SII-ОНКО-БЦЖ лиофилизированный 40 мг

Бір құтының ішінде белсенді зат - Кальметт және Герен бациллалары (БЦЖ) бактериялық суспензиясы– 40.0 мг (тірі әлсіретілген БЦЖ (Кальметт және Герен бациллалары штаммы/бактериялық өсірінді. Қалпына келтірілген препараттың ішінде 1-19,2 Х 108 КТБ/құты); қосымша зататр: натрий глутаматы. Сыртқы түрінің, иісінің, дәмінің сипаттамасы Қуыққа, қуық ішіне енгізу үшін суспензия дайындауға арналған лиофилизацияланған ұнтақ. Ақтан ақ дерлік түске дейінгі аз мөлшердегі ұнтағы бар түйіршіктер. Қалпына келтірілген ерітінді – бұлыңғыр біркелкі қою ақшыл түсті суспензия.

SII-ОНКО-БЦЖ қуықтың жалпақ жасушалы in Situ уротелиальді карциномасын емдеу үшін және қуықтың шырышты қабығымен шектелген бастапқы немесе қайталанатын беткейлік инвазиялық емес папиллярлық ісіктерді (Ta немесе T1 сатылары) трансуретралық резекциядан кейін қосымша ем ретінде қолданылады. БЦЖ қуықішілік иммунотерапиясы ісіктің қайталану жиілігін азайту және үдеуін болдырмау үшін қолданылады. SII-ОНКО-БЦЖ Ta (2 немесе 3 дәрежедегі) және T1 (1, 2 немесе 3 дәрежедегі) сатылары үшін қолданылады.

Әсер ету механизмі және фармакодинамикалық әсерлер БЦЖ спецификалық емес иммуностимулятор ретінде әрекет етеді және ісік жасушаларына фибронектин ақуызы арқылы шабуыл жасайды, бұл БЦЖ ісік жасушаларына интернализациясына, ретикуло-эндотелий жүйесі жүйелік стимуляциясына ықпал етіп және жергілікті қабыну реакциясы мен жасушалық инфильтрацияны индукциялайды. Бұл ісік жасушаларының лизисіне жауап беретін интерлейкин-2 (IL-2), интерлейкин-12 (IL-12), гамма-интерферон және ісік некрозының факторы α (TNF-α) сияқты цитокиндердің түзілуіне ықпал ететін макрофагтарды, Т және В лимфоциттерін, сондай-ақ NK жасушаларын қосымша белсендіреді.

SII-ОНКО-БЦЖ осы емді жүргізу тәжірибесі бар медицина қызметкері енгізуі тиіс. SII-ОНКО-БЦЖ қалпына келтіргеннен кейін қуық ішіне енгізуге арналған. Дозалау режимі Ересектер және егде жастағы пациенттерНұсқаулыққа сәйкес қалпына келтірілген бір құтының ішіндегісі бір қуықішілік енгізу үшін қолданылады. Индукциялық ем Трансуретралық резекциядан (ТУР) немесе қуық биопсиясынан кейін шамамен 2-3 аптадан соң катетеризацияда жарақат белгілері болмаған жағдайда SII-ОНКО-БЦЖ емін бастау қажет және 6 апта бойы апта сайын жүргізу керек. Егер аралық және қаупі жоғары ісіктер болса, әрі қарай демеуші емді жүргізу қажет. Ем сызбалары төменде сипатталған. Демеуші емКлиникалық зерттеулерге сәйкес, индукциялық курстан кейінгі демеуші ем қатаң түрде ұсынылады. Ұсынылатын демеуші ем сызбасы апталық аралықпен 3 инстилляцияны қамтиды, ол кем дегенде 1 жылдан 3 жылға дейін — 3, 6, 12, 18, 24, 30 және 36 айда жүргізіледі. Осылайша, осы сызба аясында үш жыл ішінде 27 инстилляцияға дейін жүргізілуі мүмкін. Демеуші ем қайталану қаупін азайтатындығына және аурудың үдеуін азайтуы мүмкіндігіне қарамастан, жағымсыз реакциялар мен емдеудің жайсыздығы кейбір пациенттер үшін оның пайдасынан басым болуы мүмкін. Сондықтан демеуші емді бастамас бұрын немесе оны жалғастырмас бұрын пайда мен қаупінің арақатынасын бағалау, сондай-ақ пациенттің қалауын ескеру маңызды. Емдеудің бірінші жылынан кейін әр 6 ай сайын демеуші ем жүргізу қажеттілігі ісік жіктемесі мен клиникалық жауап негізінде қосымша бағалануы тиіс. Педиатриялық популяцияБалалардағы BCG-medac препаратының қауіпсіздігі мен тиімділігі анықталмаған. Деректер жоқ. Пациент сұйықтықты инстилляциядан 4 сағат бұрын және одан кейін 2 сағат ішінде қабылдаудан бас тартуы керек. Катетер қуыққа асептикалық шарттарды сақтай отырап енгізіледі. Несеп шығару жолдарының шырышты қабығының жарақаттану қаупін азайту үшін, сондай-ақ емшарамен байланысты ауыр асқынулар мен жайсыздық қаупін азайту үшін майлағыш заттың жеткілікті мөлшерін қолдану керек. SII-ОНКО-БЦЖ инстилляциясы алдында қуықты босату керек. Катетеризациядан кейін қуықты толығымен босату SII-ОНКО-БЦЖ енгізер алдында қуыққа енуі мүмкін майлағыш заттың қалдық мөлшерін азайтады. SII-ОНКО-БЦЖ қуыққа төмен қысым жағдайында катетер арқылы енгізіледі. Енгізілген SII-ОНКО-БЦЖ суспензиясы қуықта 2 сағат тұруы керек. Осы кезеңде суспензияның қуықтың бүкіл шырышты қабығымен жеткілікті жанасуын қамтамасыз етуі тиіс. Сондықтан пациент мүмкіндігінше белсенді болуы керек немесе төсек тартып жатқан пациент жағдайында оны әр 15 минут сайын бір жақ бүйірінен етпетіне және керісінше аударып, ауыстырып отыру керек. 2 сағаттан кейін пациент қуықты отырған күйінде босатуы керек. Нақты медициналық қарсы көрсетілімдер болмаса, пациентті әр инстилляциядан кейін 48 сағат ішінде гипергидратациялау ұсынылады.

Қуықтың in situ карцинома жағдайында қуықішілік инстилляция үшін SII-ОНКО-БЦЖ препаратын келесі жағдайларда қолдануға болмайды: • Әсер етуші затқа немесе «құрамы» бөлімінде тізбеленген қосымша заттардың кез келгеніне аса жоғары сезімталдық • себебіне қарамастан (мысалы, АИТВ-ның оң статусы, лейкемия, лимфома), сондай-ақ ісікке қарсы терапияны (мысалы, цитостатикалық дәрілік заттар, радиациялық сәулелену) немесе иммуносупрессиялық терапияны (мысалы, кортикостероидтар) қабылдайтын пациенттерде, иммунитет тапшылығы бар пациенттерде немесе туа біткен немесе жүре пайда болған иммунитет тапшылығы бар адамдарда SII-ОНКО-БЦЖ қолдануға болмайды • SII-ОНКО-БЦЖ туберкулёздің белсенді түрімен ауыратын пациенттерге енгізілмеуі тиіс. Белсенді туберкулездің қаупі тиісті анамнез негізінде және қажет болған жағдайда басшылыққа алынатын жергілікті ұсынымдарға сәйкес диагностикалық тестілеу арқылы жоққа шығарылуы керек. • Анамнезінде қуыққа сәулелік емнің болуы. • SII-ОНКО-БЦЖ препаратын қолдану лактация кезеңіндегі әйелдерге қарсы көрсетілімде (4.6 бөлімін қараңыз). • Трансуретралық резекциядан (ТУР) немесе қуық биопсиясынан немесе жарақаттық катетеризациядан кейін кемінде 2-3 апта өтпей SII-ОНКО-БЦЖ енгізуге болмайды. • Ауыр жүйелі инфекциялар қаупінің жоғарылауына әкелуі мүмкін қуықтың тесілуі (4.4 бөлімін қараңыз). • Несеп шығару жолдарының жедел инфекциялары (4.4 бөлімін қараңыз). Симптомсыз, оқшауланған лейкоцитурия және симптомсыз бактериурия BCG-medac препаратымен қуықішілік емге қарсы көрсетілімдер болып табылмайды және антибиотикпен профилактика жүргізудің қажеті жоқ.

SII-ОНКО-БЦЖ қуық ішілік емінің жағымсыз реакциялары әдетте әлсіз білінеді және өтпелі сипатта болады. Олар әртүрлі инстилляцияларда енгізілген БЦЖ КТБ жиынтық мөлшерімен тікелей байланысты сияқты. Ең көп таралған жағымсыз реакциялар: • Несеп шығарудың жиілеуі, несепке императивтік қысылу және дизурия – бұл симптомдар әдетте 2-ші немесе 3-ші инстилляциядан бастап туындайды. • Цистит және қуықтың шырышты қабығының өзіне тән гранулематозды қабыну реакциялары, бұл препараттың ісікке қарсы әсерінің қажетті бөлігі болуы мүмкін. Симптомдары әдетте 2 күн ішінде жойылады және емдеуді қажет етпейді. Демеуші ем кезінде цистит ұзағырақ болуы мүмкін. Ауыр цистит жағдайында симптомдар жойылғанға дейін тәулігіне 300 мг изониазидті анальгетиктерен үйлестіріп тағайындау керек. • Дімкәстік, дене температурасының субфебрильді немесе орташа жоғарылауы және/немесе тұмауға ұқсас синдром. Бұл симптомдар әдетте инстилляциядан кейін 4 сағаттан соң білінеді және 24–48 сағат ішінде қайтады. Сирек болатын жағымсыз реакциялар: • 39°C асатын қызба. Ыстықты түсіретін дәрілерді қабылдап және молынан су ішкенде 24–48 сағат ішінде температура қалпына келеді. • БЦЖ туындаған жүйелік инфекциялар, жарақаттық катетеризация салдары, қуықтың тесілуі немесе қуық ісігінің ауқымды ТУР кейінгі тым ерте БЦЖ инстилляциясы. Бұл жағдайлар пневмонитпен, гепатитпен немесе цитопениямен білінуі мүмкін. • Осындай симптомдары бар пациенттерге қабылданған ем сызбаларына сәйкес туберкулёзге қарсы препараттар тағайындау керек. • Бірнеше апта бойы циклосерин қолданумен немесе онсыз үштік туберкулёзге қарсы ем жүргізу керек. • Гранулематозды простатит. Артрит, артралгия, гематурия, орхит, өтпелі уретралық обструкция, эпидидимит немесе қуықтың тарылуы болуы мүмкін. • Несеп шығарудағы жайсыздық және ауырсыну, сондай-ақ жиі несеп шығару пациенттердің 90%-на дейінінде байқалады. Цистит және қабыну реакциялары (гранулёмалар) микробқа қарсы белсенділік үшін шешуші болуы мүмкін. Кейде байқалатын басқа жергілікті жағымсыз әсерлердің арасында: макрогематурия, несеп шығару жолдарының инфекциясы, несеп бөлу іркілісі, несеп шығару жолдарының обструкциясы, қуық сыйымдылығының азаюы, симптоматикалық гранулематозды простатит, орхит және эпидидимит. Бүйректің зақымдануы сирек кездеседі. Сонымен қатар, жыныс мүшелерінің тарапынан бұзылулар (мысалы, қынаптың ауыруы, диспареуния) белгісіз жиілікте дамуы мүмкін. • БЦЖ-ға өтпелі жүйелік реакция (дене температурасы < 38,5 °C, дімкәстікті, қызбаны, қалтырауды, жалпы дімкәстікті, миалгияны қоса, тұмауға ұқсас симптомдар). Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей хабарласу қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Осы препаратпен артық дозалану жағдайлары тіркелмеген. Осы препараттың артық дозалану әсерін бағалайтын зерттеулер жүргізілген жоқ.

Бұл препарат туберкулезге қарсы вакцина ретінде қолдануға арналмаған. SII-ОНКО-БЦЖ тері астына, бұлшықет ішіне немесе вена ішіне енгізу үшін қолданылмауы тиіс. Бұл препарат иммунизация үшін арналмаған. Препаратты қолдану кезіндегі сақтық шаралары SII-ОНКО-БЦЖ вена ішіне енгізуге арналған цитоуытты препараттар сияқты, бір бөлмеде және сол қызметкерлермен дайындалмауы керек. SII-ОНКО-БЦЖ препараты иммунитет тапшылығы белгіленген адамдарда қолданылмауы тиіс. SII-ОНКО-БЦЖ теріге және шырышты қабаттарға тигізіп алудан аулақ болу керек. Контаминация аса жоғары сезімталдық реакциясының дамуына немесе тиісті аймақтың инфекция жұқтыруына әкелуі мүмкін.SII-ОНКО-БЦЖ төгілуі SII-ОНКО-БЦЖ суспензиясы төгілген орын микобактерияларға қарсы белсенділігі дәлелденген дезинфекциялайтын дәрімен өңделуі тиіс. Препарат теріге тиген жағдайда қолайлы дезинфектантты пайдаланып алып тастау керек. Пациенттерге арналған жалпы гигиена қағидалары Әр кіші дәретке отырғаннан кейін қолды және жыныстық аймақты жуу ұсынылады. Бұл БЦЖ – инстилляциясынан кейін кіші дәретке алғаш отырғаннан кейін ерекше маңызды. Тері жабыны ластанған кезде, әсіресе зақымдану болған жағдайда, тиісті дезинфекциялау заттарын қолдану керек. Туберкулиндік сынамалар Тері сынамалары SII-ОНКО-БЦЖ қуық ішіне енгізу туберкулинге сезімталдықты тудыруы және микобактериялық инфекцияны диагностикалау үшін қолданылатын терінің туберкулиндік сынамаларының кейінгі интерпретациясын қиындатуы мүмкін. Осыған байланысты туберкулинге сезімталдықты анықтау SII-ОНКО-БЦЖ препаратын егізгенге дейін жүргізілуі керек. Bacillus Calmette-Guérin анықталуыДәрігерлер патогендік микроорганиздерге теріс биопсия және зертханалық талдаулардың теріс нәтижелері БЦЖ туындайтын жүйелі инфекцияның болуын жоққа шығармайтынын ескеруі тиіс. Бірқатар жағдайларда пациентте БЦЖ байланысты жүйелі инфекция болуына қарамастан, қоздырғышты анықтау мүмкін болмады. Қолжетімді әдістер (микроскопия, ПТР және/немесе сеппе, сондай-ақ туберкулезбен үйлесімді гистология) сенімсіз болып табылады. БЦЖ-дан туындаған ауыр жүйелі инфекциялар/реакциялар Жарақаттық инстилляция сепсистік шок пен өмірге қауіп төндіруі мүмкін, БЦЖ туындаған сеспсистік жағдайдың дамуына ықпал етуі мүмкін. Емдеу нұсқаларын 4.8 бөлімінен қараңыз. Қуыққа әрбір БЦЖ инстилляциясының алдында несеп шығару жолдарының инфекциясы (қуықтың шырышты қабығының қабынуы БЦЖ гематогенді таралу қаупін арттыруы мүмкін) бар-жоғын анықтау керек. Егер БЦЖ терапиясы кезінде несеп шығару жолдарының инфекциясы диагнозы қойылса, емдеу несеп талдауы қалыпқа келгенше және бактерияға қарсы терапия курсы аяқталғанға дейін тоқтатылуы тиіс. Туберкулезге қарсы емді қажет ететін, БЦЖ туындайтын ауыр жүйелі инфекциялар ықтималдығы ем басталғанға дейін, әсіресе егде жастағы пациенттерде («Егде жастағы пациенттер» бөлімін қараңыз) және бауыр функциясының бұзылуы бар пациенттерде ескерілуі тиіс. 5%-дан аз жағдайда БЦЖ туындатқан ауыр жүйелі инфекциялар/реакциялар туралы бақыланды. Белгілері мен симптомдары туралы ақпарат алу үшін 4.8 бөлімін қараңыз. Жүйелі инфекцияға күдік туындаған жағдайда инфекциялық аурулар маманымен кеңесу керек. БЦЖ туындаған инфекция өлімге әкелуі мүмкін. Қосымша ақпаратты 4.8 бөлімінен қараңыз. Рейтер синдромының жүйелі инфекциялардан айырмашылығы иммунитетке байланысты реакция түрінде білінеді, ол міндетті түрде БЦЖ жайылған инфекциясынан туындамайды, бірақ сол сияқты тек несеп шығару жолдарында орналасқан БЦЖ түрткі болуы мүмкін. Қызба немесе айқын гематурияЕмдеу қатарлас қызба немесе айқын гематурия жойылғанға дейін кейінге қалдырылуы керек. Қуық сыйымдылығының азаюы Қуық көлемінің азаю қаупі қуық сыйымдылығы аз пациенттерде жоғарылауы мүмкін. HLA-B27 Оң HLA-B27 бар пациенттерде реактивті артрит немесе Рейтер синдромының даму қаупі жоғарылауы мүмкін. БЦЖ туындаған жасырын инфекцияның қайталануы (кешеуілдеген диагностикалауды қоса)БЦЖ бактериялары организмде бірнеше жыл бойы сақталған бірен-саран жағдайлар туралы хабарламалар бар. Бұндай жасырын инфекциялар бастапқы инфекциядан бірнеше жыл өткен соң, әсіресе гранулематозды пневмониттің, абсцестің, инфекцияланған аневризмалардың, имплантаттың, трансплантаттың немесе оның айналасындағы тіндердің инфекциялануының нәтижесінде қайта белсеніп өршуі мүмкін. Пациент жасырын БЦЖ инфекциясының кешірек қайталану мүмкіндігі туралы хабардар болуы тиіс және қызба әрі мотивациясыз салмақ жоғалту сияқты симптомдар пайда болған кезде әрекет етуге үйретілуі керек. БЦЖ туындаған жасырын инфекцияның қайталануына күдік болса, инфекциялық аурулар жөніндегі маманмен кеңесу керек. Егде жастағы пациенттер Егде жастағы пациенттерде БЦЖ қолдану қарсы көрсетілімде емес. Алайда, бірінші инстилляция жүргізілгенге дейін жүйелік инфекцияның немесе БЦЖ реакциясының даму қаупін ескеру қажет. Егде жастағы пациенттерде бүйрек немесе бауыр функциясының бұзылуы болуы мүмкін, әсіресе туберкулезге қарсы препараттарды тағайындауды қажет ететін ауыр жүйелік инфекция/БЦЖ реакциясы кезінде бұл терапияны таңдауға ықпал етуі мүмкін. Жалпы жағдайы әлсіреген егде жастағы пациенттерге ерекше сақтық таныту керек. Жүктілік SII-ОНКО-БЦЖ препаратын жүктілік кезінде қолдануға болмайды (4.6 бөлімін қараңыз). Иммуносупрессиялық адамдармен жанасу SII-ОНКО-БЦЖ препаратымен ем алатын пациенттер иммунитеті әлсіреген пациенттермен байланыста болған кезде талапқа сай гигиеналық шараларды сақтауы тиіс. Mycobacterium tuberculosis қарағанда Mycobacterium bovis патогенділігі аздау және бір адамнан екінші адамға берілу жағдайлары тіркелмеген, алайда оның ондай мүмкіндігін әсіресе иммунитеті әлсіреген пациенттерде жоққа шығаруға болмайды. Жыныстық жолмен берілу Қазіргі кезде БЦЖ жыныстық жолмен берілуі тіркелмеген, дегенмен БЦЖ емінен кейін бір апта ішінде жыныстық қатынас кезінде мүшеқап қолдану керек. Қадағалануы Биологиялық дәрілік заттардың қадағалануын жақсарту үшін енгізілетін дәрілік препараттың атауын және серия нөмірін дұрыс жазу керек. Арнайы ескертулер Бұл препарат туберкулезге қарсы вакцина ретінде қолдануға арналмаған. SII-ОНКО-БЦЖ тері астына, бұлшықет ішіне немесе вена ішіне енгізу үшін қолданылмауы тиіс. Бұл препарат иммунизацияға арналмаған. Препарат құрамында тірі аттенуирленген микобактериялар (БЦЖ) бар және асептика талаптарын сақтай отырып қолдану керек. БЦЖ-мен байланыста болған барлық жабдықтар, шығын материалдары мен ыдыстар биологиялық қауіпті қалдықтар ретінде өңделуі және утилизациялануы тиіс. Инстилляциядан кейін 6 сағат ішінде шығарылатын несепті де тиісті түрде дезинфекциялау керек. Пайдалану кезіндегі арнайы сақтық шаралары: • Қалпына келтірілгенге дейін және кейін вакцинаны жарық әсеріне ұшыратпаңыз. Вакцинаны қалпына келтіргеннен кейін бірден қолданыңыз және пайдаланылмаған бөлігін утилизациялаңыз. • Препаратты қалпына келтіру, дайындау және енгізу асептикалық жағдайда жүргізілуі керек. • Жарақаттық катетеризациядан өткен пациенттерді емдеуді шырышты қабықтың зақымдануы жазылғанша кейінге қалдырыңыз. • АИТВ-инфекциясы бойынша қауіп тобына жататын пациенттерге АИТВ-ға талапқа сай талдау жүргізу ұсынылады. • Инстилляциядан кейін бір апта бойы жыныстық қатынастан бас тарту немесе мүшеқапты қолдану ұсынылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері SII-ОНКО-БЦЖ препаратымен емдеу кезінде пайда болатын жергілікті немесе жүйелік симптомдар көлік құралдарын басқару және механизмдермен жұмыс істеу қабілетіне әсер етуі мүмкін.

Жүкті әйелдерде, бала емізетін аналарда және балаларда препаратты қолдану қауіпсіздігі зерттелмеген.

БЦЖ бактериялары туберкулезге қарсы препараттарға (мысалы, этамбутолға, стрептомицинге, парааминосалицил қышқылына (ПАСҚ), изониазидке [INH] және рифампицинге), антибиотиктер мен антисептиктерге сезімтал. Пиразинамид пен циклосеринге төзімділігі сипатталған. БЦЖ қуық ішіне енгізу кезінде осы препараттарға БЦЖ жоғары сезімталдығына байланысты туберкулостатиктерді, сондай-ақ фторхинолондар, доксициклин және гентамицинді бір мезгілде қолданудан аулақ болу керек.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 2°C-ден 8°C-ге дейінгі температурада сақтау керек. Балалардың қолы жетпейтін жерде сақтау керек!