасады. Бастапқы соңғы нүкте - зерттеудің 16 аптасында ASAS40 жауабына жеткен пациенттердің үлесі. Зерттеуге қосу сәтінде нетакимаб тобындағы пациенттерде ШС орташа ұзақтығы 3,2 жылды, тиісінше BASDAI және ASDAS-СРБ көрсеткіштерінің медианасы - 6,1 және 3,9 балды құрады. Пациенттердің 24,6%-ы ІНФ-α тежегіштерімен бұрын емделген. Нетакимаб пен плацебо топтары бастапқы сипаттамаларында сенімді айырмашылықтарға ие болмады. Нетакимаб тобында ASAS40 жауабы 16 аптада 40,4%, плацебо тобында 2,63% (p<0.0001). ASAS20, ASAS40, ASAS5/6 және ASAS критерийлері бойынша жауапқа қол жеткізу жиілігі бойынша ішінара ремиссия нетакимаб алған топ 16 аптаға дейінгі барлық бағалау кезеңдерінде плацебо тобынан да сенімді түрде асып түсті. Емнің 16-52 аптасы аралығында ASAS критерийлері бойынша жауапқа жеткен пациенттердің үлесі артты. 4-кесте. Емнің 16 және 52 апталарында asas критерийлері бойынша жүргізілген емнің тиімділігін бағалау (ITT population, n=228) Көрсеткіші — Нетакимаб (n=114) — Плацебо / Нетакимаб (n=114) — p1 16-шы апта ASAS20, % (n) — 60.53% (69) — 2.63% (3) — p2<0.0001 р3<0.0001 p4<0.0001 p5=0.0004 ASAS40, % (n) — 40.35% (46) — 2.63% (3) ASAS5/6, % (n) — 43.86% (50) — 0.88% (1) ASAS ішінара ремиссия, % (n) — 15.8% (18) — 1.8% (2) 52-ші апта ASAS20, % (n) — 93.9% (107) — 74.6% (85) — - ASAS40, % (n) — 80.7% (92) — 66.7% (76) ASAS5/6, % (n) — 74.6% (85) — 64% (73) ASAS ішінара ремиссия, % (n) — 46.5% (53) — 26.3% (30) 1 Фишердің дәл сынағы / Пирсонның ꭓ2 критерийі; p2 – ASAS20 бағалауы, p3 – ASAS40 бағалауы, p4 – ASAS 5/6 бағалауы, p5 – ASAS ішінара ремиссия бағалауы. Нетакимаб тобындағы пациенттерде шорбуынданатын спондилит белсенділігінің, сондай-ақ оның барлық көріністерінің жылдам төмендеуі байқалды: BASDAI және ASDAS-СРБ критерийлері бойынша–емнің 4 аптасы, арқаның ауыру қарқындылығы - емнің 1 аптасынан бастап. Оң динамика емнің 52 аптасында өсті. Нетакимаб тобындағы бастапқы мәндерге қатысты BASDAI өзгеруі 4 аптада -2,10, 16 аптада -2,80 және емнің 52 аптасында -4,15 құрады. Нетакимаб тобындағы бастапқы мәндерге қатысты ASDAS-СРБ орташа өзгеруі 4 аптада -1,35-тен 16 аптада -1,530-ға дейін және 52 аптада -2.330-ға дейін өсті. 5-кесте. 52 апта бойы BASDAI және ASDAS-СРБ индекстері бойынша ШС белсенділігінің салыстырмалы өзгерісі (ITT population, n=228) 4-ші апта — 8-ші апта — 12-ші апта — 16-ші апта — 24-ші апта — 36-ші апта — 52-ші апта — p1 BASDAI Нетакимаб (n=114) — -2.100 — -2.650 — -2.200 — -2.800 — -2.750 — -3.500 — -4.150 — <0.0001 Плацебо/ Нетакимаб (n=114) — -1.000 — -0.800 — -0.500 — 0.200 — -2.200 — -2.700 — -3.600 — <0.0001 p2 — <0.0001 — <0.0001 — <0.0001 — <0.0001 — NA — NA — NA ASDAS-CRP Нетакимаб (n=114) — -1.350 — -1.430 — -1.455 — -1.530 — -1.750 — -1.965 — -2.330 — 0.0008 Плацебо/ Нетакимаб (n=114) — -0.350 — -0.350 — -0.210 — 0.095 — -1.555 — -1.765 — -2.055 — <0.0001 p2 — <0.0001 — <0.0001 — <0.0001 — <0.0001 — NA — NA — NA 1 ANOVA дисперсиялық талдау; 2 Стьюдент екі деңгейлі критерийі. Осындай нетакимабпен ем қабылдаған пациенттер омыртқа қимыл-қозғалысының жақсарғанын көрсетті: BASMI индексі бойынша динамика плацебо тобындағы +0,2-мен салыстырғанда 16 аптаға -0,40 құрады (p<0.0001). 52-ші аптада бастапқы емес топтағы оң динамика -0.80 - ге жетті. Нетакимабпен жүргізілетін ем энтезит санының төмендеуімен байланысты болды: 16-шы аптада MASES индексі бойынша қабынған энтездер санының орташа өзгеруі нетакимаб тобында -1.00 және плацебо тобында (p<0.0001) 0.0 құрады. ШС шалдыққан пациенттерді емдеу көптеген пациенттерде құрылымдық үдеудің болмауымен сипатталды. Құрылымдық үдеу тіркелген пациенттердің үлесі 52-ші аптаға қарай 9,4% - ды құрады. Нетакимаб қабылдаған пациенттерде өмір сапасының жоғарылауы байқалды, ол SF-36 индекстері бойынша бағаланды. Емнің 16-шы аптасында нетакимаб тобындағы өмір сапасының физикалық және психологиялық компоненттерінің көрсеткіштері бастапқы мәндермен салыстырғанда айтарлықтай өсті, бұл оң динамикаға сәйкес келді: физикалық компонент көрсеткішінің орташа динамикасы нетакимаб тобында 6.0 және плацебо тобында -2.10 құрады, психологиялық компонент - тиісінше +1.90 қарсы +0.60 (p<0.001). Балалар Балалар мен 18 жасқа толмаған адамдарда нетакимабтың тиімділігі мен қауіпсіздігін зерттеу жүргізілмеген.

Дозалау режимі Эфлейра® препаратын қолдану Эфлейра® препараты көрсетілген ауруларды емдеуде тәжірибесі бар дәрігерлердің бақылауымен жүзеге асырылуы тиіс. Тиісті түрде үйренгеннен кейін пациент препаратты емдеуші дәрігер тарапынан динамикалық бақылау жағдайында өз бетінше енгізуі мүмкін. Эфлейра® препаратын стационарлық және амбулаториялық жағдайларда да қолдануға болады. Эфлейра® препараты 120 мг дозада тері астына екі инъекция түрінде 60 мг/мл концентрациясы бар 1 мл препараттан енгізіледі. Жүйелі ем немесе фототерапия көрсетілген кезде ересек пациенттерде орташа ауыр және ауыр дәрежедегі түйіндақты псориазды емдеу: 1 мл (60 мг) препараттан тері астына екі инъекция түрінде ұсынылатын 120 мг доза әрқайсысы аптасына 1 рет 0, 1 және 2 апталарда, содан кейін әр 4 апта сайын 1 рет енгізіледі. Стандартты емге жеткіліксіз жауап берген кезде белсенді шорбуынданатын спондилитті емдеу: әрқайсысы 1 мл (60 мг) препараттан тері астына екі инъекция түрінде ұсынылатын 120 мг доза. Препарат аптасына 1 рет 0, 1 және 2 апталарда, содан кейін әр 2 апта сайын енгізіледі. Белсенді псориазды артритті монотерапия режимінде немесе стандартты емге жеткіліксіз жауап берген кезде метотрексатпен біріктірілімде емдеу: әрқайсысы 1 мл (60 мг) препараттан тері астына екі инъекция түрінде ұсынылатын 120 мг доза. Препарат аптасына 1 рет 0, 1 және 2 апталарда, содан кейін 10 аптаға дейінді қоса алғанда әр 2 апта сайын енгізіледі. Одан әрі 14-аптадан бастап препарат 120 мг дозада тері астына екі инъекция түрінде әрқайсысы 1 мл-ден (60 мг) 4 аптада 1 рет енгізіледі. Спондилиті бар және нетакимабты 4 аптада 1 рет қолдану кезінде клиникалық тиімділікке жете алмаған пациенттерге препарат 2 аптада 1 рет тағайындалуы мүмкін. Көрсетілім — Бір реттік доза — Индукция — Демеуші ем Түйіндақты псориаз — 120 мг — 0, 1, 2 апта — 4 аптада 1 рет, 6 аптадан бастап Шорбуынданатын спондилит — 120 мг — 0, 1, 2 апта — 2 аптада 1 рет, 4 аптадан бастап Псориазды артрит — 120 мг — 0, 1, 2 апта — 2 аптада 1 рет, 4 аптадан бастап 10 аптаны қоса алғанда, бұдан әрі 14 аптадан бастап 4 аптада 1 рет Спондилиті бар және нетакимабты 4 аптада 1 рет қолдану кезінде клиникалық тиімділікке жете алмаған пациенттерге препарат 2 аптада 1 рет тағайындалуы мүмкін. Кез келген себеп бойынша кезекті енгізуді өткізіп алған кезде Эфлейра® препаратын инъекциялау мүмкіндігінше тез жүргізілуі тиіс. Келесі енгізу күні препаратты енгізуді кешіктіру ұзақтығына қарай есептеледі: егер енгізуді өткізіп алған уақыттан бастап 3 күннен аспаса, онда препараттың келесі инъекциясын ағымдағы кесте бойынша орындау қажет, егер енгізуді өткізіп алған сәттен бастап 3 күннен астам уақыт өтсе, онда келесі енгізу күні үшін жаңа есептеу Эфлейра® препаратының нақты жүргізілген инъекциясынан басталады. Енгізу әдісі мен жолы Тері астына. Тері астына инъекция жасауға дайындық • Қолды мұқият жуу • Ішінде Эфлейра® препараты бар екі шприці/автоинжекторы бар қаптаманы тоңазытқыштан шығару, содан кейін картон қорапша мен ұяшықты қаптамадан екі шприцті/автоинжекторды алып, таза беткейге қою керек. Картон қорапшада және шприцте / автоинжекторда көрсетілген препараттың сақтау мерзімі аяқталмағанына көз жеткізу керек. Алдын ала толтырылған шприцтегі Эфлейра® препараты Автоинжектордағы Эфлейра® препараты • Шприцтерді/автоинжекторларды, сондай-ақ олардағы дәрілік препаратты тексеру. Эфлейра® препараты түссізден ашық-сары түске дейінгі мөлдір ерітінді болып табылады. Препаратты келесі жағдайларда қолдануға болмайды: • ерітіндінің бұлыңғырлануы, препаратта бөгде көрінетін бөлшектердің болуы; • түстің өзгеруі; • шприцтің/автоинжектордың кез келген бөліктерінің зақымдануы; • картон қорапшада, сондай-ақ шприцтің/автоинжектордың заттаңбасында көрсетілген жарамдылық мерзімі өткен (...дейін жарамды). • Эфлейра® препараты бар шприцтерді / автоинжекторларды енгізер алдында бөлме температурасына дейін жеткізу керек, ол үшін шприцті бөлме температурасында шамамен 25-30 минут қалдыру қажет. Шприцті / автоинжекторды қандай да бір басқа тәсілмен жылытпаған жөн. • Сүрткіні/мақта тампонды, спирт ерітіндісін дайындау Бұл кезеңде шприцтің/автоинжектордың қалпақшасын шешпеген жөн • Алдын ала толтырылған шприцтегі Эфлейра® препаратын тері астына инъекциялау техникасы Инъекцияға арналған жерді таңдау және дайындау • Инъекция орнын таңдау (алдыңғы құрсақ жақтауы ( кіндіктен кем дегенде 5 см қашықтықта), жамбастың алдыңғы және бүйір жағы немесе иықтың сыртқы бөлігінің ортаңғы үштен бірі (инъекцияға арналған орындар төмендегі суретте көрсетілген)); • Инъекция орындары мен жақтарын әрбір келесі инъекция емшарасына сай өзгерту керек. Екі енгізу арасындағы қашықтық кем дегенде 5 см болуы керек. • Препаратты терінің ауыратын, қызарған, тығызданған немесе қанталаған жеріне енгізуге болмайды (бұл белгілер инфекцияның бар болуына меңзеуі мүмкін). Мүмкіндігінше, препаратты псориаздық түйіндаққа енгізбеген жөн. • Инъекцияға арналған орынды спиртті сүрткімен/мақта тампонымен айналдыра қозғалыспен өңдеу керек. • Шприцті сілкуге болмайды. • Иненің қалпақшасын инеге тигізбестен және басқа беткейлерге тигізбестен шешіп алу. • Бір қолдың үлкен және сұқ саусағымен өңделген теріні қатпар етіп алу. • Басқа қолға шприцті алып, оны бөлікке бөлінген беткейімен жоғары қаратып ұстау. Препаратты енгізуді терінің қалыңдығына және тері астындағы май қабатының айқындылығына байланысты тері беткейіне 45 немесе 90 градус бұрышпен жүзеге асыру қажет (арық пациенттерде препаратты енгізу 45 градус бұрышпен жүзеге асырылады, тері қатпарының қалыңдығы 1,5 см-ден асатын пациенттерде 90 градус бұрышпен енгізуге жол беріледі). • Бір жылдам қимылмен инені тері қатпарына толығымен енгізу. • Инені енгізгеннен кейін терінің қатпарын босату. • Барлық ерітіндіні шприцтің поршенін 2-5 секунд бойы баяу тұрақты қысып тұру арқылы енгізу. • Шприц босап қалғанда, инені сондай бұрышпен суырып алу керек. • Құрғақ стерильді сүрткімен/ мақта шармен инъекция аймағын аздап басу, бірақ инъекция аймағын ысқыламау. Инъекция орнынан аз мөлшерде қан шығуы мүмкін. Қажет болса, бұласырды пайдалануға болады. • Эфлейра® препаратының екінші дозасын келесі инъекция орны алдыңғыға қарағанда 5 см жақын болмауы тиіс деген шартпен дәл сол анатомиялық аймаққа енгізген дұрыс. Екі инъекцияны орындау уақыты 10 минуттан аспауы тиіс. Инъекциядан кейін шприцті қайта қолдануға болмайды Алдын ала толтырылған шприцтегі Эфлейра® препаратының тері астына инъекциясын орындау техникасы бойынша бейненұсқаулық: • Автоинжектордағы Эфлейра® препаратын тері астына инъекциялау техникасы • Автоинжектор құрылғысы: • Автоинжекторды сілкуге болмайды. • Инъекцияны орындағанға дейін автоинжектордан қорғаныш қалпақшасын шешпеңіз. • Қаптамадағы таңбалау бойынша препараттың жарамдылық мерзімін тексеріңіз, автоинжектордың бүтіндігін және автоинжектордың бақылау аймағы арқылы ерітіндінің жай-күйін бағалаңыз. Автоинжекторды зақымдалған, ерітіндінің түсі мен мөлдірлігі өзгерген жағдайда, сондай-ақ жарамдылық мерзімі өткен кезде пайдаланбаңыз. • Автоинжекторды таза көлденең беткейге орналастырыңыз. • Енгізу орнын таңдаңыз (құрсақ жақтауының аумағы (кіндіктен кем дегенде 5 см артқа шегіну) немесе санның алдыңғы жағы) және енгізу аумағындағы теріні спиртті сүрткімен өңдеңіз. • Тікелей инъекция жасар алдында автоинжектордың корпусын қолмен ұстап тұрып, басқа қолмен оның қалпақшасын шешіп алыңыз. • Бір қолыңызбен спиртті сүрткімен өңделген теріні қатпар етіп алып, инъекцияның барлық емшарасы бойына ұстап тұрыңыз. • Екінші қолыңызға автоинжекторды алыңыз, оны корпусынан ұстап тұрыңыз. Препаратты енгізуді автоинжекторды тері бетіне 90 градус бұрышпен тығыз басу арқылы жүзеге асыру қажет. Автоинжекторды тері қатпарының беткейіне басу түймешенің бұғатталуын ашады. • Автоинжекторды тері қатпарының беткейіне 90 градус бұрышта ұстап тұрып, автоинжектор түймешесіне тоқтағанша басыңыз. Инъекцияның басталуына нұсқайтын сырт еткен дыбысты естисіз. Автоинжектордың қалпын өзгертпеңіз. Инъекция аяқталғанға дейін түймешені 10 секунд бойы ұстап тұрыңыз. • Егер инъекция басталмаса, түймешені босатыңыз және автоинжектордың тері қатпарына мықтап басылғанын тексеріңіз. Автоинжекторды теріге мықтап басыңыз және түймешені қайта басып, инъекция емшарасын қайталаңыз. • Дәрілік затты толығымен енгізу үшін автоинжекторды теріге тағы бірнеше секунд бойы қысып тұрыңыз. Бақылау аймағын қарап шыққаннан кейін препараттың барлық дозасы енгізілгеніне және контейнер бос екеніне көз жеткізіңіз. • Инъекция аяқталғаннан кейін автоинжекторды алыңыз, ине автоматты түрде қорғаныш цилиндрімен жабылады. • Құрғақ стерильді сүрткімен/ мақта шармен теріні ысқыламай, инъекция аймағын аздап басыңыз. Инъекция орнынан аз мөлшерде қан шығуы мүмкін. Қажет болса, бұласырды пайдалануға болады. • Эфлейра® препаратының екінші дозасын келесі инъекция орны алдыңғыға қарағанда 5 см жақын болмауы тиіс деген шартпен дәл сол анатомиялық аймаққа енгізіңіз. Екі инъекцияны орындау уақыты 10 минуттан аспауы тиіс. Инъекциядан кейін автоинжекторды қайта пайдалануға болмайды Автоинжектордағы Эфлейра® препаратының тері астына инъекциясын орындау техникасы бойынша бейненұсқаулық: Шығын материалдарын утилизациялау Препараттың пайдаланылмаған ерітіндісі, пайдаланылған шприцтер/автоинжекторлар, сүрткілер/мақта тампондары және басқа да шығыс материалдары пластиктен немесе шыныдан жасалған өткір заттарға арналған, тесуге төзімді, жабылатын контейнер қолданылатын утилизациялауға жатады. Пайдаланылған шприцтерді / автоинжекторларды балаларға қолжетімді орындарда сақтауға жол бермеңіз. Емдеу ұзақтығы Қатысы жоқ. Дәрілік препараттың бір немесе бірнеше дозасын өткізіп жіберу кезінде қажетті шаралар Қатысы жоқ. Тоқтату симптомдары қаупінің болуына нұсқау Қатысы жоқ. Дәрілік препаратты қолдану тәсілін түсіндіру үшін медициналық қызметкер кеңесіне жүгіну бойынша ұсынымдар Егер пациентте осы дәрілік затты қолдануға қатысты қандай да бір қосымша сұрақтар туындаса, онда ол өз дәрігерімен кеңесу керек.

• нетакимабқа, сондай-ақ препараттың қосымша заттарының кез келгеніне аса жоғары сезімталдық. • туберкулезді қоса алғанда, жедел фазадағы клиникалық маңызды инфекциялық аурулар. • балалар мен 18 жасқа дейінгі жасөспірімдер. • жүктілік, бала емізу.

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100 <1/10), жиі емес (≥1/1000 <1/100), сирек (≥1/10000 <1/1000), өте сирек (<1/10000), белгісіз (қолда бар деректер негізінде бағалау мүмкін емес). Инфекциялар мен инвазиялар: жиі – жоғарғы тыныс алу жолдарының инфекциялары; жиі емес – төменгі тыныс алу жолдарының инфекциясы, пневмония, несеп шығару жолдарының инфекциясы, өңеш кандидозы, вирустық конъюнктивит, қарапайым герпес, стафилококкты импетиго, фурункул, туберкулез инфекциясы. Бауыр мен өт шығару жолдары тарапынан бұзылулар: жиі емес - гипербилирубинемия. Асқазан-ішек бұзылыстары: жиі емес - іштің ауыруы, диарея; сирек – ішектің қабыну аурулары Тері және теріасты шелінің тарапынан бұзылулар: жиі емес - экзема, дерматит, бөртпе, қышыну, есекжем. Қан және лимфа жүйесі тарапынан бұзылулар: жиі - нейтропения, лейкопения, лимфоцитоз; жиі емес - тромбоцитопения, лимфопения. Иммундық жүйенің тарапынан бұзылулар: жиі емес - аса жоғары сезімталдық. Көру мүшесі тарапынан бұзылулар: жиі емес - эписклерит. Жүйке жүйесі тарапынан бұзылулар: жиі емес - бас ауыруы, бас айналу, парестезия, бет жүйкесінің зақымдануы. Жүрек тарапынан бұзылулар: жиі емес - синусты брадикардия, Гис шоғыры тармағының блокадасы. Қантамырлар тарапынан бұзылулар: жиі емес - гипертензия (оның ішінде оқшауланған систолалық/диастолалық гипертензия), гипертониялық криз. Жалпы бұзылулар және енгізу орнындағы реакциялар: жиі емес-тұмауға ұқсас ауру*, жергілікті реакция**. Метаболизм мен тамақтанудың бұзылуы: жиі емес-гипергликемия. Бүйрек және несеп шығару жолдарының тарапынан бұзылулар: жиі емес-протеинурия. Зертханалық және аспаптық деректер: жиі - аланинаминотрансфераза (АЛТ), аспартатаминотрансфераза (АСТ) белсенділігінің артуы, Mycobacterium tuberculosis кешеніне зерттеудің оң нәтижесі жиі емес - гамма-глутамилтрансферазаның жоғарылауы (ГГТ), қандағы холестерин деңгейінің жоғарылауы, салмақтың артуы. Жарақаттар, уыттану және емшара асқынулары: жиі емес - емшара кезінде бас айналу (инъекция кезінде). Қатерсіз, қатерлі және анықталмаған жаңа түзілімдер (кисталар мен полиптерді қоса алғанда): жиі емес - инфекция жұқтырған невус. Ұрпақ өрбіту жүйесі мен сүт бездері тарапынан бұзылулар: жиі емес - сүт бездерінің фиброзды-кистоздық ауруы. * «Тұмауға ұқсас ауру» тұмауға немесе суық тиюге ұқсас бірқатар симптомдардың пайда болуымен сипатталады, мысалы, келесілерді қоса, бірақ олармен шектелмей: температураның жоғарылауы, қалтырау, дененің ауыруы, әлсіздік, тәбеттің төмендеуі, құрғақ жөтел, олар препаратты инъекциялаумен уақытша байланысты. ** Жергілікті реакциялар инъекция орнында пайда болатын кез келген қолайсыз көріністерді қамтуы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану туралы клиникалық деректер жоқ. Адам үшін ең жоғары жағымды доза белгіленбеген. Доза шектеуші уыттылық құбылыстарын клиникалық зерттеулерде тіркелмеген: нетакимабты тері астына ең жоғары 3 мг/кг дозада (салмағы 65 – 85 кг ересек адам үшін 195 – 355 мг) енгізген кезде патологиялық ауытқулар анықталған жоқ. Спецификалық антидоты жоқ. Емі - симптоматикалық.

Созылмалы және қайталанатын инфекциялары бар немесе анамнездік көрсеткіштері бар пациенттерге ауыр және орташа ауыр инфекциялық аурулардан кейінгі ерте реконвалесценция кезеңінде, сондай-ақ тірі вакциналармен жақында жүргізілген вакцинациядан кейін нетакимаб тағайындау кезінде сақ болу керек. 65 жастан асқан пациенттерде нетакимаб қолдану туралы клиникалық зерттеулердің шектеулі деректеріне байланысты препаратты көрсетілген жас тобындағы пациенттерге тағайындағанда сақ болу керек. Ішектің қабыну ауруларына шалдыққан науқастарда нетакимабты қолдану туралы мәліметтердің болмауына байланысты оны Крон ауруы немесе ойық жаралы колит бар пациенттерге тағайындаудан аулақ болу керек. Арнайы сақтандырулар Қадағалануы Биологиялық дәрілік препараттардың қадағалануын жақсарту мақсатымен енгізілген препараттың атауын және сериясын медициналық құжаттамаға тіркеу керек. Инфекциялар Созылмалы және қайталанатын инфекциялары бар немесе олар анамнезінде көрсетілген пациенттерге, ауыр және орташа ауырлықтағы инфекциялық аурулардан кейінгі реконвалесценция кезеңінде, сондай-ақ жақында жүргізілген тірі вакциналармен вакцинациядан кейін нетакимабты тағайындаған кезде сақтық танытқан жөн. АИТВ, В және/немесе С белсенді гепатиті, мерез, туберкулез сияқты ықтимал ауыр инфекциялардың болуы нетакимабты тағайындауға қарсы көрсетілім болып табылады. Нетакимабты науқастардың осы тобында қолдану зерттелмеген. Нетакимабтың иммуносупрессивті әсерін ескере отырып, бұл препаратпен емдеу созылмалы инфекциялардың өршуіне және бастапқы инфекциялану қаупінің артуына әкелуі ықтимал. Бұл пациенттерде скрининг жүргізу және нетакимабпен емдеудің қаупі мен пайдасының арақатынасын бағалау қажет. Егер В гепатиті қайта белсенділенсе, нетакимабпен емдеу тоқтатылып, тиісті вирусқа қарсы ем тағайындалуы тиіс. Ішектің қабыну аурулары бар (Крон ауруын және ойық жаралы колитті қоса) пациенттер Нетакимабты қолданғанда ішектің қабыну ауруларының пайда болуы немесе өршу жағдайлары туралы хабарланды. Нетакимаб ішектің қабыну аурулары бар пациенттерге ұсынылмайды. Егер пациентте ішектің қабыну ауруларының белгілері мен симптомдары дамыса немесе ішектің бұрыннан бар қабыну ауруының өршуі байқалса, нетакимабты қабылдауды тоқтату және тиісті дәрі-дәрмектік емдеуді бастау керек. Туберкулез Белсенді туберкулезбен ауыратын пациенттерге Эфлейра препаратымен емдеу қарсы көрсетілімді. Эфлейра препаратын тағайындар алдында және емдеу барысында туберкулезге стандартты скрининг жүргізу қажет. Латентті туберкулезі бар пациенттерге Эфлейра препаратымен ем басталар алдында туберкулезге қарсы емнің стандартты курсынан өту ұсынылады. Аса жоғары сезімталдық Нетакимабты пайдаланған кезде аса жоғары сезімталдық реакциясының дамуы ықтимал. Нетакимабпен жүргізілген клиникалық зерттеулер аясында анафилаксиялық реакциялар тіркелмеді, аса жоғары сезімталдық реакциялары және есекжем жиі байқалған жоқ. Алайда, IL17 басқа тежегіштерін қолданған кезде сирек және өте сирек жағдайларда есекжем және анафилаксиялық реакциялар байқалды. Анафилаксиялық немесе басқа да күрделі аллергиялық реакциялар туындаған кезде Эфлейра препаратын қолдануды дереу тоқтатып, тиісті симптоматикалық емді бастау керек. Алкогольге/есірткіге тәуелділік Алкогольге немесе есірткіге тәуелділіктің, сондай-ақ психикалық бұзылулардың болуы пациенттің нетакимабпен емдеу кестесін сақтамауына әкелуі мүмкін, бұл өз кезегінде емдеу тиімділігінің төмендеуіне әкеліп соғуы мүмкін. Пациенттердің осы санатында клиникалық зерттеулер нәтижелерінің болмауына және гепатоуыттылық пен басқа да қолайсыз салдарлардың даму қаупінің жоғары болу мүмкіндігіне байланысты көрсетілген жай-күйі бар пациенттерді анағұрлым мұқият мониторингтеу қажет. Вакцинация Эфлейра ДЗ емдеу барысында тірі вакциналармен иммунизацияны жүргізуге болмайды, өйткені клиникалық зерттеулер шеңберінде осы өзара әрекеттесудің қауіпсіздігіне клиникалық бағалау жүргізілген жоқ. Эфлейра ДЗ емдеу басталғанға дейін тірі вакциналармен вакцинациялау, сондай-ақ вакцинация мен емнің басталуы арасындағы аралық қолданыстағы клиникалық ұсынымдарға сәйкес келуі тиіс. Белсенділігі жойылған вакциналармен иммунизациялау нетакимабпен емдеу кезінде сақтықпен орындалуы тиіс. Иммуногенділік Эфлейра препаратын клиникалық зерттеулер барысында псориазды, псориазды артритті және шорбуынданатын спондилитті емдегенде нетакимабқа байланыстырушы антиденелердің өндірілуі 0,5 %-дан аз жағдайларда тіркелді. Бейтараптандырушы антиденелер анықталған жоқ. Алынған деректер нетакимабтың псориазы, псориазды артриті және шорбуынданатын спондилиті бар пациенттердегі төмен иммуногенділігін көрсетеді. 65 жастан асқан пациенттер 65 жастан асқан пациенттерде препараттың тиімділігі мен қауіпсіздігі туралы деректер шектеулі. Нетакимабты 65 жастан асқан пациенттерде қолдану туралы клиникалық зерттеулердің деректері шектеулі болғандықтан, препаратты осы жас тобындағы пациенттерге тағайындағанда сақтық танытқан жөн. Препараттың таралуы мен шығарылуында айтарлықтай жас айырмашылықтарының болуы болжанбайды. Бүйрек және бауыр функциялары бұзылған пациенттер Пациенттердің осы санатында препараттың тиімділігі мен қауіпсіздігі зерттелмеген. Балаларда қолдану 18 жасқа дейінгі балаларда препараттың тиімділігі мен қауіпсіздігін зерттеу жүргізілмеген. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Эфлейра® препаратының көлік құралдарын басқару және машиналармен және/немесе механизмдермен жұмыс істеу қабілетіне әсері туралы деректер жоқ.

Жүктілік Жүкті әйелдерде шаранаға әсері туралы зерттеулер жүргізілген жоқ. Препарат жүктілік кезінде қолдануға қарсы көрсетілімді. Бала туатын жастағы әйелдер және олардың жыныстық серіктестері ем жүргізу кезінде және ем аяқталғаннан кейін 12 ай бойы контрацепцияның тиімді құралдарын пайдалануға тиіс. Лактация Нетакимабтың емшек сүтіне енуі туралы деректер жоқ. Нетакимаб жататын G класының иммуноглобулиндері ананың қанайналымы кезінде емшек сүтімен бөлінуі мүмкін екенін ескере отырып, емшек емізу кезеңінде қолдануға болмайды. Балаға теріс әсер етпеу үшін ана мен балаға пайда мен қауіптің арақатынасын ескере отырып, емшек емізуді немесе емді тоқтату керек.

Нетакимабтың басқа дәрілік препараттармен қолайсыз дәрілік өзара әрекеттесуінің болуы туралы мәліметтер осы уақытқа дейін алынған жоқ. Нетакимаб глюкокортикоидтардың, метотрексаттың, сульфасалазиннің, лефлуномидтің және басқа да негізгі қабынуға қарсы препараттардың иммуносупрессивті әсерін күшейтуі мүмкін деп болжанады. Препаратты басқа дәрілік заттармен араластыруға, инфузия түрінде енгізуге қатаң тыйым салынады.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 2-ден 8 °C-ге дейінгі температурада. Мұздатып қатыруға болмайды. Балалардың қолы жетпейтін жерде сақтау керек.