Юнидокс Солютаб® таблетки 100 мг

Бір таблетканың құрамында: белсенді зат - 100 мг доксициклин (доксициклин моногидраты түрінде); қосымша заттар: микрокристалды целлюлоза, сахарин, гипролоза (аз мөлшерде), гипромеллоза, сусыз коллоидты кремнийдің қостотығы, магний стеараты, лактоза моногидраты. Сыртқы түрінің, иісінің, дәмінің сипаттамасы Дөңгелек, екі жақ беті дөңес, ашық-сары түстен немесе қоңырға дейінгі сұрғылт-сары түсті, теңбілдері бар, бір жақ бетінде «173» өрнектелген және басқа бетінде сызығы бар таблеткалар.

Доксициклин грамоң және грамтеріс бактериялар мен кейбір микроорганизмдердің сезімтал штаммдары туындатқан түрлі инфекцияларды емдеуде тиімділігін көрсетті. Тыныс алу жолдарының инфекциялары • Пневмония және Streptococcus pneumoniae, Haemophilus influenzae, Klebsiella pneumoniae сезімтал штаммдары және өзге де микроорганизмдер туындатқан төменгі тыныс алу жолдарының инфекциялары. • Mycoplasma pneumoniae туындатқан пневмония. • Созылмалы бронхит, синусит. Несеп-жыныс жүйесінің инфекциялары • Klebsiella spp., Enterobacter spp., Escherichia coli, Streptococcus faecalis және өзге де микроорганизмдердің сезімтал штаммдары туындатқан инфекциялар. Жыныстық жолмен берілетін аурулар • Chlamydia trachomatis туындататын аурулар, соның ішінде асқынбаған уретральді, эндоцервикальді немесе ректальді инфекциясы. • Ureaplasma urealyticum (T-mycoplasma) туындататын гонококкты емес уретрит. • Доксициклин сондай-ақ шанкроид (жұмсақ шанкр), шаптық гранулема және венериялық лимфогранулема кезінде қолданылады. • Доксициклин созды және мерезді емдеудегі баламалы дәрілік препарат болып табылады. Тері инфекциялары • Безеу ауруы (acne vulgaris), егер антибиотиктермен ем көрсетілсе. • Доксициклин басқа тетрациклиндермен емдеуге жақсы келетін мына инфекцияларды емдеуде тиімді болуы мүмкін: Көз инфекциялары, сезімтал гонококктар, стрептококктар, стафилококктар және Haemophilus influenzae туындатқан. • Трахома, алайда иммунофлюоресценция деректері бойынша, инфекциялық агенттің элиминациясына әрқашан қол жеткізу мүмкін емес. • Конъюнктивитті қосылыстарымен емдеуді доксициклинді пероральді қабылдаумен немесе жергілікті әсер ететін дәрілермен біріктіріп жүзеге асыруға болады. Риккетсиоздар • Таулы жердегі дақты қызба, сүзек, Ку қызбасы, коксиеллезді эндокардит және кене қызбасы) Өзге инфекциялар • Орнитоз, бруцеллез (стрептомицинмен біріктірілімде), тырысқақ, бубон обасы, эндемиялық және эпидемиялық қайтымды сүзек, туляремия, мелиоидоз, хлорохинге төзімді тропикалық безгек және жедел ішек амебиазы (амебоцидтік дәрілік затқа қосымша дәрі ретінде). Доксициклин лептоспирозаны, газды гангренаны және сіреспені емдеудегі баламалы дәрілік зат болып табылады. Доксициклин келесі жағдайларда профилактикалық мақсатта қолданылады: цуцугамуши қызбасы (жапондық өзен қызбасы), «саяхатшылар диареясы» (энтеротоксигенді Escherichia coli туындатқан), лептоспироз және безгек. Безгектің профилактикасы үшін доксициклин қоздырғыш резистенттілігінде өзгерістер болуына байланысты қолданыстағы нұсқаулықтарға сәйкес қолданылады.

ATХ коды J01AA02 Әсер ету механизмі Тетрациклиндер тобындағы әсер ету ауқымы кең антибиотик. Бактериостатикалық әсер етеді, рибосомалардың 30S суббірлігімен әрекеттесу арқылы микроб жасушасындағы ақуыз синтезін тежейді. Микроорганизмдердің резистенттілігі әдетте плазмидалармен немесе транспозондармен байланысты. Негізгі резистенттілік механизмі тетрациклиндердің бактериялық жасушадан шығарылуының жоғарылауымен байланысты. Табиғи сезімталдығы бар микроорганизмдер түрлерінің арасында резистентті штаммдар арасында маңызды жергілікті айырмашылықтар болуы мүмкін. Streptococcus pyogenes, Streptococcus pneumoniae және Enterococcus faecalis кейбір штаммдары тетрациклиндерге резистентті. Сондықтан тетрациклиндерді бактериялардың оларға сезімталдығы расталғанға дейін стрептококк инфекцияларында қолдануға болмайды. А тобындағы бета-гемолитикалық стрептококктан туындаған жоғарғы тыныс алу жолдарының инфекцияларында (соның ішінде жедел артрит профилактикасы үшін) басқа дәрілік препараттар көрсетілген. Тетрациклин тобының антибиотиктері арасында айқаспалы резистенттілік тән. Доксициклиннің адамдағы сібір ойық жарасын емдеудегі клиникалық тиімділігінің қол жетімді деректері жеткіліксіз. Сібір ойық жарасын емдеу бойынша қолданыстағы ұлттық және/немесе халықаралық ұсынымдарға жүгіну керек. Доксициклиннің оба (Yersinia pestis тудыратын) еміндегі және туляремия (francisella tularensis тудыратын) еміндегі клиникалық тиімділігінің қол жетімді деректері адамдарда жеткіліксіз. Оба мен туляремияны емдеу бойынша қолданыстағы ұлттық және/немесе халықаралық ұсынымдарға жүгіну керек.

Дозалау режимі Ұсынылған дозаны арттырған кезде жағымсыз әсерлердің пайда болу жиілігі ұлғаюы мүмкін. Емді, кемінде, симптомдар мен температура қайтқаннан кейін 24-48 сағат жалғастыру керек. Стрептококкты инфекцияларды емдеу ревматизмнің немесе гломерулонефриттің дамуына жол бермеу үшін 10 күн бойы жүргізу керек. Ересек пациенттер және 12-18 жас аралығындағы балалар Ересектер және 12 -18 жас аралығындағы балалардағы жедел инфекцияларды емдеуге арналған доксициклиннің стандартты дозасы бірінші күні 200 мг құрайды (1-2 дозада), содан кейін демеуші дозасы тәулігіне 100 мг құрайды. Ауыр инфекциялар жағдайында доксициклинмен емдеу курсы бойы тәулігіне 200 мг дозада тағайындалады. 8 жастан 12 жасқа дейінгі балалар. Доксициклинді 8-12 жас аралығындағы балаларда жедел инфекцияларды емдеу үшін қолдану басқа препараттар болмаса, тиімділігі екіталай болған немесе қарсы көрсетілген жағдайларда мұқият негізделген болуы тиіс. 8 жасар немесе одан үлкен және дене салмағы 45 кг аз балалардағы ұсынылған дозалау режимі емнің бірінші күні дене салмағының 4 мг/кг (бір қабылдауға бір рет қолданады), сосын келесі күндері дене салмағының 2 мг/кг (бір қабылдауға) құрайды. Тәулігіне дене салмағының 4 мг/кг дейінгі дозаларды бүкіл емдеу курсы барысында ауыр инфекцияларда қолдануға болады. 100 мг төмен (дене салмағы 45 кг төмен балалардағы демеуші доза) доза Юнидокс Солютаб® препаратын қолдану кезінде алынуы мүмкін емес. Осы мақсатта құрамында доксициклин бар басқа дәрілік препараттар қолданылады. Дене салмағы 45 кг жоғары балалар препаратты ересектерге арналған дозада қабылдауы тиіс. Кейбір ауруларды емдеуге арналған ұсынылған дозалар: Безеу ауруы (acne vulgaris) - 6-12 апта ас немесе сұйықтық қабылдау уақытында тәулігіне 50 мг. Жыныстық жолмен берілетін инфекциялар: - асқынбаған гонококктық инфекциялар (еркектердегі аноректальді инфекцияларды қоспағанда); асқынбаған уретральді, Chlamydia trachomatis туындатқан эндоцервикальді немесе ректальді инфекция; Ureaplasma urealyticum туындатқан гонококктық емес уретрит. Доксициклиннің ұсынылған дозасы 7 күн бойы 2 рет 100 мг. - Chlamydia trachomatis немесе Neisseria gonorrhoea туындатқан жедел эпидидимоорхит - 10 күн бойы тәулігіне екі рет 100 мг. - бастапқы және салдарлы мерез: пенициллиндерге аллергиясы бар жүкті емес пациенттерді емдеу үшін ықтимал сызбалар - пенициллиндермен емдеу баламасы түрінде екі апта бойы күніне екі рет 200 мг. Бастапқы және қайталама мерез - тәулігіне 200 мг кем дегенде 14 күн. Венериялық лимфогранулема (Lymphogranuloma venereum (LGV)) - 21 күн бойы 200 мг. Borrelia (боррелиоздар) түрінің микроорганизмдері туындатқан аурулар - 10-21 күн бойы тәулігіне 200 мг (аурудың ерте сатысы) және анағұрлым кеш көріністелу жағдайында 1 айға дейін. Эндемиялық (қоздырғышты тасымалдаушы — кене) және эпидемиялық (қоздырғышты тасымалдаушы — бит) қайталама іш сүзегі - ауырлық дәрежесіне байланысты 100 немесе 200 мг бір реттік доза. Хлорохинге төзімді тропикалық безгекті емдеу - ересектер: кем дегенде 7 күн бойы тәулігіне 200 мг. • 8 жастан асқан балалар: тәулігіне екі рет 2,2 мг/кг кем дегенде 7 күн (тәулігіне 200 мг дозаға дейін). Аурудың ықтимал ауырлығына байланысты доксициклинмен бірге шизонтоцидті безгекке қарсы препаратты, мысалы, хининді қабылдау керек. Безгек профилактикасы - Ересектер мен 12 жастан асқан балалар үшін тәулігіне 100 мг. Профилактиканы безгек бар аумақтарына жібергенге дейін 1-2 күн бұрын бастауға болады. Препаратты безгек бар аудандарда болудың барлық мерзімінде күнделікті және кеткеннен кейін 4 апта бойы қабылдау керек. Сібір ойық жарасы: • жанасудан кейінгі профилактика: 60 күн бойы тәулігіне екі рет 100 мг • сібір ойықжарасының терілік түрі: 60 күн бойы тәулігіне екі рет 100 мг • сібір ойықжарасының өкпелік/асқазан-ішек түрі: басында тәулігіне екі рет 100 мг біріктірілген ем құрамында, емнің жалпы ұзақтығы 60 күн. Цуцугамуши қызбасының профилактикасы - 200 мг бір рет. Ересектердегі саяхатшылар диареясының профилактикасы - саяхаттың алғашқы күні 200 мг (бір рет немесе әрбір 12 сағат сайын 100 мг), сосын тиісті аймақта болудың барлық мерзімі ішінде күн сайын 100 мг. Препаратты профилактикалық мақсатта 21 күннен артық қолдану бойынша деректер жоқ. Лептоспироз профилактикасы - тиісті аймақта болудың барлық мерзімі ішінде аптасына бір рет 200 мг және саяхат аяқталғаннан кейін 200 мг. Препаратты профилактикалық мақсатта 21 күннен артық қолдану бойынша деректер жоқ. Таулы жердегі дақты қызба - Ересектер: әр 12 сағат сайын 100 мг. - Дене салмағы 45 кг аз балалар: дене салмағына 2,2 мг/кг, күніне екі рет. - Салмағы 45 кг немесе одан жоғары балалар ересектерге арналған дозаны қабылдауы керек. Дене температурасы төмендегеннен кейін және клиникалық жақсарудың дәлелі болмағаннан кейін пациенттерді кем дегенде 3 күн емдеу керек. Емдеудің ең төменгі курсы - 5-7 күн. Доксициклинді егде жастағы пациенттерге стандартты дозада ешқандай арнайы сақтық шараларынсыз тағайындауға болады. Пациенттердің ерекше топтары Балалар Доксициклин 8 жасқа дейінгі балаларда қолдануға қарсы көрсетілген. Егде жастағы пациенттер Юнидокс Солютаб® ұсақталатын таблеткалары егде жастағы пациенттер үшін қолайлы дәрілік түрі болуы мүмкін, себебі олар өңештің тітіркенуіне және ойық жаралардың пайда болуына аз әкеледі. Доксициклинді егде жастағы пациенттерге стандартты дозада ешқандай арнайы сақтық шараларынсыз тағайындауға болады. Бауыр жеткіліксіздігі бар пациенттер Бауыр жеткіліксіздігі бар пациенттерде немесе ықтимал гепатоуытты әсері бар препараттарды қабылдайтын пациенттерде препаратты сақтықпен қолдану керек. Тетрациклиндерді, соның ішінде доксициклинді пероральді және парентеральді қабылдағаннан кейін бауыр функциясының бұзылуы туралы хабарланды. Бүйрек жеткіліксіздігі бар пациенттер Бүйрек жеткіліксіздігі кезінде дозаны түзету қажет емес. Енгізу әдісі мен жолы Ұсақталатын таблеткалар тек пероральді қолдануға арналған. Таблетканы бір стақан суға қосып, біркелкі ерігенше (кем дегенде 50 мл) жақсылап араластыру керек. Қоспаны дереу қабылдаған жөн. Өңеш тітіркенуінің туындау және ойықжараның пайда болу қаупін төмендету үшін ұйқыға дейін біраз уақыт бұрын отырған немесе тұрған күйде қабылданады. Асқазан тітіркенген жағдайда доксициклинді тағаммен немесе сүтпен қабылдау ұсынылады. Доксициклиннің сіңірілуі тағам мен сүттің бір уақытта қорытылуына елеулі ықпал көрсетпейді. Дәрілік препараттың бір немесе бірнеше дозасын өткізіп алған кезде қажетті шаралар Өткізіп алған дозаны толтыру үшін қосарлы дозаны қабылдауға болмайды. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Егер осы дәрілік препаратты қолдану туралы қосымша сұрақтар туындаса, дәрігерден немесе фармацевттен кеңес алу керек.

- әсер етуші затқа немесе қосымша заттардың кез келгеніне аса жоғары сезімталдық - басқа тетрациклиндерге аса жоғары сезімталдық - 8 жасқа дейінгі балалар - жүктілік және лактация кезеңі - тұқым қуалайтын фруктоза көтере алмаушылығы, Lapp-лактоза ферментінің тапшылығы, глюкоза-галактоза мальабсорбциясы

Жиі - аса жоғары сезімталдық реакциялары (соның ішінде анафилаксиялық шок, анафилаксиялық реакция, анафилактоидты реакция, анафилактоидты пурпура, гипотензия, перикардит, ангионевроздық ісіну, жүйелі қызыл жегінің өршуі, ентігу, сарысу құю ауруы, шеткері ісінулер, тахикардия және есекжем) - бас ауыру - жүрек айнуы, құсу, артқы өтіс аймағының қышуы, тілдің қараюы, стоматит, аногенитальді аймақтағы қабыну - макулопапулезді және эритематозды бөртпе, фотосезімталдық - сүйек тіні дамуының бұзылуы - тіс дамуының бұзылуы, терінің тітіркенуі Жиі емес - қынаптық инфекция - диспепсия (қыжыл/гастрит) Сирек - кандидозды инфекция - гемолиздік анемия, тромбоцитопения, нейтропения, эозинофилия - эозинофилиямен және жүйелік симптомдармен дәрілік реакция (DRESS) - Яриш-Герксгеймер реакциясы - қалқанша безі тінінің қою қоңыр түске боялуы (ұзақ қолдану кезінде) - анорексия (тәбеттің төмендеуі) - порфирия - мазасыздану - еңбектің дүмпиюі, қатерсіз бассүйекішілік гипертензия (бас ауыруымен, құсумен, көру қабілетінің бұзылуымен, соның ішінде анық көрмеу, скотома, диплопия немесе қайтымсыз көрмей қалумен бірге жүруі мүмкін) - құлақтың шыңылдауы - қатерсіз бассүйекішілік гипертензиямен байланысты көрудің бұзылуы (pseudotumor cerebri) - перикардит - ысынулар - панкреатит, іштің ауыруы, диарея, глоссит, стоматит, дисфагия, диспепсия - жалған жарғақшалы колит, Clostridium difficile туындаған колит - эзофагит, өңештің ойық жарасы - энтероколит (оның ішінде стафилококкты энтерит), В тобындағы дәрумендер өндіретін бактериялардың өсуін бәсеңдету - анус-гениталия аумағының қабынып зақымданулары (монилиалдардың шамадан тыс өсуінен) - бауыр жеткіліксіздігі, гепатит, бауыр функциясының бұзылуы, бауыр ферменттері белсенділігінің транзиторлы жоғарылауымен гепатоуыттылық, сарғаю - Стивенс-Джонсон синдромы, уытты эпидермалық некролиз, есекжем, эксфолиативті дерматит - фотоонихолизис (тырнақтың ұшындағы бөлігінің тырнақ орнынан бөлініп кетуі, ол кейде күн сәулесінің әсерінен кейін тырнақ пластинасының толық қабатталуына әкеледі) - артралгия, миалгия - қандағы мочевина деңгейінің жоғарылауы Белгісіз (қолда бар деректер негізінде бағалау мүмкін емес) - протромбин уақытының ұлғаюы - тахикардия - бекітілген дәрілік бөртпе, терінің гиперпигментациясы - тіс эмалінің гипоплазиясы - тіс түсінің қайтымсыз өзгерісі Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Антибиотиктердің жедел артық дозалануы сирек кездеседі. Артық дозаланған жағдайда препаратты қабылдауды тоқтату керек. Симптомдары: бауырдың зақымдануынан туындаған жағымсыз реакциялардың күшеюі - құсу, қызудың көтерілуі, сарғаю, азотемия, трансаминаза деңгейінің жоғарылауы, протромбин уақытының артуы. Емі: асқазанды шаю және тиісінше демеуші ем көрсетілген. Диализ қан сарысуының жартылай шығарылу кезеңіне әсер етпейді, сондықтан артық дозалану жағдайларын емдеуде пайда әкелмейді.

Бауыр функциясы бұзылған пациенттерде қолдану Юнидокс Солютаб® препаратын бауыр жеткіліксіздігі бар пациенттерге немесе ықтимал гепатоуытты әсері бар препараттарды қабылдайтын пациенттерге сақтықпен тағайындау керек. Тетрациклиндерді, соның ішінде доксициклинді пероральді және парентеральді қабылдағаннан кейін бауыр функциясының бұзылуы туралы сирек хабарланды. Бүйрек жеткіліксіздігі бар пациенттерде қолдану Бүйрек функциясы қалыпты адамдарда 72 сағат ішінде доксициклиннің бүйрек арқылы шығарылу көлемі шамамен 40% құрайды. Бүйрек жеткіліксіздігі ауыр адамдарда (креатинин клиренсі 10 мл/мин төмен) 72 сағат ішінде осы шығарылу проценті 1-5% - ға дейін төмендеуі мүмкін. Зерттеулерде бүйрек функциясы қалыпты адамдарда және бүйрек жеткіліксіздігі ауыр адамдарда доксициклиннің жартылай шығарылу кезеңінің мәндерінде айтарлықтай айырмашылықтар анықталған жоқ. Гемодиализ доксициклиннің жартылай шығарылу кезеңінің мәнінің өзгеруіне әкелмеді. Тетрациклиндердің антианаболизмдік әсері қандағы мочевина концентрациясының жоғарылауына әкелуі мүмкін. Зерттеулерде Юнидокс Солютаб® препаратын қабылдау кезінде бүйрек функциясы бұзылған пациенттерде антианаболизмдік әсердің болмауы көрсетілген. Терінің ауыр реакциялары Доксициклин қабылдаған пациенттерде эксфолиативті дерматит, мультиформалы эритема, Стивенс-Джонсон синдромы, уытты эпидермалық некролиз және эозинофилиямен және жүйелік симптомдары бар (DRESS) дәрілік реакция сияқты ауыр терінің ауыр реакциялары тіркелді. Терінің ауыр реакциялары пайда болса, доксициклинді қабылдауды дереу тоқтатып және тиісті емді тағайындау керек. Фотосезімталдық Тетрациклиндерді, соның ішінде доксициклинді қабылдаған кейбір пациенттерде күн сәулесінің әсері нәтижесінде қатты күйік ретінде көріністелген фотосезімталдық жағдайлары байқалды. Тікелей күн сәулесінің немесе ультракүлгін сәуленің әсеріне ұшырауы мүмкін пациенттерге тетрациклиндерді қабылдаған кезде мұндай реакция туралы ескерту керек және тері эритемасының алғашқы белгілері пайда болған кезде емдеуді тоқтату керек. Доксициклин қабылдаған пациенттерде сондай-ақ фотоонихолизис туралы да хабарланған. Идиопатиялық бассүйекішілік гипертензия Тетрациклиндер қабылдаған жаңа туған нәрестелерде еңбектің дүмпиюі туралы хабарланды. Идиопатиялық бассүйекішілік гипертензияның пайда болуы (pseudotumor cerebri) тетрациклиндерді, соның ішінде доксициклинді қабылдаумен байланысты. Идиопатиялық бассүйекішілік гипертензия (pseudotumor cerebri) әдетте уақытша болып табылады, дегенмен тетрациклиндерді, соның ішінде доксициклинді қабылдау кезінде бассүйекішілік гипертензиядан (pseudotumor cerebri) туындаған тұрақты көрмей қалу туралы хабарланды. Емдеу кезінде көру қабілеті бұзылған жағдайда дереу офтальмологиялық тексеруден өту ұсынылады. Бассүйекішілік гипертензия препаратты тоқтатқаннан кейін бірнеше аптаға дейін сақталуы мүмкін болғандықтан, пациенттер олардың жағдайы тұрақталғанға дейін бақылауда болуы керек. Изотретиноинді немесе басқа жүйелік ретиноидтар мен доксициклинді бір мезгілде қолданудан аулақ болу керек, өйткені изотретиноин де қатерсіз бассүйекішілік гипертензияны (pseudotumor cerebri) тудыратыны белгілі. Микроорганизмдердің шамадан тыс өсуі Антибиотиктерді қолдану кейде сезімтал емес микроорганизмдердің, соның ішінде Candida тектес зеңдердің шамадан тыс өсуіне әкелуі мүмкін. Резистентті микроорганизмдер пайда болғанда, бұл антибиотикті қабылдауды тоқтатып, емді түзету керек. Жалған жарғақшалы колиттің дамуы барлық дерлік бактерияға қарсы препараттармен, соның ішінде ауырлығы әртүрлі доксициклинмен: жеңілден өмірге қауіп төндіретінге дейін. Бұл диагнозды бактерияға қарсы препараттарды қабылдағаннан кейін пайда болатын диареямен ауыратын пациенттерде қарастыру керек. Барлық дерлік бактерияға қарсы препараттарды, соның ішінде доксициклинді де қабылдау кезінде, ауырлығы әртүрлі дәрежедегі: жеңілден өліммен аяқталатын колитке дейінгі Clostridium difficile - астасқан диарея (CD-АД) дамығаны туралы хабарланды. Бактерияға қарсы препараттармен емдеу ішектің қалыпты флорасының жоғалуына және C. difficile шамадан тыс өсуіне әкеледі. C. difficile CD-АД дамуына ықпал ететін А және В токсиндерін өндіреді. Гипертоксин өндіретін C. difficile штаммдары аурушаңдық пен өлім жилігін жоғарылатуы мүмкін, өйткені бұл инфекциялар микробқа қарсы емге төзімді болуы мүмкін және колэктомия қажет болуы мүмкін. CD-АД антибиотиктерді қабылдағаннан кейін пайда болатын диареямен ауыратын барлық пациенттерде ескерілуі керек. Медициналық картаны мұқият жүргізу қажет, өйткені CD-АД антибиотикалық ем аяқталғаннан кейін екі айдан астам уақыт ішінде пайда болуы мүмкін. Эзофагит Тетрациклин препараттарын, соның ішінде доксициклинді капсула немесе таблетка түрінде қабылдайтын пациенттерде эзофагиттің дамуы және өңеш ойық жарасының пайда болуы туралы хабарланды. Мұндай пациенттердің көпшілігі препараттарды дәл ұйықтар алдында немесе жеткіліксіз мөлшердегі сұйықтықпен қабылдаған. Порфирия Тетрациклиндер алатын пациенттерде порфирия дамуының сирек жағдайлары туралы хабарланды. Венериялық аурулар Қатар жүретін мерезге күдікті венериялық ауруларды емдеу кезінде диагностиканың қажетті әдістерін, соның ішінде күңгірт жолақтағы микроскопияны қолдану керек. Барлық осындай жағдайларда кем дегенде төрт ай қатарынан серологиялық зерттеу жүргізу керек. Бета-гемолитикалық стрептококктардан туындаған инфекциялар А тобының бета-гемолитикалық стрептококктарынан туындаған инфекцияларды емдеуді кемінде 10 күн бойы жүргізу керек. Миастения гравис Әлсіз жүйке-бұлшықет блокадасының даму қаупін ескере отырып, миастения гравис бар пациенттерге тетрациклиндерді тағайындағанда абай болу керек. Жүйелі қызыл жегі (ЖҚЖ) Тетрациклиндер ЖҚЖ өршуіне әкелуі мүмкін. Метоксифлуран Тетрациклиндер мен метоксифлуранды бір мезгілде қолданғанда сақ болу керек. Яриш-Герксхаймер реакциясы Патогендік спирохеттерден туындаған инфекциялық аурулары бар кейбір пациенттер доксициклинді қолдануды бастағаннан кейін көп ұзамай Яриш-Герксгеймер реакциясын дамыта алады. Пациенттерді бұл реакцияның пайда болуы аталған инфекциялық аурулардың антибиотикотерапия салдары болып табылатындығын және әдетте бұл реакцияның көріністері өздігінен жойылатындығы тыныштандыру керек. Арнайы ескертулер Педиатрияда қолдану Тетрациклиндер тобының препараттарын тістің өсіп-дамуы кезеңінде (жүктіліктің соңғы жартысы, нәрестелік кез және 8 жасқа дейінгі балалар) қолдану тістердің түсінің тұрақты өзгеруіне (сары-сұр-қоңыр) әкелуі мүмкін. Бұл жағымсыз реакция препараттарды ұзақ уақыт қолданғанда жиі кездеседі, бірақ қысқа мерзімді қайталау курстарынан кейін де байқалды. Эмаль гипоплазиясы туралы да хабарланды. 8 жасқа дейінгі балаларда доксициклинді егер ауыр немесе өмірге қауіп төндіретін жағдайларда (мысалы, Таулы жердегі дақты қызба) потенциалды пайдасы болжамды қауіптен астам болуы күтілген жайларда ғана, емнің барлық басқа нұсқалары тиімсіз немесе қарсы көрсетілімде болған жағдайда ғана қолдану керек. Тұрақты тістердің түсі боялу қаупі 8-ден 12 жасқа дейінгі балаларда сирек кездесетін болса да, доксициклинді қолдану басқа препараттар табылмағанда, тиімділігі екіталай немесе қарсы көрсетілген жағдайларда мұқият негізделуі тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Доксициклиннің көлік құралын басқару қабілетіне әсері зерттелмеген. Бас айналу, көрудің бұлыңғырлануы немесе көзге қос көріну дамыған жағдайда автокөлікті немесе механизмдерді басқару ұсынылмайды.

Юнидокс Солютаб® жүктілік кезінде қарсы көрсетілген. Жүктілік кезінде тетрациклиндерді қабылдаумен байланысты қауіптер негізінен шарананың тісі мен қаңқасының дамуына әсер етеді деп саналады. Тетрациклиндер шаранаға (остеогенездің баяулауы) және тіс эмалінің қалыптасуына (түсінің қайтымсыз өзгеруі, гипоплазия) теріс әсер етеді. Тетрациклиндер емшек сүтіне бөлінеді, сондықтан олар бала емізу кезінде қарсы көрсетілген. Шаранаға жағымсыз әсер ететіндіктен, доксициклин, басқа тетрациклиндер сияқты, бала емізу кезінде қолданылмайды. Егер тетрациклиндерді тағайындау қажет болса, бала емізу тоқтатылады. Қант диабеті Юнидокс Солютаб® препаратының 1 таблеткасында 0,064 г лактоза моногидраты бар. Препаратты қант диабетімен ауыратын пациенттерге сақтықпен тағайындау керек. Қосымша заттар Егер Сіздің дәрігеріңіз Сізге бұрын кейбір қанттарға көтере алмаушылығыңыз бар екенін айтқан болса, осы дәрілік препаратты қабылдамас бұрын емдеуші дәрігерге хабарласыңыз.

Құрамында алюминий, кальций, магний бар антацидтерді немесе көрсетілген катиондары бар басқа препараттарды; құрамында мырыш, темір және висмут тұздары бар пероральді дәрілік препараттарды бір мезгілде қабылдау кезінде доксициклиннің сіңуі төмендеуі мүмкін. Осы препараттарды қабылдау арасында мүмкін болатын ең көп уақыт өтуі керек. Доксициклин пенициллиннің бактерицидтік әсерін бұзуы мүмкін болғандықтан, оларды бірге қабылдаудан аулақ болу ұсынылады. Варфарин мен доксициклин қабылдаған пациенттерде протромбин уақытының ұлғаюы туралы хабарланды. Тетрациклиндер қан плазмасындағы протромбиннің белсенділігін төмендетеді, оларды бірге қабылдаған жағдайда антикоагулянттардың дозасын азайту қажет болуы мүмкін. Пациенттер барбитураттарды, карбамазепинді немесе фенитоинді бір мезгілде қабылдаған кезде қан сарысуындағы доксициклиннің жартылай шығарылу кезеңі төмендеуі мүмкін. Юнидокс Солютаб® дәрілік препаратының тәуліктік дозасын ұлғайту мүмкіндігін қарастыру қажет. Алкоголь доксициклиннің жартылай шығарылу кезеңінің төмендеуіне әкелуі мүмкін. Тетрациклин антибиотиктері мен пероральді контрацептивтерді бірге қабылдаған кезде жүктіліктің немесе етеккір аралық қан кетудің бірнеше жағдайлары туралы хабарланды. Доксициклин қан плазмасындағы циклоспорин концентрациясын жоғарылатуы мүмкін. Бірлескен қабылдау қажетті бақылауды қажет етеді. Нефроуыттылыққа байланысты тетрациклиндер мен метоксифлуранды бірге қабылдағанда өлім жағдайлары туралы хабарланды. Изотретиноинді немесе басқа жүйелік ретиноидтар мен доксициклинді бірге қабылдаудан аулақ болу керек. Аталған препараттардың әрқайсысы оны жеке қолданған кезде идиопатиялық бассүйекішілік гипертензияның (pseudotumor cerebri) дамуына әкелді. Зертханалық зерттеулерге әсері Флуоресцеинмен өзара әрекеттесу нәтижесінде несептегі катехоламиндер концентрациясының жалған жоғарылауы мүмкін.

Сақтау мерзімі 5 жыл. Жарамдылық мерзімі өткеннен кейін қолдануға болмайды! Сақтау шарттары 25ºС-ден аспайтын температурада сақтау керек. Балалардың қолы жетпейтін жерде сақтау керек!