Ю-ТРИП порошок 100000 МЕ

Бір құтының ішінде белсенді зат – 100000 ХБ улинастатин, қосымша заттар: маннитол, сахароза, натрий хлориді, натрий гидрофосфат дигидраты, фосфор қышқылы. Сыртқы түрінің, иісінің, дәмінің сипаттамасы Ақтан ақшыл-сары түске дейінгі лиофилизацияланған ұнтақ.

Ұйқы безінің жедел қабынуын (панкреатит), созылмалы панкреатитті асқыну сатысында, эндоскопиялық ретроградтық панкреатохолангиографиядан (ЭРПХГ) кейін емдеу.

ATХ коды B02AB05 Улинастатин адамның несебінде және қанында кездесетін Кунитц типті серин протеазасының поливалентті тежегіші болып табылады. Улинастатин қабыну маркерлерін, трипсинді, ұйқы безінің эластазасын, лейкоциттік эластазаны және ФНО-альфа мен интерлейкин 1, 8 және 6 өндірісін тежейді. Улинастатин эластаза нейтрофилдерінің шығарылуының жоғарылауын әлсіретеді, осылайша қабынуға қарсы цитокиндердің өсуін баяулатады, сондай-ақ қабынуға қарсы цитокиндердің il-1, IL-6, IL-8, IL-10, IL-11, TNF, NO, PAF секрециясын тежейді. Ол коагуляция мен фибринолизді тежейді және микроперфузияға ықпал етеді. Лизосомалық жарғақшаларды тұрақтандыруға және бос оттегі радикалдарының өндірісін азайтуға мүмкіндік береді. Улинастатин әртүрлі гидролазалардың белсенділігін және қабыну медиаторларының босатылуын тежейді және микроциркуляцияны және тіндік перфузияны жақсартады. Бұл жедел панкреатитті, созылмалы қайталанатын панкреатитті емдеуде тиімді препарат болып табылады. Улинастатин жүйелік қабыну реакциясы синдромының (SIRS) дамуын бөгейді және маңызды ағзалардың функциясын қорғайды. Трипсин, тромбин, химотрипсин, калликреин, плазмин, эластаза, катепсин және Хa, Xia және Xlla факторлары сияқты сериннің әртүрлі протеазаларын улинастатин басады. Улинастатин қабынуға қарсы локализацияланған әсерге ие және трипсиннің бірқатар тіндерге, ең алдымен ұйқы безінің тіндеріне протеолитикалық әсерін басады. Улинастатин бұл протеазалардың белсенділігін басу арқылы ағзаның зақымдалуына жол бермейді. Препарат сонымен қатар операциядан кейінгі кезеңде организмнің қорғаушы әсерін көрсетеді.

Дозалау режимі 100 000 ХБ улинастатиннен 1-ден 2 құтыға дейін 100 мл 0,9% натрий хлоридінің немесе 5% декстроза ерітіндісінде қалпына келтіріп және 1 сағат ішінде күніне 1-3 рет вена ішіне құю арқылы енгізу керек. Емдеу ұзақтығы-3-5 күнді құрайды. Доза пациенттердің жасына және симптомдардың ауырлығына байланысты түзетіледі. Қалпына келтіру тәсілі: Ұсынылатын сұйылтқыштар немесе инфузияға арналған сұйықтық: 0,9% натрий хлориді немесе 5% декстроза ерітіндісі. 1. Иненің ұшын құтының қабырғасына бағыттай отырып, құтыға 5 мл сұйылтқышты баяу қосыңыз, шприцтегі инені қысқа уақытқа босатып, қалдық вакуумды жойыңыз. 2. Құтыны еңкейтіп, абайлап айналдырыңыз. Еруді стимуляциялау үшін айналдыру арқылы ішіндегісін мұқият араластырыңыз. Көбіктенбеу үшін шайқамаңыз. 3. Ұнтақ толығымен ерігеннен кейін құтының ішіндегісін 100 мл инфузиялық сұйықтыққа салыңыз. 4. Препаратты қалпына келтіргеннен кейін бірден енгізіңіз. Енгізу әдісі және жолы Вена ішіне енгізуге арналған.

Әсер етуші затқа (заттарға) немесе қосымша заттардың кез келгеніне аса жоғары сезімталдық

Жағымсыз әсерлер олардың даму жиілігіне сәйкес былайша жіктелген: өте жиі (≥ 1/10), жиі (≥1/100-ден < 1/10-ға дейін), жиі емес (≥1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), жиілігі белгісіз (қолда бар деректер бойынша пайда болу жиілігін анықтау мүмкін болмады). Сирек • бөртпе, қышыну, инъекция орнының ауыруы • аллергиялық реакциялар • АСТ (аспартат аминотрансфераза) және АЛТ (аланин аминотрансфераза) деңгейінің жоғарылауы • жүрек айнуы, құсу, диарея Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Улинастатинді емдік дозадан асатын дозада қолдану тәжірибесі шектеулі. Артық дозаланғанда медициналық бақылау және симптоматикалық емді жүргізу ұсынылады.

Арнайы ескертулер Егер пациентте аллергологиялық анамнез болса, Ю-ТРИП препаратын сақтықпен тағайындау керек. Бұл препаратты тек шұғыл көмек көрсетуге қажетті барлық жабдықтары бар медициналық мекемеде тағайындау қажет, ал пациенттің жағдайы мұқият бақылануы тиіс. Аталған препаратты қолдану стандартты емдеуді алмастырмайды, ол тек соның толықтыруы болып табылады. Педиатрияда қолданылуы Балалар үшін қауіпсіз дозасы әлі анықталған жоқ. Жүктілік Ю-ТРИП препаратын айқын қажеттілік жағдайларын қоспағанда, жүктілік кезеңінде тағайындауға болмайды. Мұндай жағдайларда пациентке шарана үшін потенциалды қауіптің болуы туралы ескерту керек. Лактация кезеңі Ю-ТРИП препаратын қабылдайтын әйелдер емшек емізуден бас тартқаны жөн. Фертильділік Бала туатын жастағы әйелдерге Ю-ТРИП препаратымен емдеу кезінде контрацепцияның тиімді әдістерін қолдану керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ю-ТРИП препараты көлік құралдарын басқару және механизмдермен жұмыс істеу қабілетіне әсер етпейді.

Нұсқаулықта көрсетілмеген.

Ақпарат жоқ.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде 2°C-ден 8°C-ге дейінгі температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!