9 ай Фолий қышқылы таблетки 400 мкг

Бір таблетканың құрамында белсенді зат – фолий қышқылы (фолий қышқылы гидраты) – 0,0004 г (400 мкг) қосымша заттар: лактоза моногидраты, коллоидты кремнийдің қостотығы, коповидон, магний стеараты қабық: поливинил спирті, макрогол, тальк, титанның қостотығы Е 171, Е 172 темірдің сары тотығы бояғышы, Е 104 сары хинолин бояғышына негізделген алюминий лагы. Сыртқы түрінің, иісінің, дәмінің сипаттамасы Екі беті дөңес, сары түсті қабықпен қапталған дөңгелек таблеткалар. Сынған жерінде теңбілдері бар ақшыл-сары түсті.

ДП 18 жастан асқан ересектерде қолдануға арналған • фолий қышқылының тапшылығы • жүктіліктің I триместрінде шарананың жүйке түтігі ақаулары дамуының профилактикасы

В тобының дәрумені (Вс дәрумені, В9 дәрумені) ішек микрофлорасымен синтезделуі мүмкін. Организмде фолий қышқылы түрлі метаболизмдік үдерістерге қатысатын коэнзим болып табылатын тетрагидрофолий қышқылына дейін қалпына келеді. Мегалобластардың қалыпты жетілуі және нормобластардың түзілуі үшін қажет. Эритропоэзды стимуляциялайды, аминқышқылдары (соның ішінде глицин, метионин), нуклеин қышқылдары, пуриндер, пиримидиндердің синтезіне, холин, гистидиннің алмасуына қатысады.

Дозалау режимі Фолий қышқылының тапшылығы кезінде – күніне 400 мкг (1 таблетка). Жүктіліктің 1-ші триместрінде шарананың жүйке түтігі ақаулары дамуының профилактикасы үшін – 400 мкг – 800 мкг (1-2 таблетка). Енгізу әдісі мен жолы Тамақтан кейін ішке қабылдайды. Қабылдау уақыты көрсетілген қолдану жиілігі Фолий қышқылының тапшылығы кезінде – бір мәрте күніне 1 рет. Шарананың жүйке түтігі ақаулары дамуының профилактикасы үшін дозаны 1 немесе 2 қабылдауға болады. Емдеу ұзақтығы Фолий қышқылы тапшылығы кезінде қолдану ұзақтығы шектелмейді. Шаранадағы жүйке түтігі ақаулары дамуының профилактикасы үшін жүктіліктің 1-ші триместрінде қолданылады. Дәрілік препараттың бір немесе бірнеше дозасын өткізіп алу кезіндегі қажетті шаралар Жекелеген дозаларды өткізіп алғанда препараттың қосарлы дозасын қабылдау қажет емес.

• әсер етуші затқа немесе қосымша заттардың кез келгеніне аса жоғары сезімталдық • пернициозды анемия • қатерлі жаңа түзілімдер • кобаламин тапшылығы • 18 жасқа дейінгі балалар мен жасөспірімдер • тұқым қуалайтын галактоза көтере алмаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдар

Жағымсыз әсерлердің даму жиілігінің жіктелуі: өте жиі (≥1/10), жиі (≥1/100, бірақ <1/10), жиі емес (≥1/1000, <1/100), сирек (≥1/10000, <1/1000), өте сирек (<1/10000), жиілігі белгісіз (даму жиілігін бағалау үшін деректер жеткіліксіз). Жиілігі белгісіз Тері бөртпесі, қышыну, бронх түйілуі, эритема, гипертермия, жүрек айнуы, іштің кебуі, ауыздағы ащы дәм, анорексия. Ұзақ қолданғанда В12 гиповитаминозы дамуы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Адамда фолий қышқылының артық дозалануы туралы хабарламалар сипатталмаған. Артық дозалану фолий қышқылын тәулігіне 1000 мкг жоғары дозада ұзақ уақыт қабылдаған кезде (1-2 айдан астам) және дәруменді-минералды кешендермен бірлесіп қолдану нәтижесінде пайда болуы мүмкін. Емі: Артық дозалану жағдайында препаратты тоқтату, асқазанды шаю, белсендірілген көмірді қабылдау, қажет болған жағдайда симптоматикалық ем ұсынылады.

Гиповитаминоз профилактикасы үшін теңестірілген тамақтану дұрыс болады. Фолий қышқылына бай өнімдер – жасыл көкөністер (салат, шпинат), қызанақ, сәбіз, жаңа алынған бауыр, бұршақ тұқымдастар, қызылша, жұмыртқа, ірімшік, жаңғақтар, дәнді дақылдар. Фолий қышқылын В12 тапшылығын (пернициозды), нормоцитарлы және апластикалық анемияны емдеу үшін, сондай-ақ рефрактерлік анемиясын емдеуге қолданылмайды. Пернициозды (В12 тапшылығы) анемия кезінде фолий қышқылы гематологиялық көрсеткіштерді жақсарта отырып, неврологиялық асқынуларды бүркемелейді. Пернициозды анемия жоққа шығарылғанша, фолий қышқылын тәулігіне 0,1 мг асатын дозаларда тағайындау ұсынылмайды (мыналардан басқада – жүктілік және лактация кезеңі). Гемодиализда жүрген пациенттер фолий қышқылының жоғары мөлшерін қажет ететінін ескеру керек. Емдеу кезінде антацидтерді фолий қышқылын қабылдағаннан кейін 2 сағаттан соң, колестираминді – фолий қышқылын қабылдаудан 4-6 сағат бұрын немесе одан кейін 1 сағат өткен соң қабылған дұрыс. Антибиотиктердің плазма және эритроциттердің фолий қышқылы концентрациясына микробиологиялық баға беру нәтижелерін бұрмалауы (жалғандығы белгілі төмендетілген көрсеткіштер беруі) мүмкін екендігін ескерген жөн. Фолий қышқылының жоғары дозаларын қолданғанда, сондай-ақ ұзақ уақыт бойы емделгенде B12 дәрумені концентрациясы төмендеуі мүмкін. Арнайы ескертулер Педиатрияда қолдану 18 жасқа дейінгі балалар мен жасөспірімдерде қолданылмайды Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат айырықша зейін қою мен жылдам реакцияны (автомобиль және басқа да көлік құралдарын басқару, қозғалатын механизмдермен жұмыс істеу, диспетчер мен оператордың жұмысы және т.б.) талап ететін қауіптілігі зор қызмет түрлерін атқаруға әсер етпейді.

Фолий қышқылы жүктілікке дайындық кезеңінде (жоспарланған жүктілік сәтіне дейін 1-3 ай бұрын) және жүкті болудан кейінгі алғашқы бірнеше аптада (I триместр) қажет.

Фенитоиннің әсерін (оның дозасын арттыруды қажет етеді) төмендетеді. Анальгетиктер (ұзақ емдеу), құрысуға қарсы препараттар (соның ішінде фенитоин мен карбамазепин), эстрогендер, пероральді контрацептивтер фолий қышқылына қажеттілікті ұлғайтады. Антацидтер, колестирамин, сульфонамидтер (соның ішінде, сульфасалазин) фолий қышқылының сіңірілуін төмендетеді. Метотрексат, пириметамин, триамтерен, триметоприм дигидрофолатредуктазаны тежейді және фолий қышқылының әсерін төмендетеді (бұл препараттарды қолданатын пациенттерге оның орнына кальций фолинатын тағайындау керек). Хлорамфениколмен, неомицинмен, полимиксиндермен, тетрациклиндермен бір мезгілде қолданғанда фолий қышқылының сіңуі төмендейді.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!